616牛肉火鍋專門店 (翠怡花園)

營業中

休息中

翠怡花園真係越來越多好嘢食，而且價錢抵食過太和嗰邊，所以今年我成日喺呢度開餐。我老公係牛魔王，一撞就留意到 616 係食牛肉火鍋嘅專門店，因為佢有一板全牛拼盤套餐，仲要唔貴喎！我成日都好想試吓節日限定的牛拼盤，因為可以一次過試哂多款不同部位。$338 都包幾多嘢食重點緊係呢塊牛版啊！未食首先影張 selfie 先有好多刁鑽嘅牛部位，我之前真係未食過，年青嘅店員仲要好落力咁介紹俾我哋佢話啲牛肉係每日下晝新鮮運到店裏面，既然佢咁熱情我當然有相對嘅回應啦加＄30就有牛雜湯底，真係唔好講笑！真係超值！雖然我唔係好食內臟，但係牛魔王一見到鍋牛雜已經食指大動。果然湯底就係打邊爐嘅靈魂特別推介的牛駝峰，牛肉嘅油花同脂肪更加多，仲配備自家製嘅牛肉汁，細心地配上柚子果然把牛嘅鮮味提高到另一層次。仲有就係好特別嘅 匙肉，係牛肩胛側位，無論脂肪定係雪花都夠晒平均，入口超級嫩滑。仲有另一款叫封門肉，點家的iPad有介紹都係橫膈膜嘅肉真係一隻牛好似得兩條，唔怪得食落去牛肉味咁香濃啊！味道仲好鮮甜添！今次除咗食得好滿足之外，知識上我都充實左不少喎

呢排D朋友好得閑成日都話要出來見面，早排成日都話好忙唔得，難得大家都就到梗係出來吹水食飯，今次又係附近搵吓有冇好嘢食，去咗間專食牛肉嘅火鍋店，貪佢有D牛肉部位係呢度可以食到，而且價錢合理來到梗係點番個牛板拼盤轉牛雜湯底。湯底材料足，湯底牛味相當濃郁。買相得意，用心擺放每度肉位置係邊個部位，種類幾多又食到唔同部位，方便放落鍋裏計時間避免煮耐過肉變硬，真細心，原來叫拼盤仲有送蔬菜籃&烏冬麵同汽水。除咗呢個拼盤外，仲叫咗其他限定部位食，先來係牛駝峰，肉質非常嫩滑食落超鮮牛味配埋秘製牛肉汁+甘桔汁，食落更加鮮味再來係金花趾，脂肪平均分佈係每處地方，肉質爽彈牙，入口浸浸牛肉油脂係口腔裏非常甘香，食到停口之後係自家牛肉餃，特制青檸汁，薄薄皮包住自家牛肉餃，肉質非常嫩多汁，點醬汁更開胃最後要埋熟牛腩，牛腩肉質非常肥美又鬆軟。唔經唔覺食到飽，又要等下次。

老公講過I will come back呢間火鍋店的﹐果然真係回來了﹐今次選擇2人套餐比較一下上次散單的分別﹐而湯底係牛雜湯加了$30同上次不一樣的牛骨湯底﹐2人套餐$338包括：牛骨湯底、牛併盆、蔬菜藍、汽水2罐(可補差價選其他飲品)及醬料﹐其實都幾超值﹐因5係套餐﹐樣樣都要錢的﹐連醬料每位都要$10。主角牛併盆內都有10幾款的﹐但我個人都係喜歡散單﹐因為可以重點食到自己喜歡的部份﹐而套餐無疑是抵食﹐不過好似食得5夠爽甘﹐每款都3-4片﹐而牛雜湯底味好濃﹐其實加$30都好抵﹐正係飲番碗湯都超值晒還有牛雜食。如果呢間品質能夠維持﹐相信我哋會成為長期客仔﹐哈哈！

前晚收早，想約媽媽去打邊爐，又想搵一間有特色嘅餐廳，於是上網搵，搵到一間出名主要食牛嘅火鍋店，就是這間616牛肉火鍋店，我同媽咪都超鍾意食牛，而且佢仲開到咁夜，九點半入座都得，於是就決定同媽咪去試一試！去到見到每一張枱嘅客人都叫咗338全牛肉套餐，佢包晒飲品、醬油、仲有牛骨湯底， 我當然都照叫了！湯底一嚟到，我同媽媽即刻試吓個湯，果然同一般喺火鍋店食到嘅鴛鴦湯底、清湯、番茄湯、沙嗲湯、日式醬油湯底，與別不同。 338全牛套餐嚟到，佢放材料嘅方法是按照牛嘅部位來放，連個碟都係牛嘅形狀，非常特別！最貼心嘅係，餐紙（墊枱紙）上都印有牛嘅部位，我哋究竟食緊牛嘅邊一個部份，食嘅時候都很清楚，佢連我哋應該煮幾耐嘅秒數都寫下，非常貼心！味道方面，的確好有牛味！牛腩本身都有味道，其實唔使點醬油都得！牛筋很滑，牛柏葉亦很爽口！我哋仲叫咗啲配料，例如有響鈴、粟米等。響鈴都OK ,粟米非常甜。唯一唔太方便嘅，就係間店比較隔涉，有一點難搵。

今日老公出差回港，叫我係大埔搵地方食飯，我梗係又搵open rice apps幫手，打開apps 發現大埔新開一間616牛肉火鍋專門店，門口以全牛每部分的分佈圖作招來客，火鍋肥牛食得多，一般都係雪花肥牛、安格斯牛等等。但呢間特別的地方是將全牛分部位來做賣點﹐睇見餐牌時真係5知邊部分打邊部分，店員推薦餐牌上全牛拼盤套餐$338包2杯飲品及醬料，但我想清楚品嚐牛每部分的味道及口感，所以決定重點選了幾個部位比較一下5同部位口感及味道有咩分別？order 左有：封門柳、牛朴肉、牛駝峰、牛骨髓、胸口膀、匙柄呢6款不同部位另還加了熟牛腩、牛肉餃及稻庭烏冬﹐落完單個服務員攞個計時器放係枱﹐話拍心口保證20分鐘有得食喎！品嚐完6款5同部位﹐款款都好好味﹐但都5記得邊部分打邊部分﹐不過最深刻是匙柄及胸口膀﹐因為這間店介紹食法將2款合併一起食﹐口感同味覺係真好的﹐所以特別試一下﹐果然不錯﹐而牛肉餃也不錯﹐老公話要再多一個添！呢餐真係好满意﹐老公話一定會再來的。

火鍋平時食得多，專食牛唔同部位嘅真係第一次啦！呢到隻嘅牛肉部份真係好多聽都未聽過，所以真係要試下先知咩味！呢到環境裝修都幾特別，有種好懷舊嘅感覺。牆上掛左好多唔同部份牛嘅名，好得意。先點湯底，我地點左牛什湯底，貪佢入面有我最愛的牛什，好足料，咩都有Ｄ，個湯底個味都幾香幾濃。飲品無咩特色，都係拎貨的。啤酒可樂係打邊爐必需的，夠哂凍已經掂！點左幾款牛肉，包括牛腩心、牛駝峰同埋封門聊。牛腩心：肉味好濃，質感富有彈性，幾爽口。牛駝峰：脂肪較多較重，油香味勁Ｄ，肉香就唔太濃。封門聊：肉有少少細執，肉香都勁，油脂較少。整體黎講$48一碟幾抵，唔同部份有唔同特色，樣樣試少少又唔好。唔洗一大碟食哂同一款，幾有新意。

前排同朋友想打下邊爐，見呢間好似好專業，對我地呢Ｄ牛魔王黎講一定唔放過，地方係有少少難搵。一入到去有好大張牛既部位解說圖，而張餐紙都好有心思，會教你每個部位都有說明要煮幾耐，好詳盡。佢既裝修幾有香港風味，佢既牆身都幾令，好似係大排檔咁落單既方法就用ipad，成隻牛既部位都好清楚，店內既員工都好有心機解說每個部位咩口感同邊個好食Ｄ，佢好有耐性地教我地點食可以食到牛既唔同部位，最後我地叫左個「全牛拼盤」套餐$338不過唔食唔知，原來牛部位真係慱大精深，Ｄ名真係唔識，好複雜好佩服Ｄ店員可以記得曬不過唔理，有得食就得了個餐包埋湯底，醬料，蔬菜籃，烏冬同兩罐野飲，店員見我地兩個女仔怕太飽，建議我地轉個烏冬做菜，咁就可以食多Ｄ牛。我地都怕食唔晒，最後轉左做菜，健康Ｄ。醬料都幾多選擇，水就可以自己拎，可惜當日冇熱水。好！個牛黎了！成個牛形既木盤，好得意。而每款既牛部位都係對應番既，所以食既時候就可以知道依自己係食緊邊個部位，真係長知識了其他配料都陸續到齊，佢原本既用牛骨做湯底，唔好睇佢好似好清，以為好淡口，其實都幾有味，飲得出煲左好耐，湯底入味！佢個栗米好甜，入曬Ｄ牛湯既味，好食，如果多少少栗米就更

牛牛牛！天下邊個唔愛牛！作為牛魔王，我最愛既紅肉係牛。雖然牛肉俾人話佢對皮膚唔好，但唔好忘記佢都有豐富既肌紅蛋白，對增加肌肉好有幫助；其鐵質亦係血紅素既優質來源之一。小弟同同事做到隻牛咁，都要食返餐勁既。今晚特登黎到位於大埔既616牛肉火鍋專門店食牛！實行牛牛圍牛爐！店鋪位於翠怡街3號翠怡花園B座地下，唔係大街上，要轉入大廈與大廈間前地，一個唔覺意好容易會miss左。室內環境光猛，乾淨(連地板都lap lap ling)，陳設簡約，仲有照顧小朋友既櫈仔，幫襯既都係街坊，同店員有傾有講，係人情味啊哈利！調味吧任你選，最特別既係牛肉汁，係店鋪自製既秘方，甜甜地，配合甘桔和牛肉同食非常有新意。餐廳會有呢張紙教客人點食成隻牛，又可以知點先算唔會過火，又可以學下不同位置既名稱，真真有意思！最好既係：紙上面仲有醬汁同唔同既牛肉部位配搭，教得咁仔細，想唔個個變食家都難啦！牛全部都係牛！金花趾即牛後小腿，僅佔整頭牛的2%，非常矝貴，佢既筋係咁多牛肉部分中（隨牛筋本身）最多，有韌勁！三花腱 相比起金花趾，雖然冇咁稀有，但筋肉分佈平均，而且肉味更濃，更得我歡心！滾8-10秒仲保持到大大塊，口感最佳！牛心椗

上網見到有間專食牛嘅打邊爐，想試下，專賣牛嘅話我估佢應該牛嘅質素有番咁上下一入到去，見到有個牛嘅板圖喺牆睇到咩食緊咩部位同埋要綠幾耐用ipad落單一開都係呢個牛板圖睇左之後同朋友兩個女仔嗌左個「全牛拼盤」$338好似咩都有得試～唔洗揀咩部位（因為咁專業嘅部位名 講真我都唔知邊到打邊到）包埋湯底，醬料，蔬菜籃，烏冬同兩罐野飲因為waiter見我地兩個女仔怕太飽，仲問洗唔洗轉個烏冬做菜咁又幾好嘅，我地都怕食唔晒，轉左做菜張餐紙好有用，一綠就望下要綠幾耐好快就上菜了，好搞笑真係用個牛版圖嘅木盤上，將果個位嘅肉放番喺果個位置咁就知食緊咩個人鍾意食淋身d嘅部位，推薦嘅位係（打直分3行數）：所以第一行第1,4個+第二行最高同低果個 都好好味！又多雪花另外有d位牛味好重但就冇咁淋身醬汁-左：牛肉汁（甜甜地）右：蒜蓉汁（幾香口，點左呢個惹味d）加左一碟特別部位：好似係牛腩片呢個係超淋超好味呢個栗米係真心正好甜又爽，湯底本身有嘅幅畫好靚好得意同埋waiter好好服務，好耐心同我地講解d部位同埋會係咩口感呢個服務態度係抵讚的門口是這樣

一早見到呢間有各種稀奇古怪既牛部位已經好想試約埋屋企人去食餐好既碟碟牛都係48均一價可以試咁多出面食唔到既牛牛有個算係細房位可以一班朋友仔有個角落傾下計牆上有畫左616既畫都好有心思一入門口會掛哂牛肉既名會話你知有咩係已經賣哂可以用枱上面既電腦落單禁入去仲有唔同款牛肉既介紹仲有個全牛套餐可以咩都試下第一次落單有個漏斗廿分鐘未黎果碟就送俾你仲有介紹要碌幾耐食得可以出去拎醬料不過每人盛惠10蚊牛肉汁要大推甜甜地要左牛骨清湯清清地可以食清牛肉既味道有幾隻一定要推薦限點既封門柳每隻牛得兩塊超罕有牛味超級濃郁牛朴肉係牛牛活動得最多既部位雪花分怖好均勻食落嫩口又甘香胸口膀睇落白色一塊好油咁點知淥完之後一食超爽口但又不失牛脂味挽手腩係連接爽腩同坑腩既位唔似坑腩咁多根牛腩心係牛腩最中心既位肉味會出D不過就無咁多脂肪位牛腩心比較落厚身少少黑栢葉唔算太特別不過點佢個涼伴醬超夾最後叫菜都好新鮮仲有打邊爐一定要既響鈴店名: 616牛肉火鍋專門店地址: 大埔翠怡街3號翠怡花園B座地下18號舖想睇清楚D相可以Follow埋Facebook: KJFOODLIFE飲食玩樂地圖

在616𥚃面你會吃到不同部位的牛肉，甚至乎在街市的牛肉檔買不到的部位佢都有得食，很專業，地方乾淨，服務員也很細心解釋不同的部位給予意見，已決定下星期再和家人去吃

牛肉超薄，食好多都吾飽 又無白饭填肚 如果要饱肚真系可能吃好多好多。減肥人士比較適合。招呼就非常之熱情啦！可惜牛肉好薄，套餐里的份量更加少。睇来有點失望了。依家肚饿了

為方便俾大家配對我影埋(圖+名)係ipad上呢間野好特別~有好多未見過既牛肉食~詳情如下: 附上分別煮幾多秒先好食一眼望落去過半數既牛肉都未見過.....但可以先講基本上每種肉既口感都大不同主要為軟硬度,和爽口程度.他們會在計時完前保證送上送菜~否則不收錢!有自助式醬料~但提提大家是要收錢的!先講下牛朴肉牛朴肉反而我地覺得都幾好食~因為好爽口~同埋唔算話好特別既肉黎~ 食落就係爽身普通肥牛這個是我們比較喜愛的! 匙柄有d硬身, 應該唔關我地煮太耐事, 我個人唔太中意太硬既牛肉食落口感唔太合適於我身上.腿肉腿肉比較望落去多點根的東西 煮熟後條紋比較美食落去偏爽口,可能是因為根比較多吧三花腱我沒聽過這肉, 望落去肌肉型的口感咬落去最為爽口, 但不是個個喜歡我朋友就不太喜歡太爽口我個人倒是覺得不錯XD 可以一試裹腱肉這個是最多根的口感的一種肉咬落去非根部位就偏軟 有根的部位就偏爽口所以就軟爽軟爽的口感限量版只叫了一碟就是 封門柳肉質上菜時已經覺得好靚口感偏厚, 小小彈牙, 多汁值得一試, 通常限量版只佔牛的一小部分 供應比較少所以大家一定要至少試一份!

喺人都知打邊爐仲要食牛價錢真係唔會平得去邊,估唔到呢個嘢堅有良心話說我同老公見佢都開咗一段時間又未試話,所以就抱住豪駛一餐嗰日已經好夜都成10點,喺門口望入去得番3枱,好企理坐低後服務員就循例介紹吓,見到一個全牛套餐只賣338 ,(已包括菜,2罐飲品同醬料) 我見2個人應該都食得哂又可以試吓唔同部位就叫咗一個,跟住仲叫咗一個限量嘅部位叫封柳門都只賣48！嘩~如果出面啲鋪頭限量出售仲唔過百呀！所以稔都唔稔就叫咗！嚟咗之後湯底得一種就係牛骨湯,不過坦白我又唔覺得好味唔夠朱骨湯濃個套餐嚟咗見到好有心思,就係攞隻牛樣出嚟唔同部位擺唔同位置,等你知道食梗咩位 ! 幾好 ! 最後埋單只係400 蚊有找2位 ( 唔知點解88折 ) 其實我地仲額外叫咗2碟响鈴同一碟菜,抵到無朋友 ! 絕對有下一次

有得book位無限時很好。清清的湯有蘿蔔同粟米。牛肉同其他野都係app落單，但隻app 廢廢地，performance差，有crash，搞到我地揀唔到限定既牛肉。如果要QA可以留言聯絡。無錯啲牛肉有限量款，每枱只可以叫2碟，所以我地唯有係有限(crash左之後又少左2款) 既限量款揀，咩部位唔記得但係好食啲既。比較多雪花既應該係限量，每一種肉都食到唔同肉質，有驚喜。響零脆到呢，係咪附近樹記入貨，好新鮮。菜都多起碼唔係幾塊。枱面有張野教6幾耐，但已經唔記得邊度打邊度。一碟牛48，菜18，女仔食係抵過任食既，質素又唔錯。