謙記火鍋

營業中

休息中

之前已經留意左謙記火鍋好耐，今次終於都試到，兩個人食，叫得唔多野，但食物味道好有驚喜，服務態度都好好。首先前菜係螺肉青瓜，用螺肉做前菜都係第一次見，幾特別，個青瓜仲要吸哂d螺肉汁味，超好食！火鍋湯底叫左椰子雞，個湯好甜好好味，仲有半隻雞，所以兩個人食既話，唔洗叫好多野食都已經好夠飽，我地仲要一路食，一路飲佢個湯底；另外叫左手揤魚麵，唔可以話好好食，但都唔差，不過不失，但用魚肉揤成麵咁食都幾特別；手打牛肉好有牛味，正👍🏻！仲叫左一咋橙汁，真係鮮榨既，夠哂甜同新鮮。叫左3個送，1個火鍋湯，1咋橙針，埋單6百幾，都算貴，但味道有驚喜🤤

是日同一班老友相聚，鍾意飲酒吹水的我哋通常都會搵有獨立房間的餐廳作為首選，於是便來咗呢間火鍋老店，面積足有三層樓，其中3樓仲要全部都係包房。週末夜晚book埋房都算容易。價錢偏貴小小，醬料已經每人$22，大夥人都只可以免一支紅酒或白酒的開瓶費，但其他酒類如清酒、香檳每枝都要收$200，非常掃興。坊間許多其他餐廳包房都已經免開瓶費，呢度仲要收到咁誇張，有待改善。湯底不過不失，肉類的招牌牛頸脊非常正，但300幾蚊只有十數片。最後埋單每人$600，仲要冇食過海鮮類食物，是否值得，見仁見智。

今日心血來潮想打邊爐， 於是就揀左銅鑼灣呢間老牌火鍋店 兩個人有個大卡位坐， 坐得好舒服～ 一坐低當然要混醬啦～ 有一碟青瓜螺肉做前菜 湯底揀左芫茜皮蛋， 清清地 特級金錢展， 爸爸話幾好 竹笙 梅菜豚肉丸 呢個同平時食果D丸好唔同， 都幾香梅菜味， 但感覺好似食緊梅菜肉餅XD 幾特別 墨魚滑都幾彈牙 四川木耳 日本黑豚腩肉 得幾片咋 不過肉嫩， 同平時食既豬肉片係有D唔同既 西洋菜餃 仲點左3罐大啤～ 飽晒～

窮遊香港-銅鑼灣打邊佬👍🏻.呢日去左銅鑼灣食椰子雞見到有間好似幾出名地方好大 有3層 店內設有包廂服務4-30人都得價錢中上 ‼️前菜小食要收$22蚊位但鮑魚相對幾抵食.⭐️椰子雞鍋$238（半隻）呢排食得多熱氣野 得閒都要食清淡d 湯底有木瓜 豬肉 椰肉去煮出味呢個椰子雞湯底幾清甜仲有一瓶椰子水 比你自己加（證明有用真椰子水）.⭐️海鮮拼盤$198呢間用料算係幾新鮮特別係隻蝦 幾彈牙但帶子一般.⭐️磯煮鮑魚$38隻呢個好抵食煮鮑魚要好多功夫平時自己去街市買都要$20隻仲要呢個好大隻個人認為呢個抵食得閒對自己好d整番2隻都唔錯.#謙記火鍋 (銅鑼灣)地址：銅鑼灣謝斐道408-412號華斐商業大廈1-3樓.⭐️評分：味道：4/5環境：4/5服務：4/5抵食：3.5/5

雖然天氣轉熱， 但是店內開放著冷氣便有心情吃熱騰騰的， 又來到打邊爐的時候。 它是上樓的店舖， 門面不需跨張， 坐落還有不少外地客人; 那些老外； 日籍也來到。這間湯底跟食料選擇還吸引的。 坐位舒適， 服務員同啤酒員也招侍不錯。先來了一盤自選醬料， 但是沒有豉油的， 它是由服務員來到面前給您倒。今次叫來了那個鯊魚翅骨窩， 鍋內還有雞件們半隻滾著。 而邊爐料叫來了；貴花蚌， 鮮味爽口。白鱔，肉厚夠新鮮的。日本黑豚腩肉， 是凍卷上， 肥瘦搭配肉味鮮香。蝦干餃， 涵料特別的還皮薄。炸魚皮， 就咁食或浸浸湯來吃。芋絲， 放入湯慢煮入味， 又不用急食， 它們煮不難。菠菜， 帶上雞油嘅湯面， 拖吓湯就食， 菠菜們還立立呤。墨魚滑， 鮮打， 不要弄太大舊， 而滾一陣就入口， 夠彈牙。隨著兩罐大啤。 好漲肚， 很豐富的飽爆。

跟朋友3 5 知幾很欠沒聚會，唸住找一間打邊爐，可皺慢吹下水，咁佢呢間都不限時間，故朋友都提議又見食評都okay,那知中計了，價錢不合理，茶 開一壺要$25 （待應沒有說要收錢）調味料收$22/位 （ “ )強制收費。湯底要$108 ～ $280不等，普通一個湯底都要貴過人，我叫了個冬瓜海鮮$158，得個20粒小小冬瓜粒，所謂海鮮 蚸仔 加 小小的鴨肉，預期是成個冬瓜加起碼有幾隻蚸，滑牛是打出來 不滑 ，質數不高 收費貴 不會再去。😑😞難怪星期六的晚餐時段還有大把位任坐啦😤

兩口子最甜蜜就係打邊爐。醬料架九款基本醬粉，唔岩仲可以買佢拎D醬料，例如麻辣咁。蕃茄牛腩鍋超級掂！牛腩多，蕃茄味又濃！佢ge蕃茄味係黎自新鮮蕃茄ge酸味，絕對唔係茄膏果隻，而且加湯係會加返蕃茄湯，所以食到後味都仲係好濃。食材所有食材質素都唔錯，都幾新鮮。特別推介有佢ge墨魚滑，蝦丸同帶子！三樣野都係大件夾抵食，以呢個價錢係出面一定食唔到咁ge份量。加上佢d食材有粉絲墊底，叫澱粉類都慳返。芒果糯米磁每枱都會送，又幾好食！食完咁熱ge火鍋，食返D凍凍地ge甜品好正！總括而言，返食度9粒星！

位置喺鵝頸橋附近平時係路痴嘅我都覺得容易搵六個人一齊食飯，當然要叫好多好嘢食但主要嘅目的都係一心食海鮮果然沒有令我失望！海鮮貝殼類同埋啲魚蝦蟹，全部都新鮮好少食到呢一種火鍋食材全部都大大份 。仲有一份牛肉，睇上去同普通出面食嗰啲一樣但入口果下就發覺不一樣了！任何野都好好食，食材都係水準之上全部都好新鮮。當然唔可以錯過佢嘅小食啦墨西哥包，仲有個甜品好似係芒果卷？想叫多一份佢都話賣晒了冇計，嗰陣時都凌晨一點鐘唔知有冇阻住佢哋收工，服務員啲態度仍然好好走嗰陣時都差唔多二點半了

第一次嚟凌晨十二點幾 已經打烊 但係明明寫住營業到02:00 無奈只好作罷⋯ 第二次行銅鑼灣又路過 冇book位 但係都決定等位試下 排隊等咗成粒鐘 d醬料唔掂囉 肉質仲ok 覺得排隊咁耐唔係好抵囉⋯

Went here for hotpot yesterday. The soup base we chose sichuan spicy, wasn’t as spicy as expected. In terms of food we ordered some fish balls, shrimp balls, sausages, needle mushroom, beef.Especially recommend the beef which is hand cut, it has very high quality and taste very good. The texture of the fish ball is very special too, loved it very much.In general the quality of food here is high and staff has good service.

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！   今晚相約幾個舊同學食飯，為左就其中一位朋友所以就過左海黎CWB搵食，一班人打邊爐就實無錯，鐘意食乜就食乜淥乜，加上大家好朋友，交換下口水都無問題，所以打邊爐除左個爐緊要，飯腳都一樣緊要！謙記都係上openrice睇到評價唔錯先book，結果都無令我地失望！一坐低侍應們已經熱情招呼，好好禮貌，第一印象好好。隨後拎左味架，各自撈醬！叫左椰子雞湯，上鍋嘅時候係一鍋雞湯，另上半隻雞、椰子條同其他材料。雞新鮮嫩滑，雞味濃，不錯，湯頭亦都鮮甜，略嫌椰子味唔夠重。由於大家都唔係好肚餓，加上有人生日留肚食蛋糕，所以都無叫大多。手打四寶丸估唔到咁足料，我最鐘意個蝴丸，試意十足！貢丸就應該現成貨，但食得出上等貨。珊瑚螃都好正，幾新鮮！好爽口！兩響鈴就係普通盒裝響鈴..

朋友話想打邊爐，上OpenRice搵了又搵，發現到呢間「謙記」火鍋店，好似口脾好好，仲要近近地係銅鑼灣，甘就去啦！叫左清湯腩湯底，裡面有大量牛腩牛筋同白蘿蔔，淨係食湯渣都飽飽地。個湯好清甜，不肥膩，大力推介。叫左好多野食！有不同切法的鱔、不同部位的牛、竹笙、響鈴、水晶包（奶黃味和牛肉味）、芋頭、手打豬肉及牛肉丸、魚麵、黃帝菜和生菜。鱔好爽脆，略嫌有少少骨；牛肉賣相好靚，擺到成棵玫瑰花🌹甘。牛肉有牛肩肉、面頰肉、牛頸肉等，食得出是高質的牛；黃帝菜好新鮮，好爽甜；奶黃水晶包流沙奶黃心，牛肉水晶包食落似粉果。豬肉丸及牛丸新鮮彈牛，肉汁鮮美，加左馬蹄更爽口。飲品叫左青檸梳打，酸酸的，很清新解渴，不會太甜。期待下次再食！

謙記火鍋位於銅鑼灣近鵝頸橋一帶，交通方便，附近有很多食肆，屬旺中帶靜格局，很適合晚飯消夜。火鍋店佔據商廈一至三樓，地方舒適闊落，裝修光猛整潔。謙記火鍋有其特色小食及火鍋料。小食百花煎蝦餅新鮮手打，即叫即炸。蝦肉粒彈牙爽口，蝦味亦濃。青檸薑梳打清酸鮮甜，加上少少鹽釣味，打邊爐下火最佳。湯底清湯坑腩煲，牛坑腩腍中帶爽，牛味濃郁，煲內有十多二十件牛坑腩，以百多元左右價錢十分抵食，其他配菜如蘿蔔及京蔥亦見鮮甜。打邊爐期間跟店員建議用上中火，湯底由始至終很少出現浮泡，可於打邊爐任何時間飲用湯底。謙記的手切肥牛水準很高，山東肥牛頸脊及牛肋骨雪花分佈均勻，牛味濃郁，手切肉入口鬆軟有牛脂香，牛展則食其爽口感。魚翅唇焯後腍滑中帶有似食鯊魚骨的咬口。西洋菜餃及奶黃水晶包外皮用澄麵製成，焯熟後變透明色，餡枓若隱若現，看來晶瑩剔透，食味似廣東蒸點心。手打牛丸及豬肉丸跟店員建議焯十分鐘，手打肉丸入口鮮甜爽彈，嚼勁十足。松葉蟹鉗有十隻之多，入口非常鮮甜，必是新鮮貨色才有此質素。

謙記火鍋位於銅鑼灣謝斐道，鄰近鵝頸橋，去完時代廣場逛街過去也是五分鐘左右。雖不是集團式般美輪美奐，但環境也是潔淨舒適。價位適中，雖身處銅鑼灣區，但價錢與油尖旺區那些差不多。青檸梳打 ($65): 酸酸甜甜般，亦蠻生津解渴，友人的兒子很喜歡。百花煎蝦餅 ($78): 泰式炸蝦餅吃得多，這裡的煎蝦餅也是招牌小食，兩者相比，此款蝦味更為鮮濃，但不及泰式般的酥脆。但味道的確勝一籌。清湯坑腩煲 ($138): 以蘿蔔、青蔥及牛坑腩所淆製的清湯底，由於火鍋配料能獨當一面，無須過於濃烈的湯底。牛坑腩肉質軟腍，共有十多件，牛味夠，但稍欠惹味。精選牛拼盤: 此回拼盤有三款，分別是牛頸脊、本地手切肥牛、金錢𦟌。牛肉質素甚佳，手切肥牛肉味較重; 牛頸脊肉香之餘，油香更為突出; 而金錢𦟌亦爽脆味濃，各有特色。手打牛丸拼豬肉丸 ($60): 肉丸是每天新鮮手打，絕無隔夜貨。質感爽口彈牙，肉味夠鮮，納入推介之列。魚翅唇 ($88): 無論是質感或者味道均與花膠魚肚相約。水晶奶皇包拼叉燒包 ($60): 外皮是一層水晶皮，包著奶皇/ 叉燒餡料，輕灼一至兩分鐘便可享用，蠻特別。

銅鑼灣高質火鍋🍲 謙記火鍋😋 湯底清湯坑腩窩 勁多牛坑腩 食極都有 而且腩位炆得軟腍 不用花太多牙力咀嚼😂 清湯好飲 不油膩 飲完亦唔口渴 店員服務一流 會主動加湯 同行朋友喜歡飲湯 更讚不絕口 店員服務態度👍.另點了 更是必試食品 山東肥牛頸脊 手切牛肋骨肉 金錢𦟌 牛肉色澤分明 牛味重 牛頸脊 牛隻活動最多既地方 脂肪少 有咬口 牛肋骨肉 肉質軟腍 肉味重 金錢𦟌 薄切 爽口 不錯👍.強烈推介 奶黃水晶包 水晶叉燒包 四寶丸 鮮蝦雲吞拼西洋菜餃 以上的都是火鍋店人手製造 超級用心😋 奶黃水晶包 蝦丸 雲吞 西洋菜餃更是大愛❤️😋 .百花煎蝦餅 手打蝦餅 真材實料 見到蝦粒 有口感😍凍豆腐 吸哂湯既精華🤭正啊！芥蘭苗 皇帝菜 翠綠 新鮮 爽口！青檸梳打 好飲 青檸自己榨汁 酸酸甜甜 開胃消滯 好飲😛女生最愛😉========================謙記火鍋 (銅鑼灣)銅鑼灣謝斐道408-412號華斐商業大廈1至3字樓