GYU TOWN 牛舌專門店

營業中

休息中

親民價錢食牛好抵食，我們落了兩份牛舌餐，味道醬汁都可以，唯一服務不如理想，本身跟餐醬汁不太多，而且也禮貌地問可否給一點芥辣？她說一個餐只能跟一碟醬料，最後她用我飲緊洋蔥湯的碗取去蓋子給我一少許芥辣，真係多謝晒。至於店內比較窄小，空間較細，一次已足夠，不會再去下一次。

深水埗的一間牛舌專門店佢有牛舌尖同牛舌芯叫左一個牛舌尖配牛小排 另一個係牛舌芯對比之下牛舌芯比較好食牛舌尖有d 柴，牛小排根同肥膏比較多 都麻麻地+$28 轉做set個洋蔥湯好咸🥲飲完要飲多兩罐可樂整體都一般如果只係食牛舌芯係ok, 其他就自己諗諗啦🫣

次次經過都聞到好香牛味，都好多人排隊，難得平日早收工即刻衝去食😍😍😍非常驚喜！！我同朋友都超貪心想試曬兩款牛舌，所以叫左兩個二重牛舌set，一個配燒肉汁，一個配芥末醬，前者同牛舌芯比較夾，後者同牛舌尖比較夾😋😋🌼二重牛舌set 鐵板一上就聞到好香牛味，牛舌芯又Q又彈，切開睇到非常粉嫩，咬落好爽口Juicy🥳牛舌尖會比較軟身，紋路超靚仔，食落好重牛味，怕膩嘅話可以配返個英式芥末醬，可以中和油脂香😌

今日來到深水埗黃金逛逛，當然要去特賣城看看，喺附近嘅日式《GYU Town牛舌專門店》吃飯，好喜歡呢度嘅牛舌。鐵板系列及御·重盒系列各選一美國牛小排配牛舌尖~鐵板上，熱辣辣，香噴噴，正！牛小排牛味濃，豐富肉汁。三重牛舌~日式和盒，賣好吸引，好精緻，份量都好多，左至右，牛舌尖、牛舌筋、牛舌心，牛舌尖口感較淋，牛舌筋食落有啲似牛腩，一粒粒好入味，牛舌心咬落爽口好有質感，三重牛舌可以試曬三款，牛舌愛好者一定好喜歡。加錢轉套餐，包括湯、沙律、汽水及飯，滿溢牛舌筋溫泉蛋丼，加入溫泉蛋嘅飯特別好吃牛舌洋蔥湯~味道超級香濃，好多材料，非常可口。

身為牛舌愛好者，去深水埗食晚飯的話，自然會想起這間牛舌專門店。餐廳以牛舌為主打，更細分三個部位：牛舌芯，牛舌尖同牛舌筋，不同部位的烹調手法略有不同。如果想一次過食盡三個部位，首推三重牛舌御重盒😋，若想淺嚐牛舌風味，亦可選擇搭配以牛舌尖配搭其他肉類，如牛肉、豬肉或雞肉。菜式均為單點形式，若選擇鐵板系列則不附白飯，需加$28升級套餐才有。至於其他品項，則可加$18升級套餐，有沙律🥗、湯品🥣及罐裝飲品🥤。值得一提的是，湯品並非日式味噌湯，而是「牛舌洋蔥湯」，湯清甜且洋蔥份量十足，大推！😍 --- 鐵板系列 🐮安格斯牛板腱配牛舌尖 套餐$146 評分：4/5 牛板腱肉質多汁軟嫩，牛味濃郁。鐵板以洋蔥鋪底，充分吸收肉汁精華，鍾意洋蔥的朋友必試。 --- 御·重盒系列 🐷 伊比利亞梅頭配牛舌尖 $103 評分：4/5 豬梅頭厚度十足且鮮嫩多汁，唯略嫌調味稍鹹。牛舌尖表面看似乾燥，但入口極為軟嫩，好入味！———————————————📝鯨鯊後記原本🦈想食「薄燒牛舌溫泉蛋丼」，可惜已售罄⋯⋯轉而選擇「御·重盒系列」時，連「惠比壽雞扒配牛舌尖」也賣晒了（🥹下次要早啲黎喇）。最終點了「伊比

深水埗的Gyu Town是一家專門提供牛舌美食的餐廳，讓牛舌愛好者大快朵頤。厚切牛舌心肉質鮮嫩，口感滑順，搭配煙烤的香氣，令人垂涎欲滴。牛舌飯則以香噴噴的米飯和豐富的肉汁相得益彰，每一口都帶來滿足感。而這家店的缺點在於座位非常有限，空間略顯狹窄，尤其在高峰時段，顧客的聚集感讓用餐氛圍有些壓迫。不過，小而精緻的環境同樣為店鋪增添了獨特的魅力。總的來說，Gyu Town的牛舌料理確實美味可口，值得一試，但建議避開人潮高峰，以便享受更舒適的用餐體驗。

專程5:30趕到衝閘成功，點左雙重牛舌鐵板餐同牛牛舌牛板腱蓋飯，單單點兩個沙律，一個湯，同一罐可樂。上枱時睇個樣係唔錯嘅，幾好嘅，但食落就出事，啊？？點解咁咸嘅？？我以為點左汁，原因係個汁咸？所以第二塊就唔點汁，但都係好咸喎，直情咸到唔想食喎，典解嘅？？？最後我同老公都評價。。。牛舌超咸，牛板腱太韌，咬都咬唔開，飲完罐可樂都沖唔淡啲咸味，點解會係咁嘅？？？言過於實，好失望🙄🙄唔開心🙄🙄

桂林街黃金成日經過，有牛舌料理，用不同部位炮製出好多款牛舌美食，非常厲害，不過兩個人都係叫得兩款。我就叫咗個鐵板香蔥薄燒牛舌芯升級套餐，牛舌芯加香葱重薄燒六件，燒汁上，賣相好正，以鐵板燒上，炸蒜和蔥花舖滿面，用嚟撈飯，香口好味，牛舌肉質鮮嫩多汁。老友叫嗰美國牛小排配牛舌尖御‧當然必食之選，牛小排肉夠厚，配英式介末，相當相當合口味，牛舌厚厚彈牙有咬口，軟硬啱啱好，用嚟佐飯一流！兩個都轉套餐，可以跟沙律、湯同汽水要可樂，食牛濃味，可樂送口，正正正。

前排約咗朋友行街，諗食咩～然後又去左食牛舌😂想講已經連續三次見面都係食牛舌，究竟我哋有幾鍾意食牛舌？🤣不過今次食牛舌專門店，有唔同部位簡！佢哋全部都可以加錢轉套餐（套餐跟沙律、湯、汽水）-鐵板系列～美國牛小排配牛舌尖🥩依個鐵板的主角是美國牛小排，有兩大塊！經過鐵板煎烤後，外層微焦，內部則保持多汁。而牛舌尖好厚實。而醬汁方面我揀咗燒肉汁，調味到位，完美襯托了牛肉的鮮美。-御• 重盒～三重牛舌🐮三重係指牛舌芯、牛舌尖、牛舌筋。我覺得店員煮牛舌嘅生熟程度控制得啱啱好！對比起鐵板，唔可以等咁耐先食😖第一次食牛舌筋，細細粒好似五香肉丁咁～有嚼勁但係唔會咬唔斷。而牛舌尖則好有彈性～我最鍾意係牛舌芯！大大塊好柔軟，而且仲要半生熟，裏面係粉嫩好有牛味！！

同屋企人嚟深水埗購物，買完就順便喺附近食埋晏先走。記得之前有朋友推介過桂林街呢間牛舌專門店～鋪面地方不大，堂食只有 6 張檯，但裝潢很有特色，以日本居酒屋為靈感，別具風味。餐廳主打牛舌料理，將牛舌細分為 3 個唔同部位，再配合以不同煮法及配料，炮製出超過 10 款不同牛舌美食，非常厲害。點咗客鐵板香蔥薄燒牛舌芯，+$38 可以升級套餐，包沙律、湯、汽水及滿溢牛舌筋溫泉蛋丼，+$15 更可配多條司華力腸。牛舌芯賣相好吸引，以高溫鐵板盛上，面頭鋪滿了大量炸蒜和蔥花，肉質鮮嫩多汁，唔會太腍太韌，細嚼更可嚐到陣陣脂香，同燒肉汁好夾。伴吃嘅丼飯，味道亦唔錯，牛舌筋切成粒狀，再用味醂及醬油等炆煮，入口軟嫩味濃，撈埋隻溫泉蛋一齊食，真係冇得輸。另外呢客美國牛小排配牛舌尖御‧重盒亦係必食之選，牛小排肉味相當濃郁，牛舌尖彈牙富嚼勁，但又不失韌性，用嚟佐飯一流！+$18 仲可以轉套餐，跟沙律、湯同汽水，性價比極高👍

似食緊台灣野（肉粒飯+燒汁）、個湯都係似中式（洋蔥味胡椒粉湯），食落去個口感唔係日式，有啲奇怪。同埋牛舌應該本身係硬，但食落去係腍啤啤，雖然我唔知係咪呢個口感，但我覺得一般，可能出去食日式嘢仲好過，個價錢都比較偏貴，性價比唔值得。可能寧願去食燒肉都會俾佢好食。呢個係我嘅真心食評，如果大家試咗唔好食，建議都留言一下。不過你話純粹想試吓牛舌係咪咁，你有錢就可以去試吓…我唔知佢係咪本身以前好食呀，不過最近去食佢係一般般一。可能係佢啲牛舌太熟嘅關係唔係太有口感。你叫一個套餐差唔多大約最平都係$100到。入邊間舖頭嘅位置都比較細，應該坐到10幾個人，如果你想要多啲空間的話就唔好去揀到吃。

今日同朋友到深水埗食飯，去到餐廳剛好不需等位就可以入座 。我們叫了兩個套餐，牛舌芯配燒肉汁、湯加迷你丼和香蔥薄燒牛舌芯配日式牛扒汁、湯加白飯 。牛舌芯的質地極為柔嫩，經過精心的低溫慢煮，肉質鮮美，入口即化。燒肉汁的濃郁與牛舌的鮮甜相得益彰，讓人忍不住一口接一口。湯品清淡卻不失風味。另一道香蔥薄燒牛舌芯配日式牛扒汁，則是另一番風味。薄燒的牛舌芯外焦內嫩，香蔥的清香與牛扒汁的濃郁形成了完美的對比，讓人感受到日式料理的精緻與用心。這道菜的火候掌控恰到好處，讓牛肉的鮮美得以充分展現。整體而言，這間餐廳的食材新鮮，特別是牛舌的選用，讓人印象深刻。服務人員的態度親切，讓我們感受到賓至如歸的感覺。

📍 GYU TOWN 牛舌專門店 @gyutownhk深水埗桂林街46B號地舖位於深水埗的人氣牛舌專門店 吸引左唔少牛舌控排隊試一試 👅店面唔算好大 但成日都大排長龍 今次終於可以試到了 ➿✨ 美國牛小排配牛舌尖 $206+$28轉套餐 用鐵板送上 食既時候仲可以 Keep住溫度 而且份量好大 🍴牛小排牛味都幾濃 牛舌尖就淋啲 店員話好受同區的長輩歡迎 呢個餐真係啖啖肉啱晒食肉獸Ahhhhh！✨ 牛舌芯 $186+$28轉套餐牛舌芯顏色粉嫩好厚切！食落十分爽口且啖啖肉 好有滿足感 💯是牛舌中最好味的部份 質素都很高 值得一試 🎉套餐加配（+$28）轉套餐可以加洋葱牛舌湯、沙律、白飯同汽水 🥤升級满溢牛舌筋溫泉蛋丼（+$10）牛舌非常入味濃郁 配上流心嘅溫泉蛋真係無敵啊 😈#深水埗美食 #吃貨人生 #食好西 #牛舌專門店 #gyutown #牛舌關注組 #牛舌丼 #食評 #鐵板料理 #日式定食 #香港食評 #香港美食

牛舌係牛部位裡面我最喜歡食嘅部份,今日專登揾間食牛舌嘅專門店去試。入到去黑黑沉沉,光綠唔充足,只有幾枱食客,不過香噴噴令人好有食慾,店員安排我坐喺近門口位置,雖然光線射到入嚟,但仍然覺得昏暗。坐低即刻叫咗個二重牛舌同香蔥薄燒牛舌芯。二重牛舌--牛舌芯味道麻麻,似白灼加少許鹽嘅,味道,厚唔一定好食,反而牛舌尖彈牙有點牛香,比牛舌芯好味,蛋絲夾喺牛舌芯同牛舌中間,賣相唔錯,但蛋香唔濃,仲感覺有啲乾。香葱薄燒牛舌芯--係香口惹味,我所指係啲炸蒜同啲蔥,太濃味反而蓋過牛舌芯應有嘅原味,所以調味適中就可以。總括食物味道普普通通,但下次仍想試試其他,比多次機會我同間店。

牛舌關注組見到好多人推薦，特登黎深水埗試吓佢🤩店面比較細，座位都比較擠迫記得要人齊先可以入座，今次我哋排隊排咗半個鐘左右有得食Order咗鐵板牛舌芯同鐵板二重牛舌，加$38升級套餐，有牛舌湯、沙律、汽水同埋滿溢牛舌筋溫泉蛋丼二重牛舌包括牛舌芯同埋牛舌尖：牛舌芯真係好出色，好彈牙，熟度都岩岩好！牛舌尖就似平時食到嘅普通牛舌咁，唔太特別，可以唔使特別試牛舌筋丼嘅牛舌煮到好腍好有味值得一提係牛舌湯好有味，有驚喜