行過女人街，發現有間新開泰國餐廳！ 冬蔭公海鮮湯 非常足料，而且酸味同辣味都好適中，飲完好開胃！ 蝦醬炒通菜 蝦醬味香濃，而且菜嘅份量好大！ 串燒三併（共6串） 揀左2豬2牛2雞，味道各有千秋，掂埋個沙嗲醬真係無得輸！ 咖喱炒大蜆 蜆肉肥美，咖喱汁超多，當然唔少得要叫埋蒜蓉包同埋薄餅，加埋啲咖喱汁一齊食真係絕配！ 椰汁沙冰 滿滿的椰汁沙冰高過隻杯，真係好誇張！味道亦好好味，飲完好清爽～ 龍眼冰 味道甘甜，好潤喉，而且酸解油膩感！ 估唔到呢間泰國菜都幾好食，而且員工們都係泰國人，好nice, 服務亦好細心！

鳳雛燉雞呢道菜果然名不虛傳，左傳統安東燉雞作法，用醬油燉煮雞，雞肉嫩滑又juicy，配料又夠多，有紅蘿蔔，青瓜同埋冬粉，吸收哂湯汁嘅精華，真係食得好滋味！ 另外仲加左個石頭鍋飯，跟傳統一樣有大量紫菜絲，蘿蔔絲，牛肉，大豆芽，冬茹絲，煎蛋，撈埋韓式辣醬同吸收哂醬汁嘅味道，加埋口感豐富，真係好惹味，食到停唔到口！ 石頭鍋飯撈少少燉雞嘅湯汁都好好味，味道好夾！ 前菜有泡菜，青瓜及大豆芽，夠哂開胃，仲要可以任添！

Happy Saturday 緊係要去Happy Hour la! 經過間餐廳有飲品第二杯半價，再望下間餐廳咁有格調，即刻衝入去😁 我地叫左一杯Cocktail 同一杯Mocktail🥂 Cocktail: Call Me By Your Name 用左紫蘿蘭甜酒，紫蘇甜酒，佛手柑甜酒mix埋一齊， 味道好fresh，而且酒味唔會太濃，係開胃酒黎～而且顏色係紫藍色，好靚！ Mocktail: Grassy Fresh 用檸檬華，茉莉花及青檸mix埋，味道好清新帶有姜味～ 蘋果酒煮紐西蘭青口 第一次食呢種煮法，估唔到咁有驚喜！無諗過原來用蘋果酒煮係同青口咁夾，好有新鮮感，而且帶有淡淡嘅蘋果香味，味道出眾，真係好好味！ 另外叫左個四式什錦芝士pizza，芝士迷真係唔好錯過！ 仲有叫法式濃蝦湯及慢煮澳洲M4燒肉眼扒share食，份量好大，而且味道都唔錯！ 除左食物好食，另外要值得一讚嘅係員工們都好nice好細心， 每一道菜都會介紹下，服務非常到位！

上次同朋友食完花月宮已經念念不忘，今次帶埋老公去食！ 我地今次叫左個特別四格鍋，當中包括四川麻辣鍋，藥膳花雕花膠醉雞鍋，黑松露野菌鍋同埋蕃茄濃湯海鮮鍋。雖然係四格鍋，但每一格嘅材料都好豐富，湯底濃郁但又唔會太咸！ 打邊爐緊係唔少得要叫牛啦！我地叫左本地手切新鮮頂級騸牯牛頸脊，肉質鮮嫩，就算配搭邊個湯底都好好味！ 同埋要食佢個風花雪月手打丸拼盤，款手打丸都有特式，包括芝士流心墨魚丸，粟米奶皇墨魚丸，手打鮮蝦丸，手打鵝肝蝦丸，流沙黃金蝦丸，手打墨魚丸。每一款都夠哂大粒同埋好好食，食落去好豐富嘅口感！ 除此之外，仲叫左蟹子百花釀油炸鬼，鮮腐竹同蛙蛙菜，2個人都已經好夠食！ 呢間嘅環境好新淨，而且我好鍾意門面果啲九谷燒招財貓，嘅時候都不忘要欣賞多幾眼！ 下一次再黎就要試下其他湯底，款款都好吸引！

泰簡單呢間餐廳好正，除左室內，原來仲有室外架！ 而且室外個環境好chill, 岩哂打卡～ 不過好可惜，我地去到室外已經full左lu～ 見到menu樣樣都想食，黎到緊係要叫冬蔭公湯啦！ 配料夠多，又蝦又有菇，酸酸辣辣咁好好味～ 仲有菠蘿炒飯，菠蘿好多，而且飯量都好多，兩個人食都真係算份量大！ 仲有馬拉盞通菜，唔好太咸，1好足料夠味，去親食泰國菜真係必叫嘅菜式！ 跟住仲叫左生菜包，啲肉碎好夠辣，夾埋生菜一齊食就岩岩好，可以中和番啲辣度，但又唔會唔夠味～ 原來呢度夜晚係有cocktail飲架！ 不過我地最後都係叫左泰式奶茶同埋白馬王子！ 白馬王子係用椰子奶加埋馬蹄，好有口感！ 坐坐下發現原來呢度啲職員同廚師都係泰國人，夠哂地道！ 下次再黎要book早啲，試下坐室外，感受更chill嘅氣氛！

好耐冇食過鐵板燒，見到瀧宴日本料理做緊promotion, 唔好諗，即刻book枱食！ Takiyan Dinner Tasting Menu 🔸自家制醬汁煮南非鮑魚 鮑魚同大根以日式醬汁煮到好入味，而且師傅將鮑魚切到開數件，方便入口慢慢品嚐～ 🔸季節刺身3款 雕魚片加上松露油及玫瑰鹽，味道香口。 深海池魚同中吞拿魚腩都係厚切，鮮味十足。 🔸中拖羅脆鬆餅 賣相相當吸引，口感豐富。 🔸海鮮茶碗蒸 色香味俱全，入口即溶，材料豐富，充滿海洋風味～ 🔸澳洲龍蝦 新鮮即劏澳洲龍蝦，用龍蝦膏做醬汁再煎香龍蝦肉，口感彈牙，非常鮮味！ 🔸香煎鵝肝伴自家制醬汁 鵝肝配果香味濃郁嘅黑醋汁係非常絕配，再食埋粒日本黑豆，一解油膩感！ 🔸美國頂級牛柳（厚燒＆薄燒） 厚燒及薄燒各有特式，薄燒入面會有蔥同蒜，好香口！厚燒配埋蒜片同岩鹽一齊食，好有口感！ 🔸季節吸物 係大蜆清湯，好fresh～ 🔸煙肉香蒜炒飯 🔸炒什菜 🔸是日精選甜品 自家制巨峰提子啫喱，口感Q彈，而且食完將口中嘅油膩感都解除, 值得一讚！

好耐冇食蒸氣鍋，今次揀左間位於銅鑼灣嘅《船渦》～ 呢間係一人一鍋嘅蒸氣鍋，想蒸乜先都自己話事，而且每張枱都有竹簾隔住，感覺好日式同埋夠哂有私人嘅感覺～ 手機落單，自己想叫邊個餐都得，就算係同行嘅朋友都可以選擇其他餐，唔洗一定要一模一樣，想食乜自己話事！而且每張枱都有指引唔同海鮮蒸幾耐，跟足時間就唔驚唔熟啦！ 我地今次叫左「內務總管」套餐,$328 套餐包括沙律，吉列炸蠔，海鮮有7款，其中一款可揀蟶子皇/蟹（半隻），至於肉類揀左豚肉同埋美國肥牛，仲有三寶丸（牛骨濃汁牛丸，薑汁皮蛋貢丸，招牌墨魚丸），蔬菜拼盤同埋甜品～ 我想講....呢度啲海鮮真係好新鮮，直接係魚缸撈出黎 ，上到枱啲蜆都仲識郁，而且好正好鮮甜，最後仲有個粥底添，呢個餐真係食到好飽好飽！

一年一度嘅紀念日，揀左間好grand好宮廷式設計嘅餐廳慶祝😁 勁有氣氛！ 我地叫左 法式芝士焗生蠔（香脆煙肉），生蠔鮮味十足，而且夠大隻，配搭香脆嘅煙肉令口感變得好酥脆～ 另外叫左個鮮牛肉他他配燒牛骨髓 , 牛味重而且口感香滑，夾埋牛骨髓油香味豐富，超夾！ 香脆豬面頰肉意大利松露小雲吞，呢個簡直係超好食，每隻小雲吞都充滿松露香味，而且口感煙韌，配搭濃郁嘅黑松露忌廉汁真係食唔停口，直頭想連啲汁都飲埋～ 當然唔少得叫番個扒啦！我地order左個炭燒12oz安格斯西冷牛扒，香味十足，而且最有驚喜係個風琴薯，口感非常有層次感，加埋酸忌廉真係無得頂！ 最後仲叫左個甜品作為結尾，開心果蘋果玉桂班戟，班戟夠煙韌，玉桂味香濃，跟蘋果真係好夾！

觀塘工廠區成日都有隱世美食！ 朋友之前有介紹呢間Four o Five ，今次就同老公先食為快～ 主食： 🔸法式紅酒燉牛肋條配薯蓉 紅酒香濃，牛肋條夠軟腍而且夠哂入味，薯蓉夠軟滑。 🔸明太子虎蝦燴飯 每啖飯都充滿pink pink嘅明太子，賣相已經好吸引，而且真係好驚喜竟然咁多明太子，超好味！ 甜品： 🔸香濃海鹽朱古力梳乎厘pancake 份量十足，好彩係share食，如果唔係一個人一定食唔哂！Pancake夠哂Q彈軟綿綿，充滿蛋香味，香濃朱古力醬又夠多，作為甜品真係好有滿足感！ 飲品： 🔸（熱）山政小田園-一番焙茶鮮奶 焙茶味夠香濃，配合鮮奶好出色 🔸《好椰～又放假》 個名好搞笑，其實係一杯海鹽奶蓋加左蝶豆花嘅椰奶，但係又幾好味，口感好舒服～

打邊爐最正就係三五知己一齊拾下拾下！ 最近呢間火鍋店轉左無限時任食任飲，同成班朋友黎就最正，可以慢慢食慢慢吹水，唔洗下下都咁趕～ 今次揀左清酒味噌卜卜蜆湯底，蜆都啱算少，而且成個鍋都充滿淡淡嘅酒香味～ 呢間嘅牛唔同部位都好正，唔洗講最正一定係 A4和牛啦！但其他部位都好出色架～ 同埋出面嘅自助區有好多唔同嘅丸類，菜類選擇，亦有幾款涼伴小食同埋炸物（仲有薯條添呀）！ 食到最後仲有得揀食雪糕或者cheese cake 添！