謙記火鍋

營業中

休息中

打邊爐一年四季都啱😋最近去咗銅鑼灣謙記火鍋打邊爐，餐廳環境好寬躺，仲有包房私隱度高，氣氛好好職員又熱情，坐得舒服，啱晒同朋友聚會慢慢嘆。今次我哋叫咗魚翅瓜蟲草花乳鴿鍋，鍋底好有特色🤩一打開蓋好吸睛，大大個魚翅瓜，超級足料，飲落有魚翅瓜同蟲草花嘅清甜，仲有原隻乳鴿食，啖啖膠原蛋白，打邊爐都可以養顏！招牌黃金臭豆腐，外脆內軟，香到飛起，配埋豆瓣醬一流。特選牛頸脊(小)肉味超濃，油花分布靚，涮幾秒就入口即溶。雲吞拼水餃(小）都係手工製作，皮薄餡靚，落湯唔會散，咬落去好鮮甜。水晶奶皇包（小）一上枱已經吸引晒目光，晶瑩剔透，熱辣辣一咬爆漿，甜品控一定要食！魚腐、娃娃菜、油麥菜苗都好新鮮，吸晒湯底精華，食落去特別有味。飲品方面點咗檸檬薏米水，清新解渴，食完火鍋飲返杯即刻冇咁熱氣。