謙記火鍋

營業中

休息中

✨ 位於銅鑼灣近鵝頸橋「謙記」一間樓上火鍋店，聽聞非常優質，今日專程同朋友訂枱。店內2樓有大廳，3樓有房間，我哋揀3樓入房，私隱度十足。***** ***** ***** *****松茸惹菌雞鍋🍲鍋底材料豐富，頭啖湯非常鮮甜，菇味濃郁，菇迷絕對不要錯過。海鮮包括花膠筒、海中蝦、美國桶蠔、貴妃蚌🦐🐚🦪全部大大隻，仲好新鮮，價錢仲好合理添。簡單再叫咗鮮枝竹、凍豆腐、皇帝菜。最後想介紹一下，水晶叉燒包　奶黃水晶包🍮好特別嘅，外層晶凝通透，煙煙韌韌好正，奶黃微甜，作為飯後甜點好得。總結，可以形容是一家隱世食店，價錢公道，食材鮮甜；始終是樓上店需要口啤的，我會介紹朋友嚟食，讓多啲人認識。

這間位於銅鑼灣的樓上火鍋店，屹立已超過20年，多年來依然保持高水準，長期吸引回頭客。除了經典火鍋選擇配料，更引入多款創新特色火鍋配料，包括西洋菜餃、水晶叉燒包和奶皇水晶包，讓人耳目一新。招牌湯底—魚唇雞鍋更是誠意推介，湯底由嫩滑的雞肉、潤滑的魚唇及咸香的金華火腿慢火熬製，真材實料，不僅湯底清甜可口，更可以滋補養顏。無論是用來灼肉類或是蔬菜，都能吸收其美味精華。牛魔王當然不少得的美國雪花肥牛，擺盤吸引，件件切得工整平均，雪花紋理細緻，牛香濃郁。此外，餐廳堅持自家製作手打丸子，包括肉香爽口的鮮牛丸、爽彈可口的墨魚丸和蝦丸，款款都用料實在，口感豐富。還有必食的手打蝦滑，裡面滿是粒粒鮮蝦肉，鮮甜且彈牙，大愛！

講到香港老牌子嘅高質素火鍋店，位於銅鑼灣嘅謙記一定係其中表表者!我同朋友都好鍾意嚟呢度打邊爐，因為呢度嘅食材新鮮又夠高質素，而且湯底仲好好味添!👍我哋今日就叫咗個季節性火鍋底🍲松茸野菌雞鍋$268- 湯底真係夠晒足料，滿滿嘅松茸野菌同滑雞肉熬製而成，每啖湯都非常濃郁鮮味，營養價值高，我地每次喺打邊爐之前都會先飲番兩三碗!😃🧆手打蝦丸$88- 蝦丸入面釀製咗新鮮嘅蝦肉，爽口又彈牙!🧆手打芝士墨魚丸$88- 入邊有濃郁嘅芝士流出，每啖都滋味無窮!🧆水晶奶黃叉燒包雙拼$73- 呢度嘅水晶奶皇包係我最鍾意嘅食物，奶皇味香濃，但係又唔係好甜，水晶皮夠曬煙韌好好食。🥟鮮蝦雲吞拼水餃$73- 雲吞同水餃都餡料十足🥓紐西蘭羊肉片$168- 羊肉片片都係薄切，而且一啲都唔騷，肥瘦均勻!🍗松葉蟹鉗 $138- 蟹鉗好鮮味，但係因為上枱嘅時候已經熟咗，建議一落煲滾一陣就可以食啦!🥬油麥菜$36雖然謙記已經開業多年，但無論係食物質素、環境同服務態度都keep到好好嘅水準，真係要讚👍

夜晚涼涼地 又有藉口打邊爐喇朋友揀左去銅鑼灣嘅謙記火鍋冇咩gimmick野 完全係主打食材新鮮今個月做緊優惠 提前訂枱鍋底有半價魚唇雞鍋一個鍋入面有半隻雞同大量魚唇花膠雞鍋食得多 呢款魚唇口感同花膠近似 都係充滿骨膠原感覺 湯底飲落都有啲黏咀好味到飲左兩三碗 加埋半隻雞兩個女仔食都幾飽特選鮮肥牛打邊爐點可以冇牛 叫左一份手切牛肉拼盤一次過食到牛頸脊 肉眼邊 牛胸爽鍾意肉眼邊好濃牛味 牛胸爽有嚼口四寶丸呢間嘅手打丸都幾出色 真材實料好彈牙尤其是墨丸食嘅時候要小心 會爆出芝士醬鮮蝦雲吞拼水餃皮薄餡靚 原隻鮮蝦好爽好鮮甜 豬肉比例啱啱好水晶叉燒奶皇包外皮煙韌 叉燒餡味道偏甜 食落又咸又甜幾特別服務好好 阿姐成晚不停加湯又換左幾次碟食完仲有甜品送 價錢中等 會encore！

地區:灣仔食店名稱:謙記地址:灣仔讚斐道408-412號華斐商業大廈2-3樓🍜 食物：松茸野菌雞鍋個湯底好濃郁，飲落好暖胃！松葉蟹鉗鮮甜得嚟又彈牙，芝士墨魚丸都好有咬口，韭菜餃同豬梅肉片都唔錯。出前一丁配皇帝菜、薯仔片收個尾都好滿足～🎵 環境：環境乾淨舒服，侍應服務態度都幾好，好適合同朋友或者屋企人一齊嚟打邊爐。💰 價錢：今次總共食咗$993，包埋服務費。以打邊爐嚟講，價錢算係中上。⚖️ 性價比：食物質素係唔錯嘅，但價錢有啲偏貴，性價比中等啦。💬 總結：整體嚟講食得幾滿意，鍾意高質打邊爐嘅朋友可以試吓。如果budget鬆動啲，呢度係個唔錯嘅選擇。追加個人小諗法：松茸野菌雞鍋個湯底真係好正，我飲咗幾碗！松葉蟹鉗都好新鮮，不過價錢有啲貴。下次可能會試吓其他鍋底同小菜，睇吓有冇驚喜～

最近去咗銅鑼灣呢間火鍋店，真係好正！🔥 佢哋個松茸野菌雞鍋湯底真係鮮到不得了，我同朋友一路打邊爐一路飲湯，飲到停唔到口，呢到加湯唔係加清湯架，個湯底真係可以一直飲到尾！🍲 配料方面都好特別，我哋試咗奶黃/叉燒水晶包，一咬落去爆餡，甜鹹交錯，好過癮！我自己超鐘意個奶黃餡！仲有手工芝心墨魚丸，彈牙得嚟入面仲有流心芝士，真係驚喜滿分！🥟 手工韭菜餃都好好食，皮薄餡多，韭菜味好香，食到好滿足！海鮮肉類方面我地叫佐蟹鉗同黑毛豬，兩樣水準都唔錯👍🏻🤟🏻成個體驗都好正，湯底鮮甜，配料手工製作，真係食到唔捨得走！下次一定會再嚟！💯

路經謝斐道, 見到由地舖搬咗上樓, 啊!記得多年前, 大大佬請食飯, 好味又食得開心~ 一直印象好好, 所以, 就黎食個晚飯, 好好懷緬一番~ 一坐低, 潤潤喉先 - 自製酸梅湯 $68醬料小食 $48食住黎混個醬先~ 椰子雞鍋 $258滾起落雞, 雞熟後 梗要飲啖湯頭啦~ 湯底清甜好味, 雞件嫩滑~特選鮮肥牛 $398下而上: 肉眼邊 . 牛胸爽 . 牛頸脊 我哋都最鍾意食 牛頸脊 牛頸脊 軟腍肉味濃不知不覺 就會一塊接一塊食完~ 水晶叉燒飽 拼 水晶奶黃飽 $78蝦餃皮 穩穩包住叉燒包餡, 個皮一轉透明就食得㗎啦~ 卜~ 輕輕咬開外皮, 煙靭外皮 湧出香濃濃滑捋捋奶黃~連唔鍾意食甜嘢嘅佢都讚呀!終於同佢分享到我當年嘅驚嘆了~ 四寶丸 $88韭菜餃 $73稻庭鳥冬 $62佢欣賞佢哋嘅貼心, 預先處理過嘅稻庭烏冬, 配合清甜嘅湯底, 好容易就煮得好味~ 姐姐們都超親切, 全晚默默地關顧我哋嘅需要, 恰到好處, 被照顧好 又無壓力 食得好自在~ (就好似, 當我諗緊啲烏冬點攤凍比佢食嘅時候, 姐姐微笑放低一個碗俾我, 好細心!)

公司團隊團年飯，選在大家都很愛的謙記火鍋獨特的湯頭選擇、自家製火鍋料： 叉燒水晶包、奶黃水晶包、梅菜肉丸、蝦乾餃⋯⋯新鮮海鮮、優質肉片、還有台式炸肉豆腐、豆腐紙，檸檬薏米水、酸梅湯好喝，加上服務親切，可說是一家無可挑剔的港式火鍋店。家人來港，都會帶他們來謙記，滿足一下。湯頭推薦松茸野菌雞湯，好喝到，每次大家都先把湯至少喝一半以上，再開始刷料。象拔蚌魚生新鮮，幾乎秒殺，但我不敢吃生的，在鍋裡刷2下，嗯～～好爽脆寫到這裡又開始想念謙記了～～

去得多以裝修做gimmick嘅火鍋店，有時都想返璞歸真，幫襯吓啲傳統火鍋店，冇人介紹，只係求其搵，卻出奇地有驚喜。服務員好有耐性介紹湯底，最後我揀咗黑胡椒豬骨湯，好好飲，豬骨好有份量，仲貼心附上透明膠手套，方便食豬骨。日本黑豚腩肉喺必點火鍋配料，肉味香濃鮮甜，又帶點豬油甘香。手切鮮肥牛，肉質有趙口，牛肉味重，如果大塊啲會更有口感。四寶丸有梅菜豬肉丸、蝦丸、鮮牛肉丸、墨魚丸，打得彈牙鮮味，其餘配料食得出好新鮮。最後送上甜品，迷仔墨西哥奶黃飽，由於熱辣辣，皮薄餡多，我食埋朋友嗰份。整體食物質素高，服務員態度好好，絕對值得再幫襯！

🍲有好多款特色湯底 侍應問我地鐘唔鐘意飲湯 鐘意嘅就推介我地松茸雞湯嘩好多菇🍄🍄 同有半隻雞 一滾左即係飲番幾碗先 😗好濃菇味 真係好好飲🥩配料就叫左靚牛拼盤 （有安格斯牛粒 牛頸脊 牛肋肉 牛脷） 肉味真係好濃 記住唔洗點醬先唔會cover左呀🍴丸丸雜錦 我就最鐘意梅菜豬肉丸 好有屋企梅菜下6蒸肉餅嘅感覺🤣🍴仲有份量好足嘅墨魚滑 新鮮又彈牙🤩全晚我最鐘意嘅係豆腐紙 似係特濃豆味嘅厚版腐竹 所以更吸湯同更有咬口 清曬啲菇 點知仲有新鮮熱辣嘅墨西哥叉燒包送 做甜品簡直錦上添花 暖笠笠又好滿足💕

同朋友一齊去銅鑼灣，突然抽起條筋想打邊爐，即刻搵下附近有什麼火鍋店，找到一家老牌的火鍋店，於是就同朋友搵個地方落腳😊平日晚上在銅鑼灣的火鍋店都很爆滿，好彩今日時間還早，唔算太多人🤣湯底是椰子雞鍋 $238椰子雞鍋有半隻雞，一看就知道是以濃湯為主😎自助配料有9種不同的選擇，店員會先為顧客倒醬油，其他的就自選精選牛肉拼盤 $388基本上大部分牛都出現了在這拼盤裡，牛頸脊、手切牛肋肉、肥牛粒、牛脷，非常新鮮，絕對值得比個Like👍配菜 主要點了幾種配菜，響鈴、魚皮、娃娃菜、唐生菜，基本上吃完拼盤和半隻雞都已經夠飽，主要是想吃一點菜健康一點🤣好味指數：7/10性價比指數：7/10

#謙記火鍋 灣仔老火煱店👍大滿足❤️冬天冬冬地❄️☃️⛄️最岩打邊爐 要補補身🥹🥹個湯底真係超得《花雕醉雞鍋》🍲有半隻醉雞+藥材足料（紅棗紀子准生）🍽️個湯滾完再飲下 感覺保左身☺️☺️海鮮🦞有「貴妃妦」「魚唇」「魚腩」🐠「野生竹笙」份量真係唔小係個充滿香味嘅湯底滾完食食料都認真新鮮 🐳 推介 推介👍唔會揸流攤😂😂餐廳環境都舒適🦋一d 都唔會迫讀書果陣已經聽過依間火鍋店但無咩機會食到知道唔算好平

突然好想打邊爐，找到了銅鑼灣這間出名的火鍋店，好多遊客會來的，當晚也見到一枱外國人在打邊爐，難得一見，椰子雞湯底好清甜，我們先來飲一碗湯，真係好好飲，然後加湯開始打邊爐了，牛肉併盤好新鮮，蝦滑好多蝦肉，青檸梳打好好飲👍🏻

天氣終於凍番少少，即刻衝去打邊爐啦😜呢間不嬲都係我嘅至愛，肥牛非常新鮮、又唔會太多脂肪。🥩圖片左下角就係必點嘅精選牛肉拼盤$298，其實人多嘅話可以叫特大份量。🍡招牌墨魚滑同埋手打鮮蝦滑都係必須叫的，爽口彈牙！質素真係同平時超市或者街市嗰啲有分別㗎其他都係啲大路嘢啦：四寶丸、芋絲、公仔麵、烏冬、水餃、雲吞、炸魚皮、蘿蔔嗰啲，雖然冇咩特別但係又唔會唔叫喎！買單三百幾蚊一位，而呢個質素來講，唔可以話貴嘅！

朋友聚會，平日晚上在銅鑼灣的火鍋店都很爆滿，終於朋友訂到這裡，我們5個人，打邊爐聊天比較輕鬆。這家老牌火鍋店，基本上所有不同的火鍋料都齊全，食材是可以的，我們也點了他們的臭豆腐和炸魚皮，都不錯。為了滿足不同需求，我們點的是鴛鴦鍋，一邊是麻辣，不過麻辣鍋就不麻不辣，應該是迎合港人吧。裝修和服務都可以，食材中規中矩，價錢偏貴。這價錢應該有更好的。