616牛肉火鍋專門店 (翠怡花園)

營業中

休息中

又食616好多人都知我係牛魔王所以都幾鍾意食呢類全牛宴鴛鴦沙牛湯底 - $58 *第一次試溶岩沙嗲湯底 + 牛骨清湯牛骨清湯之前已經試過反而對沙嗲幾有興趣沙嗲湯底味道好香, 好濃, 好稠牛肉煮好後已經唔需要再調味同時我知道點鮮叫 “熔岩”因為沙嗲湯底加熱後會有火山🌋流動的溶岩的效果吊龍伴 - $68 (涮12秒)佔全隻牛大約1%是牛腰脊兩邊的上的肉伴隨小部份的油脂入口甘香軟滑牛朴肉 - $48 (涮8秒)牛朴肉亦即是牛頸脊平日打邊爐我必定會點一層雪花一層肉咬落去時有脂肪的油香亦有微微的咀嚼感匙柄 - $48 (涮6秒)牛的肩胛肉肉質較軟而且牛味都幾濃牛肉餃 - $48店員推介自家製的牛肉餃其實牛肉餃真係比較少見牛肉餃裡真係單單只有牛肉牛肉味超濃 一咬開就有牛肉肉汁爆出胸口膀 - $48 (涮13秒)牛胸口前的脂肪油香味超濃郁口感較為爽脆牛駝峰 - $48牛頸脊的延伸位置有少許筋在外層包圍着牛肉味濃厚打邊爐唔少得嘢飲今次試咗兩樣新嘢飲自家菊花桂圓露 - $9味道唔甜而且好重菊花味616原漿啤酒 - $38原來616與手工啤酒品牌麥子合作推出麥味極濃的新鮮原漿啤酒朋友話幾好飲麥味好香且唔儲

專至係皇道! 聞名不如一試! 大埔朋友推介專食牛的火鍋店, 果然牛的品質高, 價錢亦合理。兩個人點了五款牛, 兩款菜及一枝菊花桂園露清熱一番! 五款牛包括手打牛滑, 金花趾, 封門柳, 滑尾龍和挽手腩。雖則是牛, 全部都係牛, 但其質地及牛味都各具特色, 值得逐一介紹番! 手打牛滑超彈牙又重牛丸味, 金花趾軟淋好咬口, 封門柳牛肉味濃且爽身, 滑龍尾配蛋吃, 先把蛋黃攪拌均勻, 再放湯滾數秒, 連蛋花在一起的牛肉質地嫩滑而香, 最後是挽手腩, 要讚其脂肪位置只有濃香味, 卻沒有油膩感, 吃時又軟棉冑微彈口感, 認真是高分推介全牛宴! 店主建議我們第一次吃要點牛骨清湯, 試出其鮮牛味! 真的鮮甜! 本人特別推介它的秘製牛汁, 與甜辣的潮州辣椒醬混和, 再加青檸檬汁, 開胃惹味, 成功提昇了牛肉的鮮香, 一定要試! 除了我近期很愛吃的羽衣甘藍, 我們點了個名為水蓮的蔬菜, 長長一大圈上桌, 吃時爽脆, 很特別! 邊食邊看電影及餐紙上介紹牛的不同部位, 真的邊享口福邊長知識! 唷! 高分推介!

身為大埔幫，竟然依家先發現到呢間牛魔王，見到門口餐牌上有好款牛肉，每碟平均大約50零蚊，個陣有唔少人等位，應該都值得一試。呢度用Ipad落單，見到咩想食就㩒咩，極度方便，我哋先㨂咗個牛清湯底餚住先，再嚟就係啲牛肉，有啲仲之後再返叫咗添。腩頭有趙口但唔係韌，越食越出牛嘅脂香同肉味，超正，所以呢個就返叫多一碟。封門柳食到濃厚肉味，幾乎零脂肪，真係616就食得，5秒鐘啱啱好。牛滑估唔到呢個都有驚起，肉汁多而且牛味重，仲夠爽彈，又係正。牛坑爪明顯係筋位，但花紋幾靚，亦係有趙口，爽爽嘅感覺，本人都係鐘意腩頭多啲。胸口膀即係平時出面叫開嘅牛白肉，都係爽爽嘅，亦係帶出脂香嘅一款。牛扑肉就似平時安格斯，肉味，脂香又係同時帶出。牛駝峰有高級安格斯嘅感覺，係雙倍嘅味道，更香更濃，肉質又嫩口，又係返叫之選。脖仁相比以上兩款，呢個就較為普通，但都好食，我諗呢個部位嘅特色係油花密但幼細，容易入口。最後講埋個黑拍葉，雖然都係爽爽嘅，但佢配個日式芝麻醬又幾有新鮮感。一次過食到好多平時都唔知道有咁多款嘅牛，咁其實依家就會知道原來自己係鐘意食邊幾款，呢餐唔止醫肚咁簡單，而且係比個味覺學到嘢，下次就更識食了。

一向好鍾意食火鍋嘅我們，我哋就二人去咗一間專門食牛肉嘅火鍋店，慢慢品嚐咁豐富嘅火鍋。醬料方面都多款選擇，大約有10款，仲有我最鍾意嘅辣椒粒，非常豐富。牛骨清湯湯底好大鍋，而且入面嘅配料非常多，驟眼見到已經有好多粟米同埋牛骨，湯底味道非常鮮甜美味。原來餐廳冇餐牌，將餐牌改為用而家潮流新興嘅電子IPad點菜落單，非常方便，而且配有食物圖片參考。當然必定要叫就係我最鍾意嘅牛肉餃，望落去脹卜卜好大隻，食落口皮薄餡靚，入面嘅牛肉粒非常多，好足料啊。牛柳部位煙煙靭靭，食落去好有口感，而且牛肉味道非常濃郁。牛朴肉同牛柳有啲分別，質感比較軟熟，味道非常新鮮。除此之外，仲有牛鴕峰、匙柄同埋手打牛肉滑等等部位，牛肉口感好唔同，而且點小小辣椒豉油，更加滋味。最後兩個人埋單都只係＄400左右，就可以享用更豐富又滿足嘅牛肉火鍋，而且牛肉部位多款選擇，每人平均消費都只係＄200，價錢合理，非常抵食。

平時周圍都見到專門食牛肉嘅火鍋店叫616牛肉火鍋專門店，大埔近太和附近都有一間，而且門口都多人等位，所以入去試吓先。先叫一個牛骨清湯，飲一啖湯底好鮮甜，而且有好濃郁嘅牛骨味道，越淆越出味。一隻牛原來都有唔同部位嘅牛肉可以食到，當然要食一啲比較冷門，好少係出面火鍋店食到嘅牛部位。我哋就分別叫咗牛柳、牛朴肉、牛鴕峰、匙柄部位等等，當中嘅匙柄牛肉中間有一條根位，食落去更為有口感。而且醬料方面可以自己調製，仲有各款嘅飲品任君選擇，我哋就叫咗一罐可樂，打邊爐可以爽一爽喉嚨。除此之外，手打牛肉滑梯以竹筒上，自己可以按牛肉嘅份量大細放入火鍋入面灼，估唔到食落去肉質鮮嫩，非常彈牙。總括而言，牛魔王嘅粉絲必定要試吓呢一間專門食牛肉嘅火鍋專門店，第一次能夠嘗試牛肉嘅唔同部位，原來都有唔同嘅口感㗎。

朋友知道我是牛肉痴，朋友便介紹了《616 牛肉火鍋 》，有7間分店（遍佈港九新界）而我去了大埔總店。地方寬敞、整潔，適合大班朋友聚聚，而且營業時間長至1時零晨。設有自助吧（HKD 10) —— 醬料也有多種： 沙茶醬、指天椒、潮洲辣椒油、炸蒜、蒜蓉、香菜、蔥花、豉油、秒制牛肉。 而湯底有6種選擇： 牛骨清湯、牛雜、酸菜等等 服務也不錯，還親自介紹必食推介用iPad 點菜，上菜準又快 牛骨清湯HKD38 湯水很甜，很多豬骨連肉、栗米蘿蔔等材料牛朴肉 HKD 48 （雪花肥牛）是牛頸脊，油花均勻但脂肪少 。色澤鮮明，咬下去肉味濃烈，又有咬口。 吊龍伴 HKD 68即肉眼扒外圍的肉，質感晤韌，肉味相對地比牛朴肉少，但油花較顯著稻庭烏冬 HKD 28 （共有2個）比平時吃的較薄，配上牛肉汁更為美味，最重要沒有吃到平時的「酸酸地」味道，不錯桂圓露 HKD 9是自家製的，味道不是太甜，解渴之如又潤

牛肉專門店來講，品質同味道都幾好，用平板落單快捷又方便，上菜速度幾快，點完菜5min左右就到，服務都唔差，埋單每人120有呢個質素既食材,性價比算幾高下，但食材款式略嫌不足，叫左大約15樣野左右有4樣暫停供應， 除咗牛肉其他食材款式比較少, 但係鍾意食牛嘅朋友一定唔好錯過,整體評分我比75分

真的非常喜歡吃牛肉，這次去這家火鍋店真的滿足到我了。我們就兩個人，看食材十分新鮮都點了很多東西。牛骨清湯，吃慣了平日的麻辣火鍋。偶爾試下這個清湯真心不錯，沒太的味精感。厚重牛骨和藥材味。少不了招牌慢煮牛腩。嗯。。。我和朋友一致認為這牛腩軟很入味。推介喜歡吃牛腩的人，的確是招牌！牛肉點了封門柳和金花趾。其實兩款牛肉都很好吃，不過我個人喜好偏向喜歡多一點金花趾。因為夠爽口！！正！！！另外，調味料夠多選擇；烏冬也是我愛的讚歧；菊花桂圓飲品自家製作！十分好喝！一句話，還會再來！推介！！

一行4人入到太和打邊爐，好在有幾架車岩岩走，如果唔係又要等位…可能夜晚9:00關係，唔洗點等就入。全電腦點菜，好易操作，唔會太花巧。鴛鴦沙牛湯底，沙爹湯勁正！好濃郁既沙爹香味，一路食到尾都仲有沙爹味。冰麻牛，好似潭囝個尖椒皮蛋，少少辣，食落唔會麻得太緊要。牛柏葉，整得好細舊好碎，煮完之後更加縮水。牛肉餃子，好少鋪用牛肉做餃子，而且入面無芹菜白菜嗰啲，味道一流。慢煮牛腩，食落似日本叉燒，啲汁浸到牛腩好入味。牛雜，小弟就無食，但朋友話味道唔差，只係腸比較多。匙柄，肉質有少許韌，但牛味幾重。吊龍伴煮完好淋，食落有雪白油花既甘香。牛陀峰肉質軟，肥瘦均勻，之後都再叫左轉。

講得叫牛肉火鍋專門店，當然有好款牛肉食啦，絕對係牛魔王既天堂呀🤤 枱面上有張全牛圖片，介紹每個部位既名同要淥幾耐。616，淥一淥，每款都係淥6-8秒就食得啦。點餐係用iPad，每款食物都有簡單介紹，好方便又實用。醬料有好多選擇($10/位)，必試秘制牛肉汁，真係好正好惹味😋湯底揀左比較特別、出面少見既牛雜湯底。有牛腸、牛肚、牛肺、蘿蔔等等，超足料呀！牛腸有好多脂肪，食落口入口即溶，真係好肥🙈🙈但又好味喎🤪響鈴亦係我既至愛，炸得薄脆，輕輕一淥吸滿湯汁，絕對係精華所在。牛駝峰～平時食開既肥牛片部位，油脂分佈都算平均。吊龍伴牛肉味好濃郁，入口好軟滑，li部位真係好好食，果然係肉眼邊👍🏻👍🏻👍🏻招牌慢煮牛腩本身已經用低溫慢煮左18小時，只需要將塊肉浸一浸就食得。牛腩都整得幾淋。平時蝦滑、墨魚滑就見得多，手打牛滑真係好少見。整開大大粒牛滑結實爽口，而且牛味香濃，係推介之選。食埋個稻庭烏冬同生菜就perfect啦🤪🤪

甘岩去完粉嶺剪頭髮 又想打邊爐 決定過去大埔616 搵下牛肉大王入到去先知原來佢好專一 肉類 靜係提供牛肉對我呢d 無牛肉食 唔開心既牛寶寶黎講直頭係開心到震呀!! 仲要最貴既一碟都係68蚊咋一入去望到呢個牆身 好靚 好有心思真係畫上去架 不過太多人唔方便影 大家自己去欣賞啦跟住坐低就見到呢個牌反轉左 就係售馨啦 明天請早好彩黎得早 如果唔係應該好多都售馨坐低見到ipad落單店員好好 會同每台客介紹番 有咩特色同推介(同埋我地坐低 未算太忙)佢地鋪頭好細心 會寫埋介紹講真有時聽完店員講解都唔記得咩野打咩野 呢到可以慢慢睇 知道自己食緊咩 牛肉滑 ~ 整大粒D落去 變左自家製牛丸 正, 不過如果佢加多少少肥膏等佢再JUICE D 會仲正見到甘多甘好食既牛肉真係忍唔住好想嗌晒佢黎食可惜得我得2個人食 如果再多d人食 就會好抵 喪嗌都唔怕佢有4款海底我地嗌左鴛鴦-牛骨清湯+沙嗲湯底 佢個沙嗲真係超正!! 又濃又杰可惜我地唔想d牛肉味比沙嗲味蓋過 浪費左d牛肉 同埋當個湯底黎左之後 我地忍唔住嗌左個稻庭烏冬 就係為左唔好浪費左個湯底所以食到好好好好滿足 好飽仲有牛胸油!! 牛白肉超正!! 食落

今晚黎左間特別鋪頭打邊爐，特別在佢有好多唔同牛肉既部分食，好多都係完全未聽過的，名都係第一次見。已餐紙只係介紹左其中一部份，真係太多款了！到最後都係揀左3款食。自助吧，都有唔少調味料，大路款式最緊要有岩口味。吊龍伴油脂分布唔錯，亦係幾款入面最好食既一款，煮完好淋，但肉味就比其他遜色左少少。之後我地都係encore多一碟。封門柳，好重牛味，肉質幾爽口。金花趾，雖然切得薄，但都幾有咬口唔係韌。另外就叫返普通配料既響鈴，食落OK的，唔係食緊梳哂氣嗰啲。野菌拼盤有4款菇，幾新鮮。

616牛肉火鍋專門店。唔通又係任食牛肉嘅朋友？🤔一隻🐃原來細分甘多個位置。真係長知識。留意番。唔同部位烚唔同時間。唔係嫩牛都變老牛用iPad 落單夠方便。湯底有四款。鴛鴦湯底最貴都係$78 。抵揀咗鴛鴦沙牛湯底～出面有個自助吧。調味料自己拎。平時打邊爐食開雪花肥牛。黎咗616先知🐃有甘多部份。下面呢4 款牛肉都好新鮮嫩滑。最鍾意食封門柳。肉味濃。🤤牛朴肉 （左）。匙皮（右）匙柄（左）。封門柳（右）牛肉餃～平時打邊爐最怕食餃子～最怕d皮又厚餡又少616 嘅餃子真係好味到誇啦啦皮薄多汁。細問之下。牛肉人手自己打架。唔怪得味道甘鮮甜。E煲沙爹湯底好入味。落足料。烏冬索曬d沙爹汁。味道提升十倍。好想快d試勻🐃嘅唔同位置。

打邊爐我一向都係主打牛，今次朋友帶我嚟呢間火鍋店，就係牛肉火鍋專門店。大陸出差返嚟，太和港鐵站落車，有地膽帶路，行大約三、五分鐘就到。門面都算大，自己嚟都唔算太難搵。內部裝修簡潔，時間尚早，可以揀個靚位坐。平板落單，有圖有簡介，good~酸菜湯底做緊優惠，$1一大鍋，不過我哋兩個都係鍾情「牛雜湯底$68」，實行「牛到底」。個湯係用慢火燉煮，牛雜好腍，味道都幾濃。醬料位位十蚊，自己出去「混醬」。我就好專一，又係「牛到底」，只揀左秘制牛肉汁。呢個汁超正，少少甜，可以令牛肉鮮味甜味更突出，每件牛蘸一蘸呢個汁，味道真係加倍提升。羽衣甘藍$28一向被吹捧成「超級食物」，無數益處云云。我就冇理佢有咩益處，反正就係覺得好食，$28一大籃，比我自己去啲有機蔬果店買平好多，抵食。主角當然係牛，食左幾款刁鑽部位，其實除左封門柳，其他我都未聽過，今日要見識吓。罕有系列每款$68 – 封門柳，顏色最深，橫隔膜下面一條柳，無乜脂肪，牛肉味最濃。特色系列每款$48，份量唔少。匙柄 – 比較軟滑。 牛朴肉 – 油花分佈較為平均。牛駝峰– 我最鍾意食呢碟，無根，牛味香濃，油脂亦豐富。滑尾龍–一pan咁上枱，上面加左雞

我個食評其實冇乜嘢特別好寫,  因為其實我食咗啲乜自己都已經唔記得曬啦!但係我想講嘅我哋叫咗好多個牛, 都有牛嘅唔同部分, 食得出佢哋係精心挑選!如果要個真係最鍾意食嘅 應該係嗰個牛滑, 好有牛味呀!! 碌咗好耐都唔會覺得UN, 其他嘅我真係唔知點講好, 但係D全部都係佢好好嘅推介!!見到佢哋個個都好有禮貌好有熱誠, 我希望佢哋可以keep住呢鼓勁!! 繼續為香港市民服務啦!