GYU TOWN 牛舌專門店

營業中

休息中

上年熱潮過後，這件牛舌專門店仍然大排長龍，我們選擇在午市時段拜訪，大概等了10分鐘可以入座；店内只有4張台，環境雖然比較狹小，絲毫不影響排隊的隊伍；我們分別點了一份鐵板牛舌及牛舌丼飯並升級了套餐，體驗了鐵板、煎煮、燜煮的牛舌三重奏 ᐅ 鐵板二重牛舌 $98 牛舌芯和牛舌尖燒至五成熟，再放在鐵板上，切開的時候還是粉紅色的~牛舌芯是牛舌最嫩滑的部位，半生熟的狀態吃更有嚼勁，十分推薦！而牛舌尖帶少許韌性，比起牛舌芯質感更扎實；牛舌芯最爲出色，不過仍然推介點二重牛舌，單吃牛舌芯吃到最後難免會有少許油膩，若然和牛舌尖輪流搭配來吃就可避免這個問題 ᐅ 轉套餐 +$28 包括沙律、洋葱牛舌湯及汽水；熱湯充滿了洋葱的香甜，值得一試；另外提醒大家，轉了套餐後才可以加 +$10 升級牛舌筋飯 ᐅ 升級牛舌筋溫泉蛋飯 +$10 牛舌筋飯亦是必點！牛舌筋為牛舌的底部，經過燜煮後非常軟腍，某人形容像吃滷肉飯，個人很欣賞牛舌筋飯，味道濃郁 ᐅ 滿溢薄燒牛舌日本溫泉蛋丼 $88 薄燒牛舌同樣採用了牛舌芯，加入了微酸甜的醬汁，可惜煎煮時間稍微太久，肉質較韌 ᐅ 轉套餐 +$18

下午五點半到等開門, 幾分鐘后入內, 即刻叫咗個香蔥薄燒牛舌芯 $128, 得6嚿仔, 都幾細嚿. 要加10蚊先有個飯.賣相睇落好靚, 點知食落又生, 又韌！塊鐵板只係熱一陣, 燒燶表面蔥花蒜, 牛舌內面都未熟 味道好一般！ 有兩嚿直頭嚼到嚼唔到, 吞唔落, 要吐！ 完全唔覺得值呢個價！ 唔係其他食評講到咁好食, 嘥咗我食嘢既quota！ 好失望！

妹妹從加拿大回港，一直想試呢間牛舌，一直忙到臨走之前，終於捉住佢嚟食，去到下午1點，前面排隊都有7、8人，等左差不多25分鐘先入座，但最終係值得嘅！入座每人至少order 一客單點，我哋叫左一客單點鐵板牛舌芯，另外一個牛板腱+牛舌尖，套餐+$18有湯、沙律同汽水。牛舌芯上枱，鐵板燒到滋滋聲，切開中間一食，又香又冧，非常正斗。牛板腱就略硬身，伴碟洋蔥都好甜，沙律菜都新鮮，但以價錢來講，絕對無失禮，值得再試。

惠比壽雞扒+牛舌尖套餐*Time : APR 2023, Lunch Time*Price : $116 -HKD *Place : GYU TOWN 牛舌專門店*Review : 人氣餐廳，每次經過都見有唔小人排隊，今次選一個比較小人的時間去試。- 惠比壽雞扒 ：鐵板上，保証熱辣辣，皮脆，肉嫩，肉汁多，好吃- 牛舌尖 ：保持牛舌獨有的煙韌口感，鎖定肉汁，不錯- 牛肉湯 ：意外地很好味，湯料多，滿滿的肉湯味，不會太咸整體是好評的，建議加28轉成套餐，這樣就有主食，湯又沙律

一向喜歡厚切牛舌👅以前多數響日本食🇯🇵咁啱講起朋友就介紹我哋去試吓呢間🍽️嗰日去開鴨記買日本電話咭準備又飛📱順路去望吓👀剛好5.22pm已經見有人響度排隊👫👭👬我哋就一邊排一邊䀹個餐牌📜5.30pm一開門我哋係第一批入去😋當日只有鐵板燒🔥朋友介紹二重牛舌👅我哋就再點多個安格斯配牛舌尖👅超級超級好味😋佢會加咗啲胡椒粒辣辣哋僻下啲味🧂個牛舌洋䓤湯都好好味呀😋一定會番㗳👅

好朋友生日，問佢想食乜，佢話你揸主意啦！咁我知佢好鍾意食牛舌嘅，咁啱又要就番我喺深水埗收工，所以就去咗呢一間之前講咗好耐都冇去過嘅牛舌專門店啦！佢裏面啲座位好少位置不多，唔怪之得我每次行過都見佢排隊啦!唔知係咪期望越大失望越大呢？好多朋友都同我講話要去試，但係冇一個同我講話真係好好食，認真講，去到唔多選擇，同埋我覺得味道唔係真係講到咁好，可能同我想像中食嘅牛舌有啲出入掛，我諗可一不可再，我朋友咁鍾意食牛舌，佢都冇comment。

門口排隊大概有10人，等咗半個鐘，終於可以入去啦，入座時間大概8:45分，安排座位後職員即刻送上點餐紙，職員指出只有鐵板供應, K其他餐單全部售罄。我只好即刻嗱嗱臨落單，二重牛舌單點，唔揀套餐，因為我想出去深水埗食其他嘢，但係強烈建議套餐，我見隔籬位有湯，沙律、白飯一碗，包埋一罐汽水的確抵食。落單後過10分鐘左右，即刻送上熱辣辣嘅牛舌，包埋特色醬汁，酸薑，自家麵豉辣椒，建議立刻切開牛舌心，搬來鐵板旁邊，防止過度加熱。趁熱食，啖啖肉，味道真係一流，溫度剛剛好，真係不枉此行！

🥄👩🏻‍🤝‍👨🏼係深水埗行完嘉頓山, 出完一身汗, 當然要補充番體力, 食肉回一回氣力, 一於就去附近既牛舌小店獎勵自己喇~~😚😚 💡二重牛舌($98)🐮🐮牛舌芯同牛舌尖既組合, 一片片既牛舌尖有小小爽身, 而且又唔會太腍 牛味十足; 而牛舌芯既部份, 煎咗大約七成熟既關係, 油脂全部爆出黎, 超Juicy!!!! 可惜頭尾部份比較”鞋口同韌”, 要細切成粒先咬得爛~ 💡香蔥薄燒牛舌芯($118)🐮香蔥炸蒜帶黎既蒜香味簡直令人無法阻擋, 唔好睇佢同樣都係牛舌芯, 但份量細+價錢貴過二重牛舌既牛舌芯, 因為食落每一片都唔會”鞋口同韌”, 絕對係牛舌芯最靚既部位😍而且超爆汁超Juicy!!!! 完全停唔到口!!!! 💡牛舌筋溫泉蛋丼($10)🥚係~你無睇錯! 套餐只需加$10就可以享用呢碗超多肉+溫泉蛋既飯, 牛舌筋粒咬落十分柔軟, 加上溫泉蛋汁滲入飯入面, 啖啖都係超 滿 足 感 呀!

👨🏻‍🍳GYU TOWN 牛舌專門店 (深水埗)📍深水埗桂林街46B號地舖 🍽️二重牛舌 ($108)+$28套餐 +$10轉牛舌筋飯、溫泉蛋個人覺得燒肉汁比日式牛排汁易入口點🙈🙈日式牛排汁味道有小小濃，可能少食，吾太慣🙈 要加左套餐先可以轉飯同蛋🙈都幾大份的🙈熱辣辣鐵板🔥🔥二重牛舌好似系牛舌芯同牛舌尖兩款，吾系好識分🤣應該左系牛舌尖、右系牛舌芯🙈左邊淋D，同平時食既牛舌差吾多🙈右邊好厚身，比左邊多D口感，幾嫩口同爽口🤤夠味，點吾點醬都可以🙈 牛舌筋飯，滿溢的肉肉，不過味道無咩特別，肉偏稔的，食吾到有筋/Q彈感覺🙈之後加蛋加燒汁🙈um..🙈🙈都系牛角飯世一 經過見到話牛舌關注組都有推介，就去試試🙈環境吾大，有小小窄，排一陣隊就入得。不過可能環境太窄，上菜驚驚地🙈有D危險🙈🙈 除左大份、肉感，味道就無一個深刻既印象🙈總系覺得D醬同肉吾系好夾🙈套餐包一罐汽水、湯、沙律、飯、紫薑、？辣麵豉醬🙈如果吾大食，可以單點🙈 #牛舌關注組 #gyutown牛舌專門店

都係睇完Ricky-San 介紹，想試好耐但每次經過都好長人龍。今次行過見佢唔算太多人等，所以即管試吓。叫咗三份唔同嘅牛脷餐。可能食評真係講到神一般，又見咁多人排隊，總會有期望。可惜真係好失望，同埋不外如是。牛排好韌，牛脷也好乾身，最慘係好鹹好重手。下邊啲洋蔥滲滿晒啲油，我嗰晚返屋企食完都即刻肚痛。本身舖頭裏面都好大油煙味。其實如果大家識得煎牛扒，都知道買返覯覯哋嘅牛扒返屋企，落少少鹽落少少黑胡椒都唔難煎都好食。更何況呢一間咁出名嘅舖頭，真係估唔到，亦都唔會再想試吓一次。

食左牛舌心 同二重牛舌 鐵板餐鐵板有洋蔥 加埋啲汁 幾香好食夠林切得幾厚 鐵板夠熱個湯係洋蔥湯 包一碗白飯同罐裝汽水 牛舌黎講 平時好少食 但都值得一試平日晚上6點幾 都即入有位 7點幾就要等

星期日11:45門外排隊12:00開店可第一輪進店👍🏼香蔥簿燒牛舌芯 單點$128 份量少(略貴) 簿燒鐵板上要即食 否則會過硬 二重牛舌 單點$108 份量多！原條牛舌芯自行切 肉質較嫩 推薦！+套餐$18 +升級牛舌筋溫泉蛋飯$10推介套餐升級⚠️個飯好好食滿滿牛舌筋鋪滿

🐻係牛舌控✨尼間開業左一段時間既牛舌店，當然好想快啲食到，不過上次去太多人排隊miss左，今次剛剛好11:45左右排下隊，但已經係第三對客人 🤭 餐廳位置唔算多，等待時聞到超香既鐵板燒肉味，流晒口水 🤤🤤⁡🐻の試食‼️✨鐵板二重牛舌 $108👅轉套餐+$28👅加$10升級滿溢牛舌筋溫泉蛋丼👅加$15配司華力腸⁡🐻超推鐵板二重牛舌，因為可以一次過試到軟淋同埋爽脆口感既牛舌🥹 記得唔好錯過鋪喺底既洋蔥，伴埋飯食一絕‼️另外🐻都好推升級牛舌筋溫泉蛋，因為牛舌筋又係另一種味道同口感，加埋流心嘅溫泉蛋，其實一碗飯唔多夠 🤣 反而司華力腸就唔算好特別🤪 大家識叫啦🤭⁡

從來唔寫食評但實在太失望日本生活過六七年，有調理師免許，叫做比較熟日餐，唔係重點牛舌用緊既係katsu sauce，即係炸豬排用既汁即係話餐廳連自己較汁既意願都無二黎個汁同牛舌非常唔夾飯較硬，唔太熱，煮前無好好比米滲水，煮後亦放太耐講緊既係一個106價錢既lunch見好多有牛舌尖，牛舌筋既menu個d係端材，正常情況出比客人我覺得應該要用舌芯簡單黎講食物味道唔正宗，唔緊要，但味道唔夾食物成本放得太小，想賺太多香港人開日餐唔緊要，但希望好好做足研究目前黎講呢間只係一間香港人開既仿日餐從來唔寫食評但今次真係唔太ok106已經係入面比較平既餐黎賺錢唔緊要，但麻煩比番d心機落食物到

呢間開係深水埗既專門店，長期排隊，終於去左試，真係令我喜出望外，可一不可再估唔到最出名牛舌但係，真係好難咬，牛舌心一啲都唔係靚既牛舌，甘既價錢唔係想食到頂級，都係想食到好小小。排隊又排得耐，好彩呢排涼涼地，夏天真係建議大家唔好去 ，D位又坐得好窄，而且lunch 人均$130-150好似食緊快餐真係唔抵，坐得好唔舒服，質數又無咩可言。 開餐果日已經早開門15分鐘到，11:45 門口已經有人龍，都應該係名氣吸引左過黎。口感麻麻，兩款牛舌加埋自家芥末，先帶到牛味，味道都可以，不過地段、環境加埋真係令人覺得又貴又唔抵食，食完都唔係好飽。 價錢真係豐儉由人，我覺得食過一次就好，鍾意食牛舌幾可以去試吓，但如果麻麻哋牛嘅就唔好嘥錢啦。