影片
港鐵灣仔站 C 出口, 步行約1分鐘
繼續閱讀
電話號碼
28800112
54980106
開飯介紹
木系裝潢、古色古香的酒家，鄰近地鐵站，交通方便。供應點心、燒味等傳統粵式料理外，更融入現代烹調手法 ，製作新派中菜。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關獎賞計劃
優惠
88折
【灣仔及銅鑼灣】$100 通用現金券，歎盡中西日美食 **無限兌換**
$88
$100
88折
$100 新派中菜 現金券 【中華小館 】(堂食)
$88
$100
相關文章
要去呢度食就要預備速食，亦因為一個看似稍為高級少少嘅女侍應 (灰色制服) 非常之唔愉快收場。同舊同事食飯叫左6個餸，上菜快到一個點，勁過大排檔，平均每一碟餸都$2XX，碟好大份量真心算有啲少，轉2圈已經可以食晒，味道就正常唔係差嘅， 最出色係芝麻鹽焗雞。我哋當晚係坐2樓，所有檯都好逼，灰色制服女侍應真係唔知佢咩事，一開始就已經追落單，全晚面口同態度已經好麻麻，平時預著呢啲黑面神都真係坦白講見怪不怪，但呢位真係不得了。因為上菜快得出奇，我地食完其實一個鐘都唔夠，佢埋黎問我地加唔加餸，我地答睇吓先，冇耐佢又再返嚟同我朋友講你哋食完唔加嘢我就收咗啲嘢先，係已經落手去執住問，好趕咁。同一時間另一位黑色制服侍應行埋嚟問我哋食完要唔要食甜品(呢位侍應係好好)，灰色制服侍應竟然答呢位侍應「唔駛喇、唔駛喇」，我就真係控制唔到自己嘩咗出聲，幫埋我哋決定埋唔駛食，佢嘅態度係利害到轉頭返嚟用厲住我眼神同唔好語氣同我講係你誤會我意思。唉，同佢嘈又即係同佢同一層次，所以我地都埋單去其他地方食甜品，食中菜7:00PM到8點已經埋單走，快到食茶餐廳咁。盡管食物唔錯，但食得咁趕都唔會想再返去仲要受氣。
繼續閱讀
多年好友聚會，想揀一間可以食得耐啲嘅餐廳，於是揀咗呢間中菜館。 等位/入座：佢嘅餐廳要入咗酒店搭𨋢上去，係有少少難搵嘅。本身環境有少少逼，枱與枱之間相隔唔係太大，所以坐得唔係太闊落。 落單/上菜：星期四晚，目測有八到十張枱，幾乎全部都坐滿曬人。 但樓面得兩個人，由落單到上菜兩個人做曬。 所以係等咗十幾分鐘，先可以落到單。 樓面都話唔好意思，不過佢哋都話自己冇人手。食物：食物質素冇得頂，全部都好好食。價値就大概一百幾蚊一道菜。 味道都偏濃呀，所以建議都要配搭主食（例如飯）（脆皮雞）（咕嚕肉）（瑤柱炒飯）（蒜片牛仔粒）（蒜蓉炒時菜）總結：希望人手多啲啦，因為其實嘢食好好食嘅。食物完全冇得挑剔，所以只可以喺服務上建議。如果係請客嘅話，盡量唔好喺繁忙時間嚟食，否則等候嘅感覺唔會太好。 我見食完八九點幾，都有外國人同一啲商人嚟食，可以考慮該時段黎試下。
繼續閱讀
行過灣仔地鐵站附近，見到一間中餐廳裝修不錯，咁就諗住入去飲茶。 點知坐低之後 個侍應同我講原來佢哋只係星期六日先有點心時間，閒日一至五只有叫小菜食。 諗住坐低左，甘就試下。 首先叫咗個 密汁叉燒，呢個係待應強烈推介話係招牌菜， 上到枱見到佢 薄薄的一層密汁 少少焦香，食落口發覺去都唔太甜亦都好有咬口唔會硬實實嘅。 之後叫左豉油雞，上台時 聞到淡淡的豉油及酒香。食落口肉汁好Juicy。 到燒鵝，這個相對有點失色，只鵝太肥了，厚厚的油脂在皮下，減低了一點食慾。 最後椒鹽豆腐炸得好香口 一流。
繼續閱讀
朋友推薦我去灣仔一家餐廳用餐，地點非常方便，距離地鐵出口只需步行約2分鐘。辣味口水雞，雞肉嫩滑，外皮爽脆，搭配香濃的醬汁，非常開胃。士多啤梨骨也很有特色，醬汁濃郁，帶有士多啤梨的微酸，平衡了豬肉的油膩感，入口清爽不膩。片皮鴨二食的擺盤精緻，最特別的是這裡的鴨皮，黃色的蛋皮充滿蛋香，肉分量十足。一碟鴨皮薄脆香口，另一碟則帶有更多鴨肉，可以根據喜好選擇。鴨松生菜包份量十足，炒得香脆，配料切得細緻，搭配生菜入口，口感豐富且味道濃郁。豆豉鯪魚油麥菜也令人驚艷，油麥菜充分吸收了鯪魚的香氣，味道濃郁而不膩。整體來說，這家餐廳的菜色既有創意又美味，是灣仔區值得一試的好選擇。
繼續閱讀
今日去灣仔食中菜，中華小館，個名雖然叫小館，但反而係有兩層我哋坐樓上，近窗口位置可以拉屏風做一間房，增加私隱度，而裝修就走中高檔路線先嚟個口水雞，紅噹噹嘅辣油睇落已經好有食慾。雞件爽口，皮下有層啫喱狀嘅脂肪，辛辣味好特突出，會食上癮我見人多叫咗個片皮鴨二食，雖然片皮鴨唔係响我面前逐片片出，但上枱嘅時候仲有係暖嘅。片皮鴨係成盤上，已經分開咗兩碟，一碟係皮連多啲肉，另外一碟主要就係皮。而平時包住鴨食嘅麵皮就改咗用薄蛋餅，都係第一次咁樣食。食到少少嘅蛋香配青瓜蔥絲同海鮮醬非常惹味。而鴨件本身嘅油脂香加上脆皮，係非常好食嘅片皮鴨二食就揀咗炒鴨鬆配新鮮生菜，上枱非常大碟，用醬油炒香再加上切到好碎嘅甘筍西芹粒，口感味道豐富士多啤梨骨做法有啲似咕嚕肉，但醬汁就加咗新鮮打成蓉嘅士多啤梨調配，食到士多啤梨嘅香味，甜酸亦都好平衡豆豉鯪魚炒油麥菜，都係濃味嘅菜式，師傅炒得特別夠鑊氣，每條菜都包滿汁，食到唔停口
繼續閱讀