影片
開飯介紹
餐廳老闆來自台灣，牛肉麵湯底以10斤牛筒骨熬至少30小時，不會添加任何味精。而麵條則是從本地麵廠製作的。
繼續閱讀
附加資料
堂食限時40分鐘
營業時間
今日營業
11:30 - 21:15
星期一至日
11:30 - 21:15
公眾假期
11:30 - 21:15
公眾假期前夕
11:30 - 21:15
以上資料只供參考, 請與餐廳確認詳情
相關文章
今日同朋友去咗尖沙咀食嘢啦！我地揀咗間台式餐廳！喺出邊睇餐牌有啲似台灣夜市嘅小食同主食，價錢又親民，好彩6點幾到仲有位，開始七點就滿晒啦！ 先講下前菜啦，我地叫咗個皮蛋豆腐，皮蛋香濃，豆腐滑滑嫩嫩，入口即化，兩個食物都好夾，皮蛋心係非常流心，仲有佢加咗啲自己嘅醬汁，鹹鹹地，一啲都唔膩口，好開胃！然後啲主食就更加驚喜啦！牛肉麵啲湯底濃郁，牛肉又唔會太老，麵條超級Q彈，側邊有一個辣椒醬，唔食辣可以唔撈埋佢。 個湯底食得出好少味精，少少中藥味，正！麻辣乾拌麵亦都好唔錯，辣辣地啲醬汁配埋麵條，朋友食得辣，所以嗌咗中辣，佢嘅中辣都真係幾辣。 所以唔食得辣嘅可以嗌少辣。 而佢嘅辣味麻味偏重，鍾意麻辣人士一定啱。滷肉飯滷肉滑嫩，滷汁香濃，仲要啲肥瘦均勻，配埋啲白飯，滷肉味嘅肥膏好香口，配白飯一流。 上面仲有隻滷水蛋。最後就係飲品啦，我地飲咗杯冬瓜檸檬茶，清新解渴，佢呢一間唔係沖定嘅，有得揀少甜少冰。叫咗少甜係真係少甜，好適合想健康啲嘅我好！朋友就叫左台灣啤酒，夏天同埋解辣啱晒。總括嚟講，台式料理好地道，服務態度又好，環境ok 價錢又親民。 尖沙咀地段食到咁親民嘅價錢好難得。
繼續閱讀
今晚收工我和朋友去了尖沙咀行街, 朋友說想吃台灣菜, 於是我們便來了這間餐廳吃晚餐.薑母茶( 熱) : $20今晚真的太冷了, 所以點了薑母茶, 非常好飲, 薑味很重, 很香, 飲完個身暖笠笠, 幾好飲.無糖白桃烏龍茶(凍) (跟餐+$10): 無糖剛剛好, 不會太甜, 飲到淡淡的白桃味, 不錯.牛肉麵 ($77): 牛肉幾香滑, 幾好食.個湯底又幾香濃, 好重牛味, 不錯.紅燒手打牛筋丸湯 ($62):牛筋丸好彈牙, 好重牛味, 幾好食, 又多汁, 同外面一般凍肉鋪的牛丸完全不同.牛肋條麵 ($90):牛肋條又幾香口, 好好食, 好鬆軟, 不錯, 湯底又好香濃, 幾好飲.涼拌麻辣牛腱頭 (半份) $18:麻辣好香口, 又唔會太辣, 幾好食.牛腱頭又好香滑, 幾正.作為開胃前菜真的不錯.冬瓜茶(跟餐加$8):都幾好飲.唔會太甜, 味道剛剛好, 清清地.埋單大約$290, 真的不貴, 是不錯的台灣餐廳, 值得一去.
繼續閱讀
人氣台灣牛肉麵店「六両三」，以絕不落味精的湯底作招來，吸引到不少食客！🫡平日晚上到訪都是滿座，果然厲害🙌🏼✨三寶牛肉麵 加溏心蛋招牌的紅燒牛肉湯麵系列是非點不可！🔥款式豐富，牛肉、牛筋、牛肋條等等的部位都有🐮想試多幾款，不妨吃三寶麵，集齊牛腱、牛筋和牛肋條🤟🏼紅燒湯底入味，可自選麵底🍜三款牛肉的口感軟腍，最愛牛肋條又軟又帶一點骨膠原👏🏼✨麻辣乾拌麵 加滷蛋台式乾拌麵系列也是焦點之一🫶🏼推薦麻辣口味，其椒麻味非常突出，辣味也是有後勁🌶️久久不散，令人一口接一口🤤✨滷蘭花乾✨皮蛋豆腐✨滷甜不辣✨涼拌麻辣牛腱頭滷盤和涼菜都挺古早味，份量也很多🤭以滷蘭花乾和涼拌麻辣牛腱頭最特別😋前者其實類似豆卜，吸了充充的湯汁😃後者是較少吃到的牛腱頭，爽口惹味😙✨荔枝烏龍茶✨冬瓜檸檬茶兩款飲料都有驚喜😄荔枝烏龍茶的荔枝味比平時喝到的突出，很清新👏🏼而冬瓜檸檬茶不但有冬瓜的甜味，同時又有檸檬的酸味，兩者很夾呢🥤
繼續閱讀
行過見到呢間小店都幾骨子，睇睇門口餐牌原來係食台灣嘢。時間尚早，但已經有人等位，咁不如食吓呢間啦。餐廳唔算大，木系裝修，入到去已坐滿人。聽聞老闆是來自台灣，而呢度湯用牛筒骨熬至少30小時，唔加味精。我哋叫左兩碗麵，幾款小食同兩杯飲品，最後咁多嘢食都係2百幾，真係好抵食。牛肉麵：牛骨湯味濃，清澈無油。粗麵條比較廷身，入口彈牙。牛展有咬口，唔肥，整體好食。手打牛筋丸麵：都係牛骨湯，湯濃唔鹹，牛筋丸多肉汁，彈牙。另外加左隻滷蛋，配粗麵都幾好味。滷肉燙青菜：份量都算大碟，滷肉肥瘦均勻，生菜爽口，加左滷肉汁夠香夠味。麻辣鴨血豆腐：鴨血無血腥味，口感軟軟。豆腐吸左麻辣汁，夠晒味道。涼拌麻辣牛腱頭 (半份)：牛展爽脆，麻辣味唔算話好濃，辣辣地幾好食。百頁豆腐 (半份)：味道清淡，醬汁甜甜地，幾特別。滷甜不辣 (半份)：口感煙靭，味道可以。飲品：老公叫左檸檬冬瓜茶(熱)，佢話冬瓜茶加左檸檬酸酸甜甜。我就叫左荔枝烏龍茶(凍)，無冰但夠凍，甜甜地，幾好飲。
繼續閱讀
之前喺天后食過這一家，覺得幾好食今次喺尖沙咀見到，決定今晚晚餐就在這裏解決，但係門口都幾多人排隊，等下等下都要，排咗差唔多10分鐘先入到麵餐配嘢飲，另外可以加幾多個小食所以叫一個面餐再加小食就好抵食我自己就揀咗牛筋牛肋條麵朋友就話唔想食麵就叫咗個 紅燒手打牛筋丸湯另外就加小食… 青菜、甜不辣、百葉豆腐、小黃瓜飲品同 小食先上飲品係原杯冷凍，所以冇加冰，感覺幾好,唔會淡杯嘢飲， 我哋都揀咗一樣嘅無糖白桃烏龍魯肉燙青菜，簡簡單單， 覺得點都要食一啲菜滷甜不辣煙煙靭靭，超級鍾意食我自己唔食豆腐，朋友話可以自己食曬成份百葉豆腐，就加咗個百葉豆腐畀佢牛筋牛肋肉麵條我自己好鍾意呢一種肉質，唔係牛展嗰一種牛筋大大條， 夠淋夠入味上一次溏心蛋賣曬，今次終於食到真係溏心好好食， 覺得呢個溏心蛋係唔會完全凍得好誇張嗰種, 食落蛋味濃鬱今次係第一次食呢個紅燒手打牛筋丸朋友話好好就畀咗粒我食落話真係有驚喜係超多肉汁， 但係又唔係平時話 有另一種餡料心嗰種，係成粒丸都有豐富嘅肉汁， 呢個下次我覺得可以再食今日成餐飯都好豐富， 食完有少少覺得去咗台灣嘅感覺等位嘅時候見到門口有這一個甜品 一心都好想食但係落單嘅時候見到賣曬下次再嚟食過
繼續閱讀
您可能會有興趣的...