影片
開飯介紹
來自新加坡的福建菜餐廳，把莆田清淡純樸和濃郁鄉間風味帶到香港；其傳統福建菜讓客人品嚐到莆田菜的精髓 ── 新鮮、清淡。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
優惠
88折
【九龍城x黃大仙】$100 通用現金券 **無限兌換**
$88
$100
88折
$100現金券 特色福建菜【莆田】**限用10張**
$88
$100
相關文章
主打福建菜，餐牌有新鮮感。適合貪新鮮嘅朋友。🤔普寧豆醬焗鰻魚 餐牌話係期間限定，見評論幾好，就試吓。上到嚟覺得份量好細，就咁薄薄嘅幾片。鰻魚片切得比想像中薄，唔係期待中好肥美厚身嘅口感。味道比較淡，唔會有好濃郁嘅豆醬味道。鰻魚質地彈牙，但係好多骨！食到條脷有啲痛。😋燕皮扁肉湯 係期待中嘅味道。餃子好迷你，個皮幾煙靭，細細粒有d 肉餡，好傳統嘅潮汕餃嘅味道同質感。湯定係普通味精湯底，再加啲少量紫菜同埋蒜蓉味。一碗份量好少，只係夠一個人作為前菜攝牙罅。💯🥰家燒海帶苗 $88海帶苗質感好滑溜，食落好舒服。湯底都好味，唔算好大浸味精味，加啲肉碎。食落感覺都幾清新治癒。🤔百秒黃花魚 $78 本身覺得一條清蒸黃花魚可以有幾好味呢，都猶豫點唔點。但係餐牌寫住話進店必點，就試吓。確實不愧為招牌菜，啲魚肉超級鮮甜！單以魚肉嚟計係好好味嘅。但係問題係佢真係超級多骨！冇耐性嘅人一定食到好炆憎！同埋條魚都細條，只夠一至最多兩個人食，三個人食就好似冇食過咩咁。😋包菜飯 $118冬菇加蝦乾炆飯嘅味道，係預期中嘅味道，都好味。總結：大部份嘅菜都好味又有新鮮感，但係份量得好細。環境： ★★★★☆ 食物： ★★★★☆ 性價比：★★★☆☆ 推介度： ★★★★☆
繼續閱讀
岩家庭小聚，環境乾淨，👶 有BB椅提供，方便帶小朋友🦪蠔餅 蠔仔飽滿新鮮無沙、粉漿外層微焦脆 蛋香濃郁🐟百秒黃花魚 ⏱️需蒸製1️⃣0️⃣0️⃣秒 魚肉嫩滑 無咩泥腥味 ，鮮味十足🍵 湯汁清澈🪿芋泥香酥鴨 🔥邪惡之選！芋泥綿密香甜，夾住厚切滷鴨肉，外酥內糯～🍲興化炒米粉米粉好似髮絲咁幼🍜 配料有豐富有蝦乾、蠔仔、蔬菜，夠鑊氣～⚠️有D偏乾 味道偏淡
繼續閱讀
年初五跟朋友生日聚會，朋友們想食中式餐廳，我就提議大家試下莆田，話晒新加坡創始店係米芝蓮推介餐廳！雖然我已經食過唔少次，但朋友們未試過就一於再食多次！😌一行三人，我地點左三個主菜加甜品。一埋位就上茶芥，個人覺得杯茶幾純飲得好舒服。再送上福建四果小食，個人比較喜歡碟甜酸菜，唔會太酸易入口！👍點左主食包菜飯 $118，有少少濕潤唔會太乾身，而且好足料，有菜、肉、冬菇及乾瑤柱，加上整個飯都有陣陣荷葉香味！再點左芋香鴨 $98，呢個菜每次黎都會點，因為實在太好味！芋香炸到外層金黃脆口，芋蓉嫩滑，而鴨肉夠香口，肉質又嫩，每次食完都會齒頰留香！再來黃金荷葉包三件 $114，個包炸到外脆內軟，而豬肉餡料肉質夠嫩，好味！甜品有薄荷枇杷凍$38、桂花陳皮燉雪梨$48及建蓮雪耳湯$38，三款都好滋補，個人比較喜歡薄荷枇杷凍，清爽潤喉。由於我地食午餐1:30後，客人較少，服務周到有笑容！
繼續閱讀
星期六又去咗莆田，地方環境好，店員服務又好，已經成為我飯堂啦，好多菜式都好食，呢度仲有甜品㖭今次食咗幾款招牌菜式～🥢傳統海蠣煎每招牌菜之一，好薄又好香，海蠣好食又好多，點辣醬汁更好味🤤🐥脆皮蒜香雞整得好香脆，雞肉保持都滑溜，蒜香十足🥢興化米粉每次都食，米粉乾身又幼，好好食，重點一啲都唔油，入面有蝦、菜、花生等等🥢上湯蔬菜有皮蛋加持好食好多，有埋上湯juicy啲😋🚩莆田 @putienhk
繼續閱讀
莆田呀✌🏻✌🏻佢哋又出咗新嘢😄所以我哋又嗌咗少少新菜式✨💫興發炒米粉呢款炒米粉係用上等嘅米粉炒成，味道香濃，炒得夠鑊氣，入面仲有唔少海鮮配料，食完唔會太油膩。💫家燒海帶苗：呢道菜用海帶苗同雞湯煮嘅，海帶苗夠鮮甜，雞湯惹味，湯底清甜但唔失濃郁。近來最鍾意食嘅其中一道菜式💫石鍋滑豆腐：呢個石鍋滑豆腐係用石鍋現煎，表面煎到有啲焦黃色，裏面就滑嫩，味道豐富，有股特別嘅香氣。呢個我都超級推介‼️💫熟醉瀨尿蝦：瀨尿蝦處理得好鮮甜，一咬落去啲蝦肉仲保持住嫩滑嘅口感，酒香味勁濃。🤔辣汁花甲：花甲配上辣汁，一點都唔嗆喉，辣勁剛好，提升咗海鮮味，簡直係食得停唔到口。💫黃金荷葉包：荷葉包本身就夠酥脆，夾住噴香嘅肉絲條嚟食，豐富香氣同口感，咬落去有層次感，真係令人回味無窮。
繼續閱讀