GYU TOWN 牛舌專門店

營業中

休息中

呢間牛舌店保關注組都算出名，平時都排哂長龍，今日就幫襯吓天氣咁凍，叫咗一個鐵板牛舌芯$138，有三種醬汁揀，而家仲可以加$38升級，將白飯變牛舌筋溫泉蛋丼。上枱熱焫焫，醬汁非常香濃，牛舌芯有兩條，份量好大，入口非常彈牙，有肉香，芯位夠爽口，好食到不得了。跟餐洋蔥湯都用料豐富，入口清甜有牛味，仲有一個辣嘅麵豉醬，辣度都幾勁，一齊食會更加惹味同埋冇咁油膩。升級嘅牛筋飯，加埋溫泉蛋又滑又香，牛筋處理得非常淋又香濃三重牛舌重盒$143， 裏面有牛舌芯，牛舌尖及筋，一次過滿足三個願望，牛舌一樣咁彈牙爽口，配埋啲酸薑，風味會更突出。小店用料好認真，無論醬汁及湯水都非常出色，呢個價錢絕對合理，食完已經諗定下次再幫襯嘅香蔥薄燒牛舌芯，同埋牛舌溫泉蛋丼！

今日要幫公司去深水埗買聖誕飾物🎄，行過見到間牛舌專門店就去試吓。叫左個牛舌二重鐵板燒🐃，平日仲免費升級牛舌飯，即係有三款牛舌，最初以為三款牛舌都係用一個味，但原來三款都唔同調味，唔同煮法，食落無咁單調牛舌芯最厚，亦係最好食👍🏻，食落唔會柴，上枱時生生地，要係自己係鐵板煮，生熟情度自己控制牛舌飯雖然免費，但一d都唔輸蝕，加左味醂好有日本居酒屋嘅味道👅每份都有一碟調味料，店員話係青椒麵豉，味道唔會好辣，但可以減輕牛舌肥膩感

有人曾經講過， 走路是一件好純粹、簡單而最易令人感到快樂的事。所以今日在明愛醫院抽血後，定好了要到深水埗買打邊爐的食材後，便開始走起了路。雖然走在正午時份，但深秋的天氣很是清涼，徑直走到餐廳也不覺有滲汗，反正肚子餓起來...閒日正午時份的餐廳，只有我和另一位女士在外張望，可能恰巧今天餐廳的抽風也說會故障一陣子。  沒有想太多，直接點了一份二重牛舌御重盒really 等待的期間突然人有內急去了黃金廣場方便，回到店內後，聽到店員跟廚房說可以上菜，這點還蠻貼心的上菜後，看見被牛舌佔滿的便當盒，已經按捺不住口水直流...雖然便當盒是膠的，少了些正式感， 不過如果係鐵板燒上儀式感應該會滿滿的tongue 先吃了佔據左上方的牛舌尖一口，質感扎實、帶少許咬口、但不會韌，因為這個部位比較韌，更適合燉煮。估計店家應該是先燉煮過牛舌尖，再煎香的，所以口感剛剛好。調味應該是常見的日式醬油，對於我食開淡口而言，味道剛剛好。右上方閃著油光的自然是肥美的舌芯部位，油脂相對較豐富的位置，咬下爽脆的一口，內裡卻很軟嫩多汁cry雖然不是舌腩，但已叫人大滿足!! 比較可惜的一點是，另外一塊比較厚身的熟度不夠，咬落有點生及

今日嚟到深水埗「牛舌專門店」，呢間店舖12點開門，11:30已經喺門口等候，好多人都慕名而來，主要就係食牛舌，一共有三種醬汁可以挑選（燒肉汁/日式牛扒汁/英式芥末）。牛舌好軟熟，味道香濃，一啲都唔油膩，用佢哋嘅秘製醬汁真係好入味，而且佢哋呢個質素，價錢真係好貼地，難怪經常大排長龍，呢間餐廳食完之後下次想再去。牛舌芯$138香蔥海燒牛舌芯$128GYU TOWN 牛舌專門店 (深水埗)深水埗桂林街46B號地舖

其實去深水埗考車牌筆試，咁就去食呢間牛舌專門店！日式風格！一入門口已經聞到好大浸鐵板牛肉味入面唔算坐得多人，大約15個左右，所以都係盡快食完就走。費事阻住其他人。我就叫咗佢個鐵板系列二重牛舌，+28蚊升級套餐，店員話做緊優惠，俾$28等於比$38升級牛舌筋溫泉蛋丼！個餐本身就係牛舌芯+牛舌尖=二重牛舌，而三重牛舌係指牛舌筋，因為個飯上面嗰啲已經係牛舌筋，所以我就咁嗌二重算牛舌筋非常之淋，冇牙都食得，用條脷頂一頂 ，都已經散晒！用嚟送飯一流牛舌尖同樣非常之淋，牛味濃啲，啲肉質一疏疏咁，都幾好食牛舌芯肉質非常爽口！咬落去索索聲！今日嘅冠軍！而且非常有牛味！配埋個醬汁，甜甜地，非常夾！加少少洋蔥食，簡直冇得彈！

繼土瓜灣的牛舌專門店後，窩夫與蝦子餅終於試了深水埗的GYU TOWN 牛舌專門店。日式小店格局，座位不足20個，用餐期間(星期日下午二時左右)一直坐滿食客。牆上掛着一幅牛舌圖。看看餐牌，食物分三大類，分別是鐵板系列、御．重盒和單點，單點類有丼飯、烏冬和漢堡。點了一客鐵板二重牛舌，加38元轉做升級版套餐，有湯、沙律、汽水，以及滿溢牛舌筋溫泉蛋丼，自製三重大滿足，看來比三重牛舌「飯盒」更吸引。二重牛舌有牛舌尖和牛舌芯，原條牛舌芯非常爽口，入面偏生，未必人人可以接受。牛舌尖口感彈牙，較為軟腍，大人小朋友都喜歡。滿溢牛舌筋溫泉蛋丼的份量比預期多，真的做到「滿溢」的效果，牛舌筋煮得夠腍又入味，味道甜甜的，伴飯一流。安格斯牛板腱配牛舌尖的牛板腱相對遜色，窩夫與蝦子餅的結論是下次再光顧時只吃牛舌就好。

牛舌深水埗桂林街有一間牛舌專門店，夜晚勁多人排隊，今日終於搵到機會同媽咪試吓！今次我哋叫咗一個二重牛舌，配左燒肉汁，套餐升級左佢哋嘅迷你丼～佢哋嘅牛舌真係超好食，份量勁多，基本上一定會勁飽。。。我超鍾意佢哋嘅牛舌芯，軟綿綿，夠晒彈牙，配埋佢哋嘅丼飯，上面仲有牛舌同埋溫泉蛋，超級滿足，唔使怕唔夠蔬菜，因為佢哋仲會有埋個沙律，基本上呢個價錢性價比都算高！另外仲要咗一個香蔥薄燒牛舌芯，呢個真係超級推介，如果大家十五十六唔知食邊個，呢一個一定可以滿足你！佢哋嘅香蔥係自家製，好香口，我同媽咪都大贊！記住上枱嘅時候要反一反牛舌芯，咁樣就可以啱啱熟，呢個套餐勁滿足，直頭想叫多一碗飯伴埋啲香蔥🤤🤤🤤🤤

依間專食牛舌嘅餐廳都聽聞咗好耐，終於有機會食到佢中午12點開門，舖位座位得十幾個平日基本1230前已經滿座，所以想食嘅朋友建議12點或早少少去等就比較穩陣。我叫咗佢個二重牛舌+套餐（$28），有普通牛舌尖同牛脷芯兩款肉，另外套餐有飯、沙律、酸薑、漬物同汽水。首先飯嘅部分加$10可以升級滿溢牛舌溫泉蛋丼，請無論如何都一定要升級，佢個飯真係精華！因為佢牛舌用汁煮煮得超嫩滑，口感似煮淋嘅牛根但更重牛味，配埋溫泉蛋個口感真係無得彈！牛舌嘅部分，牛舌尖好飽滿同爽口幾好食。但重點係牛脷芯嘅部分，佢原條上首先可以保持返肉嘅水份唔會咁易流失，同佢嘅口感真係比普通牛舌嫩滑得多！版上好多朋友最多的挑剔就係牛舌芯的熟度，的確如果由邊食起應該係五成熟左右，食到中間應該大概係三成熟到。我果日食緊時都有兩個客人退貨要求再煮熟啲。我個人覺得熟度反而幾好，不過好睇個人口味；我本來食牛扒都會食三到五成熟。我覺得佢熟度令個肉質更加juicy，食落又咬到得嚟又無渣。如果接受唔到三成熟又想食牛脷芯，建議上碟時立即中間切開牛脷芯然後用鐵板燒燒個中間位，應該可以令個食物體驗更優。另外講少少配菜部分，佢一開始俾碟酸薑我覺得怪怪地，

朋友話呢間牛舌專門店好好味，今晚即刻就帶左我去試下，我哋大約1800左右去到嘅時候門口已經開始排隊😅，不過等左1陣好快就有位，我地order左2個5同嘅套餐交換試下，鐵板香蔥薄燒牛舌芯，加左$38轉套餐，轉牛舌筋飯(牛舌筋超淋勁好味😋)、有沙律(冇乜汁麻麻地好味)、洋蔥牛舌湯(好特別好飲)、汽水，成個餐$166(已包括$38)、另外1個係鐵板2重牛舌餐$136(其中一舊牛舌成塊牛扒咁大要用刀叉食，不過我覺得麻麻地因為5夠淋)，個餐都係包左湯、沙律同飲品，份量都算多食到飽飽🤨，不過座位就比較狹窄，坐得冇咁舒適😔

我哋晚餐去咗一間專門賣牛舌嘅餐廳，真係食得好滿足！我哋叫咗佢哋嘅招牌鐵板牛舌，仲加咗$38轉套餐，好抵食。套餐入面嘅白飯上面擺滿咗好多牛肉，真係豪邁又令人垂涎。最特別嘅係佢哋嘅鐵板，好熱，可以自己掌握牛舌嘅熟成度。如果你鍾意牛舌嚟得軟腍啖啖，就可以迅速燒熟；如果你鍾意有嚼勁啲，就可以稍微燒一陣。真係好有趣同有挑戰性，可以按照自己嘅口味來享受每一口牛舌。牛舌本身嘅質感都好好，肉質鮮嫩多汁，每一口都彷彿在口腔中融化。佢哋嘅醬汁亦都好正，可以增添牛舌嘅風味。配埋啲新鮮蔬菜同其他配料，令整個餐點更加豐富多樣。

呢間餐廳主要埋牛舌🐄平時會有don飯 同埋鐵板燒叫 但係可惜我公眾假期去到 佢得只埋鐵板燒🔥搵日平日黎多次 我都想試試佢哋d飯 好似幾好食咁 而且種類都多 價錢幾抵🌞牛舌愛好者一定要過來試試🌟我個人覺得鐵板燒如果唔叫餐其實都幾唔抵食只係得個肉 同埋醬 連飯都唔跟 $100-130左右一份如果跟餐就大概加多$30-40 但至少配飯、湯、沙拉同埋一杯野飲 香蔥薄燒牛舌芯🩷 ($128) 我睇完佢個名「薄燒」以為係好似打邊爐牛肉咁薄 點知唔係😍 每塊都至少有1cm咁厚 唔會話燒得過熟！牛舌芯超級爽口 淡淡肉 偏向肥美 食落去滿滿既油脂感 好辛福 如果過熟會好韌 但沒有 好多蔥同埋炸蒜頭係面 仲有少少胡椒粉係底 如果唔送飯會少鹹二重牛舌🤩($108)(+$38) 滿溢牛舌筋溫泉蛋丼 配飯🍚牛舌筋係灑左係飯上面 好似滷肉飯咁 偏向淋d 好重mirin味 有少少似肉碎 送飯一流！二重牛舌包括兩種牛舌部位！包括牛舌尖同埋牛舌芯🤓～牛舌尖對比牛舌芯既肉質係淋d 但牛味最出👍🏻但對我來講 我都係最鍾意牛舌芯既淡淡肉 味道：👅👅👅👅/5📍 GYU TOWN 牛舌專門店 (深水埗)地址：深水埗桂林街46B號

經開深水埗，見冇人排隊提早食個晚餐。講到牛舌專門店，睇下有冇日本咁好食（睇黎我諗多左）一入去坐正個冷氣位，凍到邊食邊流鼻水。叫左個牛舌芯套餐同牛板鍵牛舌尖套餐。一上枱睇落好吸引，牛舌尖正常。牛板鍵好乾，食到最後放棄。洋蔥湯好辣。主角：全條牛舌芯。頭幾舊個鐵板仲熱都好食，但都最後個鐵板唔熱就搞唔掂啦。生到咬唔開，建議切深d先好黎出黎比客。食過就算。一分錢一分貨🙂

喺'熱鬧繽紛'嘅平日夜晚， 深水埗附近要排隊嘅店唔多，Gyu town 就係其中之一。點左二重舌鐵板($108) 套餐 (+$28)，唔駛加一 ， 有~5塊厚身嘅切片 + 一條舌芯。趁熱食好有咬口，配埋個日本醬油燒肉醬係好味嘅，滿足左我好想食厚切牛舌嘅心靈  碗飯係珍珠米但好乾身、偏硬，我個人唔係特別鐘意。今次坐個位係風口，雖然有鐵板但係食到一半未到肉已經開始涼， 真係要快手食，同埋食完全身油煙味，唔適合後續去老蘭同孫女飲酒喇 可惜啊 

平時見到要排隊已經卻步，咁岩三點行過唔洗排隊又未食早餐，見到冇掛落場牌，唔洗諗，即刻入去。一坐低低諗都唔諗就叫左牛舌芯+套餐白飯升級（白飯改做牛舌溫泉蛋丼）等左大約五分鐘就上菜前菜（雜菜沙律）、配菜（姜+淡味既吉列豬扒醬）、醃製辣椒、湯、丼飯同主角（鐵板牛舌芯）擺滿成個托盤，好勁既視覺衝擊。我係食沙律先既，味道幾清新，唔似其他餐廳，一係用柚子醬，一係得個酸味嘅黑醋或者胡麻醬，我食唔出係咩醬汁，但酸得黎幾開胃，唯一要彈既係啲菜隔夜切定有啲黑邊（可接受範圍）由於個人唔太鍾意刀叉同筷子換黎換去咁用，所以我係將所有牛舌切粒先，由於佢有洋蔥墊底，所以唔怕會焦，但又可以保持到溫度，我認為佢同出面其他鋪有啲唔同係佢應該係煎完牛舌拎起跟住輕輕爆一爆啲洋蔥，洋蔥黐住煎牛舌啲調味料同牛油味，而唔係放洋蔥墊底。佢啲洋蔥係預你食埋既。就咁食牛舌既牛舌好濃，帶小小焦香，如果覺得油膩可以點醬，淡味吉列豬扒醬可以減輕油膩感但唔會蓋過牛舌既風味，可以慢慢享受。食左一半牛舌係時侯到牛舌粒溫泉蛋丼，成個飯面鋪滿牛舌粒，應該係用起牛舌芯既邊位牛舌肉做的，牛舌肉粒用醬油煮到好淋好入味，有啲似台式肉燥飯既牛舌版，因為裝得好滿，

係深水埗搵食，見依間幾有特色專食牛舌。六點半前入座，都已經滿八成客。坐底左一陣出面已經有三四組客人排緊。因為睇食評好壞參半🙈，眼見唔係個個都叫鐵板，所以我地都叫啲平平地試吓先，叫左一個牛舌筋飯同一個牛舌烏冬。試到兩款唔同嘅牛舌。平時食開牛舌都係一塊塊，丼飯上嘅牛舌筋係一粒粒嘅，食落唔係平時食開果種嘅牛舌口感，係好淋身同軟滑，但都有種牛舌嘅味道，配埋溫泉蛋同珍珠米，口感極佳烏冬上枱，鋪面都係青蔥同紫菜，完全見唔到麵同牛舌🤣，夾起嘅牛舌就似平時食開果種質感，厚實但唔會話難咬開。烏冬加青蔥再加個湯底都好入味，但份量就少左啲。我地食嘅兩款牛舌都各有特色都好好食，睇食評有啲話好難咬開唔知係咪因為鐵板上反而熟過龍？🤔總的一致性價比覺得高，但如果係鐵板上個期望就唔同架啦。仲要唔收加一！不過餐廳就唔提供水，隔離枱想要杯水 侍應話冇提供。