六両三

營業中

休息中

喺尖沙咀行完街又諗緊想食咩既時候見到依間餐廳裝修風格好有日本味道一睇餐牌原來食台灣野之後門口拎飛排隊排左45分鐘左右就入坐喇（星期六 七點半左右）麻辣牛肉麵牛肉口感一流爽口同入味跟台灣風格相似麵質煙韌口感不錯而湯未算太油膩麻辣味亦適中有濃郁既牛肉湯味滷肉飯滷肉汁濃郁，而亦見分明既肥豬肉滿滿既滷肉配合白飯味道一流小黃瓜醒胃既小食味道不錯但口感未夠爽同偏酸左啲啲整體不錯價錢性價比亦高回憶台灣味道不錯既推薦

要喺香港食到地道同古早味嘅台式菜地方唔多台式料理比人一種獨特嘅古色古香味香料同醬汁絕對影響台灣菜嘅特色 呢間店又🧐📔黃店 六両三@尖沙咀 5/8罷市 捐款比星火 派文宣———————————————————1.紅燒牛肉麵🐮🍜牛肉夠厚 唔老 但唔夠入味 湯鹹同油左少少 麵略腍🤔2.滷肉飯🐷🍛半肥半瘦嘅滷肉 夠味 滷汁多少少仲好 不算太特別😬3.滷水溏心蛋🥚滑溜溜 溏心位做到 唔錯😀4.甜不辣🐟🥠魚肉有鮮甜味 醬汁嘅配搭亦為甜不辣加分😋5.百頁豆腐🥛同一個醬汁配滑溜嘅豆腐亦都十分唔錯 豆味十足👍🏾6.涼拌小黃瓜🥒小黃瓜夠爽口 但調味上相對普通 就係醋加少少醬油🧐.📒✍🏾整體分數: 6.5/10 🤓⛅️

香港人常去的台灣，除左台妹，我最鍾意食牛肉麵。六両三開咗咁耐，都係第一次黎。七點唔需要排隊，真係好好彩！我地選擇坐吧台，好有去左日本食拉麵嗰種屋台feel!餐牌過咗膠，用marker點菜，背面仲有介紹川味牛骨湯。點餐要咗川味紅燒牛筋牛肋條🐂🐮麵🍜，滷水溏心蛋🥚，涼拌小黃瓜🥒廚師哥哥用磅磅麵條重量，確保碗碗足料。望住其製作都係用餐嘅享受之一。牛肋肉有兩條，滷得油脂已融化，所以肉質鬆化，更香。而且啖啖肉呢！滷牛筋經熬製後膠質完全出來了，滷水汁已深深的滲透整條牛筋，好吃！幼麵順滑嫩口，能沾上牛湯，更有台式味道。用上的川味牛肉湯小黃瓜涼拌汁同外間唔同，除咗蒜茸、白醋、紅椒，仲用咗檸檬汁反而冇用麻油，但係非常清新，同小黃瓜非常配合，十分開胃。滷水糖心蛋見到食評都話麻麻哋，但因為太愛糖心蛋所以都決心一試。估唔到係美麗至極的溏心！唯滷水味不足。最後都係心癢癢，決定要一碟牛腱紅燒牛腱帶筋，脂肪少，但仍然做到肉質鬆化，而筋則柔軟，比牛肋條有過之而無不及！滷水汁較濃烈，如可配飯更好。

見到呢間台灣小店都幾多人排隊，上網睇過話不含味精，天然食材，而且湯底用牛骨餚製，所以今日同朋友去試下。我倆7點到都多人等位，門外有長木櫈俾食客等候，大概等左15mins。小店以簡約為主，木檯木櫈，有台灣裝修味道。點單是用漆筆喺已過膠嘅餐單上填寫，非常環保。川味紅燒牛肉麵 $75 用牛骨湯餚製，牛肉好腍，粗麵夠咬口，湯底有少許藥材味。川味紅燒牛筋麵 $80 同牛肉麵一樣，不過牛筋相當彈牙，入口即溶。下次可試川味紅燒三寶牛肉麵，咁樣就可以樣樣試齊。涼拌小黃瓜 $22 涼拌青瓜，夠開胃。燙青菜加滷肉汁 $26 配上少許滷肉粒，青菜非常入味。皮蛋豆腐 $38 冷豆腐冰凍，配上皮蛋，一口一啖，絕配。古法烏梅汁 $22 台灣地道飲品，酸酸地，不太甜，解渴。

呢間台灣餐廳紅遍尖沙咀，名聲衝出油尖旺，究竟係唔係咁堅呀？咁搞法都預咗排長龍，唯有long weekend前嘅happy Friday去撞吓彩啦，點知可能剛剛7點鐘，啲人未放工，完全唔使排隊，就有位入座喇咁遠水路嚟，嗌返杯烏梅汁下啖氣先，試吓佢有幾「古法」手拍青瓜，最啱消暑食，立夏都過咗，食得嚟都啱㗎喇蔬菜是責任，滷肉汁令到呢份責任冇咁沈重，甘心樂意負多啲責任麵雖然唔係多但牛腩好腍，牛筋好煙韌，仲幾大舊𠻹唔想食咁重口味，都可以嗌吓炸醬麵，病友之選食吓食吓，門外不知不覺排咗勁長人龍，我地都係快脆食完，識趣讓座喇

今天晚上選了這間好地道又抵食的台灣菜，好受歡迎的台式料理。地方都幾方便。雖然唔算大地方，但乾淨整齊，以淺色的木材選材，好簡潔的設計。牆上更有彩色蝴蝶的掛飾，簡單而美麗，更貼心為客人放袋子而製作了不同位置的掛勾！滿滿的客人，坐滿了餐廳，這邊的燈光好舒服有家庭感。開放廚房掛著一個個寫著台式菜餚的燈籠，好特別的設計。台灣音樂播放著，好聽感覺好！1. 百頁豆腐一份4件、醬汁甜甜的、豆腐入味彈牙又不失香滑！2. 涼拌小黃瓜喜歡小黃瓜的爽脆，又涼快的又香口的，酸酸咸咸的味道3. 滷肉飯大碗又抵食、魯肉香軟、肥瘦剛好又唔油膩、吸了醬汁的飯香軟、上面有片黃蘿蔔好爽好口感4. 川味紅燒三寶麵三寶包括了金錢腱、牛筋及牛肋條，金錢腱好軟腍好軟筋、牛筋好軟好入味、牛肋條香口好滑，不同口感不同軟腍感配合得好好、麵條好多份量又多，配上油墨菜，入味湯汁無味精唔咸又好飲更有微微辣味的口感5. 凍檸檬冬瓜茶4片檸檬的酸配上冬瓜茶甜甜的，好涼涼的

好友外遊回港，說給我買了一些手信是日特意到外邊吃飯見面交收手信，沿著海防道直行又轉入內街，轉到入宜昌街，路經【六両三】，朋友突然被餐廳門口的人龍吸引著，說很想一試。真識貨，【六両三】近期都在Openrice餐廳排行榜一直穩守第一位，心裡亦都想試試看，既然大家也有興趣，就一於不作他想。等了大概15-20分鐘，就可以入座了裝潢格局設計就像民族風再加日本居酒屋風，配合柔和昏暗的黃色燈光，成個環境既化身為好舒服既小館。餐廳內的座位感覺某幾個位會比較擠迫，但被安排了餐廳接近走廊的座位，那裡枱與枱之間旁邊又是牆壁，感覺上光猛又寬敞點更有私人空間。牆上及吧台標了幾款野食名稱就更有特色及台式風味。開放式既廚房好像會煮出具台灣風式食物似的。野食選擇貴精不貴多兩張紙，一眼望晒，清楚又易揀，主要係食面類，包括有「湯同乾面 另外仲有湯、小食、滷肉飯、台式飲品等等...」點餐後便發現枱上有橡筋，我可以用橡筋紥去了，貼心呢。✨先來一個皮蛋豆腐 $38以為會橫剖成片片排放碟上，誰不知是一磚直接上台將備好的香料切成末再調製成醬料, 淋在柔嫩的皮蛋豆腐上, 碎皮蛋加上濃稠的醬汁，以及滿滿的木魚絲，配搭冰冰涼涼的豆腐挺好

今日約咗朋友在尖沙咀做facial，做完之後plan咗去吃韓燒，正當我地行去搵食嘅時候，突然朋友嘅boy friend 打電話畀佢，於是一個電話就把朋友撬走，只好嘆一句「重色輕友」。無法啦，得番一個人，唯有自己在附近逛逛搵食啦。唔想去商場d食肆，又唔想去food court，於是就係尖沙咀嘅橫街小巷左穿右插，忽然見到一間裝修古樸的台式麵店，門前仲有好多人排隊添，心諗應該差極有譜啦，反正有時間就去排埋一份。真係幸運指數爆燈呀，前面排隊嘅都係三五成群，只有我係一枝公，啱啱店內仲有一張兩人枱的吉位，於是等咗幾分鐘就可以入座，有食神啊！店內面積雖然不是很大，但裝修雅緻，座位安排唔迫夾之餘，而且仲好整潔，店主還在牆上安裝不少掛鈎，方便客人將物品掛起，咁就坐得更加舒服啦，真係好細心啊！採用開放式的廚房，前面有吧枱位可看到廚師煮食嘅過程，下次再嚟一定要坐。看到點餐紙上「台式小吃」有成10款咁多，其實樣樣都想試，不過今日只得一個人，就先點4款嚟試吓先。涼拌小黃瓜黃瓜咬落爽脆，醋味濃，酸酸地，非常開胃，而且有很多蒜粒，充滿蒜味，正！滷水溏心蛋半凝固的蛋黃加上嫩滑的蛋白，還帶有淡淡的滷水鹹香，空口食或拌麵

今日同朋友係Footlocker 睇完波鞋，一出黎就係亞士厘道，呢條都算係出名嘅食街，近年吹韓風，比較多韓國餐廳係裹面進駐，不過我又唔太好heavy 野，所以都少入去。今日再入去，係因為朋友講起裏面有間牛肉麵幾出名，老闆台灣人，成日排長龍，經過幾次都無等到，想再入去碰下運氣咁話。一黎到望到呢間別樹一格，懷舊感十足嘅餐廳，全個門面用上木材同瓦片堆砌而成，好有古代客棧嘅感覺，非常引人注目。因為我地黎得早，所以唔洗排隊就入得去啦。餐廳裝修表裏風格一致，以木為主軸，木材營造橫樑就最有特色，而且bar枱位掛滿燈籠，幾懷舊feel。 食物都幾多選擇，牛肉麵就當然必食啦！除左牛肉麵，都有好多台式小食選擇，今日就叫左3個小食同2個麵食下。切豆干 ($18)比較常見的台式小食，黄豆香滿滿，軟硬度恰當，簡單但不馬虎的制作。涼拌小黃瓜 ($22)小黃瓜帶微酸及淡淡蒜香，因為沒有味精關係，食起黎比較清，幾開胃嘅。皮蛋豆腐 ($38)豆腐上加上香蔥、皮蛋及木魚，豆腐沒調味，食落好滑，只有清甜的豆香味。加上木魚及特調醬汁，令豆腐味道變得更有層次，又幾夾喎。川味紅燒牛肉麵 ($68)一黎當然飲啖湯先，湯底標榜不含味

之前睇到雜誌同一啲網媒都有講過呢間台灣菜，一直都好想試吓，放工已經好夜，經過見到唔使等位就入去試吓佢啦！門面真係好有台灣嘅感覺，可能我自己本身對木有情有獨鍾呢，所以真係加咗唔少分！入到去，店員指示我哋坐係吧枱嘅位置。我最鍾意就係坐喺吧枱，可以睇到師傅煮嘢食係點樣嘅，亦都以最短嘅時間可以將食物送到去我枱上。餐牌入邊嘅項目選擇唔係太多，其實係好事，越小選擇菜式應該越精。而且好多人都有選擇困難症，少啲嘅項目可以令到客人以後想食嗰樣嘢就會諗起度。枱上面有紙巾牙籤都好正常，但係呢度有埋橡筋我就真係覺得好貼心。女仔長頭髮食湯麵好多時候都要撳住啲頭髮，但佢提供橡筋比客人，呢一啲細心真係值得一讚！因為我係好鍾意食台灣嘅小菜，每次去台灣無論食小籠包、食牛肉麵，甚至乎食熱炒都好，我都一定會叫一啲小菜嚟食。今次都唔例外，叫咗一個涼拌小黃瓜。其實去咁多次台灣食咗咁多次涼拌小黃瓜，心入邊其實有一個既定嘅味道，知道大概會係有啲麻油香，鹹鹹地咁樣。誰不知嚟到，同我諗嘅味好唔同，佢係偏酸而且我覺得有少少太爽口嘅感覺，可能平時我係台灣食親嘅小黃瓜，都係有拍過嘅。所以食落去嘅時候有少少爽，有少少淋咁樣。之後就到我好喜歡嘅