616牛肉火鍋專門店 (翠怡花園)

營業中

休息中

今日夜晚同老公兩個撐枱腳，去咗屋企附近間牛肉火鍋專門店打邊爐。因為我同我老公都係好鍾意食牛肉，而呢間火鍋專門店嘅食物除咗蔬菜之外，其他全部都係用牛嘅部份嘅食物！用iPad落單真係好方便，佢將所有牛的食物分類，原來牛肉都分好多無種。由於我同我老公都喉嚨痛嘅關係，亦都想食出牛嘅鮮味，我哋專登叫咗個清湯。我打咗三碟牛，牛駝峰，金花趾同牛朴肉。三種牛都各有特色，錄一錄即刻食，果然入口即溶，而且好有牛肉味，又新鮮。我哋仲叫咗一碟新鮮牛柏葉，佢切到好幼，好彈牙。同平時係街市買到白色嘅牛柏葉唔一樣，你嘅牛柏葉真係超級無敵新鮮，未經加工。總括嚟講今個邊爐打得非常之開心，食物又好食，食到飽都係四舊水！下次會左呢個

大埔呢間616最有親切感，因為第一次食就係呢間，平日冇咩人唔使等位就入得，憑呢一點就已經完勝係旺角果啲等十世既餐廳。以前冇桔仔架，而家係其中一道醬料，一擠勁多汁出晒黎，加落牛肉汁度酸酸咸咸好開胃。醬料每人加$10，最中意都係芫茜，蔥，蒜既組合。打邊爐一定要飲下啲清涼或者解膩既野飲先冇咩負擔。洛神玫瑰茶，菊花桂圓露都係自家出，前者酸酸地有好香玫瑰味，後者甜甜哋清香既菊花味。今次保留牛骨清湯6牛肉之餘，仲試下酸菜煮烏冬，酸辣麻～稻庭烏冬口感唔會太淋，煮得剛好時帶啲彈性。係酸菜果邊滾完自帶酸辣味，加啲芫茜蔥蒜變左惹味撈面啦。四款牛之中，牛上肋第一名，雪花分明，咬落肥瘦比例剛好，嫩口多汁，牛味濃郁。新野澳洲和牛-牛胸肉，牛味冇咁濃郁但淋滑。吊龍伴，白色部分似係肋位，有啲咬落爽爽地，牛肉味濃。牛駝峰肉嫩油香，都算出色。當然唔少得用黎索油既油麥菜啦，成個盆栽咁幾得意，份量都算多又新鮮～埋單兩個女仔每人$200，又飽又滿足到食牛既慾望，傾足成晚!

同朋友去大埔海濱公園踩完單車，放低單車之後行左好耐都未知道想食啲咩，見到呢一間叫616 ，係打邊爐嘅淥一淥，好似幾新奇所以就入咗去試吓。餐廳清一色以唔同部位牛肉做主打，menu會有清晰既簡介，甚至連淥幾多秒都會列明，用既係ipad落單，超級方便。我地嗌左鴛鴦湯底，一邊係清湯，方便我哋試真啲牛嘅味道，另一邊係沙嗲湯底。另外我哋太口渴嘅關係，即刻嗌咗佢哋自家出嘅菊花桂圓露同埋洛神玫瑰茶，前者勁清涼，有助清熱，後者比較酸，可用作開胃。主角出場啦，就係唔同部分既牛，第一款係滑尾龍，係要混埋啲蛋漿一齊淥，口感食落去似滑牛肉，好彈牙，啲蛋漿令到牛肉更加滑，好好食。第二款係吊龍伴，牛肉係薄薄一片，但係估佢唔到，牛味係勁濃，食落係爽口既。第三款係金花趾，比較爽口，唔會好肥，牛味足，讚！另外仲嗌左娃娃菜同紫菜卷，紫菜同響鈴相當夾，紫菜快淥後仍然好脆，有驚喜。

之前一路好想試大陸一d專食牛火鍋嘅火鍋， 今日經開大埔 ，見到 616真係開心大發現！！(不過原來佢都有好幾間分店)餐廳以平板下單 ，簡單方便又快捷， 識食梗係食牛骨清湯底， 咁先試到牛嘅味道㗎嘛😎牛朴肉 脖仁牛上肋澳洲和牛牛胸肉牛駝峰匙柄牛嘅部份我地嗌左牛駝峰、牛朴肉、脖仁、牛上肋澳洲和牛、牛胸肉同埋匙柄。餐紙上好細心咁寫咗牛唔同部位嘅烹調時間，大部分都係六至八秒左右~我最鍾意食澳洲和牛牛胸肉 ，非常有牛味而且肉質食落去唔錯👍🏻牛匙柄亦係唔錯嘅選擇，佢位於牛嘅肋骨下面，肉質非常有彈性😋男朋友鍾意食牛朴肉 ，話佢嘅口感食落又嫩又爽，仲牛味香濃！呢度嘅響鈴亦值得推薦 ！👏🏻因為都係新鮮現炸，輕輕浸一下水就食，又香又脆😍試咗牛嘅咁多唔同嘅部位， 而且好多仲要係出面好少機會食得到， 埋單都係五百蚊左右，價錢中上 ，但品質確係不錯！👍🏻

今晚同個超喜歡吃牛嘅朋友去了這裡，原來之前係出面吃過嘅店舖呢個到係總店，又真係沒有注意到，但沒有所，最緊要係食物同質素，點菜方法一樣有部IPAD 裡面有個電子餐牌系統，當然要選擇湯底，唔想吃辣，又想吃得飽，就要了個牛誰湯底$78，反正都係食，一於由內到外都係統一口味，而且又多個餸，而另一個必點嘅就係個滑尾龍$48，佢嘅味道比較濃，同埋調係唯一一個經過調味嘅牛肉，而且再加多隻蛋，而其他就點了牛丸$28，牛餃雙拼$48，有原味嘅牛肉餃同埋麻辣牛肉餃，一次過試齊兩種口味！識食嘅還有點埋個澳洲和牛-牛胸肉$48!醬汁都係自助形式，餐紙上亦有推介配搭，而最好味都係秘製牛肉汁配埋個柑桔嘅汁，牛味香濃鮮甜重帶點柑桔香味！其實一落單就差不多出鍋底了，同埋啲火鍋材料，都好忙先吃鍋中嘅牛雜，有腸有肚，重有要滾熟一點入味嘅蘿蔔片，個湯就咁飲了幾啖，夠晒味道！個鍋一滾起就立即放下肥美嘅牛胸肉，滾兩三下就食得，入口個種肥味肉質嫩滑嘅感覺真係十分滿足！而另外嘅要先將蛋打均，之後混埋蛋嘅滑尾龍都就放入鍋內滾一滾就入口，入口嘅口感十分嫩滑軟熟，肉味濃郁，正！跟住就係放埋牛丸，同餃餃入鍋滾熟，呢個時間再追加份烏冬，因為

作為半個大埔人，就梗係要係大埔搵食啦，今次就搵埋朋友黎試呢一間有好多古靈精怪牛肉部位既616啦入到鋪頭個裝潢都幾特別架，幾幅牆都畫左Ｄ懷舊既香港特色，而且位置單排又恰當，唔會太過迫，而最重要呢到無咩打邊爐既”臭味”，所以坐得好舒服呀因為小妹有Ｄ咳，所以無叫其他特別既湯底試啦，只係叫左最傳統既豬骨＋沙嗲湯，只可以講豬骨湯好清甜，幾舊票米更令到個湯更正，而沙嗲呢就非常足料，濃濃既花生醬味迎面撲鼻滑蛋尾龍 $48呢一個牛肉好特別，係連一個鑊仔送上黎，上面仲打左隻生雞蛋。我初初仲以為係要成個拎上個電子爐到煎，但原來唔係，問番職員先知個牛已經調左味，食之前將雞單打散，建議係清湯到６。入口個口味好似食滑牛咁，牛味加雞蛋既味道都好得意牛駝峰 $48呢個牛肉就好似肥牛咁充滿雪花，輕輕咁6一6己經食得，牛味好濃，口感有Ｄ彈牙。唔會入口即散，味道就梗係好味過普通肥牛啦！羽衣甘籃呢種菜真係係西餐到成日聽啦，但香港就真係好小有機會食到，難得今次有得食就梗係要試下啦，又係簡單燙一燙，入口爽脆帶點甘甜。聽講羽衣甘籃有抗癌作用，食多Ｄ先！其實當然成餐飯唔只叫左咁小野啦，仲有其他唔同部分既牛都有叫到，但我個人就覺得以

一提起食火鍋大多數人都會同我一樣，食火鍋時一定唔小得食番碟牛牛咁先似係食火鍋，但係鐘意食牛嘅人黎講或者嫌口味唔夠多，終於今次可以食到多款牛嘅部位，而且價錢又大眾化之餘，最緊要仲係食得飽咁先完美，約埋好友齊齊去品嚐一番當然個個都係牛魔王啦！呢度嘅火鍋配料係主打食牛嘅不同部位當然唔會錯過機會，至於鍋底都有幾多口味選擇，我地最後要咗牛雜湯底咁食先至原汁原味牛味十足。再攞埋秘制牛肉醬汁就可以開餐，先來有牛朴肉，肉質食落肥美又多汁口感十足。到另一款係澳洲和牛牛胸肉，入口除咗肉質嫩滑之餘，食到油脂嘅香甜又帶點爽口。再來梗係食下牛雜先，平時係街食開牛雜都係得兩三款口味，呢度居然有齊晒真係估唔到，又可以食到牛雜嘅精華味道濃郁，而且份量十足超抵食。除左食到特色牛肉外，仲有涼菜提供我地都點咗冰麻牛食，入口帶點微辣又食到牛肉爽滑夠晒惹味，真係一碟都唔喉再食多碟先得！輪到有牛餃雙拼，又可以一次過食到兩種味道，餃子用足料入囗食到啖啖肉汁味濃郁。唔覺唔覺又品嚐咗一輪特色牛肉，最後食埋稻庭烏冬連湯汁，再食冰涼甜品咁就最完美一餐。

在老友記的介紹下，我們3個人食盡大部份的部位，最嫩滑應該是滑尾龍跟胸口膀，只要跟著餐紙步驟淥數秒，入口即溶的感覺依然很回味。還有吊龍伴、匙柄亦是心水推介之一，那份牛肉香氣再口腔內一直徘徊。羽衣甘藍是我第一次用來打邊爐的菜類，很清甜很特別。他們的牛肉餃也是必試的牛肉汁很多。建議如加醬汁$20 一定要嘗試他們自家調製的牛肉汁，用他們的醬汁能提升牛肉的鮮味價錢實惠，難怪受歡迎。會再來幫襯

以前在元朗探親朋時試過的616, 竟然在大埔都開左分店今夜去食時間比較遲, 所以唔駛等左好耐就已經有位, 但要留意唔駛等位, 有某D大熱牛牛可能俾人搶購一空...先揀湯底, 記得之前溶岩沙o爹係正到無譜, 所以一於番叮你睇下個響鈴, 就知道呢個湯底有幾咁好食, 而個響鈴仲卜卜脆點左必食<牛駝峰>, 姐係牛頸脊伸延既位置, 你試諗下好似駱駝駝峰個位, 油脂就比牛頸脊少, 但勝在外層包圍牛筋, 所以牛肉味更濃另一個我無法忘記既係<匙柄>, 入選潮汕牛肉火鍋必食七肉之一, 屬於肩腹肉既一部分，姐係肩胛小排個個部位, 中間突別會見到一條非常明顯既肉筋紋路, 就好似鑰匙柄一樣, 入口柔軟係到要提提大家, 因為牛唔同部分都軟硬不一, 所以放入去滾既時間都好唔同, 店主希望客人吃牛有最好既效果, 有晒提示俾大家 如果唔夠, 整多個烏冬, 烏冬吸收晒溶岩湯味, 成為平凡中的極惡美食支持小店, 係小區經營, 薄利多銷, 616的高性價比牛就一定係表表者

人氣火鍋店🍲約左朋友入大埔試下呢間人氣火鍋店, 都幾多人喎, 好彩有book位! 呢度專食牛肉, 牛肉有好多選擇, 侍應哥哥好快為我地介紹唔同部位嘅牛肉, ipad亦有詳細介紹! 餐紙亦都會講每一個部位需要煮幾多秒, 專業得黎好有heart!喺侍應哥哥嘅推介之下, 我哋選咗清湯, 可以食到牛肉嘅真正鮮味~ 我哋分別叫咗三款唔同嘅牛肉! 封門柳食落去好爽, 肉味濃! 我哋仲試埋澳洲和牛, 牛板腱同埋肩胛翼板!! 脂肪比例剛剛好, 入口鮮嫩, 正!!雖然呢度嘅牛肉唔算大碟, 不過價錢唔係話貴, 又可以一班朋友仔試多幾款牛💪🏻

打邊爐不一定要在冬天先吃的，又到放工時間後又與屋企人一起吃好東西！我們到了屋企附近的616以牛為主打的火鍋店搵食去！！餐廳真的提供不同部位的牛肉給我們選擇！用上ipad點菜，可以隨心隨意地點選自己想吃的野有自助醬料的corner，選擇比一般火鍋店特別！有鮮牛肉醬油及秘製牛肉汁等！牛骨清湯我們也不是重口味愛好者，這是我們必然的選擇！用上大大件牛骨煲成，白蘿蔔完全吸收了牛骨精華，鮮甜無比！澳洲和牛～肩胛翼板油脂均勻豐富，牛味濃厚，入口軟棉棉的，充滿幸福的感覺呀！牛朴肉油脂比例較多，肉質較有口感，是另一番的感受！牛肉餃子🥟粒粒飽滿結實，一咬下去有不少的肉汁，用上大量的鮮牛肉包在內，真的是皮薄餡靚呀！海鮮拼盤除了主打牛肉外，海鮮拼盤也沒令我們失望！$288已經包了多種海鮮，全部也十分新鮮！其中最愛的是原隻龍蝦及帶子！肉質鮮美結實，整本拿著原隻龍蝦鉗吃，幸福非常呀！炸響鈴打邊爐的必然選擇呀！十分香脆，沒有油味！616原漿啤酒不能錯過的手工啤酒，麥味出眾，連女仔又忍不住整樽KO它呢！616是一間CP值高的火鍋店，主打不同部位的牛肉，每種也有驚喜，下次又可以嘗嘗其他部位呢！

當晚朋友的請食飯，傍晚時分去了大埔的「616牛肉火鍋專門店」吃火鍋。餐廳一坐低就見到大大幅壁畫啦！店舖用上iPad 點菜，新穎、有型；就以它先選了我們的湯底 - 牛骨清湯。既然說是牛肉火鍋專門店，肚子又餓了，即放下「牛肉餃」；餃皮薄、牛肉碎足料，沒有「空氣感」。胃口開了，試試「牛朴肉」；肉質鮮嫩，牛味頗重。再試「澳洲和牛 - 肩胛翼板」；嘩，正呀！肉片先薄得不得了，而且肥嫩軟膄，油花均勻，口感鬆化，肉質軟腍，入口即溶。吃肉期間，夾住鮮蔬 「唐生菜」，清新感剛剛好調和牛肉的肥膩，感覺開胃。我很喜歡吃海鮮，自私地叫了一份「海鮮拼盤」；當中包括的龍蝦、扇貝、鮑魚、蝦滑、沙白和帶蜆皆鮮美得無與倫比，質地厚身，煙韌、爽口、彈牙及有嚼勁；最終大家都吃得津津有味。吃火鍋，怎少得啤酒，就叫上店內自製的「原漿啤酒」；入口冰凍，麥味濃厚，無論配上海鮮或牛肉，都十分適合，一流！「616牛肉火鍋專門店」位於大埔翠怡花園的一個地舖，離開太和車站不遠，食物水準甚高，定能吸引區內和外來食客；誠意向大家推薦，值得光顧。

好耐冇食汕頭牛肉火鍋，今日見到大埔竟然有一間專食牛肉火鍋嘅616牛肉火鍋專門店，我當然即刻行入去啦。晚市時段八點幾九點都依然好多人，一邊睇世界盃一邊烚吓烚吓真係好過癮滑尾牛真係好好食，佢有隻生蛋打咗喺上面，溝埋就可以放落水入邊，拎上嚟唔使點豉油就已經可以食得，因為佢本身已經淹左。味道同滑牛較似。胸口爽係另一碟我好鍾意嘅牛，黃黃地一塊塊，熟咗之後食落好彈牙，牛油香出晒黎，喺口入邊回味無窮。牛駝峰係牛嘅最上一部份，肥瘦均勻，入口鬆軟。牛朴肉係最有口感嘅肉，佢嘅脂肪比例比較少，食落去有肉味非常之濃郁。匙柄都係佢哋招牌菜之一，肉質比較鮮紅，牛味香得來唔會話太膩三花趾係我第一次食，佢味道同一般牛肉唔一樣，可能係因為腳呢個部位運動量比較勁，食落牛肉味係鐵質比較重，而且好彈牙。我重試咗佢哋招牌嘅菊花桂圓露，又可以下火，又係自家製非常之健康。牛骨清湯啲牛骨都可以食埋，正

今日去咗616牛肉火鍋店試一試，呢間野專食牛，真係啱晒我呢啲鍾意食牛嘅。一坐低左想落order就發覺原來係用ipad點菜。一嚟就送D西瓜俾你做前菜，個人覺得好正因為我好鍾意食西瓜。我哋叫咗個牛骨清湯做湯底，望落去好似好清但係有好濃郁嘅牛味因為佢主打牛肉，所以今日叫咗三款唔同部位嘅牛肉，（匙柄，尾龍，牛腩心），三款都好好味但係個人最鍾意牛腩心同埋每個位都有張紙話俾你聽唔同部位應該要淥幾多秒。我又叫咗響鈴同牛肉餃子，其實我真係未試過牛肉餡嘅餃子，餃子咬落去餡料真係好足。菜就叫咗羽衣甘藍其實最後都想叫多幾個唔同部位嘅牛肉食，但係真係好飽所以下次一定要再嚟多次

男友一向係牛魔，我對牛一般，但去完616就對牛改 觀了，牛都分甘多部位，牛又新鮮，識食真係要去616, 舖頭雖然細，但原來係總店，8點去到，無咩人唔洗等就入得。跟住個餐紙點，食咩部位清楚晒，跟埋建議淥既秒數先來一客西瓜做飯前果叫左個 牛骨鍋, 已經可以淥到最原始既牛味牛腩心，好有牛味，條肥膏食落囗好滑, 一啲都唔覺得肥尾龍有咬囗，中間有少少筋匙柄好爽囗，又夠腍，推介牛肉餃子, 係手打既，豬肉食得多，全隻都係牛，又幾好食，推介！可以再去，試埋其他部位