謙記火鍋

營業中

休息中

今日同朋友去咗灣仔嘅謙記火鍋打邊爐❤️ 呢間老字號火鍋店，雖然歷史悠久，但係菜式與時並進，選擇都幾多！餐廳地點方便，坐得幾舒服，啱晒同朋友 chill 住傾偈😍📍椰子雞鍋最正嘅係個椰子雞鍋，店員即場喺你面前將椰子肉、椰子水同雞件倒入鍋，夠晒新鮮🥥雞肉嫩滑，湯底清甜充滿椰子嘅香味，飲落好滋潤，飲多幾碗湯都唔怕膩😍📍特級金錢展金錢展牛味濃郁，口感彈牙，淥一淥就食得，非常新鮮😋📍黃金臭豆腐估唔到喺火鍋店都可以食到咁出色嘅臭豆腐！炸得金黃香脆，外脆內軟，點埋秘製醬汁，臭得嚟又好惹味🤤食落好似返到童年咁，充滿回憶嘅味道！📍手打鮮蝦滑 & 手打牛丸蝦滑彈牙爽口，仲可以見到一粒粒嘅蝦肉，真材實料，充滿蝦嘅鮮味🦐至於手打牛丸，鬆軟juicy，牛味香濃👍🏻📍豆腐紙 & 鮮准山豆腐紙吸湯一流，入口軟滑😋鮮准山爽脆清甜，可以平衡返油膩感，健康之選💪🏻📍青檸梳打值得一讚嘅係，特飲青檸梳打可以叫走甜❤️啱晒唔鐘意太甜嘅朋友！飲返杯青檸梳打，清新解膩，完美 ending 🍹

呢日同朋友去銅鑼灣食飯，鍾意食肉肉嘅人又去出動去打邊爐🤭今次揀嘅係一間上樓嘅打邊爐，位置唔難搵，喺鵝頸頸附近～好幾款湯底都幾吸引～糾結咗一輪，叫咗#魚唇雞鍋 $268可以又飲湯，又有半隻雞食～店員話魚唇即係 #魚翅唇 ，有啲似花膠，要淥一陣先有得食，質感都有啲似，但相對上口感更有咬口～個湯鮮甜，飲咗好幾碗！隻雞嫩滑，就算滾耐咗食一啲都唔鞋口#特選鮮肥牛 (牛頸脊、肉眼邊、牛胸爽) $398呢個拼盤勁開心，三樣都係我鍾意嘅嘢食，一次過滿足我三個願望❤️#牛胸爽 已經係我打邊爐必點嘅嘢食！嗰種口感同味道，正～#牛頸脊 同 #肉眼邊 油脂分布都好靚，肉眼邊肉味會較濃多少少，兩個都好食🤤同朋友都想食丸😂 最尾叫咗4碟！！🤭#手打牛丸 $88 - 彈牙，一食落已經食到好香嘅陳皮味#手打蝦丸 $88 - 肉眼見到好多隻蝦！超足料！#手打芝士墨魚丸 $88 - 勁芝心，爆晒漿！又彈牙！#梅菜豚肉丸 $88 - 每次打邊爐見到都會叫，最鍾意食落食到梅菜😂另外仲叫咗呢啲～檸檬薏米水 $78鱔片 $138煎午餐肉 $56皇帝菜 $50店員送咗碟 #水晶叉燒包 + #水晶奶皇包 ☺️好耐無食呢個，擺入去烚到

路經謝斐道, 見到由地舖搬咗上樓, 啊!記得多年前, 大大佬請食飯, 好味又食得開心~ 一直印象好好, 所以, 就黎食個晚飯, 好好懷緬一番~ 一坐低, 潤潤喉先 - 自製酸梅湯 $68醬料小食 $48食住黎混個醬先~ 椰子雞鍋 $258滾起落雞, 雞熟後 梗要飲啖湯頭啦~ 湯底清甜好味, 雞件嫩滑~特選鮮肥牛 $398下而上: 肉眼邊 . 牛胸爽 . 牛頸脊 我哋都最鍾意食 牛頸脊 牛頸脊 軟腍肉味濃不知不覺 就會一塊接一塊食完~ 水晶叉燒飽 拼 水晶奶黃飽 $78蝦餃皮 穩穩包住叉燒包餡, 個皮一轉透明就食得㗎啦~ 卜~ 輕輕咬開外皮, 煙靭外皮 湧出香濃濃滑捋捋奶黃~連唔鍾意食甜嘢嘅佢都讚呀!終於同佢分享到我當年嘅驚嘆了~ 四寶丸 $88韭菜餃 $73稻庭鳥冬 $62佢欣賞佢哋嘅貼心, 預先處理過嘅稻庭烏冬, 配合清甜嘅湯底, 好容易就煮得好味~ 姐姐們都超親切, 全晚默默地關顧我哋嘅需要, 恰到好處, 被照顧好 又無壓力 食得好自在~ (就好似, 當我諗緊啲烏冬點攤凍比佢食嘅時候, 姐姐微笑放低一個碗俾我, 好細心!)

同朋友去咗灣仔呢間樓上火鍋店「謙記」，開咗20年都keep住水準~ 服務又好~ 食物用料全部都係靚貨~ 啱晒有要求嘅朋友~🍲古法沙爹鍋：湯底好濃郁，花生香好出。比九龍城果間更加好味。唔會太鹹，越滾越香~🥩精選牛肉拼盤：有齊本地手切牛、安格斯牛小排，牛柳粒，牛舌。肉質幾嫩，牛味夠，真係零舍唔同🐖厚切黃沙豬潤：真係厚切勁大塊！灼完勁爽口得嚟冇腥味👍🏻🥟火鍋水晶叉燒包：熟咗個包皮會變透明，入面真係好似食緊叉燒包咁～ 好得意🍢自炸響鈴：脆卜卜，吸湯好夾🥬油麥菜：新鮮爽脆

朋友介紹去食呢間高質嘅火鍋，餐廳位置喺銅鑼灣附近，交通相當方便，而且用嘅食材都相當新鮮同高級，好快7:00就已經滿晒😜魚唇雞鍋（雞半隻）雞肉鮮嫩多汁，魚唇的口感滑嫩，湯底鮮美精選牛肉拼盤：一次過可以試牛不同部位，當中包括牛頸脊，生脷片，新鲜牛坑瓜粒，手切牛肋肉，牛肉紋路好靚，相當高質😌四寶丸：當中包括手打牛丸,梅菜豚肉丸,手打芝士墨魚丸，手打蝦丸，各有特色手打鮮蝦滑手打鮮蝦滑鮮蝦味道濃郁，口感彈牙野生竹笙份量都好多，一定要叫，竹笙感曬湯嘅精華😌黃金臭豆腐必叫之選，臭豆腐外酥內嫩，金黃酥脆，搭配特製醬料，讓人愛不釋口檸檬薏米水檸檬薏米水清爽可口，酸甜適中，能有效解膩。

有親戚係謙記火鍋熟客，十幾年前已經喺度食，咁多年屹立不倒，果然有料到。最喜歡佢既鮮牛肉 拼盤同魚唇雞鍋，質素有保證。拼盤有牛頸脊、牛胸爽同肉眼邊：牛頸脊油花細，涮幾秒嫩滑，牛味濃；牛胸爽肥瘦均，入口即化，鮮味出；肉眼邊軟嫩多汁，油香夠，三款各有特色。魚唇雞鍋用半只雞同魚唇，湯底鮮甜。魚唇軟腍要慢慢煲出膠質，湯煮濃咗；雞肉嫩，皮帶油香，暖胃一流手打蝦丸彈牙，蝦味出；娃娃菜爽脆入味；甜粟米甜香；鮮准山軟糯滋潤。牛肉同魚唇雞鍋正一，有埋包廂，難怪咁耐都受歡迎。—————- 𝙒𝙚 𝙤𝙧𝙙𝙚𝙧𝙚𝙙:Fish Lip Chicken Pot (Half Chicken)Premium Beef Platter (Neck Spine, Brisket, Rib-eye Edge)Handmade Shrimp BallsBaby CabbageSweet CornFresh Yam—————————————————𖠿𖥣 Him Kee Hotpot 〒 2-3/F, Workingfield Commercial Building, 408-412 Jaffe Road, Causeway Bay

店面隱藏在1樓，靠朋友介紹發掘#隱藏食店但卻接近滿座😍最好提早訂座！✳️ 魚唇雞鍋 半隻雞，好多肉，魚唇滑溜爽口好大個，湯底清甜可口，一啖接一啖停不了！😋✳️ 手打牛丸 👍🏻新鮮彈牙，牛肉味濃郁，濃烈的陳皮味，別有一番風味，配上火鍋湯底更添風味！💯✳️ #美國桶蠔 🦪 👍🏻👍🏻好巨型好肥美，鮮味十足，蘸上特製醬料更添美味！✳️ 日本黑豚腩肉 🥩 👍🏻👍🏻油花分佈均勻，肉質嫩滑，肉味濃出眾！✳️ 韭菜餃 👍🏻 餡料豐富，皮薄餡靚，好足料好香濃！🥟✳️ 水晶叉燒餃 (拼) 奶黃水晶餃好特別！創新口味！水晶餃皮晶瑩剔透，包著鮮甜叉燒餡、香濃滑順奶黃餡，賣相精緻，味道鹹甜交織！✨✳️ 招牌墨魚滑滑嫩可口，彈牙爽身 ✳️ 菜心苗 🥬-💰 300-500/位

前幾日我同朋友去咗呢間餐廳打邊爐，佢安排咗間包房俾我哋，入面有電視，可以一路打邊爐一路睇電視，正！而佢整體帶俾我感覺都幾好，首先食物質素唔錯，係個種即使唔沾醬都好好食，另外服務亦都好周到，所以大家想打邊爐都可以考慮下呢間( ˶ˊᵕˋ)੭♡✎ 螺肉青瓜 餐廳送嘅小食。青瓜爽脆可口，鮮甜無比，搭配彈牙嘅螺肉，口感豐富，唔會過鹹，好味～✎ 古法沙爹鍋湯底 沙爹味香濃四溢，帶有淡淡甜味，食落幾開胃嘅湯底。唔似坊間有啲沙爹湯口感咁油膩！✎ 手切鮮肥牛 嫩滑無比，油花分佈均勻，入口即化，牛肉嘅鮮香味喺口中迴盪，配上沙爹湯底，好惹味 ♡✎ 貴花蚌入口質感爽口滑溜，海水味勁濃！✎ 美國桶蠔 有四隻蠔，口感鮮味滑嫩，濃郁嘅海水味～( ˘ ³˘)♥ ✎ 手打芝士墨魚丸外皮厚實，亦彈性十足，完全冇偷工減料，手工果然係手工～✎ 青檸梳打 青檸味十足，酸酸地，又夠冰涼！

🍊 餐廳名稱：謙記火鍋 (銅鑼灣)🐝 味道：8/10環境：8/10整體分數：8/10💰人均：$300+———————————————————魚唇雞鍋💰268湯底非常足料，由雞件、魚唇、以及金華火腿熬製以成。最岩用黎打邊爐，食材都吸晒個湯嘅精華！特選鮮肥牛💰398有齊牛頸脊，肉眼邊&牛胸爽，可以試到唔同部位，份量亦都唔少㗎！梅菜豚肉丸💰88梅菜蒸肉餅嘅肉丸版，食落爽口彈牙！芫荽餃💰73芫荽控必備，餡料多到爆出嚟，咬落仲好Juicy！水晶叉燒包/奶黃水晶包💰39大推！好有驚喜！外皮煙韌，尤其係水晶包，鹹甜鹹甜嘅口感嘅特別。🗺️ 銅鑼灣謝斐道408-412號華斐商業大廈2-3樓🔍#FlavorforToday銅鑼灣🚆 銅鑼灣站E出口，步行約5分鐘

📍謙記火鍋 (銅鑼灣)超過20年歷史嘅港式火鍋店！用料靚，價錢公道。🔸蘿蔔牛筋坑腩鍋 $248超多料，尤其係牛腩。越煮越好味，而且蘿蔔同牛筋會吸晒個湯變到超甜。🔸美國雪花肥牛 $218勁大碟，份量啱3-4個人食。望落好多雪花，但入口唔覺肥膩。🔸四寶丸 $88大粒彈牙嘅手打丸～最鐘意爆餡嘅芝士墨魚丸。🔸手打鮮蝦滑 $88其他地方嘅蝦滑係一條，呢度係一盤！蝦肉比例超高，味道好鮮甜。🔸水晶叉燒包 拼 水晶奶黃包 $77煙煙韌韌嘅水晶皮，煮得耐都唔會穿。估唔到鹹湯配甜味丸會咁正！🔸原隻磯煮鮑魚x2 $58x2煮得好入味，但仲食鮑魚本身嘅甜味。彈牙唔韌，熱辣辣特別好味。

✨ 位於銅鑼灣近鵝頸橋「謙記」一間樓上火鍋店，聽聞非常優質，今日專程同朋友訂枱。店內2樓有大廳，3樓有房間，我哋揀3樓入房，私隱度十足。***** ***** ***** *****松茸惹菌雞鍋🍲鍋底材料豐富，頭啖湯非常鮮甜，菇味濃郁，菇迷絕對不要錯過。海鮮包括花膠筒、海中蝦、美國桶蠔、貴妃蚌🦐🐚🦪全部大大隻，仲好新鮮，價錢仲好合理添。簡單再叫咗鮮枝竹、凍豆腐、皇帝菜。最後想介紹一下，水晶叉燒包　奶黃水晶包🍮好特別嘅，外層晶凝通透，煙煙韌韌好正，奶黃微甜，作為飯後甜點好得。總結，可以形容是一家隱世食店，價錢公道，食材鮮甜；始終是樓上店需要口啤的，我會介紹朋友嚟食，讓多啲人認識。

這間位於銅鑼灣的樓上火鍋店，屹立已超過20年，多年來依然保持高水準，長期吸引回頭客。除了經典火鍋選擇配料，更引入多款創新特色火鍋配料，包括西洋菜餃、水晶叉燒包和奶皇水晶包，讓人耳目一新。招牌湯底—魚唇雞鍋更是誠意推介，湯底由嫩滑的雞肉、潤滑的魚唇及咸香的金華火腿慢火熬製，真材實料，不僅湯底清甜可口，更可以滋補養顏。無論是用來灼肉類或是蔬菜，都能吸收其美味精華。牛魔王當然不少得的美國雪花肥牛，擺盤吸引，件件切得工整平均，雪花紋理細緻，牛香濃郁。此外，餐廳堅持自家製作手打丸子，包括肉香爽口的鮮牛丸、爽彈可口的墨魚丸和蝦丸，款款都用料實在，口感豐富。還有必食的手打蝦滑，裡面滿是粒粒鮮蝦肉，鮮甜且彈牙，大愛！

講到香港老牌子嘅高質素火鍋店，位於銅鑼灣嘅謙記一定係其中表表者!我同朋友都好鍾意嚟呢度打邊爐，因為呢度嘅食材新鮮又夠高質素，而且湯底仲好好味添!👍我哋今日就叫咗個季節性火鍋底🍲松茸野菌雞鍋$268- 湯底真係夠晒足料，滿滿嘅松茸野菌同滑雞肉熬製而成，每啖湯都非常濃郁鮮味，營養價值高，我地每次喺打邊爐之前都會先飲番兩三碗!😃🧆手打蝦丸$88- 蝦丸入面釀製咗新鮮嘅蝦肉，爽口又彈牙!🧆手打芝士墨魚丸$88- 入邊有濃郁嘅芝士流出，每啖都滋味無窮!🧆水晶奶黃叉燒包雙拼$73- 呢度嘅水晶奶皇包係我最鍾意嘅食物，奶皇味香濃，但係又唔係好甜，水晶皮夠曬煙韌好好食。🥟鮮蝦雲吞拼水餃$73- 雲吞同水餃都餡料十足🥓紐西蘭羊肉片$168- 羊肉片片都係薄切，而且一啲都唔騷，肥瘦均勻!🍗松葉蟹鉗 $138- 蟹鉗好鮮味，但係因為上枱嘅時候已經熟咗，建議一落煲滾一陣就可以食啦!🥬油麥菜$36雖然謙記已經開業多年，但無論係食物質素、環境同服務態度都keep到好好嘅水準，真係要讚👍

夜晚涼涼地 又有藉口打邊爐喇朋友揀左去銅鑼灣嘅謙記火鍋冇咩gimmick野 完全係主打食材新鮮今個月做緊優惠 提前訂枱鍋底有半價魚唇雞鍋一個鍋入面有半隻雞同大量魚唇花膠雞鍋食得多 呢款魚唇口感同花膠近似 都係充滿骨膠原感覺 湯底飲落都有啲黏咀好味到飲左兩三碗 加埋半隻雞兩個女仔食都幾飽特選鮮肥牛打邊爐點可以冇牛 叫左一份手切牛肉拼盤一次過食到牛頸脊 肉眼邊 牛胸爽鍾意肉眼邊好濃牛味 牛胸爽有嚼口四寶丸呢間嘅手打丸都幾出色 真材實料好彈牙尤其是墨丸食嘅時候要小心 會爆出芝士醬鮮蝦雲吞拼水餃皮薄餡靚 原隻鮮蝦好爽好鮮甜 豬肉比例啱啱好水晶叉燒奶皇包外皮煙韌 叉燒餡味道偏甜 食落又咸又甜幾特別服務好好 阿姐成晚不停加湯又換左幾次碟食完仲有甜品送 價錢中等 會encore！

地區:灣仔食店名稱:謙記地址:灣仔讚斐道408-412號華斐商業大廈2-3樓🍜 食物：松茸野菌雞鍋個湯底好濃郁，飲落好暖胃！松葉蟹鉗鮮甜得嚟又彈牙，芝士墨魚丸都好有咬口，韭菜餃同豬梅肉片都唔錯。出前一丁配皇帝菜、薯仔片收個尾都好滿足～🎵 環境：環境乾淨舒服，侍應服務態度都幾好，好適合同朋友或者屋企人一齊嚟打邊爐。💰 價錢：今次總共食咗$993，包埋服務費。以打邊爐嚟講，價錢算係中上。⚖️ 性價比：食物質素係唔錯嘅，但價錢有啲偏貴，性價比中等啦。💬 總結：整體嚟講食得幾滿意，鍾意高質打邊爐嘅朋友可以試吓。如果budget鬆動啲，呢度係個唔錯嘅選擇。追加個人小諗法：松茸野菌雞鍋個湯底真係好正，我飲咗幾碗！松葉蟹鉗都好新鮮，不過價錢有啲貴。下次可能會試吓其他鍋底同小菜，睇吓有冇驚喜～