616牛肉火鍋專門店 (翠怡花園)

天氣涼就梗係要打邊爐喇,616牛肉火鍋係食牛既唔同部位,就黎試下見佢個套餐麥都有就直接叫套餐唔使諗叫咩事後知道原來預早係openrice book位係有訂坐預購優惠嫁個牛骨清湯,清但好味炸魚皮,脆脆的口感同少少鹹既香味,就咁食又好食,淥一淥先食都好食牛肉,其實食到都唔知邊款打邊款,但,全部都好好味有口感鮮美既,入口即溶既,鮮嫩多汁既呢杯柑桔檸檬梳打,真係不得了,酸酸甜甜,配打邊爐,冇諗過咁夾,而且估唔到佢咁大杯,必叫…查看更多

3月尾天氣突然轉凍，緊係想去打邊爐啦，即刻諗起616有二人餐，有齊好多款式既配料又抵食我地今日9點前入座，所以冇夜貓優惠，揀左個升級2人餐，冇記錯佢地仲有個普通版二人餐同四人餐既，如果大家優惠時段黎就應該散嗌適合d湯底就另+20要左沙嗲同青花椒既鴛鴦鍋，616既青花椒湯底係世一架！個辣味真係越滾越正！食辣既係一定要揀呀，拎黎淥菜索哂d辣味！一落完單好快就會上到成枱都係餸，d肉好好食，好有牛味同油香味，特別鐘意日本牛頸脊唔夠飽仲可以散叫多幾碟，另外想讚下616既牛丸同貢丸都好出色…查看更多

好耐冇嚟616，見今日天氣凍凍地就嚟打個邊爐，今次叫咗個二人套餐牛骨清湯底清澈見底，散發住淡淡嘅牛骨香氣叫左幾款牛肉🐮牛五花：普通肥牛，無乜特別肩胛肉：肉質細嫩，帶有少少嚼勁，牛味濃郁牛頸脊：肉質軟嫩，油脂豐富，係我嘅最愛五花趾：肉質彈牙，牛味濃郁，口感獨特其他配料：牛筋丸：口感彈牙，牛味十足，有啲肉汁魚皮餃&蜂巢豆腐：都係街市買到嘅味道涼拌雲耳：個調味唔錯，清爽解膩，口感爽脆，係火鍋嘅最佳配菜。炸魚皮：香脆可口，可以就咁食，亦可以浸落湯底，吸收湯汁精華今次616嘅兩人套餐都滿意。牛肉品質唔錯，口感特別，最後叫埋野飲，埋單500，價錢有啲略貴…查看更多

💁‍♀️💁‍♂️ 16/12/2023(Sat), Dinner🍽天氣凍凍哋又係打邊爐嘅時候，今次💁‍♀️為食妙妙、💁A先生帶埋🧑👧小朋友去到大埔嘅616牛肉火鍋專門店，店方主打唔同部位嘅牛肉單價唔高，方便大家試多幾款。店舖唔算太大間，但都坐得舒服闊落，店內牆身上面有壁畫裝飾，仲有幅圖展示返唔同嘅牛肉喺嚟自牛嘅邊個位置。落單方面主要用店方嘅平板電腦，都好方便易用。當晚我哋8點半後入座仲有8折優惠，食落更加抵食。而今晚我地order咗：🔆 鴛鴦麻辣牛骨湯（$82）火鍋🍲當然首先要揀好湯底，我哋就選擇咗鴛鴦湯底，有辣有唔辣，方便小朋友之餘，為食妙妙同A先生就可以食麻辣嗰一邊。牛骨清湯嘅一邊雖然睇落清澈，但都好重牛味；至於麻辣嗰一邊湯底就估唔到麻度同辣度都好足，十分刺激。🔆 日本精選和牛（$48）店方嘅其中一個優惠，就係精選和牛$48一碟，以我哋4人惠顧就可以叫兩碟。雖然就無指明部位，但都有唔錯嘅油花，入口嫩滑。🔆 牛頸脊（$48）、匙柄（$48）、牛駝峰（$48）店方一個好處係每碟牛肉都係$48，份量唔係太大，方便食客可以叫多幾碟或者試吓唔同嘅部位。當晚我哋比較夜去到，所以有啲牛嘅部位都已經賣晒，除咗優惠嘅和牛之外，我哋都叫咗幾幾個部位嘅牛肉嚟食。每碟上枱都好新鮮，牛肉睇落都係鮮紅色嘅，輕輕淥一淥食落牛味濃郁，肉質嫩滑。🔆 黃喉（$48）煮完之後嘅黃喉好爽口，唔係間間餐廳有得叫呢個部位。🔆 黑豚梅花肉（$68）除咗牛肉，我哋都有叫其他肉類，呢個黑豚梅花肉係其中一款。薄切嘅黑豚肉肉味唔錯，有啲油花食落唔會好嚡口。🔆 蟲草花杞子滑雞（$48）呢個滑雞真係唔錯，煮完都仲保持到滑度，有啲即使煮咗好耐都食落肉質嫩滑而有雞味。🔆 手打蝦滑（$28）正正常常足料嘅蝦滑，煮完都彈牙好食。🔆 蜂巢豆腐（$28）就好似海綿🧽一樣索湯能力一流，煮完後吸收咗湯汁嘅味道十分入味好食。🔆 響鈴（$28）為食妙妙每次必叫嘅響鈴，輕輕淥一下就食。🔆 粟米🌽（$28）新鮮爽甜嘅粟米🌽，都係個打邊爐🍲唔錯嘅選擇。🔆 萵筍（$28）又係個吸味一流嘅食物，煮過後吸收咗湯汁嘅味道，爽脆好食。🔆 鮮製手打烏冬（$18）食完一輪肉類同蔬菜之得，都要叫返啲碳水化合物嚟飽肚嘅，呢個烏冬煮完又滑又彈牙，仲吸收咗湯底嘅味道，食落好好食。🔆 616原漿-手工啤🍺（$38）獅子山啤出品，有啤酒花香同帶微微苦澀，配合牛肉食唔會蓋過肉味。🔆 烏梅汁（$16）酸酸甜甜好清新開胃。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：9/🔟❤🙆‍♀️(為食妙妙)整體食評：9/🔟👉🏻 食材新鮮，每碟牛肉嘅價錢同份量都唔太多，即使人少少都可以試多幾款牛A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 餐廳附近就有唔少錶位🅿️，等一等好快有得泊👉🏻 太和站或者大埔中心行過嚟都係10分鐘左右路程，交通尚算方便🔆🔆🔆🔆🔆🔆🔆🔆🔆🔆🔆🔆🔆…查看更多

唔同嘅部位，淥嘅時間都唔同舖頭好細心會話俾你知，而且有個計時器，最鍾意就係佢嘅湯底夠晒清佢嘅飲品都非常之有特色，漿料又齊全有時仲會有做優惠，記得要喺OpenRice訂位有折頭…查看更多