GYU TOWN 牛舌專門店

營業中

休息中

同朋友行開西九附近見到呢間店樓面唔算大但竟然門口排長龍於是都湊下熱鬧排了接近20分鐘先入到呢間日系裝潢風格嘅牛舌專門店當日晚市堂食只可以叫鐵板系列其餘都無得點於是叫咗二重牛舌鐵板$98二重牛舌頭顧名思義係有兩款嘅🐮👅一款係已經切片大約厚1cm嘅牛舌尖 都有6-7片另外還有配搭一條完整牛舌芯喺熱辣辣嘅鐵板上「喳喳喳」上檯仲冒緊熱辣辣嘅蒸汽🌫️🌫️🌫️鐵板牛舌尖夠入味而口感稔糯 牛舌芯更加出色！口感較爽但稍覺味道少淡配搭日式牛排汁會濃味翻英式芥末也不錯另外加+$28轉套餐包汽水、沙律、飯追加+$10升級滿溢牛舌筋溫泉蛋丼最驚喜係升級版嘅牛舌筋飯！！！must try！！！滷水牛舌筋非常入味配飯一流！一口接一口！即使知道碳水化合物很邪惡都仍想添飯多一碗😍😍😍😍要試！

一齊發掘香港嘅美食 😋.今日專程同朋友去位於深水埗嘅牛舌專門店，平時行過見佢都大排長龍，趁住今日人少少專程去試下 😀.環境-喺等緊入座、未入鋪頭嘅時候就已經聞到好濃郁嘅牛香味-餐廳地方唔算大，座位之間比較擠迫 🥺-以咁嘅鋪面，餐廳嘅抽風算做得唔錯，即使好多檯都點鐵板，但油煙都唔算太大.鐵板二重牛舌 $98-一上檯就見到鐵板上放咗兩大塊嘅牛舌，店員介紹分別為牛舌芯及牛舌尖 😮 -牛舌芯煎得恰到好處，中心粉嫩，食落口軟韌而且有口感 -牛舌尖外爽內嫩，帶有牛香及淡淡嘅焦香味道，食落口比較淋同爽口-鐵板下面有生洋蔥托底吸收牛舌嘅味道，但略嫌唔夠汁-建議可以喺鐵板上面加多少少燒肉汁將牛舌一齊煮，令佢地更加入味.鐵板安格斯牛板腱配牛舌尖 $98-安格斯牛板腱同牛舌各需要嘅烹調時間唔同，所以放喺同一塊鐵板上會出現牛板腱有少少 overcook嘅情況 -安格斯牛板腱食落口有啲韌，同埋比較難切開 😣.轉套餐(包湯,沙律,汽水,飯) 另加$28套餐飯升級為迷你滿溢牛舌筋溫泉蛋丼 另加$10-蛋熟嘅程度啱啱好，篤開之後蛋漿流曬出黎，撈埋嚟食飯一流-牛舌筋唔係湯渣嘅level，每一粒都非常入味、淋到可以一條條

叫咗牛舌芯+$38 set （$178）二重奏 + $38 set （$158)抱住期望去，就好失望牛舌芯其實好細一條，好難切開 唔知係刀問題 定條芯問題 原價係唔包飯 沙律 湯 ， 要+28 或者 $38 (牛舌筋飯) 加加埋埋其實幾貴。。 舌芯食落亦唔爽 好韌 亦無牛味舌尖唔錯 食落仲爽過芯， 牛舌筋飯食落似魯肉飯d fd 咁 成個set 我一個女仔食完都唔夠飽 間鋪好似無抽氣扇咁，件衫吸晒油煙味，好似打完邊爐 食雞煲果d 臭衫味就算唔使排隊都唔會再去！ 性價比好低

鐵板牛舌芯（$128）轉套餐（+$28）升級滿溢牛舌筋溫泉蛋丼（+$10）套餐包湯、沙律、白飯、汽水。牛舌湯味道不錯，但都幾油（湯面有成層油）。升級嘅牛舌筋丼，份量都幾足，角切牛舌粒夠腍，味道微甜，撈埋溫泉蛋一齊食味道更豐富。牛舌芯有兩件，都頗厚身，員工建議切開一片片，將中間粉紅色的位置再用鐵板整熟啲。牛舌芯口感夠哂彈牙爽口，因為已經洒上黑椒同鹽，所以都好夠味道。另外落單時有三款醬汁可供選擇（燒肉汁、日式牛扒汁、英式芥末），燒肉汁偏向咸，牛扒汁偏向酸甜，個人較喜歡前者。鐵板二重牛舌（$128）轉套餐（+$28）升級滿溢牛舌筋溫泉蛋丼（+$10）牛舌芯一件，牛舌尖有六片，牛舌尖偏軟腍，味道同口感都比較普通，都係牛舌芯好食啲。整體都係好食嘅，但唔會係經常會再去食嗰種餐廳。PS：店內有 poster 話係用日本牛，唔知係咪真嘅呢？

二刷宝藏牛舌店｜一整个快乐住了打工人，也好好好吃饭呢！我要狂吃不胖，还要精致又能打，这家宝藏小店，我不允许还有人不知道！餐厅面积不大，日式风十足，满满的小清新，给人很舒服的感觉。打工人的午餐，也可以吃的很精致呢！敲新鲜的食材，隔着屏幕口水直流的那种。干吃不够，明天我还要来！人均100+的快乐，你戳到了没！店名：牛舌专门店地址：深水埗桂林街46B号地铺铁板系列-2重牛舌是很地道的那种！牛舌尖肉嫩到让我尖叫！很香、很嫩、很耐嚼的那种！有她，我能连炫三碗米饭！分分钟吃到扶墙出的节奏！铁板上的牛舌芯那叫一个绝！一块块，吃起来大满足呢！长长一条，厚切、鲜嫩！是我想要的牛肉香！再来一碗牛舍汤，好特别，好好喝！是鲜到没朋友的味道！

位於深水埗的人氣牛舌專門店👅。餐廳小小一間，任何時間都見到門口會有長長的一條人龍；當天我剛好在餐廳晚巿開始前已到了門前，便成了第一組進店的客人，終於有機會一嚐這間馳名牛舌專門店!💪餐廳小小一間，座位之間比較擠迫，如果同行友人比較健壯，用餐時應該會比較辛苦；此外，餐廳的油煙味亦比較重，必須做好心理準備離開時身上會充斥油煙味啊！…•…•…▫…•…•▫▪✨鐵板牛舌芯 ★ $138🍽️牛舌芯是餐廳招牌菜之一。牛舌芯有三大條，鐵板下有大量洋蔥托底；牛舌非常爽口，味道算是濃郁，但由於用鐵板盛著嗎？有部分的牛舌位置有點太熟了，有些邊位亦會比較燶，因此口感有點韌 (但洋蔥卻沒有烤焦，很神奇？) ；牛舌芯中間的部位則比較粉嫩及爽口；整體味道及口感尚可。 ⋆  ⋆✜ 轉套餐 +$28 (升級牛舌筋溫泉蛋丼再+$10)轉套餐即是包一碗丼飯+牛舌湯+沙律；基本上只是為了嚐牛舌筋溫泉蛋丼才加套餐的；飯小小一碗，但飯如其名牛舌粒及滷水汁真的佈滿整碗白飯，份量不少，把溫泉蛋攪拌拌勻進食，頗為開胃，有點像在吃台式的滷肉飯。🍚而洋蔥牛舌湯及沙律則一般水準，普普通通的，湯雖然頗清甜，但湯渣只有洋蔥，並未見有牛舌碎渣。🥣✨鐵

上年食過一次,覺得都ok唔錯今日再食D珍珠米又散又硬，落唔夠水，一係就隔夜D牛舌半生熟嘅忍唔住叫店員再煎煎都有講唔好意思我朋友果d因為太生無食晒又費事再叫返煎,因為都食咗一半，又要再等，被逼食剩咗D到埋單 ，我同店員講好生，對話如下店員👩‍🦰:頭先你應該叫我哋整返熟,因為有好多客鍾意食生嘅我: 但係我第一次嚟食唔係咁架喎店員👩‍🦰:我哋師傅一般都會整六七成熟我:但係我第一次嚟食真係唔係咁，咁不如你哋可以問埋個客想食幾多成熟，唔使食唔到浪費…店員👩‍🦰我哋唔會囉,我哋嗰啲係巴西返貨急凍牛舌可以半生熟食用我已經俾完錢走咗唔想再講你d menu 全部寫日本牛舌分享完畢大家自己諗

有日約咗朋友深水埗食lunch原本想去個間餐廳去到發現無開唯有係附近搵另一間餐廳經過見到呢間呢期熱度好高既牛舌專門店大概10個人排緊隊心諗應該好快食得掛最多咪等5-6張檯排咗15分鐘望入餐廳發現原來店面極細環境狹窄估計只有12-14個位檯與檯之間坐得好逼好密集平時見到呢類餐廳已經印象分大減感覺係商家盡量想逼滿座位想賺最多既錢等咗30分鐘以上先有位食坐低先比張點餐紙你畫點解唔好好利用係門口提早落單坐低即刻有得食呢坐低嗌完野食再等多1x分鐘先有得食兩個人食一共嗌咗鐵板二重牛舌$98+套餐$28跟沙律、湯、飯+$10轉牛舌筋溫泉蛋丼安格斯牛板腱配牛舌尖$98+套餐$28跟沙律、湯、飯+$10轉牛舌筋溫泉蛋丼牛舌係好食但普通質素 份量少 唔加套餐配飯係無可能飽對於成日出走日本既香港人嚟講日本料理已經係經常食無得呃牛板腱同牛筋丼食落只係普通牛肉 成碗飯無乜牛味 只能作飽肚用途開係平民區深水埗既日式餐廳提供普通質素嘅食物但要等45分鐘先有得食環境仲要逼到好似食緊foodcourt咁比緊中高價位但得到呢個體驗性價比略嫌低咗少少 講真我就唔會再嚟食

好食的話 門口等兩個鐘又點話星期六晚同朋友撐枱腳 兩位七點開始等 等八個字入去 嚇到呢成場十幾枱 得三分一枱面有食物 其他人乾坐 呆一車仔麵式嘅點餸紙 細細張 排版混亂 晚市又話淨係得鐵板肉 局你轉set加大 呆二 仲要一攞第二張紙就俾個待應(似老闆)喝住 “一張枱一張啊” 心諗唔緊 反正兩位 後尾見到一枱四位攞第二張都俾佢喝住 呆三都算 澳牛都有過惡待應 咪又係一直做得住到等餐先知點解個個坐係度食空氣咁 等成20分鐘 呆四呆呆無野做頭望望 見到佢個壽司櫃污糟到 成塊玻璃都係水積 呆五 然後入面放住五六碗無密封嘅沙律 仲要已經淋埋醬 人都癲 啲水積可能係啲菜抖唔到氣掛 呆六 到我食完埋單 玩到成九點走嗰時仲原封不動 勁上菜 只能講 未見過有咁細條牛舌 刷新世界觀呆七左 未見過咁黑extra well done嘅肉凍到暖 冷盤咁 食落仲要完全無牛味 呆到八 其他伴菜唔講了 難食到同我朋友開始覺得好搞笑 不過唔緊要 牛舌專門店食牛嘛 其他唔緊但 但你個牛舌 可唔可以落少少鹽 少少黑胡椒一滴調味都好 大佬啊最後埋單嗰時見到佢九啦咁大個廚房空蕩蕩得兩個人 仲要有個乾企吸收緊日月精華 唔怪得個個

人氣牛舌餐廳，本身就好鍾意食牛舌既爽口感，所以餐廳一開左就book mark左6點3去到，已經要等第2round入座，大概6點10，如果唔想排隊建議真係要1800前入座因為我地又唔算太餓，所以我地叫左一個set（$98+$28+$10）同一個香蔥醬油湯牛舌烏冬（$68）香蔥醬油湯牛舌烏冬烏冬好快就嚟到，比我哋想像中細碗，你唔好睇佢細細碗但係食落都好飽，而且都有4，5塊牛舌加牛舌筋二重牛舌加套餐轉牛舌筋溫泉蛋丼二重牛舌用鐵板上，一上嚟嗰陣仲熱辣辣㗎，好欣賞佢個牛舌洋蔥湯，好好味😋加10蚊既牛舌筋飯真係強烈建議要加，因為汁煮既牛舌好軟淋用黎撈飯真係一流唯一要講就係坐位之間比較迫，食食下飯都要起身，讓隔離位出入

話說深水埗有一間專食好食嘅舖頭咁啱星期六就出咗去深水埗揀咗呢間專食好食嘅舖頭嚟食間舖頭名仲直頭叫做牛舌專門店咁佢係有張紙仔俾我哋畫嘢嘅咁呢張紙亦都同時可以當餐牌啦咁我哋就當然係跟住呢張嘢填啦問題就係呢度啦 將紙有得畫汽水但佢又叫我哋唔好畫汽水 咁佢比汽水個行我哋係有咩用呢？跟住我哋叫咗嘅牛舌就上枱啦牛舌嘅賣相大致上係咁個牛舌係跟個鐵板上嘅味道就唔算話特別好食牛舌鐵板上係幾熱嘅但同時間質地會比較鞋口感亦都唔算好價錢亦都唔抵

我係睇完Youtube某廚師介紹先去食既，結果大失所望。平日兩點鐘到達，本想避開繁忙時間，結果排隊四十五分鐘入座。幸排隊時過對面買左包炸魷魚鬚食，唔係痛失一餐。二人點左兩份餐，加了套餐、亦加了$10轉牛脷飯，再加左$10要條腸。閒話少說，直接食評：蔥蒜牛舌芯 - 未上菜佢已經係燶既。侍應上菜時叫你自己反下佢，牛舌已經煎燶到癡底。啲蒜係黑色既。其實如果你無條件做鐵板、無能力控制到火力，或人手不足，係唔應該做呢道菜欺騙食客既。好簡單其實切厚啲條脷已經解決到一半問題。牛肉卷蔥蒜 - 呢道係正常既，但鐵板呢個做法根本就係失敗。當一間餐廳無咁既環境、人手、廚師既能力，都唔講食材，一遇上客多冧檔時，所做既所有食物就係欺騙食客。加$28套餐，再加$10有個牛脷飯，就一碗湯渣飯，你完全食唔到有任何享受，要味無味、要質感無質感、飯係爛既。加$10條腸個芯係凍既。環境狹窄，排隊四十五分鐘，價錢不算便宜，食物質素可悲。或者你會想去試。

叫左香葱薄燒牛舌芯，首先，鐵板幾乎係唔熱，咬下第一口牛舌芯，入面居然係幾乎生既，仲有血水，咬極都咬唔入，叫侍應換左佢，佢仲要話咁你係要全熟喇咁，小姐，你既語氣似係話我唔識食咁喎？好喇，要求左佢2次後，個侍應終於拎番碟野入廚房再燒多幾分鐘，拎番出黎後，個鐵板冇錯今次係好熱喇，不過上面既葱同蒜茸已經燶晒，燶到苦呀小姐。最過份係，燒多次後，仲有一半既牛舌芯都仲係唔熟，仍然係好難咬得入。我覺得主要原因未必係佢燒唔夠時間，而係佢既牛舌芯根本就切得太厚，厚有到有兩隻手指公疊埋咁厚，淨係用哩塊咁既鐵板梗係燒唔熟啦！明明哩個餐係叫薄切牛舌芯，竟然有一半都切到咁厚，唉，就當我真係唔識燒喇，不過我都已經放棄左再叫廚房再燒多次，唯有自己大力啲咬爛啲厚切牛舌芯，同不停叫自己快啲食完快啲走，完全唔想再回味。。經過哩次同相信係唯一一次既體驗，個人認為，如果真係想食好食既牛舌，仲有好多其他選擇囉。。。

話說第一次去，係門口等夠12:15終於開門。入到去真係勁窄 食飯都要縮住咁坐 大佬啊唔係個個都係霍比特人🙏 Order又冇圖可以睇 點知咩黎噶🙏 食果下先致命 真心唔知啲牛舌咩整 我個人真心覺得唔得 尼個價位真心唔抵 噱頭大於食物本身 專門店 麻煩有個專門店嘅樣 食物其實本身都有雪藏味。食物上台唔湯唔水 都唔知你熱食定凍食 其實你鐵板牛舌 配咁酸嘅汁一啲都唔解膩。 另外飯丼撈飯隻汁你地有冇食過？試下下啦 換左佢啦 係一啲都唔格 完全係驚嚇🙃體驗極差 完

深水埗嘅牛舌專門店 聽講未開門就要排隊 所以一早5:15就去咗排 都已經排到10幾人...好彩仲入到order咗鐵板二重牛舌 轉套餐再加10蚊升級牛舌筋溫泉蛋丼。奉勸細食嘅人千祈唔好轉溫泉蛋丼...因為真係好滿同好飽 會食唔晒二重牛舌包括牛舌芯同牛舌尖❤️2款都有唔同嘅口感，而我最鍾意食就係牛舌心，最好趁熱嗰陣切開佢，如果唔係凍咗就好難切開！性價比嚟講98+28之後再加一有咁既質素真係好抵