正潮樓係灣仔嘅分店經常座無虛席，可見其質素，終於係銅鑼灣再開分店，位於利園地段，更顯高級 食潮州菜一坐底都會飲番杯功夫茶先，細細杯，茶甘味濃，另一樣我好鐘意嘅就係菜脯做前菜，脆脆地鹹鹹地，食到停唔到呀 當日叫左呢個晚市特價套餐，一個食厚菇焗鮑魚（$488/位）、一個就食厚菇炆海參（$438/位），另外1-2位就可以揀3款菜色 首先食左最期待嘅鮑魚同海參先，兩款都扣到入曬味，$500唔洗有得刀叉鋸鮑魚海參，真係爽yy 第一款小菜揀左滷水拼盤，有豬紅、大腸、五花腩，下面墊有豆腐 另外揀左食潮州菜唔少得嘅潮式炸蝦棗，夠彈牙，唔油膩，一人一粒岩岩好 最後係揀左方魚蠔仔粥，估唔到二人份量又幾大碗，又估唔到蠔仔係咁大粒又多，作為蠔怪，表示食得好開心

阿杏飯團 (富時中心) (旺角) 旺角彌敦道585號富時中心地下3號舖 。 Sleepy head sleep late AGAIN on sat morning 😴 or I should say it's afternoon 1:15pm when I was up. Sleeping is one of the most wonderful doings in the world 😝 。 Well, come with the consequences that I needed to rush ready myself while I bought 2:45pm movie tickets 😀 don't mention i had to cross tunnel for that as well 。 How can I fill up my empty grumpy tummy if I didn't wanna have hotdog and popcorn in the cinema? Dada~~ the answer is rice roll 🍙 。 A rice roll definitely fulfilled all my needs! Efficient, tasty, fullness 😍 the most important is the low cost! We picked Black Pepper Chicken Chop Rice Roll ($39) & Crab Rice Roll ($41). Also, don't forget the drinks 🥤 Oolong with Nata de Coco ($23) & Brown Sugar with Black Pearls Mill Tea ($27). 。 To be honest, the rice rolls have plenty of choices that I had to push myself to pick faster 🤣 。 The food and drinks are freshly made. The ingredients are quite healthy contains enough nutrition just in one roll. They are using 100% Thai purple sticky rice which I am impressed. 。 I like this light food especially i am on diet or simply I don't wanna eat much or just because in a rush 🤣

酒屋一杯喜 (天后) 天后清風街1A-1B號美城花園大廈地下KL6號舖 。 去完日本兩個禮拜，思鄉病又發作～ 唯有食日本野止下個胃 。 天后有唔少臥虎藏龍美食，人又無銅鑼灣咁多，都幾鐘意黎呢邊搵食 。 酒屋一杯喜成間裝修都夠曬日本，仲有大大個螢幕播日文歌，當晚仲要有播小時候好興嘅組合，回憶番曬黎 。 刺身他他即炸蝦片（$108） 他他放上蝦片度食，多一重口感同味道 。 蟹膏蟹肉玉子燒（$48）、爆蔥吞拿魚蓉玉子燒（$48） 玉子燒好深橙黃色，用上日本蛋去製作，蛋味濃郁得多 。 腦天刺身（$78）、活赤貝刺身（$68）、北海道海膽（$180） 食日本野點少得食刺身，全部都新鮮大件 。 煙燻廣島蠔卷物（$116） 我本身好鐘意食蠔，所以呢個卷物岩曬我口味 。 鹽燒白鱔（$68）、墨魚香腸（$42）、厚切牛舌（$58）、燒羊腿肉（$38） 串燒方面都不錯，最特別係有墨魚香腸，串燒呢樣嘢真係無得輸 。 鐵板生賊魷魚仔（$78） 呢個好有鑊氣咁上檯，黑椒味濃，用嚟送酒一流 。 #gpigtinhau

癡膠雞 (荔枝角道) (太子) 太子荔枝角道78-84號勝興樓地下D號舖 。 我又去食花膠雞啦～ 我覺得一樣食品有得飲湯又有得食餸食麵，真係一次過滿足曬3個願望 🥳 。 姬松茸竹笙花膠雞米線（$78） 麵底可以轉米粉、飯、上海麵，呢度有樣特別，就係用火爐熱住個湯，湯就梗係熱飲最好架啦～ 如果鐘意菇香嘅朋友，叫呢款就最岩，姬松茸菇味夠曬濃，竹笙吸曬個湯咁食好正 。 招牌癡花膠雞（$73） 呢個個湯會比較濃，雞件滑滑，仲有唔少花膠，$73物超所值啦 。 蜜糖雞翼（$42） 每隻雞翼都浸左係蜜糖入面，連入面嘅雞肉都滲到蜜糖味入去呀 。 @crazychickenhk 。 #gpigprinceedward

上海小籠皇 (旺角) 旺角花園街3-5號鴻威大廈地下9號舖 。 番鄉下之前諗住同媽咪食餐飯，方便大家就揀左旺角啦，媽咪早左出街去左行Aeon，好景條街大把野食，所以就求其係嗰條街揀左間餐廳 。 花雕醉雞（$73） 前菜食左花雕醉雞，雞件滑滑又重酒味，唔錯呀 。 晚市一人干鍋套餐（$98） $98可以揀4款餸，食材選擇有好多，有肉類、海鮮、蔬菜，呢d乾鍋辣辣地炒埋一碟衰極有限，用黎送個白飯就正正子 。 銀芽炒鱔糊（$110） 呢個要讚，媽咪成日話買黃鱔唔平，呢度大大碟俾得多鱔，d鱔切得夠厚，兩個人食得好滿足 。 #gpigmk

喜記避風塘炒辣蟹 (肇明大廈) (銅鑼灣)
銅鑼灣謝斐道477-481號肇明大廈地舖及1樓A室
。
我記得細個嗰陣成日都聽人講鵝頸橋避風塘炒蟹好出名，大概終於有機會試，又真係唔錯，其中一間開係附近就係喜記
。
招牌避風塘炒辣蟹
辣蟹辣得過癮，食到人好開胃，蟹依然保持到肉汁，無炒到乾曬
。
招牌醉鮑魚
鮑魚凍食就更加彈牙，酒味浸到入曬味
。
椒鹽瀨尿蝦
另一樣唔少得要食嘅一定係椒鹽瀨尿蝦，我成日都覺得瀨尿蝦個樣好似外星人，好搞笑，自從學識咗點剝殼之後，之後覺得輕鬆好多，瀨尿蝦同炒辣蟹最好都係送白飯食
。

牛霸王 (觀塘) 觀塘成業街19-21號成業工業大廈1樓26號舖 。 又黎觀塘系列～ 呢間野叫得自己做牛霸王，我就試一試佢有幾犀利 。 原來佢係主打牛肉漢堡同有唔同嘅丼飯，咁我就叫左兩款牛試一試 。 招牌手打和牛漢堡蘭王蛋飯（$146） 呢款係每日限量發售，和牛漢堡係自家製，用上和牛比一般漢堡香好多，仲有另一重點就係用左蘭王蛋，蘭王蛋有幾好味食開蛋嘅大家應該都知道，深橙色嘅蛋黃帶住濃濃嘅蛋香，不得了 。 濃茄野菌燉牛肋肉飯 （$88） 牛肋肉燉到淋曬～ 茄汁用上新鮮蕃茄去煮，整白飯一齊食就最岩 。 雞皮餃子（$18） 呢d手工野，係屋企好少會整，$18就食得到抵啦 。 @wagyu_donburi 。 #gpigkt

一喜車仔麵 (尖沙咀)
尖沙咀彌敦道36-44號重慶大廈heath慶方地庫S19-21號舖
。
車仔麵係我心目中係香港十大特色美食之一，所以我成日都會周圍試下唔周同嘅車仔麵
。
呢間開左係重慶隔離個地下商場，有唔少遊客都會係呢度搵食
。
餐牌上嘅食物都係set好左方便遊客去order，我地就梗係用QR code逐樣逐樣餸咁揀啦，呢樣先係食車仔麵嘅精髓！
。
呢度嘅食材都幾特別，搞到我樣樣都想試，有汕尾馬鮫豬肉丸，
（$12）、陳皮魚蛋（$12）、特級瀨尿牛筋丸（$12）、有魷魚的魷魚丸（$12）、汕尾小米粿（$12）、魚腐（$12）、芥末貢丸（$12）
。
瀨尿牛筋丸係牆上貼左張紙特別提大家要小心d咬，實測一咬果然係爆曬汁～ 牛筋丸好彈牙又重口味，呢樣真係必試
。
汕尾小米粿又係好特別，外層煙靭，入面係豬肉
。
另外仲試左佢個紫菜，用左頭水紫菜，少左陣怪味，口感比一般嘅紫菜嫩
。
秘製黃金雞湯（+$5）有驚喜，濃雞湯飲落仲有少少奶香，真係可以當湯飲
。
雞骨草都係自家製，我鐘意佢無咩糖比較健康

烘焙概念 (觀塘) 觀塘巧明街94-96號鴻圖中心地下 。 公司隔離終於都開番間似樣包包鋪，就係鴻圖中心地下個小food court，對我黎講真係十級方便！ 。 雖然店面細細，但就見到擺左幾個大焗爐，仲見到面包師父係度檢查焗緊嘅面包，証明所有包包都係新鮮熱辣即整架 。 有特色包亦都有傳統包，仲有即沖咖啡，我就唔執輸買左4個包番公司同大家一齊試～ 。 有紫薯麻薯包、芋泥麻薯包、碎蛋午餐肉沙律餃子、明太子芝士包，全部包都唔貴，只係十幾蚊，又真材實料，以後食早餐又多一個選擇lu~~ 。 另外仲試埋佢嘅cappuccino ，只係$28估唔到又沖得幾好 。 @breadconceptshk 。 #gpigkt

雞駅花膠雞米線專門店 (觀塘) 觀塘開源道60號駱駝漆大廈第三座1樓I室 。 我成日都覺得，一間餐廳大排長龍一定有番咁上下質素，有一日去開駱駝漆，見到一樓呢間餐廳排曬長龍咁，我就知要mark低搵日試一試 。 果然放工之後去到又係要排長龍，無計～有時要食好西就係要等下 。 姬松茸竹笙花膠雞米粉（$82） 湯底係濃雞湯，無味精所以我大啖大啖咁飲，雞我轉左雞髀（$10），雞件好滑唔肥，仲有花膠、竹笙、姫松茸，麵都有幾款選擇，大大碗飲埋湯勁飽 。 花膠雞煲翅米粉（$98） 呢碗雞煲翅，$100唔洗就有，仲要係特別用石鍋上，無將貨就價，俾左幾排翅，好想知究竟點賺錢？ 。 #gpigkwuntong