616牛肉火鍋專門店 (翠怡花園)

營業中

休息中

有不同的牛部位可選擇 ，但要留意一些部位好快便沒有，由於做特色牛 所以食材選擇也比較少 要食烏冬先有飽肚感有牛肉汁作為醬料可增加牛肉味 但清湯的牛骨湯猶如清水 淡而無味但麻辣湯可以 又麻又辣9:30後有88折 都要$250 一位但服務一般

今晚屋企冇飯食，又黎616! 啲牛真係好正，成日都想再食既。今次黎又多左新野，除左牛肉，飲品同酒都係打邊爐好重要既一物。承接上一次嘅鴛鴦鍋，今次都係佢，因為酸菜鍋愈煲啲酸同辣就愈出，好夾個烏冬架! 牛骨鍋就貪佢有蘿蔔，粟米，今次仲好甜，啲牛骨上既肉都好有肉味，好似煲老火湯啲肉咁。自家制玫瑰洛神花一定要試，解膩! 新出小食之一，手拍黃瓜，酸辣爽口!自從有次食過牛駝峰真係番唔到轉頭，有牛味又充滿牛油香，兩碟食晒大滿足! 來到 616 實在太多牛既部位，每次試兩樣新既，牛坑爪既肉質幾結實有口感，濃牛味。呢個滑尾龍係滑蛋牛肉既火鍋版自製牛肉烏冬就係咁簡單，烏冬係酸菜湯加熱已經夠晒味。自己決定配邊隻牛肉食又得。不得不提，冰粉好解辣，完收結!

是日與好友去616總店朝聖，打算晚餐後到長輩的家中送月餅~~~ 大埔總店和元朗分店一樣雖然裝潢簡單，但同樣有具特色的油牆設計~~~每間店都有自助吧，記得醬油費每人10元~~~每次去習慣性叫我喜歡的牛骨清湯牛舌係我最喜歡的一部份，勝在有彈性，牛胸肉肥膏不多，食落唔怕肥牛扑肉和匙柄，雖然睇來每次吃的都差不多，但對於喜歡去「滾」的我係食極唔厭，在中學時代開始愛上打邊爐，特別係喜歡食牛，或許我的名字諧音叫牛肉，所以特別愛吃牛慢煮牛筋腩，個人覺得中規中矩，不過好友愛吃才叫這個，紫菜響鈴簡單又好食😅稻庭烏冬和羽衣甘藍，上次在大圍店吃了後便愛上，好友未試過，他吃了都覺得特別，我喜歡這個菜係因為它浸很久都不怕會淋~~~人均二百元，外出食咁多牛而又有服務，感覺ok，期待與好友到其他店食食食

為咗預祝老公生日，去咗屋企附近一間專食牛嘅地道邊爐，由於我同我老公都非常之咁鍾意食牛，呢間店牛肉又新鮮，而且唔同牛嘅部位嘅牛肉，都係非常之咁特別，而且出面未必可以食到咁多部位嘅牛肉。呢間店已經唔係第一次食，但次次食到有驚喜，今次order左幾種牛肉，有封門柳，匙柄，澳洲和牛等。肉質非常新鮮，真係入口即溶。另外，紫菜卷亦好食，腐皮包住入邊紫菜，唔會好似食腐皮或者響鈴咁悶。可以一試。其實呢間嘢屋企附近，我應該會當佢係食堂咁，得閒會去食下，試下唔同牛部位嘅牛肉。

同行朋友至愛打邊爐, 而我地都係牛肉愛好者~所以特別同佢去左616呢間專食牛既火鍋店食!餐廳座位舒適, 同埋空間都大, 叫到成枱野都唔怕冇位放!牆上壁畫好有特色, 好有香港味道!呢度仲會顯示有咩牛肉供應, 好特別!店員細心講解落單流程, 亦都有簡單介紹唔同部位既特色!餐廳用ipad落單, 可以慢慢揀. 而且ipad入面圖文並荗, 令到order既過程好方便!餐紙上面亦都有推介食法,  亦都有唔同牛既部分既名稱同建議淥既時間俾客人參考! 好貼心~Order完畢, 店員會俾個沙漏我地,原來呢個係餐廳承諾: 所有食物會於沙漏漏完前會送齊!自助醬料吧好多選擇, 有大路既野, 亦有秘制牛肉汁, 值得一試~而且乾淨企理~我地叫左酸菜湯底, 刺激一下味蕾個湯底好足料, 所以好夠味!個人覺得有少少泰式既味道~肉肉方面, 叫左3款, 其中一款係罕有系列黎~安格斯-橫隔肌牛味勁濃! 而且好軟熟!匙柄匙柄原來係牛下肩胛肉, 真係長知識.會食到有少少筋, 但D筋一D都唔會un, 反而令到口感更豐富!澳洲和牛-三角柳 (罕有系列)油花分布均勻, 肉嫩而且肉味濃郁! 仲要係黎自澳洲, 真心正!!另外都order左

經常出外打邊爐，試過無數間餐廳，大部分只顧湯底，肥牛和海鮮。大埔616主要食牛，牛，牛，牛! 當然都要其他，但牛佔餐牌差不多80%。餐廳位置吾顯眼。若吾係住大埔朋友帶過去，相信要行少少冤枉路，因為佢真係有少少隱秘。當入到餐廳，侍應係一班年輕人，敎完你點用佢部平板就自己點菜，無特別介紹邊種肉味重，邊種淋，邊種爽，要自己睇。湯底我只揀左清湯，因為只有清湯先吾會污染啲牛味。另外醬料係自助，一定要攞秘製醬汁!牛味重 推介no. 1 : 封門柳， 2個人食3碟, 必吃no. 2 ：匙柄no. 3 : 牛駝峰no. 4 : 吊龍伴要淋： 牛扑肉要彈牙：牛滑牛肉水餃，平平冇奇胸口膀，好騷，我搞吾搞，放棄!好耐冇食過咁好味嘅牛邊爐，超級返尋味!埋單後重送番張匙柄優惠券比我下次用

要搵間又平又抵吃嘅吃牛店，我真係想來想去都係呢到最抵食，首先這裡主打係牛，我絕對是個喜歡吃牛嘅人，而這裡用料絕對都係以牛為進，今次就點了個鴛鴦酸菜牛骨湯$78，一邊係酸菜湯底，另一邊用牛骨煲嘅湯底，咁牛當然要食佢推介嘅東西，美國天然肩胛翼板$48、滑尾龍$48、澳洲和牛牛胸肉$48，加埋個秘製牛肉汁，滾一滾，肩胛翼板肉質軟嫩多汁，加埋個酸菜湯底份外開胃醒神，而最愛嘅滑尾龍配埋生蛋一齊滾，肉質軟滑軟熟，正！而牛胸肉本身肌肉與脂肪均勻，入口肥美夠晒味道！而湯底內嘅栗米亦十分甜美，最後加埋個稻庭烏冬$28放湯，用埋啲秘製牛肉汁混埋軟滑煙韌嘅烏東一齊入口，真係一啲都唔會浪費！配埋枝菊花桂圓露$12，清一清火鍋嘅熱氣，夠晒涼快！

又想食打邊爐坐低先聽到隔離埋單講緊7:15pm前埋單有全單88折，望真啲，門口都有貼住優惠時段9:30pm後入座都有折門口既牌仔寫左今日有既牛肉選擇有d反左牌既無貨或者限量賣曬IPad點菜，原來有得按圖睇介紹架太多牛既部位選擇，揀來揀去，睇左好耐落完單，店員就介紹可以自助取醬料，水醬料都幾多選擇，最like個鮮柑桔🍊原粒汁加入醬料，酸酸地感覺又清新特別係今次點左胸口膀食落牛油油脂味超香濃真係要點酸醬汁解膩胸口膀建議食法可以淥15秒至3分鐘個人覺得15秒爽爽地好食d澳洲和牛-三角柳食落肉味濃，脂肪分佈平均試過淥耐左都唔會韌自家製牛肉餃-餃內牛肉似手加左調味既打牛肉丸，少少鹹，要點佢特別配上既醬汁食，味道好夾！大推紫菜響鈴，超好食，紫菜香又脆2款飲品酸酸地，配火鍋太適合可去除牛油油膩又解渴湯底牛雜料多又有牛味，有牛肚，牛膀，大小腸滿足的一餐

之前試過616分店已經念念不忘一直都好想黎大埔總店一次一試之下只能講一句果然不枉我山長水遠入黎大埔充滿老香港情懷既裝潢==============================醬料方面，基本既野都有都係果句，特別推薦一定要落牛汁咁食果陣牛味會香好多同埋食過幾間６１６就發現呢到既牛汁牛味係特別香依然係咁方便既平板點餐點果陣仲介紹埋每款牛既特色餐紙上仲寫左唔同部位既牛要淥幾多秒夠晒貼心，又唔怕淥到冇晒風味手打牛滑（＄４８）一直以黎既至愛話我為左佢而黎都絕無誇張爽口彈牙,絕對唔係世界上任何牛肉可以比,又牛味香濃仲可以按自己喜好整想有口感d咩，咪整大舊ｄ，想慢慢品嚐咩，就整細舊ｄ又唔怕會淥過龍咁先４８蚊直頭完美滑尾龍（＄４８）隆重介紹返我今次既新歡－－滑尾龍呢個部位會有咬口ｄ，而且肉味都會好重而佢上面隻味就係為左令肌肉冇咁硬而打落去既可見呢間店幾有心思打左隻蛋落去個口感就岩岩好，唔會太硬，但又保持到啖啖肉感覺既咬口必試推介吊龍伴（＄６８）其實即係肉眼邊呢個部位入口果陣油脂味會充滿晒成個口腔，同埋幾ｊｕｉｃｙ封門柳（＄６８）成隻牛最珍貴既部位！睇返介紹原來每隻牛只會有２斤左右而佢果然不負最珍貴

上次係紅磡已食過一次仲回味緊果種味道，除左會食到比較少食到部位外，佢嘅牛肉汁都一樣咁出色，係第二度真係未必會食得到呢種味道，而且價錢亦好大眾化，如果本身鐘意食牛既你地，就值得來品嚐一下包你食出驚喜，而我今次就去咗呢度開飯咁解因為近我屋企夠晒方便，至於鍋底方面我就冇乜所謂，重點在於係肉方面多過湯底因為肉都會流出香甜肉汁增添湯底鮮味，事不宜遲先點了幾款不同部位牛肉品嚐一下，記得係食之前去醬汁區，攞番碟秘制牛肉汁咁食先至係最完美食法包你一食上癮，先有牛駝峰、牛胸肉、肩胛翼板睇見各款牛肉係肉質上各有不同有肥美有嫩滑有香甜真係食得滋味，又可以滿足一番食慾，仲有紫菜響鈴一定要點來食，入口食到卜卜脆加上紫菜更加可口當然唔至食咁少肉再來有熟牛腩要煮耐小小咁食就最正，入口腩肉香嫩牛筋軟滑，到另一款係牛朴肉亦一樣出色啖啖肉味香濃再食埋自家鮮牛肉餃，又會食到香甜肉汁，到最後點都要食番啖麵連同牛肉汁食咁先正斗又咁快品嚐一餐特色牛肉鍋。

616呢個名一聽就知打邊爐，好有創意。首先不得不贊的是，服務非常好，服務員非常貼心，除了拎個籃俾我地放手袋物品外，隨行因為有小朋友，食野時主動拎匙羹同細叉俾小朋友，方便佢食野，真的值得一贊👍🏻。食物方面發現，醬油款式都多選擇，選擇困難者就麻煩啦😂花多眼亂。入正題（今日主要食牛）一睇餐單，牛都有好多種不同部位架😍好多部位小妹我見識少，真係聽都未聽過😂不過好彩服務員都好細心，有一一介紹唔同部位口感等等。上菜，😍全部都係牛由上至下數落去，封門柳，匙柄，三花腱，全部都好新鮮😋我個人最鐘意封門柳，牛味好濃肉。匙柄-較適合小朋友食，柔軟d。又要再提一提服務真係好，我地完全無叫過加湯呢句野，適當時候自然就有員工主動加湯，現場仲滿座的，證明員工真的好細心。這個小食“冰麻牛”好香辣，重點唔會太辣，平時不食辣的我都食到😂自家出品的烏梅汁，開胃，打完邊爐都唔覺“濟”，應該就係佢嘅功勞啦。除了牛，又烏冬又菜又魚片，食都咁高質嘅牛，朋友話以後唔食火鍋放題，改黎616當放題咁食😂

第二次食啦，食啲上次未食過既，什至哩世人都未食過咁刁鑽嘅部位。 橫隔膜，係最鮮紅既一碟，亦係我至愛，有牛味唔un, 脂肪分佈恰到好處！匙柄，聽過未都唔知係咩部分, 要睇下面個牛牛圖先定到位，淥6秒啱啱好，又係唔un 偏腍身既肉牛鴕峰，睇落有點厚，但最有牛味，有咬囗牛骨髓， 軟淋淋，應該好有collagen, 二人KO晒甘多條 麻辣牛肉餃係新出既，個辣味真係好麻，要飲好多啖凍飲，唔可以睇小，另外必叫日本稻庭烏冬， 好煙靭，吸晒啲牛肉牛骨湯野精華洛神 玫瑰花茶，好好飲，解渴解辣，爽丫

男朋友鐘意食肉，有朋友介紹大埔616牛肉火鍋店所以咪黎試下有冇伏位置係橫巷內，附近都有好多餐廳，6點鐘，一入去發現好少客，心惗會唔會真係中伏但原來7 8點時已經full曬位，客人仲要等位餐廳格局企理乾淨，坐位舒適醬料區醬油選擇非常多，網上有人建議牛汁、蔥、加青檸同少少醋，誇張到話好好食咁我同男朋友一於跟機試味發現味道真係幾好我地叫左澳洲和牛、牛下肋、和牛肩胛翼板、牛胸肉等再加烏冬牛肉勁滑勁重牛味，好好食醬汁配埋烏冬真係一贊，好好食呀忍唔住要同大家分享 大家GOGOGO 去試下啦

有舊金同事歐遊返黎香港，加上成隊同事都成功轉工，望開「馬中監獄」依個地方咁就緊係去賀一賀，打返個邊爐先。有同事介紹，大圍有間616專食牛肉，話勁好食。但大圍就full左，所以即刻轉場去大埔同樣，依間分店都冇令人失望616同其他專門牛店一樣，一入餐廳就有張「庖丁解牛」圖，講曬牛的部位同煮的時間我地食左牛丸、吊龍伴等（其他名我真係記唔實，因為係度掛住食）但特別要講的一點係 ！！！！佢既醬汁 真係真係超好食，大家記得要用牛汁加蔥加少少醋同青檸好食到流曬口水，配埋烏冬食，真係食到有高潮眼服務都好好，冇漏單，又借充電線比我地打機值得一試惟一缺點係牛以外的配料種類略少

估唔到大埔都有咁高質嘅火鍋店😍 616有唔同部位嘅牛肉提供，而且好多部位都未聽過😂 湯底嘅部份比較簡單，我哋揀咗沙嗲同牛骨湯。沙嗲湯底唔會太辣，但煮牛肉嘅時候會帶到牛嘅香味，值得一試👍🏻我哋基本上試晒所有部位，最好食嘅係匙肉、吊龍，佢哋比較重牛肉味，唔會太淋。其他部位筋比較多，比較有咬口，男士比較鍾意食😂😂 封門柳比較少脂肪，肉質比較厚，都系一個好選擇。P.s.記得去之前要book位，如果唔係基本上都要等半個鐘。