莆田 (荷里活廣場)

莆田一直係我心目中「有質素但唔浮誇」嘅中菜代表。最近去咗鑽石山分店，食完真係有啲感動，唔係誇張——係嗰種「你唔講，我都唔知原來福建菜可以咁有層次」嘅感動。🥢【山泉水煮活鰻魚】呢道菜一上枱我已經聞到陣陣清香，鰻魚係即劏即煮，肉質滑得嚟唔腥，山泉水煮法真係有啲神奇，唔加多餘調味，反而帶出鰻魚本身嘅鮮甜。食落口係暖暖地，好似喺山林間飲緊一碗靜靜地煮嘅湯。🌊【蝦苗頭水紫菜】呢個係我意料之外嘅驚喜。紫菜唔係平時嗰啲乾乾地嘅貨色，係頭水紫菜，入口嫩滑得嚟有海味，蝦苗加落去就好似海洋嘅精華濃縮咗一碗咁。清清地但好有層次，唔係普通湯可以比。🐟【軟煎大黃魚】大黃魚煎得啱啱好，皮脆肉嫩，冇過火。最正係佢冇落太多醬汁，保留咗魚本身嘅鮮味。食落去有種「媽媽煮畀你」嘅溫柔感，唔係餐廳式嘅華麗，而係家常嘅真誠。🍠【酥炒芋芯】芋芯炒得酥香但唔油膩，入口有啲似炸芋頭絲，但又唔係咁重口味。係一種好有技巧嘅火候控制，炒到外酥內嫩，仲保留咗芋芯嘅香甜。呢道菜真係好考功夫，莆田做得好靚。🍜【興化炒米粉】壓軸一定要講呢個。炒米粉睇落平平無奇，但一入口就知唔簡單。米粉唔會斷，炒得乾爽但唔乾柴，仲有好多料——蝦仁、瘦肉、蛋絲，全部炒得好均勻。係嗰種你食完一碗會想再叫多碗嘅感覺。莆田鑽石山分店，環境唔算豪華，但乾淨舒服，服務又有禮貌。最重要係，佢哋真係用心煮每一道菜，冇花巧，冇浮誇，係用味道講故事。如果你鍾意食得有層次、有情感嘅中菜，莆田真係值得一試。…查看更多

今晚黎到鑽石山荷里活廣場「莆田」晚餐，呢度食正宗福建菜，幾啱香港人口味。話說荷里活呢度泊車優惠幾多，好容易就有幾個鐘免費泊車，呢間莆田係主打福建菜嘅餐館。氣氛輕鬆、座位闊落幾舒服，員工都有好親切嘅笑容，未開始食已經心情放鬆哂。一嚟兩杯特色飲品先，叫第二杯仲有半價，好抵飲！「曲氏健康果汁」顏色清亮，唔會太甜膩，有草青清香，作為開胃前奏不錯不錯。第2杯半價，「椰奶雪耳冰」椰子味香濃，雪耳口感滑而且有咬感，層次清甜，飲完一啖接一啖呀。話說呢期鰻魚做推廣，好幾個菜式都係專為鰻魚新設計，好鍾意食鰻魚啖啖肉，十分吸引！我點咗普寧豆醬燒鰻魚：鰻魚煎到微焦好香口，裡面肉質鮮嫩，豆醬香濃份量控制啱啱好唔會太鹹；豆香與煎香嘅鰻魚互相襯托，福建風味盡顯。香辣炒花蛤：花蛤新鮮，配中芹配特色辣醬，辣度掌握得啱啱好，花蛤鮮甜非常惹味。糖醋黃花魚：糖醋酸酸甜甜好開胃，魚肉炸到外脆內軟，醬汁覆蓋均勻，呢度菜式功夫好多，可以食得出廚師嘅心機，要控制酸甜味同魚嘅淡淡鮮味互相配合實在不容易！鮮元貝燴絲瓜：元貝細細粒但鮮味十足，絲瓜清甜爽口，比我㨂多次要叫大份先得。福建海鮮麵：麵條軟熟，湯底夠濃有海味但不會太咸，搭配幾種海鮮，有特色，好味！整體感覺港式口味與福建特色混合，風味層次齊全，海鮮夠新鮮，醬香到位有特色，侍應服務態度親切，價格親民。想試福建菜烹調各種海鮮鮮味，呢間莆田絕對值得一試。特別推薦普寧豆醬燒鰻魚同糖醋黃花魚最有這家店鋪嘅風味。…查看更多

喜歡吃鰻魚的我每次都會留意莆田幾時出鰻魚，終於有得食當然叫朋友一齊去食啦，價錢合理之餘份量仲要唔少黑金蒜燒鰻魚，黑蒜味勁濃又香，入面有不少鰻魚十分厚身好新鮮彈牙，醬汁配上白飯十分適合，配菜不少淮山和長蔥都入晒味小炒黃牛肉，第一次在這裡吃，份量都幾大份而且好香口，牛肉不太大舊所以勁入味，微微辣香送飯一流辣汁花蛤，這間的海鮮不嬲不錯，今次當然都十分新鮮，辣度小辣都可以夠惹味，份量正常芥蘭豆皮差不多每次都會叫，因為價錢不貴又健康，豆皮豆味都幾濃燕皮扁肉湯，紫菜不少，湯式味道不錯，有點似細版的魚皮餃…查看更多

今次去咗莆田餐廳試新嘢，佢哋係主打嚟自新加坡嘅福建菜，用當季最新鮮嘅海鮮做食材，呢一期嘅主題就係鰻魚！普寧豆醬焗活鰻鰻魚好肥美，肉質嫩滑無腥味，普寧豆醬嘅鹹香味滲透到魚肉入面，焗得剛剛好，唔會過咸但又有層次感，不過食嗰陣要小心有骨莆田荔枝肉呢個係福建菜經典！外層炸得金黃酥脆，入面嘅豬肉爽口，配埋酸甜嘅醬汁同荔枝肉，一啖落去真係好正芋香鴨外表炸到勁酥脆，芋頭蓉非常綿密，加上絲絲鴨肉，鹹鹹甜甜，完全係一個好好嘅配搭福建特色牡蠣煎蠔仔新鮮飽滿，煎得外脆內嫩，蛋漿包裹住每隻蠔，食落去好有咬口，真係好惹味小炒黃牛肉用咗大量嘅辣椒同芹菜去炒，黃牛肉味道非常鮮味，外層微微焦香，內裏又有肉汁，加上辣辣地，送飯一流餐廳真係將福建菜嘅精髓帶咗嚟香港，每樣菜都有佢獨特嘅風味，值得一試…查看更多

呢間餐廳都唔使我多講已經食到啲朋友都知道我好鍾意食每次都會直接問我呢期有咩新菜式😅😅 **鮑魚辣椒小炒肉**今次試咗新嘢，呢個係辣地嘅炒豬肉仲有彈牙鮑魚片，我本身以為佢少少辣，其實對於食唔到辣嘅我都真係好辣下🥹不過佢真係香氣十足，就算對我嚟講已經有中辣以上，我都係一樣好鍾意食佢 **興化炒米粉**呢個係炒得好香脆嘅米粉，入面有肉絲 蜆肉 蟶子 同埋啲蔬菜，香味撲鼻，係我最鍾意食嘅其中一款菜式 **黃金脆皮鰻魚尾**食鰻魚好驚好多骨，呢個係用鰻魚尾，唔係好多骨啱曬唔鍾意太輪骨嘅人炸到金黃酥脆，外層仲有啲脆皮，好Juicy，仲有佢個wasabi醬好正！**黃金荷葉包**就係用荷葉包住啲肉，味道清新又有層次。 **青檸百香醉**呢個係用青檸同百香果做嘅雞尾酒，帶有酸甜嘅滋味，仲含酒精，飲落去爽到爆。**荔枝雞尾酒**：用荔枝做基底，加啲酒精，甜地又帶啲果香，好容易入口，幾啱女士飲…查看更多