616牛肉火鍋專門店 (翠怡花園)

營業中

休息中

原來唔洗翻大陸一樣食到全牛宴！！616係香港仲要周圍都有分店，好在有朋友介紹我先知道有呢間牛肉火鍋專門店🐂先揀湯底，揀咗牛骨清湯 ($38) 湯底好清，用黎滾牛肉就最感受到牛既鮮味。牛既唔同部位都介紹得好詳細，包括口感，肉質同應該滾幾多秒。10幾款肉類任君選擇，揀食邊款都用咗好多時間同我地平時打邊爐既肥牛最似就係呢款牛朴肉 ($48) 肉質嫩滑又鬆軟。食落口感十分好！要介紹哂唔易，款款都有相似，但牛味都十足十！ 另外要同大家介紹呢款滑尾龍 ($48) 有隻生雞蛋係牛肉上面，拌匀就可以食，大約滾夠8秒，就可以食，牛味十足，連調味料都唔洗點，佢係最滑既一款，口感好似鮮牛粥入面既生滾牛肉，好正！！

616分店遍佈港九新界，但我一直未有機會試，今日就約咗朋友來大埔分店，一嚐牛肉專門店的手勢！繁忙時間（六點至九點）用餐限時100分鐘，其實已經非常充裕。墊枱紙介紹咗牛肉嘅各個部份，仲提供埋淥幾多秒，保證你1秒變專家！而點餐就用iPad，操作簡單，好易用。牛骨清湯 $38首次來食，選了最基本的湯底，卻毫不失禮！以牛骨、藥材、蔬菜，經6個鐘慢火熬製，牛肉鮮味無窮，原汁原味！牛朴肉 $48即牛頸脊，亦即雪花肥牛，油花分佈平均，口感非常軟腍，好正，比$68嘅吊龍更易入口，打邊爐必點！吊龍伴 $68即包住牛牛腰脊兩邊的肉，又稱肉眼邊，油脂豐富，肉汁飽滿，千祈唔好淥太耐，否則會韌呢。牛肉餃 $48店家自家製的手工餃子，一碟六粒，蘸616餃子汁更能帶出鮮味！手打牛滑 $48本人大力推薦！係全人手打，牛滑質感爽口，牛味濃郁，冇誇張，仲好食過一般牛丸。唐生菜 $28蔬菜夠新鮮。粟米 $28粟米清甜，好好吃。菊花桂圓露 $9又一店家自家製飲品，材料有菊花、桂圓、杞子、冰糖，清熱又滋潤！豆漿 $9醬料每位 $10只能說，分店能開到成行成市，絕對係有原因嘅！

是晚下著毛毛細雨，下了班的我拖著疲累既軀體入了這家火鍋店，誰要我走入來這種鄉郊地區？是住那邊的朋友，說有好西介紹我們吃，快靚正一看menu，原來全牛宴，6-13秒食得，難怪朋友說快靚正牛舌竟然無寫幾秒？失策。但吃下去是爽口彈牙的，都是6-8秒啦最正胸口膀，13秒煮最耐但口感不俗，味道帶油香腩頭比較起來是肉香重的，是粉絲的話會很愛，不是就點其他吧牛滑煮久了會鞋，記得弄小顆一點牛水餃也是一樣，煮太久會鞋，剛浮面又未能即食，要小心掌握時間還有超級食物羽衣甘藍，煮過吃還滿不錯的，消除了草青味，麻甩也不會抗拒此外提議服務可適度改善一下

好耐冇同老友打邊爐，今次特別d，食呢間只有牛肉火鍋既店，得牛肉可以吃，當然係男人既聚會，因為本大少識既女性好多都唔食牛！一黎就梗係點個湯底先啦，我地決定全牛宴，湯底叫埋牛雜！湯底熬到稔，呢個湯送既牛雜拍得住本大少樓下食左廿年間牛雜麵專門店！湯底牛雜好食還好食，都要叫牛肉既，個封門柳夠煙韌又快熟，係正既吊龍伴有d雪花，呢個就比較juicy，唔叫呢個可惜滑尾龍有隻蛋，心唸咩葫蘆賣咩藥？原來係滑左既！之前食果d有點韌，呢個就又滑又有牛味，正呀！有個叫乜嘢水蓮既冇影到相，以為係粉點知係菜！韭菜花咁既口感，係ok既，但睇樣真係好易比佢呃到服務一般，不過食呢d麻甩佬野其實都唔係食服務嫁啦

唔係好食牛，都鐘意咗呢度嘅牛一開始有西瓜食爽下個口先，食完個胃開曬餐紙有教你邊個部位嘅牛要滾幾多秒最好當日都有塊board顯示今日邊d牛有賣唔會好擠迫咁我哋用ipad揀咗好耐最後乜都想試就點咗好多餐廳設有自助吧比你自己調制調味料醬料都好齊全，連青檸都有三花腱有口感，牛香夠，略帶油脂味挽手腩脂味十足，口感偏軟，入口即溶牛朴肉脂肪有口感，味道均衡，超讚腩頭油脂味重總結嚟講，牛好新鮮，亦都可以見到餐廳唔會浪費每一個牛嘅部位，用到盡合作啤酒小麥味濃，偏苦口，幾特別，適合口味重嘅人

如果你鐘意打邊爐，又好鐘意食肉，特別係牛肉，616牛肉火鍋專門店就啱曬你喇！連個名都寫到明係食牛入到去都坐得舒服好快就有西瓜食係用ipad落單除咗落單之外，其實仲有介紹好多牛嘅部位平時我淨係識牛腩、牛肚仲有肥牛，之後就冇lu原來有好多好特別牛部位以下介紹幾種得好食嘅牛配料：匙柄望落冇乜脂肪，入口牛味重窩蛋牛超軟，牛味略淡脖仁口感微un，牛味適中，整體感覺適合中意肉感嘅本身以為一jar 咁上叫咗杯菊花桂圓露幾滋潤下，不過甜咗少少

今日女朋友嚟大埔同我媽媽食飯 咁有孝心 咁我哋就一於去做牛 個朋友 即係食牛肉獸 咁岩見到呢一間係牛肉火鍋專門店咁就一啲去食啦呢一度係一碟一碟咁樣叫嘅 牛肉價格亦都幾大眾化 大概48蚊至到68蚊 視乎牛肉嘅部位而定 其中有一啲係每日限定嘅 因為來貨數量唔係好多 所以都要手快有手慢冇啦我地叫左以下幾款：胸口膀 係牛嘅胸口部位嘅筋膜 睇落好似肥膏咁樣 但係其實淥咗之後 油膩感好少而且咬口好煙韌 非常之好食 牛肉味都有番咁上下牛柳 口感好林 好滑幾有牛肉味 而且唔肥 幾好食封門柳 呢個係其中一樣每日限定嘅位 佢嘅牛肉味極之重 而且口感亦都好鮮嫩非常之正牛扑肉 相對清淡少少 但係勝在口感好滑都算好食滑尾龍 呢個係佢唯一一個預先醃製咗嘅部位 醃咗之後加埋蛋一齊食 非常滑金花趾 有少少似牛展 幾有咬口三花腱 同金花趾差唔多味道吊龍伴 另一道牛味重嘅菜式 而且唔算肥幾健康挽手腩 侯牛腩嘅部位 食落口感有啲煙韌 而且牛肉味唔算好濃

喜歡打邊爐嘅我 經常都會同朋友食唔同嘅火鍋店 今日嚟到大埔呢間616火鍋 原來係616集團嘅總店 更加令我期待閒日嘅夜晚黎到人數唔太多 近門口有個 好特別嘅牌面係會寫住今日有啲咩特別部分嘅牛肉供應 感覺亦有啲似大排檔嘅餐牌 好有趣我哋分別都叫咗菊花桂圓露 佢係自家貨廠房自家製造嘅飲品 我同朋友飲嘅係唔同批次 因為樽上嘅到期日都唔同 但係未到竟然有出入 一支係菊花味重啲 另一支係桂圓味重啲好搞笑 不過味道都唔差正式打邊爐前仲會有西瓜做前菜 夠曬清新同透心涼可以到自助醬料吧到挑選心愛嘅醬料 拎咗牛肉汁柑桔仔同生蒜蓉 酸酸甜甜同牛肉好夾離島牛肉火鍋專門店梗係要試唔同款式部位嘅牛肉啦叫咗三花健、牛柳、胸口膀、滑尾龍、牛朴肉、封門柳、金花趾、挽手腩、吊龍伴最特別嘅係胸口膀佢係牛嘅筋膜部分 口感非常爽口有啖啖牛油香三花健牛柳牛肉味比較濃 脂肪相對少 所以口感較韌 滑尾龍個名好特別廚師會預先調味 加上一隻生雞蛋撈勻再淥 口感似滑牛 食法特別 必試牛樸肉、挽手腩、吊龍伴 相對脂肪較多 食落口感軟滑 牛味都唔差 啱曬一眾牛魔王三個人埋單都係六百蚊左右 質素呢講完勝仼食火鍋舖頭

今個星期出動到大埔食晚飯，今次食得專業啲，目標鎖定616牛肉火鍋專門店😎。電子餐牌內清楚介紹牛身每個部位嘅食法， 雖然係咁，店員仍然好主動，向我地講解。雖然每碟牛份量唔算多 ，但樣樣牛都好啱我食。值得推薦嘅有牛駝峰、匙柄、腩頭、黑百葉。牛駝峰$48 即牛頸脊，油花分佈均勻，色澤鮮紅，集爽口同重牛味兩個優點。匙柄$48即牛下肩胛肉，色澤呈深紅色，肉質柔軟。腩頭$68即牛胸的頂端，牛腩頭，油香足，不會太肥膩。黑百葉$48係原色原味無添加，一碟份量其實都唔少，淥一淥即可食得，非常爽口，加埋自制涼拌醬汁，用料有芝麻醬、辣椒油、莞茜，絕配！由於牛部位繁多，今次仲未食勻多個刁鑽部位，期待下次再闖進牛魔王境地。今次點左616原漿啤酒，入口香甜，帶好濃厚嘅麥味，泡沫比一般啤酒更多更厚，值得一試。

今次來到大埔覓食。打邊爐都要打得刁鑽，食🐮牛肉更加要食得專業。依間講明係牛肉火鍋專門店，食完之後，果然無令人望。火鍋店裝修特別。左邊的牆上有兩大幅壁畫。座位舒適，枱夠晒大張，中間放咗火鍋之後，仲可以show晒啲牛牛出嚟。牆上面仲有好大幅牛全圖🐮，介紹牛肉的部位。食的時間，跟住枱面張餐紙指示，淥幾多秒，就可以專業地品嚐美味的牛肉。 今次叫咗四款牛肉。吊龍伴 $68 即肉眼邊，牛腰脊兩邊的肉。肉的厚薄度啱啱好，6秒 Hummm 軟腍腍 ，帶點油脂和肉汁。不用蘸上任何醬汁，已經可以享受到濃郁的牛味。 吊龍伴 屬必叫產品，想食就要快手點菜，賣晒就冇。 尾龍 $48 牛臀部前的肌肉。 牛牛有運動，食落偏有嚼勁，有少少油花，肉味都幾濃。 牛朴肉 $48 牛頸脊，牛肉油花分佈均勻密集，牛味濃。只需淥一淥變色便可。牛肉入口即化，肉質細嫩軟腍。 牛肉餃 $48 自家制的牛肉餃，饀料十足，隻餃脹卜卜的。咬開肉汁清香，飲一啖牛骨湯，啖啖牛肉味。 水蓮第一次見，好似一札綠色的繩咁，顏色翠綠。淥幾秒就食得，味道不濃，但十分爽口。響鈴 $28 響鈴炸得酥脆，沾一沾牛肉湯，美味非常。 牛骨清湯 $38

除咗食材上盛以外，還是很有玩味兒的一間火鍋店。呢一間係專門食牛肉嘅火鍋店，有好多你聽過或者未聽過嘅牛肉部分都會喺度搵到。雖然短短的一兩個鐘火鍋時間，但你好似上咗一堂有關牛的解剖堂一樣，對牛肉唔同部分的叫法，烹煮嘅時間，味道同質感，有更加深的認識。最過癮嘅就係呢度係用iPad點菜，而你點嘅每一種牛肉部位，都會有註解，非常詳細。員工亦很耐心為你介紹，給你一些推介，服務很貼心。每一張枱都有一張墊枱紙，而那張墊枱紙上都會列明不同部份的牛肉所需的烹煮時間。每當你把牛肉落火鍋前，要搵吓幅圖先知道煮幾耐，十分好玩。咁樣又唔怕太熟影響牛肉嘅質感。食咗幾種唔同嘅牛肉,每種都有佢唔同嘅質感同味道.其中一個幾特別嘅，叫胸口膀，佢係一個白色，看似脂肪但食落口算係幾彈牙同滑。咬咗兩下，覺得牛既油味好重，不過建議唔吃得太蘇嘅人就唔好揀呢個啦，但我係覺得好特別。另外一個叫金花趾，佢其實係似我哋食開嘅牛展嘅. 但係食真啲，你會發現比平時食開嘅牛展更加幼滑，佢嘅肌肉纖維係更加幼細，而且肉質彈牙。封門柳係最有咬口，肉質其實是腍腍的，而牛味都好重。吊龍伴，牛味最重之一。睇圖會見到佢有較多脂肪在旁邊，不過脂肪同肉分得清楚。我

牛肉，相信大家都好喜愛。我自己都一樣，非常熱愛牛類食物，例如牛扒、牛舌、膊頭肉及內臟等等。我都以為自己都差不多食勻哂隻牛時，朋友話，你試埋呢間火鍋店再講喇......朋友帶我去呢間專食牛火鍋店位於太和站附近，約十分鐘路程，好易搵。店內好寬敞，好乾淨，又有電視睇，不過唔會得閒睇，因呢個火鍋好過癮，好像上左堂bio 咁因為未食過關係，店長介紹左幾款湯底同埋好特別嘅食材。而點菜就用ipad ，好方便，同埋部ipad 每碟食材都有介紹。點解部ipad介紹咁重要呢，就係因為呢到食到好多平時根本食唔到牛部位，根本你都唔會識，聽都未聽過。仲有枱面張紙又係好過癮，成隻牛喺度，介紹番你知嗰啲神秘位置其實係咩同埋應該滾幾多秒最好食。揀好食物後，個清湯牛骨湯底好快就送上來，好清甜，好多白蘿蔔同甜甜嘅粟米。其實佢其他湯底都好吸引架，有麻辣，沙嗲等等，下次再試！之後一堆主角出場吊龍伴其實係牛腰脊上面嘅肉，脂肪平衡分佈，好甘香，肉質好有咀嚼感胸口膀呢碟白雪雪嘅其實係牛胸前面一層脂肪，睇落好似好肥，其實滾熟左之後，食落去係爽口嘅，味道都係牛脂肪嘅味但唔重，係好甘香。金花趾係牛腿肌肉再切成一片片，因為腿嘅肌肉係經常郁

早個星期媽咪話好想打邊爐我就提議去呢間餐廳，我一直都好想試因爲主要係食牛仲要食得好刁鑽，大部分既部位都未聽過咁滯一入火鍋店門口既餐牌 充滿懷舊風味尤其我好鐘意佢既字體🤣大家又認識幾多款牛既部位呢？一坐底店員殷勤推介，介紹唔同部位既分別，因為好多牛既部位未聽過咁滯呢間係用pad黎點餐嫁，所以好方便上菜速度都加快左一張圖，簡而精 睇到食緊邊個部位為了食真啲牛既味道，我地點了牛骨湯，以牛骨、藥材及蔬菜淆製金花趾口感比較爽脆，即係大家食開既牛展牛既紋路係比較明顯同有筋，嚼勁十足，肉味較淡呢款係吊龍伴脂肪會比較多小小，油花令口感豐富及味道相對濃郁匙炳脂肪紋路較平均，柔軟口感，雖然有肉筋但不會太韌手打牛滑肉味濃👍🏻👍🏻沒有筋又夠彈牙原來點了羽衣甘藍，可怕無哂店員推介水蓮我地都未食過，本著一試無妨既心態重草青味，我地就唔係太鐘意啦😅最後仲食左響鈴，味道普通，沒什麼特別

話說，係同事閒聊間，講起宜家雞煲潮已經過气！想食返啲“正”嘅火鍋店，然后有同事話大圍有間616專食牛嘅火鍋店，我喱個牛魔皇，無牛不歡，一聴到緊係即刻揾料，原來佢有好多分店，佢係大埔都有，我住大埔緊係食返大埔分店啦～二話不說，先book 左枱7點，放工飛奔過去都得！7點左右到，都差不多坐滿，生意不錯！鋪面以街市背景為設計，别有一番風味！員工分别介绍左幾種湯底，但我最想食就係個牛雜喎～個牛雜湯底，估佢唔到咁多料，有大量牛肚，牛腸，牛膀，夢白，大葱…個湯底好正，多料之餘，湯底好夠牛味！店員推介嘅牛肉餃，好大隻，個餡好實，好多牛肉，如果入面加啲香葱會仲正！牛札肉，好食好嫩，有油脂嘅味道。牛駝峰，濃郁嘅牛肉味，有啲煙韌，好咀嚼感。匙柄，喱個好軟滑，味道又夠濃牛味，喱個值得再order腩頭，牛味重，帶一點油脂，提升肉嘅香味，好有咀嚼感。店員推介嘅616手工啤，有果香味餘韻，酒味唔算太濃，好飲，不妨一試皇帝菜，個盤好特别，好嫩四式雜菇，好特别，啲菇平時無食過！炸响玲，係我飛佛，每次打爐都會點616真系專為啲喜愛食牛嘅人而設，勁多款唔同嘅牛，好細心咁有文字提示，每款牛都有唔同嘅煮熟時間！避免煮太耐，而

今日臨收工前一兩個鐘，我家姐忽然whatsapp我話叫我打邊爐。雖然已經過左打邊爐嘅季節，但我都照去XD家姐話今晚要做牛魔王，於是乎我地就去左616牛肉火鍋專門店。店員見我地第一次黎食，建議我地揀牛骨清湯 （$38）話咁樣可以食真d味道~我地叫左滑尾龍 （$48）係牛後腿外側嘅肉，牛肉味重、配埋雞蛋食，食落口感滑身。三花腱（$48）係牛前腿嘅肌腱，肉嫩爽中帶脆。牛心錠 （$48）即係連接牛心臟嘅動脈血管，呢個係我家姐最愛，食落爽身，口感一流！脖仁（$68）係牛頸，入口柔嫩有咬口！野菌拼盤（$38）我地係食左牛肉先，所以d菇吸收曬煲入面所有牛肉嘅精華，超正！稻庭烏冬（$28）驚唔夠飽而叫，烏冬好煙韌！響鈴（$28）係家姐打邊爐必叫XD菊花桂圓露（$9@1）係616自家製，啱曬打邊爐飲，下火嘛~~~金菊玉冰凍（$18@1），用鮮、乾菊花製成嘅jelly，味道清新透心涼！打左個半鐘頭邊爐先知，原來家姐返工比小人激親，所以好想打邊爐發洩。咁作為陪伴謝禮，當然呢餐係佢請啦XD