GYU TOWN 牛舌專門店

營業中

休息中

今日中午嚟到深水埗，醒起呢間大人氣嘅牛舌可能落雨關係冇人排隊，一於試下先～餐廳裝橫主要走工業風格配簡單木桌入內環境較細，大慨十張枱左右枱上有落單紙，以牛舌為主再搭不同套餐而餐牌要問店員拎先有，睇到相片會清楚好多鐵板系列·二重牛舌$108 +$28套餐跟湯、沙律、飯及汽水以托盤上菜賣相不錯，店員提醒鐵板好熱請小心先試湯，係洋蔥湯裡面仲有幾粒牛粒意外地幾好味，洋蔥味頗重而帶有牛肉的鮮甜沙律有柚子醋食落酸酸甜甜兩款牛舌都較厚身，表面有蔥及黑椒而洋蔥圈墊底左邊牛舌食落細膩軟嫩而綿密右邊則鮮潤豐厚而滑韌，兩款都肉味濃郁可惜係鐵板上的牛舌凍得太快，未食到一半就凍哂整體牛舌味道不錯，如果唔洗排隊係可以再食

自己本身係牛舌愛好者，朋友介紹之下就搵到呢間係深水埗嘅牛舌專門店。我個日就大約6點半左右去到，前面有1個人排緊隊，我就大概等左15分鐘就入座，D位其實都幾逼下。佢門口貼左張告示話晚市淨係做鐵板系列。咁我同朋友兩個都揀左二重牛舌$108，我地都選擇加錢轉套餐，佢套餐有包湯，沙律，汽水同白飯，轉套餐我就加左$28，而朋友就想升級個白飯做牛舌筋溫泉蛋飯，咁佢個套餐就要加$38。上菜個陣，見到個鐵板好熱，燒到牛舌同洋蔥喳喳聲，即刻用刀撩下費事痴底。佢目測個份量係幾大下，而且佢個飯裝得幾滿(早知叫少飯)沙律菜就正常，湯我覺得幾好飲，幾足料。戲肉到牛舌，食落都算林，但最大敗筆就係唔夠調味，我expect可能會係有多d汁嘅，但佢就係一個淨係加左D黑椒係面咁，所以就係無咩味，要靠佢隔離個燒肉汁去點牛舌先好少少，呢個係幾失望。但朋友個牛舌筋飯，我試左少少，我反而覺得佢個牛舌筋整得好食，軟林入味，調味都夠，呢個值得一試。Overall黎講，我覺得佢呢個價錢食到咁多份量嘅牛舌算好抵食，同唔收加一，但大家唔好對佢個主菜牛舌有咁高期望。

極少來深水埗區，聽聞有很多好野食，見有間牛舌專門店，就收藏了2個月，今天來一趟品嚐OpenRice 顯示12:00營業，我11:40已到達，在周圍邊逛邊等。11:56起在門外排隊，等至12:10多才開門基本上無主動提供餐牌，枱上有order紙。我見牛舌芯有好評，就直接點選上菜後，當一切第一刀，已見未熟，但我也先試入口，確實是咬不開也未熟。（我是牛舌Fans， 牛舌如燒全熟，才會爽口及最好味而又無渣。）我告訴服務員「未熟」她把牛舌拿回燒烤部，不久再拿出來，我再切，一樣未熟。我再說「要全熟」。服務員重複2次「我們是5-6成熟，您覺得靭、咬不開？我再答「要全熟，最好切片才燒」 當然已預不會理會啦😅😅。 只再退再燒。 經過2次的等候，我枱上碗飯已經被冷氣吹到凍哂了！ （請問一下大家🤔 牛舌會食半生不熟嗎？這不是西冷呢！）第四次上枱，9成熟了（因中間位太厚，所以未完全全熟，但邊位已較乾硬了），大部分都是有爽口感，無渣。 整體：不值得點選牛舌芯鐵板建議大家試其他，反正其他也有牛舌芯配搭，不必選淨 牛舌芯 / 最貴的

今日去深水埗一心想去Guy Town食牛舌，點知去到4點落咗場，要等到5點半才可行，唔緊要等囉。鋪頭唔算大，待應姐姐都好有禮貌，如果你第一次食會見議你配咩汁。🍴🥢鐵板二重牛舌$108 +$38 升級套餐 (牛舌筋+溫泉蛋飯) = $146🍴牛舌芯：好有牛味，不過有啲油膩🍴牛舌尖：剛剛熟，好咬口、好爽😋🍴牛舌筋飯：牛舌筋食落係滿口牛騷味，但無特別，好彩加埋隻溫泉蛋落飯就好好多，不過下次可以食番白飯就可以了，真的太多🥢個餐有沙律菜&汽水：這兩樣真係幫到手洗一洗口腔嘅牛味個餐真係好夠食，雖然好飽但因為好食，我都爬哂佢😅，值得一試👍🏻

最近終於試到前排成日排長龍嘅深水埗牛舌專門店😆嗰日星期六我哋六點幾到就唔使排隊🫶🏻⋆ ⋆ ⋆ ⋆ ⋆牛舌芯(鐵板) ($138)+ 升級牛舌丼套餐($38) 8/10有兩大塊牛舌芯🥰好彈牙😋升級埋套餐會包埋牛舌粒溫泉蛋丼飯🤪撈埋溫泉蛋超正😋建議一定要升級🤓仲有湯、汽水同沙律😛•二重牛舌(鐵板) ($108)+ 升級牛舌丼套餐($38) 8/10有牛舌芯同埋厚切牛舌🥰厚切牛舌幾淋而且都彈牙🫶🏻牛舌芯就同上邊一樣😆兩個人叫咗兩個套餐好飽😂建議可以兩個人share 一個套餐😆

上年熱潮過後，這件牛舌專門店仍然大排長龍，我們選擇在午市時段拜訪，大概等了10分鐘可以入座；店内只有4張台，環境雖然比較狹小，絲毫不影響排隊的隊伍；我們分別點了一份鐵板牛舌及牛舌丼飯並升級了套餐，體驗了鐵板、煎煮、燜煮的牛舌三重奏 ᐅ 鐵板二重牛舌 $98 牛舌芯和牛舌尖燒至五成熟，再放在鐵板上，切開的時候還是粉紅色的~牛舌芯是牛舌最嫩滑的部位，半生熟的狀態吃更有嚼勁，十分推薦！而牛舌尖帶少許韌性，比起牛舌芯質感更扎實；牛舌芯最爲出色，不過仍然推介點二重牛舌，單吃牛舌芯吃到最後難免會有少許油膩，若然和牛舌尖輪流搭配來吃就可避免這個問題 ᐅ 轉套餐 +$28 包括沙律、洋葱牛舌湯及汽水；熱湯充滿了洋葱的香甜，值得一試；另外提醒大家，轉了套餐後才可以加 +$10 升級牛舌筋飯 ᐅ 升級牛舌筋溫泉蛋飯 +$10 牛舌筋飯亦是必點！牛舌筋為牛舌的底部，經過燜煮後非常軟腍，某人形容像吃滷肉飯，個人很欣賞牛舌筋飯，味道濃郁 ᐅ 滿溢薄燒牛舌日本溫泉蛋丼 $88 薄燒牛舌同樣採用了牛舌芯，加入了微酸甜的醬汁，可惜煎煮時間稍微太久，肉質較韌 ᐅ 轉套餐 +$18

下午五點半到等開門, 幾分鐘后入內, 即刻叫咗個香蔥薄燒牛舌芯 $128, 得6嚿仔, 都幾細嚿. 要加10蚊先有個飯.賣相睇落好靚, 點知食落又生, 又韌！塊鐵板只係熱一陣, 燒燶表面蔥花蒜, 牛舌內面都未熟 味道好一般！ 有兩嚿直頭嚼到嚼唔到, 吞唔落, 要吐！ 完全唔覺得值呢個價！ 唔係其他食評講到咁好食, 嘥咗我食嘢既quota！ 好失望！

妹妹從加拿大回港，一直想試呢間牛舌，一直忙到臨走之前，終於捉住佢嚟食，去到下午1點，前面排隊都有7、8人，等左差不多25分鐘先入座，但最終係值得嘅！入座每人至少order 一客單點，我哋叫左一客單點鐵板牛舌芯，另外一個牛板腱+牛舌尖，套餐+$18有湯、沙律同汽水。牛舌芯上枱，鐵板燒到滋滋聲，切開中間一食，又香又冧，非常正斗。牛板腱就略硬身，伴碟洋蔥都好甜，沙律菜都新鮮，但以價錢來講，絕對無失禮，值得再試。

惠比壽雞扒+牛舌尖套餐*Time : APR 2023, Lunch Time*Price : $116 -HKD *Place : GYU TOWN 牛舌專門店*Review : 人氣餐廳，每次經過都見有唔小人排隊，今次選一個比較小人的時間去試。- 惠比壽雞扒 ：鐵板上，保証熱辣辣，皮脆，肉嫩，肉汁多，好吃- 牛舌尖 ：保持牛舌獨有的煙韌口感，鎖定肉汁，不錯- 牛肉湯 ：意外地很好味，湯料多，滿滿的肉湯味，不會太咸整體是好評的，建議加28轉成套餐，這樣就有主食，湯又沙律

一向喜歡厚切牛舌👅以前多數響日本食🇯🇵咁啱講起朋友就介紹我哋去試吓呢間🍽️嗰日去開鴨記買日本電話咭準備又飛📱順路去望吓👀剛好5.22pm已經見有人響度排隊👫👭👬我哋就一邊排一邊䀹個餐牌📜5.30pm一開門我哋係第一批入去😋當日只有鐵板燒🔥朋友介紹二重牛舌👅我哋就再點多個安格斯配牛舌尖👅超級超級好味😋佢會加咗啲胡椒粒辣辣哋僻下啲味🧂個牛舌洋䓤湯都好好味呀😋一定會番㗳👅

好朋友生日，問佢想食乜，佢話你揸主意啦！咁我知佢好鍾意食牛舌嘅，咁啱又要就番我喺深水埗收工，所以就去咗呢一間之前講咗好耐都冇去過嘅牛舌專門店啦！佢裏面啲座位好少位置不多，唔怪之得我每次行過都見佢排隊啦!唔知係咪期望越大失望越大呢？好多朋友都同我講話要去試，但係冇一個同我講話真係好好食，認真講，去到唔多選擇，同埋我覺得味道唔係真係講到咁好，可能同我想像中食嘅牛舌有啲出入掛，我諗可一不可再，我朋友咁鍾意食牛舌，佢都冇comment。

門口排隊大概有10人，等咗半個鐘，終於可以入去啦，入座時間大概8:45分，安排座位後職員即刻送上點餐紙，職員指出只有鐵板供應, K其他餐單全部售罄。我只好即刻嗱嗱臨落單，二重牛舌單點，唔揀套餐，因為我想出去深水埗食其他嘢，但係強烈建議套餐，我見隔籬位有湯，沙律、白飯一碗，包埋一罐汽水的確抵食。落單後過10分鐘左右，即刻送上熱辣辣嘅牛舌，包埋特色醬汁，酸薑，自家麵豉辣椒，建議立刻切開牛舌心，搬來鐵板旁邊，防止過度加熱。趁熱食，啖啖肉，味道真係一流，溫度剛剛好，真係不枉此行！

🥄👩🏻‍🤝‍👨🏼係深水埗行完嘉頓山, 出完一身汗, 當然要補充番體力, 食肉回一回氣力, 一於就去附近既牛舌小店獎勵自己喇~~😚😚 💡二重牛舌($98)🐮🐮牛舌芯同牛舌尖既組合, 一片片既牛舌尖有小小爽身, 而且又唔會太腍 牛味十足; 而牛舌芯既部份, 煎咗大約七成熟既關係, 油脂全部爆出黎, 超Juicy!!!! 可惜頭尾部份比較”鞋口同韌”, 要細切成粒先咬得爛~ 💡香蔥薄燒牛舌芯($118)🐮香蔥炸蒜帶黎既蒜香味簡直令人無法阻擋, 唔好睇佢同樣都係牛舌芯, 但份量細+價錢貴過二重牛舌既牛舌芯, 因為食落每一片都唔會”鞋口同韌”, 絕對係牛舌芯最靚既部位😍而且超爆汁超Juicy!!!! 完全停唔到口!!!! 💡牛舌筋溫泉蛋丼($10)🥚係~你無睇錯! 套餐只需加$10就可以享用呢碗超多肉+溫泉蛋既飯, 牛舌筋粒咬落十分柔軟, 加上溫泉蛋汁滲入飯入面, 啖啖都係超 滿 足 感 呀!

👨🏻‍🍳GYU TOWN 牛舌專門店 (深水埗)📍深水埗桂林街46B號地舖 🍽️二重牛舌 ($108)+$28套餐 +$10轉牛舌筋飯、溫泉蛋個人覺得燒肉汁比日式牛排汁易入口點🙈🙈日式牛排汁味道有小小濃，可能少食，吾太慣🙈 要加左套餐先可以轉飯同蛋🙈都幾大份的🙈熱辣辣鐵板🔥🔥二重牛舌好似系牛舌芯同牛舌尖兩款，吾系好識分🤣應該左系牛舌尖、右系牛舌芯🙈左邊淋D，同平時食既牛舌差吾多🙈右邊好厚身，比左邊多D口感，幾嫩口同爽口🤤夠味，點吾點醬都可以🙈 牛舌筋飯，滿溢的肉肉，不過味道無咩特別，肉偏稔的，食吾到有筋/Q彈感覺🙈之後加蛋加燒汁🙈um..🙈🙈都系牛角飯世一 經過見到話牛舌關注組都有推介，就去試試🙈環境吾大，有小小窄，排一陣隊就入得。不過可能環境太窄，上菜驚驚地🙈有D危險🙈🙈 除左大份、肉感，味道就無一個深刻既印象🙈總系覺得D醬同肉吾系好夾🙈套餐包一罐汽水、湯、沙律、飯、紫薑、？辣麵豉醬🙈如果吾大食，可以單點🙈 #牛舌關注組 #gyutown牛舌專門店

都係睇完Ricky-San 介紹，想試好耐但每次經過都好長人龍。今次行過見佢唔算太多人等，所以即管試吓。叫咗三份唔同嘅牛脷餐。可能食評真係講到神一般，又見咁多人排隊，總會有期望。可惜真係好失望，同埋不外如是。牛排好韌，牛脷也好乾身，最慘係好鹹好重手。下邊啲洋蔥滲滿晒啲油，我嗰晚返屋企食完都即刻肚痛。本身舖頭裏面都好大油煙味。其實如果大家識得煎牛扒，都知道買返覯覯哋嘅牛扒返屋企，落少少鹽落少少黑胡椒都唔難煎都好食。更何況呢一間咁出名嘅舖頭，真係估唔到，亦都唔會再想試吓一次。