莆田 (荷里活廣場)

營業中

休息中

第一次同朋友食呢間傳統福建菜，行經過荷里活商場見到門口寫住連續7年米芝蓮就入去試一試門口等位期間見到餐廳除左有堂食，仲有食物商品可以買職員主動介紹呢期餐廳做緊鰻魚主題嘅食物見職員誠意拳拳推介，我同朋友就點左一份福建特色紅糟鰻本人對鰻魚無乜好感，但係呢份鰻魚好香酒味，而且非常之脆口，好好食👍🏻另外再點左椒鹽豬手，皮脆肉滑，好似食緊薯片咁😅 非常香脆特別值得推介嘅係前菜蝦苗頭水紫菜，酸酸甜甜嘅紫菜非常開胃主菜有砂鍋黃花魚湯，好大條黃花魚非常之香濃鮮甜嘅魚湯，真係食過返尋味最後仲叫咗新加坡嘅特色紅毛榴槤汁，酸酸甜甜，真係好開胃。今次嘅體驗開左我同朋友嘅眼界，原來傳統福建菜式都可以咁好味，下次可以再黎試下

今日去鑽石山荷里活廣場光顧呢新加坡餐廳，店內環境寬敞，裝修華麗😄阿元香草鷄 $98雞件嫩滑，有淡淡香草味，味道不錯😁黃金荷葉包 $38/件荷葉包炸得非常香脆，可夾上洋蔥肉絲，口感豐富😋興化炒米粉 $118有豐當的配料如蜆肉，蝦，蝦米仔，菜，配上彈牙米粉😚鮑魚红燒肉🐷 $188豬肉經過慢火燉煮後軟嫩可口，鮑魚則保留了鮮美的口感😚蒜蓉豆豉蒸鰻魚🐟 $118將鮮美的鰻魚與蒜蓉及豆豉搭配，經過蒸製後，更能保持其鮮嫩的口感，並且吸收了蒜蓉和豆豉的豐富味道, 散發出濃郁的香氣😉🎇莆田 (荷里活廣場)🎈鑽石山龍蟠街3號荷里活廣場2樓214舖@hkputien整體得分: 5/5味道: 5/5環境: 5/5

莆田鰻魚節又回歸啦餐廳主打中菜八大菜系嘅閩菜，最近做緊鰻魚節，提供4種食法，包括普寧豆醬焗，山泉水煮，蒜蓉豆豉蒸，福建特色紅糟鰻 環境優雅，令人感覺舒適揀左比較少食福建特色紅糟鰻 鰻魚經過油炸之後，香酥脆有著鬆軟的口感，魚肉有淡淡的紅糟優雅香氣細緻軟嫩兼具莆田扁肉湯 扁肉以透薄嘅皮包住扁肉外皮煙韌，鮮味十足百秒黃花魚餐廳嘅招牌菜式，只煮100秒的黄花魚鮮甜美味，而且非常滑興化炒米粉：一碟炒米粉內有多種材料，包括蟶子、脆花生、蜆肉、肉絲、蝦米、香菇、紫菜等等，味道口感都甚具層次，加點自家製辣椒醬就更為惹味福建特色海蠣煎海蠣肉質飽滿，特別鮮甜雞蛋餅底煎至金黃香脆，加上惹味香茜及韮菜粒，喜歡酥炒芋芯呢個又係必食之選，睇落好簡單芋頭優口感好粉，外皮好脆，甜甜地

呢餐晚餐好豐富，全部都係精緻嘅莆田菜，好耐冇嚟食呢間「莆田」，今日同屋企人嚟食飯，發現質素又提升咗，果然唔會令我失望🤤👍🥢普寧豆醬焗鰻魚好高質！普寧豆醬香濃，配上鮮美嘅鰻魚，香氣撲鼻，令人食指大動😋🥢包菜飯簡單又美味嘅包菜飯，包菜爽脆配埋飯食，鹹香惹味，配料好豐富🥢鮮貝燴絲瓜鮮味十足嘅菜式，鮮貝鮮甜，絲瓜爽脆，清甜可口😋🥢阿元香草雞香氣四溢嘅菜式，阿元香草嘅香味好吸引，雞肉嫩滑可口！🥢閩南五香卷新推出，勁好味！五香卷香脆可口，餡料鹹香軟腍，好香口！食完咁多款小菜，我哋仲叫咗兩個甜品😍👇🏻🥣桂花陳皮燉雪梨大大個甜梨🍐 好滋補嘅甜品，桂花香甜 雪梨清潤，清甜可口，暖入心🥰🥰🥣建蓮雪耳湯有凍有熱，今次揀咗凍嘅雪耳湯☺️ 建蓮清甜，雪耳滋潤，整體清甜可口

今日多謝老闆娘請食飯..因為佢係福州人，所以好鍾意食福州菜今日就帶我哋去荷里活莆田其實莆田下午嘅時候….都會有一啲嘅特價午餐…已經有交易，而且選擇都幾多不過今日老闆娘話要散叫呢個係我每次嚟都必點嘅咕嚕肉甜甜酸酸啖啖肉好味到不得呢個唔記得咗乜嘢名堂…但係條條繩子都好大隻😘😘呢個蒸蟶子先係最精華好入味，而且肥嘟嘟呢個海鮮麵都係每次必點嘅呢個瓜就普通一啲冇咩特別總括理解都幾好味🤭🤭不過老實講都係食佢午餐抵食啲🥴🥴

推介指數 Recommendation Level : 🔥🔥🔥🔥新加坡過江龍餐廳，主打的卻不是新加坡菜，而是中式的客家菜。餐廳起用新鮮的材料，還有時令的食材，除了食物的品質及味道都具有保證之外，亦不時給客人新鮮感，難怪已中等價錢定價，亦吸引不少回頭食客。Singapore's Cross-River Dragon Restaurant specializes in Chinese Hakka cuisine rather than Singaporean dishes. The restaurant uses fresh and seasonal ingredients, ensuring both quality and taste while occasionally surprising guests with freshness. Despite being moderately priced, it attracts many returning customers.興化炒米粉 ($88)Fried Heng Hwa Bee Hoon這個炒米粉有不少材料，包括蜆肉、蝦肉、豆腐

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯講到最常食嘅中菜一定唔可以唔提「莆田」，優質嘅新鮮和時令嘅食材直達香港，喺香港都可以食到傳統嘅福建美食。最近莆田推出咗莆田蟶子節，只需$219就食到兩款由蟶子製作而成嘅菜式（八選二）。蒜蓉蒸海蟶我就話最傳統嘅蒜蓉蒸最能夠突出食材本身嘅味道，簡單嘅蒜蓉味可以令到海蟶更加鮮甜。農家蟶溜湯所謂嘅「溜」其實用咗地瓜粉保持滑溜感，同時加咗白醋同埋胡椒做調味，配搭鮮甜嘅海蟶真係想成碗湯都飲埋。經典包菜飯可以根據自己嘅口味加入花生、蝦米、香蔥。飯粒本身都吸收晒荷葉嘅香味。石鍋滑豆腐香脆嘅豆腐外皮，內裏嫩滑又有豆香。熱騰騰嘅石鍋可以更加保持豆腐嘅溫度。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 莆田 (荷里活廣場) (鑽石山)鑽石山龍蟠街3號荷里活廣場2樓214號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

蟶子2 食 $219 呢個價錢嚟講都算幾抵食. 好多隻蟶子！ 好有好多組合嫁～ 有啲係炒蟶子. 酒浸蟶子.我就揀左紅菇聖子湯. 好補好鮮甜！ 鐵板鹽焗蟶子-鐵板扒就食得多. 原來聖子都可以咁樣上枱.幾特別！ 前菜： 蝦苗頭水紫菜 $58好 fresh既口感！ 好開胃！ 白切羊肉 $158-睇落去以為係豬手. 個口感都似嫁！ 好彈牙！ 黃金荷葉包 $76-切開個麵包，夾啲豬肉絲入去！ -麵包上面嘅芝麻令成個麵包好香口！唔會好齋！ 薄荷枇杷凍$48桂花陳皮燉雪梨$48

又到咗我最愛嘅中菜環節，平時出邊食飯都比較油膩。今次就去到鑽石山荷里活廣場「莆田」，享受一下高質福建菜嘅精髓。最近又到咗蟶子節，只需 $219就可以享受兩款由最時令蟶子炮製而成嘅菜式。薑蔥炒蟶子 選用大火加入薑和香蔥連殼爆炒蟶子 ，再作簡單調味。蟶子完全冇沙，然後薑蔥又可以更加突顯蟶子嘅甜味。紅菇蟶湯 紅色有清澈嘅湯底其實就係用咗福建名物紅菇煮省成，湯底感覺上比較清新，亦都唔會蓋過蟶子本身嘅甜味。閩南薑母鴨講到滋補菜式不得不提薑母鴨，選用老姜和鴨肉炮製出薑香又唔辛辣嘅鴨肉。百秒黃花魚廚師對黃花魚火候嘅掌控，造就嫩滑嘅魚肉。

莆田宜家做緊季節蟶霸promotion，HKD219可以叫2款蟶子菜式，咁一定要試試啦。薑蔥炒海蟶，大火爆炒海蟶，加入薑蔥可以去掉蟶子腥味。火候掌握得幾好，蟶子食落鮮甜惹味好有鑊氣。蟶炒金黃蛋，做法有D似海蠣煎蛋，不過係用咗蟶子。宜家蟶子都好肥美，個頭不大，肉質緊實。同蛋一齊炒，蟶子包裹曬雞蛋，口感唔錯。莆田扁肉湯，每次來必叫。扁肉個頭唔算大，一口一個。扁肉食落好鮮甜，加埋紫菜湯一齊，鮮上加鮮。莆田荔枝肉，做法類似咕咾肉，豬肉油炸以後，裹上酸甜醬汁，仲會加入荔枝一齊烹飪。一口肉酸甜惹味，肉質唔柴，真係有少少荔枝味。福州風味紅糟雞，用紅糟醃製雞肉，再用焗蒸烹製。紅糟入到雞肉裡面，食落雞肉鮮甜嫩滑伴有紅糟香味。白果芋泥，芋泥擺得好似花一樣，幾靚。芋泥研磨得好細，入口綿密，再加埋椰漿一起，超好味。薄荷枇杷凍，枇杷汁做成嘅啫喱，真係好特別。食落微酸，伴有少少枇杷味，好清爽。

我又嚟一個月食一次canteen呀好！今個月都仲係做緊蟶子節菜品$219/2款😗真係好抵㗎！所以呢我就約咗個好朋友一齊食🤭▫️蒲田荔枝肉 （中） $146呢道菜用鮮嫩嘅豬肉配上鮮甜嘅荔枝煮成豬肉會切成細件先炸過再同荔枝一齊炒有荔枝嘅清甜，好特別嘅味道▫️興化炒米粉 （中） $228呢道係福建省興化地區嘅特色小炒用細米粉加上各種蔬菜、雞蛋同肉類炒成。米粉炒得夠乾爽，加埋充滿香氣嘅配料好有層次嘅口感🤭$219/任點2款▫️老酒豎海蟶 將新鮮嘅海蟶用老酒煮老酒嘅香氣令海蟶更添味道😍海蟶肉嫩滑多汁，再加埋老酒嘅獨特香氣簡直係一絕。▫️蒜蓉蒸海蟶呢道菜用蒜蓉鋪係新鮮嘅海蟶上面，一齊蒸熟。蒜蓉同姜嘅香味滲入海蟶肉，令味道更加濃郁而且蒸製保持咗海蟶嘅鮮甜同嫩滑

弟弟一家來探我，我請佢哋去荷里活廣場食午餐，被譽為“新加坡中餐第一品牌”的莆田餐廳，是一間福建菜餐廳，餐廳地方簡潔，座位舒適，侍應招呼週到。莆田大部份食材，皆從福建莆田市直接入口，以確保其地道風味。近期有莆田「哆頭蟶節」，分別帶來了多款風味烹煮的方式，去突出哆頭蟶獨有的鮮甜味。$219任選兩款。鐵板鹽焗蟶：這是莆田當地的經典食法，保留了哆頭蟶的鮮甜原味，吃的時候將蟶肉蘸點海鹽，帶來更香滋味！蒜蓉蒸海蟶：蒜蓉蒸原汁原味，將蒜蓉均勻地塗在每一片蟶肉上，每一口肥嫩的蟶子都帶著滿滿的蒜香，鮮味十足。莆田荔枝肉：肉質外脆肉爽口，沾滿酸甜的醬汁，開胃之餘又具脂香。莆田扁肉湯：扁肉全粒都係用豬肉做成，手工精細，做成一小顆一小顆的，煮好放在加了白醋的雞清湯中，肉香中帶酸爽，是一道湯品與肉餃並重，卻又吃來清爽不膩的菜式。大白菜燉軟豆腐：湯頭以老母雞、豬大骨、干貝、蝦乾等食材，文火慢燉8小時以上，湯頭醇厚鮮甜，搭配自製豆腐、大白菜甜嫩菜心，炒過的蛤蜊、蝦米、五花肉片、蒜頭等，呈現食材原味鮮甜，令人回味無窮！福建海鮮滷麵，配料豐富，有瘦肉、蝦干，香菇，乾貝，牡蠣，蟶、韭菜，湯底係用豬骨頭裏最好的骨段用文火熬

諗住食蟶子兩味，結果相比第一次食同樣嘅兩味，食材縮咗幾倍水！？無論數量、質量和味道都級比下去！原本是只值二百幾嘅變三百幾蚊！查過茶芥居然係$18位！不如去搶錢啦！仲貴過碗白飯！加上其他不相關費用。找數變三百幾！而最重要不值此價！真的有種被騙入局的感覺！如果食蟶子，其他地方還有更多好的選擇，真的不必要到這裡來食如此性價比低的蟶子！味道也不夠入味，尤其是有湯那系統的更加不值了！我諗這是我最後一次幫襯了！

呢排成日喺地鐵見到莆田嘅廣告$218兩款蟶子，今日終於嚟試吓一開始會有一小疊開胃前菜，呢個幾好食，酸酸甜甜，好似係酸菜。而蟶子共有九種食法我哋今次揀咗經典嘅蒜蓉蒸同埋香口嘅椒鹽蒜蓉嗰款超好食，個汁好惹味。但椒鹽嗰款同我想像中有啲出入，佢唔係好脆身，炸衣薄薄地，我唔太喜歡，有啲後悔叫咗呢一個食法揀其他應該會好味啲。佢另外配咗炸茶樹菇，反而茶樹菇個味道幾得意。莆田荔枝肉，其實個味道同咕嚕肉差唔多。有啲失望係佢嘅荔枝份量好少，只係得兩粒荔枝肉。整體嚟講冇乜特別不過不失。黃金荷葉包，呢一個非常好食，個包好脆熱辣辣，外脆內軟。切開個包之後就可以夾啲肉絲同埋洋蔥入去，甜甜地。我哋怕唔夠飽，仲叫多咗個煮食係經典包菜飯。個飯跟埋一啲配料俾你自己撈，有花生碎蝦米仔蔥同埋菜。個飯有荷葉墊底，本身以為會有淡淡的荷葉香，但係食落好失望係一啲都冇。佢只係一個普通有味嘅係有啲濕濕地有一啲似糯米飯嘅質感，相當普通，應該其他主食會好好多，呢個可以唔使叫。

莆田最近有季節性蟶子節，共有8種不同煮法，款款特別， 包括農家蟶子溜湯、紅菇蟶湯、老酒豎海蟶子、蟶炒黃金蛋及椒鹽哆頭蟶子等等。$219/2款蟶子鐵板鹽焗蟶子~上菜時聞到香噴噴，打開蟶子殼見到飽滿 蟶子肉，新鮮香甜，正！蒜蓉蒸海蟶~用蒜蓉蒸海鮮都係一流嘅食法，好鮮甜。精美四小拼~九轉小腸、頭水紫菜、筍乾及鹵水豆腐， 呢個小腸好特別，好香口，一試難忘；酸咪咪嘅紫菜好醒胃，仲有爽口筍乾同美味豆腐。家常豬蹄凍~這個小吃充滿豐富嘅骨膠原，入口爽滑， 沾少少微辣醬汁更惹味。福建紅菇海鮮撈麵~營養豐富嘅紅菇好有益，紅色湯底好有趣，撈麵唔會太淋夠爽口，多款海鮮材料有大蝦、蠔仔、蜆肉、小元貝及肉絲等，整體上個撈麵做得幾出色。蒲田扁肉湯~呢個湯好特別，裏面有些小雲吞。