中華小館

營業中

休息中

同友好相約到中華小館食晚飯，去到朋友已經點好了鐵觀音可以邊飲邊等齊人再選擇食什麼。人齊後大家選擇了八味一口豆腐，紫砂功夫燉湯，紅燒乳鴿，脆皮鳳梨咕嚕肉，得獎奶油蝦。八味一口豆腐：豆腐外皮脆口，內部嫩滑熱辣辣豆腐加上味粉令到整體口感大十提升。紫砂功夫燉湯：五指毛桃燉湯除了料足夠將豬肉汁雞汁都燉出來。紫砂保溫能夠保持到湯溫度。紅燒乳鴿：外皮脆口，肉質鮮嫩還保留著肉汁。乳鴿唔會太乾，金喉控制都好。脆皮鳳梨咕嚕肉：咕嚕肉唔會過肥亦都唔會太難咬。鳳梨加上酸甜汁也很令人胃口大開。得獎奶油蝦：果然是得獎菜式，先講蝦。蝦肉爽口彈牙，肉質好，入口鮮甜海鮮味。奶油汁有著喇沙的影子。香口得來帶半點辣味。

今晚提早同媽咪慶祝母親節, 預先book定檯, 去咗鄰近灣仔地鐵站只有一分鐘內步程嘅「中華小館」食dinner。呢個市道真係好少見到有餐廳仲係咁旺場, 可見餐廳人氣爆燈,先送上涼菜---麻香惹味鳳爪 HK$20鳳爪爽口微辣, 令人開胃。多款中菜選擇, 價錢設於中高價位, 一分錢一分貨, 果然味道唔錯! 值得分享。【紫砂功夫燉湯】HK$78/位以小小一壺紫砂茶壺配一個小杯子, 自行一杯杯倒出, 慢慢品嚐, 湯汁熱辣辣, 味道濃郁滋潤, 飲落好暖胃, 內有好幾件肉粒同埋冬蟲草, 好飲得連湯渣都清埋。【得獎奶油蝦】HK$328 (例)四隻虎蝦肥美肉厚, 入口爽彈, 奶油質地不是杰身, 但奶油味濃郁帶微辣, 配上手抓餅用作沾點奶油汁, 吃盡奶油嘅精華, 回味!【芝麻鹽焗雞】HK$198 (半隻)燒雞燒得金黃, 平均沾上了芝麻, 雞皮香脆, 附有芝麻更為香口, 肉質仲好嫩滑。 【啫啫生菜煲】HK$138 (例)煲仔熱辣辣滋滋聲上檯, 開蓋散發陣陣香氣, 新鮮生菜盡吸鹹甜調味醬汁, 再伴有些少肉碎同埋大蝦乾, 香口惹味。

想去試呢間中菜好耐，一行四人6點就訂位食晚飯，因為太早關係，未有其他食客，侍應有時間慢慢同我哋介紹同推薦菜式，十分熱情殷勤。叫左signature既芝麻燒雞、是日精選既炆水潑翅、紫砂功夫老火湯、豉汁帶子蒸豆腐、乾炒牛河、得獎奶油蝦，全部都好好食。芝麻雞外皮加入芝麻，更脆身香口，雞肉肉質依然嫩滑，但不油膩。老火湯用上瘦肉部分，完全無油份，非常清爽入味。蒸豆腐用上嫩豆腐、配上帶子，不減豆腐既清淡，但多分豉汁既美味。奶油蝦，蝦肉新鮮彈牙、外皮大致炸得乾得乾脆分離，非常易脫殼，奶油汁底非常掛汁，送飯一流。水潑翅外皮非常厚身爽口，而且用上支竹火腩炆，十分惹味。