粉嶺不嬲都有好多平民又好食嘅小店。今日去咗潮粥麵食粉麵，一行到入門口就聞到好香嘅牛腩味，係正宗嘅潮式粉麵打冷舖頭今日中午我叫咗個牛筋平雲吞撈麵，牛筋煮得非常之入味，而且好腍，食落去味道好濃郁，撈麵係幼麵，又咬口而且都幾彈牙，配上腍身嘅牛筋，而且索晒啲牛腩汁，整體感覺好有水準。講一講雲吞，我以為佢會一齊上，原來係另上，佢啲雲吞都算幾大隻，每一隻雲吞都有鮮蝦喺入邊，食完牛筋撈麵，再拼埋啲雲吞一齊食，仲有一大碟菜芯，大滿足。 凍檸茶好大杯，少甜少冰，食潮式粉麵一定要叫一杯凍飲味配搭，今日中午食到正宗嘅潮州粉麵，覺得好開心！

好耐都冇喺觀塘食飯，今晚決定想食西餐。觀塘工廈有好多好食嘅餐廳，呢間NATA一直都喺我心目中嘗試嘅餐廳，今日見平日唔需要等位就去試吓。 餐廳好大，空間感非常之好，光線都充足，有好大嘅酒櫃，適合fine dine同飲酒。 我哋叫咗份扒，係美國安格斯肉眼，托盤下面有小蠟燭佐熱塊扒，令到塊扒keep住溫度，唔會凍，肉眼扒牛味濃郁，口感不錯，輕輕點上粗鹽食已經好香。 蒜香蟹肉意粉 蟹肉十分豐盛，每一啖意粉都掛上蟹肉係口入面，蒜香味濃，意粉炒得乾身不油膩。 明太子忌廉大蝦意粉 明太子醬好香，裹住每一條意粉，香口彈牙！蝦仁好大隻，食落爽口鮮甜。 意粉大概一人份量多啲，如果細食，兩個share都夠！ 佢哋好多特色飲品，我點的百香果冰茶有半粒新鮮百香果，將佢同果茶撈埋一齊更fresh。

今日去咗依間喺大埔屹立多年嘅雞煲火鍋店食飯，喺門口已經聞到好濃烈嘅雞煲香味，入到去，鋪面雖然唔算好大，但係差唔多八成坐滿，成個場都好熱鬧。我哋點香濃沙嗲雞煲，雞煲好快就到咗，炒得好香，香濃嘅沙嗲汁圍住啲雞件，佢一滾就可以食。當然其實佢嘅涼拌都做得好出色，雞煲未到之前可以食住涼拌等待。雞件每一舊都好大嚿多肉，咬落去全部都比沙嗲汁包圍住，味道好豐富，又惹味。肉質方面，雞肉都尚算嫩滑，唔會因為醃料醃過龍而嚡口。而且我最喜歡嘅係佢啲雞唔會好肥，唔會話食落去啲雞皮勁厚，每一啖都食到雞肉嘅嫩滑口感。順帶一提，我十分之喜歡佢哋嘅洋蔥，浸住雞汁浸到腍晒，好入味，甜甜地，打邊爐嘅時候仲可以再嗌洋蔥肉encore！兩個人有半隻雞，好快食完之後就可以叫佢嘅火鍋配料，有肥牛、滑牛、豬腩片等，一般肉類都尚算齊。丸類都好豐富，最鍾意食佢哋嘅花枝丸同埋蟹籽包心丸，加埋沙嗲雞汁一齊食，不知不覺就會食咗好多粒，蔬菜方面，有成十幾款，娃娃菜油麥菜同埋生菜呢啲一定有，仲有芋絲、烏冬、公仔麵，連紅薯粉都有，食雞煲一定要落紅薯粉先入味。佢個飲品櫃都好齊，除咗一般嘅汽水之外，仲有好多茶可以選擇，有糖同埋無糖嘅茶都好多有得你揀，有啲枱亦都有飲酒。食完佢嘅雞煲之後，明白點解佢可以喺大埔屹立多年，因為真係有水準，好多回頭客同埋街坊過嚟食。

假日行街搵晚餐，見到呢間餐廳專賣天婦羅飯，碗碗飯都超豐富，有高高嘅天婦羅炸物係飯上面，睇到流口水。 我哋揀咗松花堂．車海老御膳同埋天丼，兩款唔同嘅set，咩都可以試下🤣 松花堂．車海老御膳 係六格定食，仲有前菜淹物同埋味僧湯，好多嘢食☺️汁煮茄子好濃好入味，另外兩件豆腐都好滑，刺身蝦係非常鮮味。最鍾意係小柱魷魚天婦羅餅，外皮炸得香口，魷魚好彈牙，煙韌。海老係主打，夠大隻，爽口。啖啖肉，不錯呢。 天丼 有齊晒小柱魷魚天婦羅餅、海老、菇菌、溫泉蛋、海苔、莢碗豆 一上到枱就係我想要嘅天婦羅山搭係飯上面！每一樣炸物都炸得火喉剛好，不油膩。我發現將半熟嘅炸天婦羅蛋溝係白飯上面食，非常香口，蛋漿包住甜甜嘅飯粒，一試難忘。 今餐真係滿足嘅一餐！

天氣咁凍，當然要去打邊爐啦。每次打邊爐我都會諗起呢間一鍋堂，因為佢真係超級多食材，選擇超多超豐富。 今晚我哋揀咗最多選擇嘅c餐，可以食晒豬牛羊，仲有安格斯牛小排同埋日本產黑牛和牛、手切牛脊背！ 牛肉肥瘦均勻好，色澤好靚。可能因為坐滿場，係咁出貨，所以每一碟到嘅牛肉都非常新鮮。 另外一樣我覺得好好食嘅，就係墨魚滑同蝦滑，非常彈牙爽口，忍唔住食咗兩三碟。而且食得出都非常新鮮。 順帶一提，我覺得佢地嘅小食整得唔錯，特別炸雞翼真係好香口！連泡菜都有好多款式，花多眼亂呀揀值！ 打邊爐嘅連鎖嚟講，我覺得一鍋堂真係性價比高

粉嶺呢間新開嘅西樹泡芙真係長期都好多人排隊，我今日都想湊下熱鬧，買咗三款嚟食下。 白桃卡士 白桃好新鮮，有三大舊，算係比得好慷慨！爽口鮮甜，同埋吉士一齊食。吉士打得好滑，軟棉棉好香濃。泡芙皮有小小微脆，唔會太硬，食到鬆軟嘅蛋香味。 榛子Tiramisu 賣相十分吸引，仲有一支小餅乾係旁邊，口感都幾豐富，又有吉士味道，又有脆口的餅乾條配搭。榛子味道濃厚，配埋tiramisu，甜度剛好，恰度好處。 特濃朱古力布甸 一見到佢深啡的朱古力布甸已經深深吸引住我，上面吱咗勁濃香嘅朱古力醬，連泡芙都係朱古力味道，對於朱古力fans嚟講真係抵擋唔到。講返布甸，好滑好香，唔會帶苦，一口布甸一口朱古力醬嘅配搭，成個人都被朱古力味道濃罩住，一大享受！

生薑蟹肉芫荽青醬意大利粉 擺盤好靚，好吸睛，蟹鉗入邊啲蟹肉識落仲係好彈牙新鮮，意大利飯同埋青醬配搭得非常之好，而且煮得夠林，呢個fusion做得唔錯 蒜片烤羊架 蒜味好濃郁，羊架好大件而且好多肉，烤得剛剛好，唔會話有好大浸騷味，所以怕騷嘅人都可以食黃咖喱雞配烤餅 我覺得佢哋嘅咖喱係低調而且出色，黃咖喱配雞呢個配搭係非常之夾，咖喱味好香，咖喱同埋椰奶嘅分配亦都好均勻，最有驚喜嘅係佢哋嘅烤餅烤得好脆好惹味，加$18有四件，但係食完會再想加 錢要多份烤餅 炒雜菜 入邊有荷蘭豆、翠玉瓜、蘿蔔等等，係好香，而且好豐富。 泰式奶茶 香滑濃郁，淡淡甜美，食泰菜又點少得飲番杯泰式奶茶呢

高麗軒韓國料理喺尖沙咀已經好一段時間，放工經過嘅時候見到好抵食，決定去食一食。原本嗰餐二百幾蚊可以食到咁多款肉已經好抵，原來加$38仲可以食埋加拿大prime雪花牛同埋A3雪花牛，仲有帆立貝同帶子呢啲，都好抵加。 加拿大Prime雪花牛真係好唔錯，肥瘦均勻，油脂分布都幾靚，燒落去陣陣牛油香味，基本上食呢一隻肉已經抵返晒。特級牛頸脊相對地會冇咁肥，而且比較有咬口，鍾意食牛頸脊嘅都唔應該錯過。 帶子每一隻都好大隻肥美，有少少蒜頭喺上面，燒落去好快就熟，食落去煙煙韌韌都幾好味。熟食方面，都幾推薦佢呢隻招牌牛肋骨湯，湯汁都幾入味，牛肋骨好大嚿，蘿蔔都好香甜。燒銀鱈魚好大舊，好香脆，點上沙律醬，陣陣魚油香，都幾推薦。

今晚收工約左朋友喺灣仔食飯，醒起Qre Plaza上面有好多餐廳，去到見到呢間環境好靚就入去試吓 我哋前菜點左Drunken Clams，蜆肉好新鮮夠鮮甜👍 酒味濃得黎唔會搶左蜆既鮮味，調味仲有少少辣，十分惹味 Main就要左Grilled Hanger Steak，上枱已經切好晒，好細心❤️medium所以一啲都唔靭，肉味好香濃，外皮煎得有少少燻味，正👍另外想讚下配菜都好好味，磨菇稔得黎入味，而薯蓉就好大盤，而且好香牛油味

成日都見到佢已經火車迴轉壽司餐廳食壽司，今晚放工決定去食。 雖然係迴轉壽司餐廳，但係我見到個個都會叫一鍋shabushabu, 我就叫咗牛肉壽喜燒，入面有蟹柳、豆腐、粟米、冬菇、芋絲、金菇、紅蘿蔔，等等，仲配咗半個稻庭烏冬，熱辣辣食落去真係好滿足。入邊嘅壽司好多選擇，三文魚壽司肥瘦均勻，色澤亮麗，賣相不錯味道都好新鮮。 軍艦方面揀咗吞拿魚蓉軍艦、龍蝦沙律軍艦、芥末八爪魚等 值得一讚係紫菜真係好脆，全部都係新鮮包！料都比得好多，所以食得好開心。 牡丹蝦、劍魚同埋貝類都係好新鮮，而且好厚切，飯唔會俾得好多，所以可以食到刺身嘅鮮味。天婦羅炸蝦手卷嘅炸蝦啱啱新鮮炸好，好脆口，而且紫菜都係繼續好爽脆，價錢唔貴，性價比高。