割烹 櫓杏 (iSQUARE國際廣場)

營業中

休息中

喺尖沙咀iSQUARE國際廣場，朋友搵到呢間睇落好特別嘅日本餐廳，佢哋有壽司刺身、有火鍋同廚師發辦，環境仲非常有特色，就安排晚上嚟呢度體驗豪華嘅日本套餐。我哋睇咗睇菜單，決定先試下呢度嘅套餐。火山鍋原來係用豬五花疊成嘅火山，仲未涮肉，就已經非常香，加啲菜落去煮，湯底更加濃郁鮮甜，好惹味！仲有呢度嘅招牌，黑松露茶碗蒸好滑軟，食住香甜十足，又有黑松露獨有嘅風味，令人難以抗拒。鮮魚壽司三件真係好鮮味，仲帶有淡淡嘅海洋味。魚肉亦都好肥美，唔會有腥味！我就比較鍾意青瓜鰻魚，係配咗土佐酢嘅，酸甜嘅味道仲帶有獨有嘅香氣，口感非常絲滑，簡直令人胃口大開！