GYU TOWN 牛舌專門店

營業中

休息中

朋友話請我食好野,  去 GYU TOWN,  我估吾到食什麼 ??    因為 GYU 字典查吾到解釋.依地 點指示去到, 原來糸 牛舌專門店, 我仲意啊 !  等了 15分鐘, 有位了.大家－齊睇餐牌, 項目好多, 眼花瞭亂.我倆即叫了兩個套餐,  美國牛小排配牛舌尖 (禦. 重盒)  $173,    加$18,   有沙律, 湯, 飲品.及   燒牛舌芯套餐  ( 鐵板糸列)    $128 . 加$28,有沙律, 湯, 飯 及飲品.飲品叫了兩罐汽水, 立即這送到.套餐  10 分鐘 也 送到,  美國牛小排配牛舌尖 (禦. 重盒) ,  陣容犀利.及  燒牛舌芯套餐,  好豐 富.一起飲啖 牛舌湯熱騰騰,  有非常濃郁的牛味. 沙律系 西蘭花, 椰菜花, 同紅蘿蔔粒, 好爽口, 加了日式芝麻醬, 醒胃.厚切牛舌尖.  香噴噴.牛舌尖煮得好稔, 又嫩又滑,  保留肉汁.  美國牛小排,   肉汁豐富有牛味,  肉質有彈性.   燒汁好靚, 雞蛋絲和紅酸薑絲.  撈埋一起食, 口感真不錯.牛舌芯兩大塊,  放於鐵盤上熱辣辣.  夠嫩夠厚,  用洋蔥墊底,   肉質粉嫩, 口感爽彈

香港專吃牛舌的店不多, 今天路過深水埗, 看到這家專門店, 對於喜歡吃牛的來我說,可以去試試味道。我點了一份牛小排配牛舌尖套餐。套餐包括了日本溫泉蛋,牛舌湯及另加$10蚊就可以升級為滿溢牛筋丼套餐。果然, 名符其實, 牛筋真的滿溢出來, 怖滿整碗飯上面。而牛舌筋吃的時後會很香的牛肉味道, 米飯的口感軟綿綿的。再喝一口牛舌湯,簡直是鮮甜無比,充滿了牛舌的精華,富有牛味。而日本溫泉蛋,晶瑩剔透,十分柔滑, 吃進口的蛋香十分濃郁。牛小排, 有2條厚切,猛火煎鎖住肉汁,入口鮮嫩多汁, 用鐵板裝能保溫; 而牛舌尖, 一片片地薄燒, 富有牛肉味及香蔥味道, 每一片都十分Juicy, 吃完齒頰留香。一份套餐卻能吃到不同的味道, 下次再來試牛舌芯。

初次幫襯, 感覺係可以的.唯一較難適應的可能是枱與枱之間空間太少, 不過都可以理解的, 寸金尺土的香港地,主題做牛舌, 其他食材只有豬梅頭同雞扒, 湯只有一種- 牛舌做湯, 所以跟一般定食嘅和式味噌湯完全唔同, 湯裡頭充滿牛的香味但同時油膩感十足, 如果能夠先隔油才倒入碗內定當滿分, 有一款比較特別嘅小食跟餐的叫"味噌青辣椒"呢樣野就真係好個人口味嘞, 自己覺得唔係自己杯茶, 而呢度店內嘅醃漬食物似乎係自家製作的。因為在廚房的架上面放滿餐盤上嘅醃漬小食, 用統一嘅玻璃容器浸漬在內。 當然這樣自家製作嘅味道同買回來嘅現成貨有一段距離。沒有好與壞只是味道上差異而已。主菜牛舌芯有爽口感但牛嘅騷味稍薄弱, 反而食二重牛舌餐內食另外那一部份切片煎香的更覺牛味突出。佩服店主咁有勇氣逆市中開店而且主題明確。希望佢能堅持。

朋友通知深水埗近黃金商場, 剛有間新開 牛舌專門店, 約我去試下, 因沒有預先訂枱服務, 預計要排隊.  幸好朋友可以先去排位.門外有彩色餐牌,   選項很多,  定價相當親民.  餐廳內有頗吸引人名句:  人間最值得,   無肉不歡.另一邊牆, 有牛大哥推介.朋友和我, 共點了兩個套餐, 先來罐裝 "可樂" "雪碧". 第一個餐, 鐵板糸列燒牛舌芯 $128 .  轉套餐加$28, 有沙律, 湯, 飯 及汽水.一木盆子送到,  熱辣辣.   燒牛舌芯用鐵板上, 配有白飯, 牛湯, 沙律, 紅酸薑, 燒汁及麵豉辣椒醬,   好豐富.第二個餐,  御. 重盒美國牛小排配牛舌尖 $173   要套餐加$18, 跟沙律, 湯, 汽水.用御. 重盒載上，保持熱度, 盒內美國牛小排,  牛舌尖.   鋪滿雞蛋絲, 紅酸薑絲及 香蔥. 底層有飯及紫菜絲.木盆內也有 牛湯, 沙律, 紅酸薑, 燒汁及 麵豉辣椒醬.  先分嚐食 燒牛舌芯餐, 牛舌芯有兩大塊,  好厚切.  用洋蔥墊底,  燒牛舌芯, 中心呈粉嫩, 口感爽彈, 好高質, 份量足, 又滑又嫩, 保留肉汁.  送 白 一 流.大家食點沙律.

✨ 牛舌芯（$128）本身鐵板上枱嘅時候應該要有嗞嗞聲，比客人去自己烤一烤舊牛舌，但上菜嘅時候上錯咗去隔離枱 😶，令送返過嚟嘅時候已經全無鐵板嘅感覺，變熟咗嘅兩舊牛舌 🫢（失望）。呢一款嘅牛舌芯係原條上，比客人自己切開，口感比較爽口，牛味唔特別突出。✨ 套餐 — 沙律、汽水、飯、湯（$28）（升級飯➡️牛舌尖丼及加日本温泉蛋+$10）➡️（$38）沙律係一碗熟嘅西蘭花同花椰菜加咗少少芝麻醬，比較少見沙律會比熟嘅菜 😂；湯係牛舌洋蔥湯，牛舌有兩粒，湯底牛味好濃 😝；牛舌尖其實就係牛肉嚟（但點解又加埋「牛舌」兩個字 😂），肉質淋軟；溫泉蛋拌埋飯都加埋牛舌一齊食更香 😝。·作為牛舌超級愛好者，知道最近新開咗間牛舌專門店（連門口招牌都寫住）就即刻衝去試 😂，但整體嚟講同預期真係有啲出入🙃。店舖唔大，有十幾個位，但可能新開張冇耐嘅關係，安排上比較混亂，樓面得一位職員，只見職員真係做到冇停手亦難免忙中有錯。聽聞Gyu Town係同北角嘅野郎同屬同一飲食集團，而日後好似會有新分店係沙田開，亦希望Gyu Town之後嘅安排會有改善。·🧾 免加一服務費💰 $166

近日熱話，深水埗有間牛舌專門店，趁周六假期早啲來一試。12:20到達已經開咗門，裏面只有四張枱，都已經有人坐咗，好彩右邊係六人枱，所以可以搭枱坐。燒牛舌芯 $128 ，要套餐加$28有紅椰菜沙律，牛舌洋蔥湯，飯及汽水用鐵板上，保持熱度，牛舌好厚，直接燒熟，有洋蔥墊底，配燒汁，味道👍🏻紅椰菜爽口，沙律有西蘭花，椰菜，紅蘿蔔粒配日式芝麻醬，但醃前菜有點辣唔係咁啱胃口😅。安格斯牛板腱配牛舌尖 $98牛板腱有啲韌，肉質唔滑。牛舌尖先用煲熟再煎，所以如果唔點燒汁就沒有味道。洋蔥絲湯裏面都有一件牛舌肉今日試咗兩款牛舌，做法及水準都截然不同，如果下次有機會一定會試吓其他食物，才可以知道店舖嘅真實水準。食物未到之前，坐在身旁的一對長輩夫婦預備埋單，眼神打招呼後，大家開始談論牛舌呢款食物⋯⋯啊！原來大家都係日本仙台牛舌專門店嘅粉絲⋯⋯婆婆話香港好難搵到可以與仙台專門店質素相若嘅食牛舌店舖⋯⋯之後坐在伯伯後面的一名男士亦加入討論，果然香港真係有好多食神㗎 🤣🤣🤣🤣🤣

係深水埗行完街揾嘢食，見到一間新開係桂林街嘅Guy-town, 係一間牛舌專門店，一於入去試下。餐廳面積不大, 裝飾以日式為主又乾淨，我order咗：二重牛舌$98+$28轉套餐跟湯、沙律、汽水、白飯+10白飯升級至滿瀉、日本溫泉蛋、牛舌筋丼湯有清香牛肉味加人蔥花，好飲不油。小菜: 西蘭花加咗芝麻醬, 仲有餐廳自家醃製紫椰菜絲, 很爽口又不會太酸。二重牛舌用熱辣辣鐵板上，二重即有牛舌尖同牛舌芯，兩種有不同質感，牛舌尖肉質軟嫩有牛香味；牛舌芯就咬落口感爽脆帶有豐富油香，每啖都照滿足！牛舌筋丼嘅牛舌筋係稔得嚟有小小咬口，味道富有牛香味，再加隻溫泉流心蛋配以粒粒分明Q彈白飯，滿足!

深水埗不嬲都多野食,趁今晚去買電腦,同友人順便食埋飯先返屋企。記得同事話呢間新開嘅牛舌專門店好多人排隊,所以我哋又試試店內環境吾大,但感覺人情味較濃,店員好nice,服務也好呢度主打係食牛,再以優惠價就可升級套餐,套餐包括湯、沙律、丼飯或白飯和飲品,份量十足1️⃣二重牛舌套餐+迷你丼$136二重牛舌原來係薄切牛舌和厚切牛舌芯。薄切牛舌爽口彈牙,而厚切牛舌芯有成吋厚,外脆內軟2️⃣香蔥薄燒牛舌芯+白飯香蒽牛舌芯,用上了牛舌最中心位置,裁去了外圍粗糙較韌的部份,加上香蒽嘅香味夾住牛舌一齊食,入口份外軟嫩爽口,好食到令人回味牛舌筋牛舌筋係牛脷另一端嘅位置,厚身得嚟軟腍爽潤,食落有啲似炆牛腩嘅感覺,撈飯食一流沙律牛食多了,有爽脆西蘭花、椰菜花、紅蘿蔔等清清腸胃也唔錯牛舌洋蔥湯湯底下放咗大量洋蔥,半溶化的洋蔥釋放出洋蔥的天然清甜味,湯中嘅牛舌大大塊,每塊都煮得軟嫩入味

本身都關注左好多唔同既食物群組，上星期在一個牛舌群組中，見好多網友都推介呢間牛舌專門店😍新開店無耐，就吸引左好多人去食，而好姊妹話要換電腦，應承左佢放工陪佢去黃金商場行一轉，咁順便去呢間食埋飯😋鋪頭唔算大間，一眼👀望晒，大約8-10張2人枱，不過侍應非常有耐性及有禮👍🏻望下餐牌，又望下隔離枱食啲乜，又聽下侍應推介下，我地就點了兩個餐share食👇🏻我既至愛係牛舌😋當然揀左個豐富二重牛舌餐🤤因為一次過可以食到牛舌芯及牛舌尖的質感😍牛舌芯係軟腍最軟滑的位置，原條以鐵板燒上枱，切開粉嫩彈牙，肉味亦都好濃厚😋牛舌尖就切成薄薄一片，在鐵板輕輕再燙一燙，口感較有嚼勁，點少少燒肉汁，肉味更加提升😍套餐仲有牛舌洋蔥湯，第一次咁樣飲牛舌湯，真係一飲難忘😍牛舌湯獨特香味濃郁，而且牛舌肉質好細嫩，每啖湯都好暖胃👍🏻除左牛舌湯，套餐額外升級滿溢日本溫泉蛋牛舌尖丼😋無花無假，成碗飯真係好多牛舌，滿瀉晒咁🤭丼飯份量望落唔算大碗，但係足夠一個人食👍🏻每一粒牛舌都好厚身，口感爽彈不韌，而且帶有肉汁😋牛舌份量特別多，每啖飯都食到厚厚嘅牛舌，極力推介👍🏻好姊妹就揀左香蔥薄燒牛舌芯👇🏻原來薄燒牛舌芯又另一番味道😋每片入口即

聽朋友講過深水埗有間牛舌專門店，今日慕名而來一試至愛牛舌！小店坐位不多，好彩時間尚早不用等位。 牆上寫滿食物名稱及價錢，一目了然。並有介紹牛舌不同部位的圖畫，生動趣緻！有多款牛舌及升級選擇，肉類以鐵板燒形式上檯，或者另加$28轉套餐，非常抵食！牛舌芯套餐～牛舌芯同牛舌有什麼分別？去除牛舌尖，舌根，舌苔及兩側後，只剩下20-30%嘅牛舌芯，係牛舌中最軟腍最軟滑嘅位置！二重牛舌套餐～牛舌芯 + 牛舌尖，兩者比較，個人更愛牛舌尖，肉質軟腍又不失煙韌！牛舌肉質通透，光澤誘人牛舌本身就很夠味，好夠肉汁，蘸上自家製辣椒麵豉醬後更加惹味 。另加$10 升級滿溢日本溫泉蛋牛舌筋丼，超抵！口感跟牛腩有些相似，肉腍入味！牛舌洋葱湯牛味濃郁，湯頭濃厚！今晚一次道品嚐牛舌三個部位，各自有獨特且美妙的味道以及口感，令人回味！

陪朋友到深水埗黃金買電腦, 係附近兜下順便食埋dinner先返去。無意中發現咗呢間新開小店, 主打鐵板牛舌, 見價錢唔貴就入去試試。新店關係, 店內都很整潔企理。Menu上所有菜式都跟牛舌有關, 而牆上更標貼了「日本牛舌」四個大字, 令人更期待質素如何。個人偏向喜歡爽口質感, 店員介紹咗我食呢款【牛舌芯】HK$128再+$28轉套餐, 包括有湯、沙律、汽水、白飯再豐富d, +$10白飯升級滿溢日本溫泉蛋 牛舌筋額外一場黎到, 價錢又唔貴, 一於升級!整個套餐上檯, 牛舌芯打孖上, 放於鐵盤上熱辣辣出煙兼香噴噴。牛舌芯有大量洋蔥墊底, 牛舌芯表面而半切為一間間, 順紋用刀切開容易, 牛舌芯厚切, 中心呈粉嫩, 口感爽彈唔硬, 又keep到原本肉汁; 另外自選配搭了牛排醬, 味道偏濃, 但個人認為就咁食唔點汁, 夾埋墊底索汁嘅洋蔥一齊食, 而且好惹味! 有如日本當地食到嘅質素! 再配有餐廳自家醃製嘅沙律菜, 可平均一下濃郁口味。至於湯亦非普通清湯, 入面有牛肉ga! 湯底清甜。沙律就有紅蘿蔔粒、西蘭花, 再加咗芝麻醬。至於升級咗嘅 滿溢日本溫泉蛋 牛舌筋額外飯頂部堆滿了牛舌筋, 賣相令我心

今日無無聊聊在深水埗逛街，又到食飯時，看到一間牛舌專門店餐廳，馬上入去試試吧！Gyu Town餐廳地方不大，但裝修整潔衛生，座位尚算舒適！二重牛舌、雪碧套餐$136牛舌湯洋蔥牛舌湯，濃郁洋蔥味，熱辣辣，一口送一口，馬上胃口大增。二重牛舌牛舌尖、牛舌芯牛舌尖比較有咬口，最適合用刀叉逐小品嚐，牛舌芯較為爽口，兩者以鐵板洋蔥燒烤烹調是最適合不過，可提升 ”牛” 獨有的鮮味！餐廳更準備了日式牛扒汁及餐廳自製麵豉辣椒醬，點上醬汁後更令食材增添豐富口感。套餐38迷你丼足料牛舌筋迷你丼，其實一啲都唔迷你😃😋，口感好像牛腩咁，少許煙韌，淋肉入味，配合燒烤醬送食👍🏻👍🏻。想不到牛脷原來有咁多部位和食法

今日去完深水埗買嘢行過桂林街見到一間新開食牛舌嘅專門店Guy-town，鍾意食牛舌嘅我第一時間入去試吓，餐廳座位雖小但乾淨。我叫左個二重牛舌$98+$28可以轉套餐有湯、沙律、飯同汽水再+$10可以白飯升級至滿瀉、日本溫泉蛋、牛舌筋丼二重牛舌原來係薄切牛舌尖同厚切牛舌心一同鐵板上，牛舌尖肉嫩，牛舌芯好爽口重有油香味，切開裏面重有小小粉紅色剛好吾會熟過頭😋😋牛舌筋好稔咬落好香牛味，白飯粒粒分明吾會太軟！湯有牛肉味吾會油，飲落清甜，吾錯！

係日本食過利久 對‘白舌’既美味 念念不忘 😂呢間 $128 有原條牛舌芯感覺抵食 即刻去試試點知牛舌芯既美味 超乎想像佢既爽脆 彈牙 富牛油香 正到筆墨難以形容 👍上枱牛舌原條上 7成熟 外層焦香 中間粉紅色 煎多陣 8-9成熟最正上枱10分鐘內食完最好係牛舌最佳狀態汁醬完全唔駛蘸 都已經夠美味蘸左個人認為 味道差左加$38 有汽水 沙律 溫泉蛋 牛舌尖飯質素唔錯問起原來 Gyu town 同北角野郎係同一集團真係一試成主顧依家諗起 又想去食 😋