六両三

營業中

休息中

長期都見到六兩三門口大排長龍，今次就趁lunch time早少少去試先😂😂牛筋牛肋條麵 ($90)一碗有兩條牛筋，兩條牛肋條，而麵條就用左粗麵，牛筋牛肋條都炆得夠腍😌，但味道就唔算好出色，正正常常咁啦，價錢偏貴🥺麻辣乾拌麵 ($48)哩個拌麵不得了😱將醬汁拌好後，睇落去雖然唔似好辣，但一食落去就好嗆好辣🌶個人略嫌個辣醬唔夠香，食得辣既朋友先好點哩個啊😆麻辣鴨血 ($46)一碟有三大舊鴨血加兩舊台灣豆腐，鴨血質地都算滑，但就唔算好麻辣🤣而台灣豆腐就似係百頁豆腐咁，豆味較重，同樣麻辣味就唔太重，個人就唔太鐘意呢🤔

餐廳不大，下午時段要排隊入座，餐廳內裝修很有台灣風味，木枱木櫈。大熱天時點了一個涼拌菜百頁豆腐，豆腐豆味濃，皮蛋流心，麻醬味香濃，木魚絲及蔥花香口。牛筋牛肋條麵，牛肉湯清甜，肉味香濃，牛肉軟腍，牛筋腍滑有口感，麵條煙韌。滷肉拌麵，滷肉半肥瘦，麵條煙韌，芽菜清爽有助去油膩感。

朋友介紹下，嚟試咗呢間黃店💛未到6:30pm已經去到，見到入邊已經滿座八成，但都唔使等咗好耐就有位入到去。鋪面係非常之細，大約20個位內，要有心理準備搭枱就係基本。牛筋超級淋，牛𦟌係一入口即溶👍🏻最令我驚喜嘅係個麵，我覺得喺香港食台灣牛肉麵，提供到有質感嘅麵底食肆少之又少。呢間可以講係我喺香港食過數一數二好食嘅台灣牛肉麵鋪。個麵係粗麵，有濕度。入口煙韌，好新鮮。睇返介紹，原來係由本地麵廠入貨！掂呀！順便一提，麵底係可以on request 地免費加底💛😉一定有下次！

襯五一黃金週去平時少去嘅地方幫襯黃店。六両三位於尖沙咀比較少人流嘅街上，可能因為疫情影響，座位變少，都有6個客喺出面等緊位我去到先去攞飛，然後都好快就可以入去入到去覺得鋪位唔算大但幾舒服，冷氣幾足餐廳用過膠紙同marker落單，咁樣都幾環保我坐喺吧枱，雖然無同廚師對話，但睇佢地相處會覺得佢地好隨和，互相幫忙講返食物，我叫咗牛筋牛肋條麵，牛筋牛肋條都好淋好食，個湯底少少辣但唔會食唔到，仲幾開胃。麵就淋咗啲，我喜歡硬牙甚至有啲硬身因為五一黃金週，餐廳搞promote送中size冬瓜茶岩哂咁熱嘅天氣，冬瓜茶唔會太甜，恰到好處。雖然只係中size, 但已經係正常凍飲杯size。另外，餐廳有盒裝本地製口罩賣，但$210一盒有啲貴