616牛肉火鍋專門店 (翠怡花園)

營業中

休息中

餐廳冇改錯名，唔係指616(淥一淥)😏，而係指👉🏼”牛肉”👉🏼”火煱專門店”，因為真係完全冇其他種類的肉食。616係咩店都無需要多介紹，好多雜誌都採訪過，又開左咁多分店。基本上全店的肉類得牛肉，但係就分好多唔同部位🐂，D名向正常情況下都唔會聽過的，至少我未聽過😂，用幾廿蚊一碟👍🏾的價錢就可以試到牛的唔同部位，其實係好平民能夠接受的性價比🤑今次同老闆叫左以下部位︰- 吊龍伴😋- 匙柄- 牛朴肉- 是日精選(唔記得係咪牛柳了)- 牛駝峰同老闆一致覺得吊龍件最好食😋，最唔鐘意係牛駝峰，唔係指唔好食，係有幾塊肚肉太大舊囉😣，其他三種都好好有肉味，但各個部位的口感就唔一樣，大家自己來試自己鍾意的😉菜同烏冬就唔駛介紹啦吓嘛😂

尋晩我哋兩公婆都放假，而且又係兒童節，緊係出去擦餐勁～我哋先上一上openrice 做個research. 就決定左試616。因爲訓晏覺訓得晏得濟原因，我地8點先出門，我哋8：30左右先到左616，企係門口已經閒到啲火鍋香～ 一入鋪，待應已經招呼我哋坐梳化位，又問我哋要唔要BB櫈，喱間啲服務好好(唔駛問先有)。一開波，就問我哋係咪第一次食？(係)，然後，佢好詳細咁解释點樣落餐，有乜推介，食個陣要注意啲乜……(點解伙記要教我點落餐，原因係→→宜家已經乜都電子化)伙計首先推介左個好優惠湯底俾我哋知，就係『川味酸菜湯底』，佢做緊promo加$1，就可以有喱個湯底，只因要就囝囝食唔辣所以就放棄左！經過伙計推介左另一個湯底&啲牛，我已經急不及待去爭住點餐！首先，老公話想食個牛雜湯底。老公都讚好！佢話又唔貴，又有咁多料！出面食碗牛雜嘅價錢都得兩三夠！然後繼續落餐，點左啲推介牛，由於我哋到太晏到，所以熱門嘅牛已經售罄。我哋都點左成5-6款牛！(期待中)，上碟嗱…首先…第一碟係頭腩！好香牛味，完全唔韌唔鞋！第二碟係牛朴肉！我老公勁like ， 好滑第三碟係牛駝峰！好重牛味，濃郁牛汁，完全唔韌之餘仲好口

今日朋友House warming，玩完一輪就落咗樓下搵嘢食。朋友介紹呢間，食過非常之好食。室內環境非常之舒適，所有餐具非常潔淨好用，就連凳都係designer Chair，完全估唔到係一個小區嘅小店。兩個人叫咗好多牛，佢部iPad有解說好多唔同牛肉不同部位的來源和食法。兩個牛肉精花多眼亂，都唔知揀乜好，就求其揀左幾樣未食過嘅部位。我最鍾意食果樣，就係個樣同正常牛腩冇乜分別，但係真係非常吸引嘅招牌牛腩！佢同平時牛腩最不一樣嘅地方，就係佢嘅脂肪分布非常均勻，個舊牛腩嘅肥肉是彈牙的，好似一個氣泡裏便包住牛肉汁一樣，一咬就會爆破！百吃不厭！仲有樣食完都唔知係牛肉邊個部位的胸口磅。Menu介紹可以輕煮15秒，或者煮足3分鐘都可以！我兩種都有試過，比較偏向15秒嗰種。入口爽滑好咬口，牛肉味非常重！感覺好似食緊牛筋同肥肉中間嘅薄膜一樣！我哋食到尾聲嘅時候，剛巧其他食客都已經走晒，亦係員工放飯嘅時候。我將一個非常彈口嘅讚岐烏冬放入鍋裏，輕輕煮幾分鐘已經好好食，既沾滿沙嗲汁，亦保留烏冬嘅彈口！下次過嚟探朋友，一定會再嚟食！

跟住嘴刁gei朋友搵食一定有好路數,之前我去過銅鑼灣食牛牛火鍋,其實一開始,我係跟住朋友去呢間元祖店,開頭我都諗緊得牛都夠食?絕對夠!因為好專一咁食牛,唔同部位食一次都已經好飽.由於我對牛認識好少,基本上係朋友叫,我負責食.唯一主要叫gei,就係響鈴,呢度D響鈴條條都超大條,所以淥o個陣要小心D,如果唔係會辣親~不過d響鈴真係超級脆,encore多幾條都得!黑柏葉雖然無味,但熟左點芝麻醬食又幾夾(其實只係想食芝麻醬)我地叫左個金花趾,油脂比較少,所以咬口會好D,更加能夠食到牛肉gei鮮味鐘意啖啖肉可以叫個牛滑~~自己想整到幾大就幾大,淥完之後牛味濃郁,而且好彈牙,令我一度有墨魚丸gei幻覺,哈另一推薦係牛肉餃,自家出品,無味精,食完都唔會口乾,個皮又薄,可以好專心咁品嘗牛肉基本上牛淥熟左味道都差唔多,但口感的確有分別,牛朴肉就係食肉質gei代表呢度唯一一點我覺得有D可惜gei係蔬菜選擇偏少,對於我呢D蔬菜系gei人黎講就慘少少,唯有叫多D蘿蔔同豆腐~~

今日終於得閑去食616，難得冬天梗係出去打邊爐，呢度超級多牛肉選擇，肉質都好好，不過一疊嘅份量唔多大約有六至八片，價錢都要平均＄50一碟，如果你係牛肉大魔王但又想食飽，咁可能就要帶多啲錢。不過愛牛肉之人一定要食

我地一家都非常中意食牛,所以我地就去左試呢間牛肉火鍋店,首先呢間我覺得地理位置不錯又近火車站👍👍而佢個個麻辣湯底我就覺得十份濃味最岩我呢啲重口味人士😂😂但佢個牛肉餃我地都覺得個肉偏甜,而牛肉又好薄身試唔出牛肉既味感覺每款牛都差唔多😢但佢個牛肉丸就幾彈牙配合麻辣湯一流👍😋而呢到唔係放題但就限時100分鐘,整頭黎講我都覺得呢間不錯價錢都中中等等我地都叫左5,6碟牛加一碟牛肉餃牛肉丸同菜埋單$500幾🤗中意重口味都可一試👍👍

「616」位處太和，聽聞以「牛肉」為主題，主打不同牛肉部位，嗜牛如我，慕名而來，淥一淥，吃一吃不同牛部位！吃牛攻略，圖文並茂，介紹詳細。店員推薦若首次顧店，先試清湯，嚐清楚不同牛肉的味道。設想周到，好啊！清湯清而不淡，用牛骨淆成，粟米提醒了湯的甜度和豐富度牛朴肉較肥美，油香味明顯，肉質軟滑，吃後口有牛花餘香。牛駝峰肉味較牛朴肉濃，但不失脂腴之香，較為平衡。匙柄肉質較「粉」，有點像內臟肝類較「鞋」，個人一般。尾龍肉味非常突出，好吃濃濃牛味的必選。牛舌爽脆，沒有腥味，份量不少，價錢相宜，非常抵食。這手打牛肉滑，這個有點像手工牛肉丸的味道，爽口彈牙，我喜歡這樣的質感。黑柏葉切得較細，不易撈起，味道中規中舉。皇帝菜和雜菌，新鮮嫩綠，菌類樣子駐紮實乾淨，沒有霉爛感覺。皇帝菜非常清甜，菇菌吸收了牛肉湯精華，正啊。啤酒乾杯，邊爐一樂也。

由於我最親愛的DADDY生日佢又好鐘意食牛，所以就帶佢去專食牛既火鍋店食飯啦。 有唔同牛既部份比你揀，有好多位置都係平時小接觸小去食既，聽DADDY講係因為哩D部位唔多同埋好小會拎出黎賣，要同肉檔老闆留先會有，所以食既時候我都好期待。Order 左好多唔同部位既牛，包括左吊龍伴、匙柄、封門柳、牛駝峰、牛舌、牛朴肉，由於每款牛都係手切既關係，每款牛既口感都有分別，有D冧有D"UN"有D就爽，而我就最鐘意牛駝峰佢好冧滑 但全部都好新鮮好有牛味。湯底我就點清湯牛骨湯底，充分upgrade左牛既鮮味，因為湯底清就唔會同牛肉搶fo。不得不提就係佢個牛雜，真係好入味又好冧，出乎意料之外咁好味~總括而言，真係值得試哂佢咁多款既牛，食d平時少食既位置，充滿新鮮感

唔熱既天氣都要打邊爐，係香港人既本生態吧。第二次幫襯616，牛肉刁轉部位為賣點。上次幫襯落完單，上碟食完，就唔記得曬佢地分別既名>_<"。好喇，所以今次要MARK低。總結，限量果d 一定要叫，避開伏物，係好食d既。有伏請注意(牛扒菇，牛駝峰，裹裡肉，牛肉餃/.\)，如閣下仲係要點既，就自便喇。伏，放過自己喇好嗎.....伏，打邊爐黎講質地唔係適合服務態度好好丫，環境衛生也可以，有種熱熱鬧鬧，煙霧彌漫既感覺。如果可以跟住d名黎點，就唔怕點到唔好食喇。如果第一次幫襯又會有想試曬所有部位既衝動，自己諗喇XD。

這篇不關食物事一早book 左8:30pm枱，9:30pm都未俾到枱問負責人，佢話冇限時食客食幾耐咁我想問：點解要俾人book 枱，book 完枱又唔預早安排，又想點？負責人話：book枱只係比walk in 嘅人早啲入，冇講過一定俾到枱呢個係一個好唔負責任嘅原因，跟本將責任推返落啲等緊枱嘅客人身上一早就唔好俾人book 枱，有得book 枱就要預早俾客人啦負責人雖然話俾番9折作補償，但相比足足一個鐘嘅等待......其實係於事無補希望616正視這個問題。

今晚老公話有一間牛肉專門店好正，我們就約了姨甥女和好友一起來到大埔，訂了七點半，因為有事遅了少少，唯有坐的士，點知走的時候，才知道原來好近火車站。原來湯底真是很牛呀！有牛骨及牛雜任你選擇，我們要了牛雜湯底，因為朋友喜歡吃牛雜，為牛煱作了一個好的開場。叫了匙柄、牛朴肉、牛駝峰、牛舌、封門柳、吊龍伴，基本上由背脊到大腿我們都試，沒有要牛腩因為外面都食到。我喜歡匙柄、牛朴肉，因為口感一流，又好有牛味😍😍呢間牛肉專店十分專業，不同部位有不同的名稱及不同的616時間（由6秒至12秒），保你一定是軟滑香霖的口感。不得不讚👍。由於牛湯底味道濃郁，令蘿蔔、豆腐、菜很入味，滋味無窮。另外醬料都有十幾種，我就最喜歡青檸，因為酸酸地，好開胃，可以食多些牛肉😋😋😋我覺得如果鐘意食牛一定試試呢間，因為價錢平均$48至$68，基本每人$200就可以食晒一只牛😍😍😍

其實我平時都有留意呢間食肆，最近見到原來已經開了三間在其他地方，既然要食，就梗係去總店食，所以約咗七點半，點知工作有些事情，所以來到大埔，已經七點半有多，唯有在火車站坐的士去，好快已經到了，吃完飯後，行返去原來好快(10分鐘唔駛)，不過Openrice 話A出口，其實B出口近些。我們揀了牛雜湯底，內裡有齊唔同的牛內臟，如肺、肚、膀等等，已經很淋身。呢間食肆好專業，基本上枱面有張圖片，介紹每個部位名字，及要滾多長時間。我們叫了匙柄、牛朴肉、牛駝峰、牛舌、封門柳、吊龍伴。我其實真係唔記得咁多名，因為碟碟都切得好薄，只係顔色有深淺之分，顏色越深牛肉味道越濃，反觀顏色越淡牛肉味道比較淡，我個人推薦封門柳、匙柄，我喜歡牛肉味濃郁。😍😍😍我們4個人，仲有要了些烏冬、蔬菜及飲料，埋單都係$723，並沒有加一，我覺得非常之低食。另外這裡用平板電腦點餸，操作簡單，當你點完餸，侍應收到就會將漏斗放在枱面計時，20分鐘內送上所點的餸菜，如果遅了就免費，果然20分鐘內已經到齊，好有效率👍👍👍

約朋友出黎食飯，真係難過登天，難得一班人一齊食飯，緊係要搵啲好味道、坐得舒服、又可以傾計傾得耐嘅餐廳啦，我覺得打邊爐真係最適合喇。今日又有高質邊爐推介俾大家，今次就黎到大埔。-喱度比起平時嘅火鍋舖頭，最大嘅特色，就係喱度主打食牛肉！仲要係鮮牛肉，同埋各種由牛肉整成嘅食品，例如係牛丸、牛肉餃等等。-湯底嘅選擇唔算話好多，今次揀左佢特別推介嘅牛雜湯底。-湯底嘅牛味非常濃郁，但係又唔會有嗰種牛嘅腥味。牛雜炆到好淋，同埋好入味，其中最推介佢嘅牛肚同埋牛腸，咬落爽口彈牙，好味啊。-牛肉嘅選擇好多，各個唔同嘅部分都能夠點選黎品嘗，例如係尾龍、匙柄、胸口膀等等。其中我最鐘意就有牛駝峰同埋牛心椗，牛駝峰油份較重，入口咬落好淋，好香口。而牛心椗口感就完全唔同，咬落爽口好多。

今晚約左以前讀書年代返summer job既舊同事食飯個時一齊喺大埔返工，而佢依家都仍然係個頭返工仲叫我入大埔搵佢，帶我去食“全牛宴”咁話啵佢帶左我黎呢間火鍋店，原來係專門食牛肉既，難怪佢話今晚係全牛宴啦當中有牛既不同部位可以點，有好多部位真係聽都未聽過架！呢度係用ipad落單好方便，送單後店員就隨即拎左個漏斗嚟計時，承諾20分鐘內會上菜，如果唔係就會free畀我地係未上菜既期間就去自助吧“自行混醬”先餐紙上仲好細心咁話埋俾食客知，唔同部位既牛肉應該滾幾耐就食得湯底有兩款：牛骨清湯同秘製牛雜湯，雖然後者貴少少，但我地揀左“秘製牛雜湯底”HKd$68，貪佢有埋牛雜同蘿白食呀嘛份量都唔少啵而牛肉方面我地總共叫左四款，咦....點解有5碟？因為原來依家做緊優惠：1815前入座就會送一碟“牛駝峰”我地就叫左“牛朴肉”HKd$48、“ 吊龍伴”HKd$68”、“封門柳”HKd$68同店員推介既“是日精選”HKd$68見到呢五碟色澤鮮嫩，油脂平均既牛肉，未食都開始興奮當中自己就最中意“吊龍伴”同贈送既“牛駝峰”，因為佢地既牛脂比例較多，所以食落真係好軟淋得黎又好香話明全年宴，牛既副製品都要試下既！

牛肉火鍋專門店🐂-牛雜湯底 ($68)叫得牛肉火鍋專門店，湯底當然會有特別選擇啦！今次司令就揀左牛雜湯底🍲，成鍋上枱都見到真材實料既牛雜，湯底亦都飲得出係熬左一段時間🕙，夠晒入味！除左湯底好飲之外，牛雜既份量都多架，肉類未到齊前都可以食住等👍🏻。-基本牛肉 ($48)碟碟$48，作為高質素既牛肉火鍋黎講呢個價真係幾抵玩😍。最緊要係份量都唔少，碟碟都鋪滿晒肉先會上枱。司令就最中意佢地既「牛駝峰」同「尾龍」，肉質嫩啲，好襯牛雜湯底。-特別部位 ($68)而每日限量既特別部位就碟碟$68，貴廿蚊既原因係特別部位既肉質少，甚至可能一隻牛只會做到一碟出黎，所以售完即止🤘🏻。好彩司令都算早到，有唔少既特別部位都仲有，其中最推薦「脖仁」，佢既肉質係一絲絲咁既，食落口好有口感😋，可能要咬耐少少😂，但牛味真係十足！忍唔住再encore左碟。-最貼心既係枱面會有教大家不同部位需要淥幾耐時間⏰、襯邊種醬汁比較好食，呢度值得加分👍🏻！