616牛肉火鍋專門店 (翠怡花園)

營業中

休息中

約朋友出黎食飯，真係難過登天，難得一班人一齊食飯，緊係要搵啲好味道、坐得舒服、又可以傾計傾得耐嘅餐廳啦，我覺得打邊爐真係最適合喇。今日又有高質邊爐推介俾大家，今次就黎到大埔。-喱度比起平時嘅火鍋舖頭，最大嘅特色，就係喱度主打食牛肉！仲要係鮮牛肉，同埋各種由牛肉整成嘅食品，例如係牛丸、牛肉餃等等。-湯底嘅選擇唔算話好多，今次揀左佢特別推介嘅牛雜湯底。-湯底嘅牛味非常濃郁，但係又唔會有嗰種牛嘅腥味。牛雜炆到好淋，同埋好入味，其中最推介佢嘅牛肚同埋牛腸，咬落爽口彈牙，好味啊。-牛肉嘅選擇好多，各個唔同嘅部分都能夠點選黎品嘗，例如係尾龍、匙柄、胸口膀等等。其中我最鐘意就有牛駝峰同埋牛心椗，牛駝峰油份較重，入口咬落好淋，好香口。而牛心椗口感就完全唔同，咬落爽口好多。