餐廳主打台灣養生藥膳湯底，午市定量幾款唔同價錢任食套餐分別食到唔同種類嘅牛肉 自助吧有多款火鍋配料、肉類、蔬菜🥬選擇豐富而且擺得乾淨企理，值得一讚 🎈湯底 揀咗麻辣湯底同椰子雞，十分足料，椰子雞湯亦好鮮甜 🎈Prime Grade牛肩胛肉拼無激素豬肉片套餐 套餐有牛肩胛肉及豬肉片各一碟 牛肉色澤鮮紅，帶有均勻油花，肉味濃郁 豬肉片厚薄適中肉質滑嫩，以呢個價錢相當高質 🎈自助區配料 有香菇貢丸、花枝條、魚柳片、蛋餃、芋頭貢丸、海膽丸等，雞肉係必食，大大件又夠滑👍🏽 🎈好欣賞蔬菜種類都唔少，有羽衣甘藍、油麥菜、娃娃菜、粟米，萵筍等，食得更健康 🎈雪糕 雪糕雪條都係任食，有不少本土品牌同Dreyer’s及Movenpick選擇，飯後一點甜最高享受

自從Gariguette 落戶香港，出銅鑼灣就食到紅遍東京、大阪、福岡嘅人氣拿破崙千層酥🪭呢度有堂食座位，買完可以坐低慢慢享受🫶🏼 千層酥現場製作，新鮮出爐口感特別酥脆，食到淡淡牛油酥香🧈甜食以外，仲有鹹味選擇🩶貼心嘅係有Half-half雙拼，一次過食到兩種口味 🎈伯爵紅茶忌廉杏脯果醬 外層酥脆，表面有焦糖脆脆，內裡香濃伯爵红茶忌廉搭配杏脯果醬，幼滑忌廉帶有茶香，加上果醬酸甜，味道甜而不膩 🎈蛋沙律雞勒吞拿魚 千層酥裡面放滿餡料，吞拿魚、蛋沙律、洋蔥、薯蓉加上羅勒蛋黃醬，啖啖都食到吞拿魚肉及蛋沙律，層次豐富🫶🏼

餐廳主打台式藥膳養生湯麵，湯底落足料，好適合鍾意飲湯嘅朋友 湯麵套餐全日供應，附送餐飲🥤晚市有商務餐，主菜、小食連飲品，都唔超過一百蚊🥢 🎈蟲草花清湯雞米線 米線大大碗，湯底足料香甜，而且加有木耳、紅棗，藥膳味道恰到好處，除咗湯麵，仲可以配飯或者米線/新竹米粉 雞件肉質嫩滑，而且好入味，份量俾得大方，好滿足🫶🏼 🎈麻辣豬肉餃 餃子皮薄身滑溜，餡料菜肉比例恰當，加左麻辣油，味道更加有層次 🎈凍咖啡 可以少冰/走冰，幾細心🫶🏼

自從農耕記由深圳開到嚟香港，想食地道湖南菜又多個選擇🫶🏼辣椒炒肉係餐廳招牌菜式，幾乎每枱都會點，口味同深圳食到嘅相當接近 🎈鮑魚辣椒炒肉 辣椒炒肉又香又嫩，夠辣夠爽🌶️ 味道集香辣於一身好啱送飯🫶🏽 鮑魚份量很多，味道鮮美帶點嚼勁，豬肉細嫩多汁口感相當豐富，配搭爽脆微辣嘅尖椒、白木耳，呢個組合真係絕配，就憑呢個餸已經可以食晒成碗飯😍 🎈蒟蒻蒸排骨 看似簡單嘅菜式，反而相當有驚喜～排骨肉質軟腍，肥而不膩 芋頭超軟綿，口感綿密，吸收晒醬汁味道，好啱送飯😍 🎈清炒毛白菜 毛白菜每日新鮮到店，新鮮翠綠🥬清炒就最食到食材本身嘅鮮甜

麵包店來自台灣，已經開業多年，好欣賞佢地不時推出新口味麵包保持新鮮感🫶🏼 🎈高纖合桃 健康之選嘅歐式麵包，以天然全麥麵粉配提子乾同合桃，麵包質感鬆軟有麥香🌾啖啖都食到提子乾同合桃，更有口感 🎈藍莓童話 麵包鬆軟，本身唔會好甜，更食到藍莓天然甜味🫐而且呢個包size好大，買嚟做午餐都無問題 🎈夏之雪 軟綿麵包裡面放滿香甜奶油餡，餡料俾得好大方，有濃郁奶香，口感creamy，相當滿足 🎈香焗芝士條 一袋有兩條，麵包夠鬆軟，有濃郁芝士鹹香，甜包以外唔錯嘅選擇 🎈紫薯麻薯 頗有紫薯香，裡面仲加咗麻薯，食落多重煙韌口感 🎈藍莓布丁 俾佢嘅賣相吸引😍有藍莓、布丁及碎芝士，啖啖都食到濃郁蛋香嘅布丁餡 🎈濾掛咖啡 除咗麵包，餅店嘅咖啡同樣有資素，仲有濾掛咖啡可以買返屋企慢慢享受🫶🏼

茶餐廳裡面坐得最舒服嘅選擇，星期一至日都有多款午餐、下午茶餐選擇，每次都必點佢地招牌嘅#熱奶茶 🎈 神之叉燒飯 平時好少見咁厚切嘅叉燒，係半肥瘦嘅，整得好入味而且肉汁豐富，加上叉燒醬汁味道更香濃 炒滑蛋加咗蔥花好惹味，質感嫩滑配白飯最適合不過 🎈鐵板薄西冷牛扒（蒜蓉汁） 午餐嘅價錢只係$73食到鐵板牛扒，好抵食 西冷扒有兩大塊，雖然話係薄切，口感依然幾好，肉質軟腍，配燒汁及薯菜好滿足 🎈芝士焗西蘭花 即叫即焗🥦西蘭花加香濃芝士🧀基本上見到都會點嚟食，特別在加咗白汁，味道更豐富 🎈 濃情奶茶 香滑奶茶配瀘州老窖，飲落有淡淡白酒香甜味，易入口得嚟唔會好重酒精味，估唔到佢地係咁夾

🎈花斑茶社 最近新推出兩款飲品，以清新水果味為主題🥤分別有蘋果冰茶同葡萄烏龍，裡面有啖啖果肉，配上招牌茶底，感覺清新 🎈清爽青葡萄烏龍🥤 清新葡萄+香濃烏龍茶🍇原來都幾夾 飲到葡萄嘅清甜同烏龍茶嘅茶香，配上酸酸甜甜果肉，味道充滿層次 🎈珍珠奶綠🍵 可以自選甜度，珍珠本身有黑糖嘅甜，所以甜度揀走甜就最啱我 綠茶茶底融入鮮奶，香濃唔苦澀，有奶香之餘茶味亦突出 珍珠帶黑糖香，口感滑順，同時享受綠茶香同煙韌珍珠🫶🏼

任食套餐食到台灣直送火鍋配料、地道小食同滷肉飯等，入座後以QR Code點好湯底同肉類，就可以去自助吧拎醬料、蔬菜🥬粉麵、丸類等 用餐時間有2個鐘，可以慢慢享受🫶🏼店員好有禮貌，整體好加分 🎈鍋底 湯底有紅燒牛骨、鳳梨雞、麻辣蕃茄等，連酸菜魚鍋都有，總有一款啱心水🥘 🎈極上和牛吃到飽套餐🥩 果然係牛大人，牛肉種類夠晒多，有上腹牛五花、封門柳、一口牛肉粒、澳洲和牛M5牛肩卷等，每位贈送2粒澳洲M9和牛牛丸，每樣試少少都夠回本🍲 特別鍾情澳洲和牛M5牛肩卷大大片，油花充足，口感滑嫩 手切封門柳顏色嫩紅牛味濃厚，脂肪比例唔多但非常軟腍🥢 🎈西班牙豬梅肉片/ 花雕酒雞件/ 妞西蘭羊卷肉 豬肉片豬肥瘦均勻，厚薄適中😚 肉質嫩滑 花雕酒雞件好入味，食到淡淡花雕酒香🍶 羊肉都好正，帶有恰到好處嘅羶味 🎈台灣直送鱸魚片/脆鯇片 鱸魚片同脆鯇片分別食到兩種不同口感 鱸魚片滑嫩🥢脆鯇爽口彈牙 仲有海蝦🦐沙白等海鮮，實在太幸福🫶🏼 🎈火鍋配料 火鍋配料擺放整齊，有多款選擇，海膽丸、包心丸等應有盡有，新鮮蔬菜🥬瓜類、粉麵等補充及時，值得一讚 🎈台式小食 必點滑嫩鴨血，鹽酥雞，真豬小香腸🥢 🎈甜品 一人一杯Dreyers 同Movenpick 雪糕🍨超滿足 🎈飲品 紙包飲品、汽水、台灣進口茶飲、自家製冷泡茶

小店主打手製餃子及多款港式糖水，仲有好受街坊歡迎嘅栥飯，只做外賣，生意依然好好 🎈鹹蛋黃鮮肉水餃🥟香茜水餃🥟 餃子可以選擇湯餃或煎餃，淨湯餃會配有白蘿蔔及生菜🥬外型飽滿，餡料夠晒多 鹹蛋黃餃子裡面有粒粒鹹蛋黃碎，口感特別好而且食到鹹蛋黃嘅鹹香🥢 香茜水餃味道相對清新，有香濃芫茜香，肉汁豐富🫶🏼 🎈栥飯 小店嘅栥飯份量十足，糯米軟糯，超香脆嘅油條好加分，再加上榨菜同肉鬆鹹香，味道豐富，有驚喜 🎈海帶綠豆沙 糖水都係招牌之一，清甜綠豆沙清熱一流，煮到起沙，加上海帶絲同粒粒軟綿綠豆，甜度適中，滿足🥣

明星產品首推麻糬QQ球，有好多款口味選擇，仲有麵包、麻糬曲奇🍪件裝蛋糕、3D造型蛋糕等甜品🥖放工時間經過都唔少人排隊㗎 🎈麻糬QQ球 麻糬QQ球係最受歡迎嘅產品，裡面有軟糯麻糬帶嚟雙重口感，麻糬控一定大愛 開心果QQ球上面灑上開心果粒粒，好睇又好食🍫朱古力味味道香濃，甜度適中，而紫菜肉鬆味道鹹鹹甜甜，十分惹味 🎈曲奇禮盒 $128 曲奇禮盒🎁外型靚仔，可以自選9款手工製作嘅新鮮出焗曲奇🍪包括咖啡、焙茶、紅桑子、朱古力、芝士等🍪 每款都各有特色 最重要係新鮮出爐，口感特別鬆脆，送禮自用都好適合 🎈焦糖布甸麻糬朱古力蛋糕 集合多款口感於一身，有香滑布甸、柔軟麻糬同鬆軟海綿蛋糕，綿滑中又帶點嚼勁 焦糖醬帶有香濃焦糖香，同布甸果然係perfect match🍮 🎈纏綿拉絲芝士菠蘿包 菠蘿包入面有粒粒芝士同拉絲芝士🧀食到2種不同口感，芝士餡超多😍好有驚喜，加上薄脆外皮同軟綿麵包，絕對係升級版嘅菠蘿包，大推🫶🏼 🎈開心果/ 榛子脆脆糯米糍 糯米糍外皮薄身有彈性，內裡分別係滿滿嘅果心果粒粒同榛子脆脆，榛子味有啲似金莎，甜而不膩而且好香口 🎈抹茶紅豆麻薯波波 外層係抹茶味嘅麵包，質地鬆軟，中間有紅豆蓉🫘及麻糬，口感煙韌而且甜度剛好， 味道清香，配上軟綿麻糬好加分 🎈麻糬曲奇（朱古力 開心果 焙茶 抹茶） 將曲奇同麻糬放埋一齊，而且一盒有4款口味，好難抗拒呀😍 曲奇唔係行香脆路線，口感鬆軟，輕輕摵開有強大嘅拉絲效果，焙茶同抹茶同樣茶味香濃，好味 🎈港式絲襪奶茶/ 拿鐵咖啡 奶茶茶味同奶味均衡，口感絲滑，飲到奶茶濃濃嘅茶香☕️咖啡同樣味道香醇，而且甜度拿捏得好好