割烹 櫓杏 (iSQUARE國際廣場)

營業中

休息中

同舊同學聚會，同學仔介紹呢間舖，咁啱大家都幾耐冇去過，就去啦識呢間舖都係火山鍋頂瓜瓜嘅⋯不過今次我哋決定點唔同嘅餸試吓啦3個人，1份豬扒、1份刺身拼盤梗係唔少得、1炸豆腐、1牛舌扒、1燒雞翼梗係唔少得，最後都食到好飽前菜先嚟嘅刺身，同學仔讚好。豬肉方面，大家都讚肉質鮮嫩，配芥末、特製醬汁、檸檬汁唔同味！大家都覺得keep得住以前嘅水準，冇白嚟。黑毛豬扒，炸煮得香而不膩，外衣脆感十足，同食材黐得好實，夾起嚟唔鬆散。豬扒同豬柳味道差唔多，豬味好濃。因為豬柳出品比較厚身，口感軟嫩。豆腐上枱嗰陣滿滿嘅明太子蛋黃醬，呈金黃色，皮香脆熱辣辣燒牛舌扒，肉質鮮嫩，炭燒突顯咗牛肉嘅原味，口感細膩。雞翼皮脆肉嫩，表面用簡單嘅鹽燒烤，充滿油脂香，爽口彈牙，口感十足聚會吹水之餘，又可以享受美食，好開心嘅一晚。座位闊落有私隱。服務方面，年長嘅男店員/經理有禮貌，值得一讚。