莆田 (荷里活廣場)

因為有一次入咗嚟落單嗰陣，餐廳職員先話冇哂燉湯改咗紫菜湯，心諗：「差好遠啫！」依家每次想入去食妟，都會問清楚仲有冇燉湯，先決定入唔入。今日一個人行過想想哋食一人套餐，門口職員話仲有燉湯，就入嚟食咗個「一人獨享」。今日個湯入面見到有啲幼幼哋好似蔘嘅物體，飲落苦苦地，職員話係花旗蔘燉排骨湯。我都幾鍾意花旗蔘，不過今日我飲唔出。😂特色小食我揀咗滷水嫩豆腐、阿溜土筍凍同埋家鄉燜筍乾，我覺得土筍凍最好食，雖然唔知係乜嘢嚟。😂之前佢哋一人餐有個海鮮燴麵幾好食，但係而家新餐牌就冇咗，我今日試咗呢個興化炒米粉，我嫌啲米粉濕咗啲，有少少黐埋一嚿嚿，不過料多味道好，加上佢哋個碟辣醬，酸酸地、辣辣地，連埋啲米粉一齊食，超級正！😋😋雖然口感冇我諗嘅咁好，但係都值得推介。👍👍👍之後我加$8要咗杯冬瓜薏米水，清涼唔太甜，啱晒咁熱嘅天氣。唔使加一，$86咁多嘢都真係唔錯。…查看更多

莆田蟶子節又再回歸, 當然要把握限定時刻再去尋味一番! 多款煮法嘅蟶子菜式選擇, 除了保留往年人氣口味, 其中更新推出一款避風塘菜式, 一向喜歡食避風塘炒蟹嘅我, 當然吸引到我order試試。HK$228 可自選兩款口味蟶子菜式, 仲有免費小遊戲「擲蟶杯」贏獎品, 今次可獲得當日免費糖水。【鐵板鹽焗蟶】多隻原隻蟶子攝於鐵板鹽上上檯, 打開蟶子殼, 蟶子鮮甜多汁, 些少鹽再令鮮味double up!【避風塘炒蟶】大量炸蒜堆積著, 藏有多隻炸過嘅蟶子肉, 炸皮薄而酥脆, 蟶子keep到肉汁, 夾集炸蒜一齊食, 蒜辣香口惹味。【福州魚丸燕皮扁食湯】HK$32湯底極為鮮香微酸, 有紫菜同莞茜更為清香。而形狀有如餃子嘅從皮到餡用豬肉製成, 鮮肉味十足!【鐵板滑豆腐】HK$98鐵板雖然唔係熱得滋滋聲上檯, 鐵板上佈咗薄薄蛋層, 玉子炸豆腐表面盡吸鹹甜鮮香嘅秘製醬汁, 豆腐內裡極之滑, 蛋香雞甜濃郁, 大愛!!【福建海鮮鹵麵】HK$118湯底鮮香濃郁, 麵條盡吸湯汁, 口感林滑, 配料豐富, 包括有蝦、帶子、蟶子、瘦肉、香菇、豆卜、菜蔬、五花肉等…每啖都食到配料, 既有鮮味又有層次。如果唔想食湯麵, 可以選擇炒米粉,【興化炒米粉】HK$118同樣包含了鹵麵嘅豐富食材, 米粉炒得有香氣, 沒有半點油膩。最後送上玩遊戲送嘅雪耳糖水, 清甜潤喉。…查看更多

上星期嚟到主打新派福建菜嘅莆田，位於荷里活廣場，一出鐵路站到上兩層就到，地理位置方便，帶埋爸爸媽媽嚟食飯就啱晒啦～店內位置闊落，一家大細都可以坐得好舒服。宜家仲有海蠣節菜品優惠，以$228就可以選擇 2款海蠣節嘅菜式 😋 😋 😋✨福田特色海蠣煎新鮮嘅海蠣肉質飽滿🦪，口感鮮甜香脆，加上辣媽辣椒醬，惹味十足！✨芥蘭豆皮平時做開食肉獸，今日就叫碟菜試試先。芥蘭新鮮爽脆，而豆皮嘅豆味濃郁，香口有嚼勁。✨芋泥香酥鴨外層炸得金黃酥香，中間芋蓉綿密，包住鹹香既無骨鴨肉，口感結實，肉質香酥可口😋✨興化炒米粉興化炒米粉材料豐富， 除咗有鮮蝦 、豆卜、干貝  、瘦肉、香菇、白菜仔等等，而且米粉炒得乾身，煙韌爽口，食完一碗忍唔住再添～✨酥炸冰心榴蓮中間嘅榴蓮肉好香，而外層脆卜卜，媽媽都話好好食🤤 ✨建蓮雪耳湯冬天叫返碗雪耳湯，配埋紅棗同蓮子，入口清甜又滋潤！…查看更多

曾到訪此店及其他分店，今次第一次帶家中老人家享用午市套餐(定價：＄88)。新價目增加了$10，午市仍然免茶免加一，性價比高。食物味道保持，燉湯的質素提升了，材料也豐富了。冷盤點了清新合口味的蹄凍，豆腐和紫菜類，每人可選三款。主菜如常地有不得不選的興化炒米粉，海鮮依舊用料新鮮，有蝦，蜆和蟶子，也有少許肉伴隨。最驚喜是味道不濃，米粉炒得乾身。另外兩款主食點了荔枝肉(咕嚕肉)配白飯和福建滷麵，兩款味道都不錯雖然滷麵等了差不多15-20分鐘。最好把預備時間都寫在餐牌上待客人可考慮選擇否。服務和擺枱距離也恰當。餐廳環境也不是太嘈吵。…查看更多

不往此行，莆田扁肉湯酥炸冰心榴槤。(自費去食真心食得開心，菜式有褒有貶，食埋好氣氛。） 假日的午市時間。一坐低就有2小碟係枱面。配粥、配麵、配飯應該都好好食。仲好開胃。醃蘿蔔咸甜有緻，咸口而清新，爽口好食。醃鹹菜一向都很喜歡咸菜，非常爽口，順滑的菜一啲都唔老可見新鮮，後勁甜甜地。空口食都好好食。第一道菜式：白秒黃花魚 $78魚肉嫩滑，唔腥但唔及石斑嫩滑爽口，鮮甜味都較弱。肉質唔算霉，但非常淋身。湯汁鮮甜可口。第二道菜式：馬來風光 $88蝦米蝦醬炒通菜唔會太多醬而咸，食得出有鑊氣，菜都爽綠唔霉，令人一口接一口。有少少肉的芡汁完全留住肉燥的甜味。第三道菜式：福州風味紅糟雞-小 $89雞肉唔算鞋颯颯，但唔及屋企的蒸雞滑。可以再滑溜些。調味醬汁咸味剛好，嘢味令人一試再試。第四道菜式：興化炒米粉 $118細緻吸湯吸味嘅米粉，有鑊氣所以保留了蝦米香味。令人不知不覺食咗好多米粉都覺得唔夠喉。第五道菜式：莆田扁肉湯 1份 $32熱暖酸湯有埋紫菜非常開胃，魚餃皮包住甜而有咬口嘅豬肉，不愧為店內名菜。皮薄肉甜。第六道菜式：家常豬蹄凍 $68好似甜醬嘅醬汁，醬汁味道單調，豬肉凍口感一流，但肉完全無甜味就算有甜味，都被醬汁蓋過。第七道 甜品：酥炸冰心榴槤 $58原來係期間限定，本來唔食榴槤嘅我都試咗一啖。如雪糕般嘅榴槤，配上酥脆嘅春卷皮，香甜榴槤汁。為今餐美味嘅午餐畫上最完美嘅句號。總結，全餐都食得好開心，每道菜式都好有水準。莆田扁肉湯，每次光顧都不能錯過嘅菜式。酥炸冰心榴槤，甜品來說不論賣相同口感，味道都非常出色。令我今餐不往此行。…查看更多

適逢新春，到處人頭湧湧。店內復古裝潢，黑白相間的小瓷磚，配上梳化雅座。正值晚間黃金時段，不僅僅是招牌菜式：福建特色海蠣煎，或是家常小菜都已售罄。(1)蝦苗拌頭水紫菜賣相比以往失色。調味上出現偏差，白醋的比例過多，令整道菜失去平衡。另外，紫菜有沙。(2)興化炒米粉米粉口感獨特，質感像港式小炒的麵條，絲絲幼細。屬於完全沾不上湯汁的米粉，加上秘製辣汁拌勻會更可口。(3)砂鍋黃花魚湯以薑、蒜、大蔥煎香魚身兩側，才會熬出乳白色濃湯。再加上芋頭、豆腐提鮮。唯火喉過猛，有少許焦炭，令湯底有苦澀味。若不是節日，相信有更充裕的時間及人手去準備食材，而不是敷衍了事。…查看更多

鑽石山荷李活廣場的「莆田」是新加坡過江龍福建菜，米之蓮1星，今晚來品嚐試一下這特色的福建菜。七點到達餐館毋須等候可以直入，服務員態度良好，坐位地方整潔舒適。翻開餐牌細看內有不少的菜式可給選擇，每一款都似很精緻吸引，但只得兩個人若點太多又怕眼闊肚窄會浪費食物，最後決定點了四款菜式來試試。 黃金荷葉包（@32件）炸得香脆的饅頭夾著洋蔥肉絲來吃，豬肉絲伴洋蔥絲炒得入味可口，真心好吃，值得推介。鹹香酥脆黃花魚 $78整體黃花魚就連骨都煎得香脆，味道鹹香。芋香鴨 $88 一口咬開鬆脆的炸漿內有軟綿的芋蓉，中間再夾有一片鴨肉，口感特別，有不同的層次。興化炒米粉 $108 米粉幼細，伴以蜆肉、蟶子肉、蝦肉、豆腐皮、蝦米仔、菜等多種配料一同伴炒，米粉乾身入味。…查看更多

🦪今期食材節係海蠣今年海蠣又有新菜式，試過後要再約下次來食，真係好好味😋💯🦪兩款海蠣菜式$209🌶🦪辣子鮮海蠣 $129食得辣覺得係小辣，唔食得辣就係大辣😆脆脆包著海蠣仍然有海蠣的鮮味，雖然辣椒🌶️有好多，但海蠣分量都唔小，有二、三十粒海蠣😋🦪🍄🧅🍲海蠣煮泗粉 $129材料有海蠣、五花腩，冬菇粒、洋蔥粒、蔥花等，配料切成海蠣一樣大細，泗粉都剪碎了，泗粉入晒海蠣鮮味，加埋湯好易入口，湯底鮮味泗粉幼滑，雖然外觀好似唔吸引，但係食落去真係冇得輸，所有配料都好夾，極力推介👍🏻😍😋💯🐷精美四彩拼 $119九轉小腸、蝦苗伴頭水紫菜、一品醉蚶和家常悶荀干，四款都好味😋🐷🥠黃金荷葉包 @$32荷葉包剛剛焗好，又熱又脆，包面還有白芝麻，夾住肉絲和洋蔥絲好香脆又好味，店員還提供了獨立手套😋💯🦐🐷🍄🥜🍲興化炒米粉 $88材料：蝦、蜆、肉片、津白片、芹菜條、冬菇絲，紫菜、花生、米粉，米粉好幼好易入口，加上咁多材料實在太入味了，每次來都會叫來食😋🥬馬來炒通菜( 轉了蒜蓉炒通菜)$82通菜就一般…查看更多

莆田扁肉湯 $22/位見餐牌寫「皮與餡都係肉」所以先嗌黎試試，點知食落味道一般般，無咩特別酥炒芋頭 $89食第一啖係驚喜，之後就得番個「滯」字反而洋蔥還幾好食🤭興化炒米粉 $88米粉幼細🍝大愛❤集海鮮與蔬菜於一身嘅主食！抵食👍但留意食之前要挑出蜆殼❗蒜香豆豉蒸鰻魚 $168季節限定，可能對佢期望太高，以為好好食但其實還好！但留意食之前要挑出細骨❗*飯前小食，唔知係咩黎？但好好食❤搵日經過留意下先🤭*附送飯後水果：冰鎮西柚兩塊…查看更多

平時去莆田食晚飯覺得佢定價都有啲小貴，不過佢一出啲一人餐時真係非常抵食！佢嘅午市一人前莆田頭等餐只要$68就又有湯、又有3個前菜，仲有一個主食，最正係佢仲免收茶芥加一，既豐富多選擇性價比又高🤩🍵首先有每天指定款式嘅莆田地道湯品，星期四嘅款係大白菜燉軟豆腐湯~ 湯入面又有蝦肉又有大白菜，而且又夠清同埋新鮮熱辣，味道唔錯~🍢每人可以喺6款小菜入面揀3款，我地除咗冰浸涼瓜之外，都有叫到~滷水嫩豆腐：豆腐夠入味蝦苗拌頭水紫菜：酸酸地幾開胃~ 喺幾款張菜入面小編最鍾意食呢款鹽焗豬肝：豬肝唔算好入味，同埋偏硬身，所以覺得一般家常燜荀乾：味道一般水晶豬蹄凍：好似啫喱咁，幾彈牙🍲主食方面共有7款，我地一共試咗4款~興化炒米粉：米粉好幼細，十分足料有蝦肉、蜆肉等，配埋莆田嘅秘製辣醬10分夾又夠晒惹味包菜飯：係一個有啲肥豬肉有啲菜嘅醬油飯，都好食嘅不過唔係會令人好回味嗰種漁民紫菜燜飯：似係用珍珠米，但又唔會煮到太淋，仲做到粒粒分明媽祖麵線：唔知係咪製作程序有啲咩特別，等到食晒所有嘢先嚟🙄 作為湯麵佢索咗湯得嚟又唔會太淋，味道口感都唔錯~🌻套餐仲包埋菊花茶，唔好諗住佢只係好似普通茶樓是但開壺茶比你，哩度嘅菊花茶好好飲，帶有陣陣清香嘅茶味，令唔多鍾意飲嘢嘅小編都隊咗唔少杯～總括而言，夾啱時間真係要去莆田食吓佢哩啲咁抵嘅一人餐，除咗午市有set，下午茶set都又有小食又有甜品，成個餐都好完滿，真係要去食吓~…查看更多

一年一度到鑽石山墳場掃墓，以往就會晌返附近搵食，今次就同家人落咗荷里活廣場食晏。認識福建菜、福建嘅食材，都喺始於「莆田」，其實，晌香港賣福建菜嘅餐廳都屬小眾，唔似得京川滬呢幾個菜系。故此，帶佢哋試試咩喺福建菜，不經不覺，佢已經喺米芝蓮一星餐廳。呢家分店幾年前都有幫襯過，店內環境骨子古雅，餐廳源自新加坡，故又有點點馬來懷舊風。因為我哋都嚟得早，出面大堂位差唔多坐滿人，而裡面陸續先開始慢慢有客。無論鋪面，還是枱上，都有介紹福建產嘅蟶子，比慣常食海鮮所見嘅蟶子短啲，但就肥啲，既然喺推廣緊，都點咗一客試試。不過好搞笑，餐牌印有8款食法，但點菜時店員話只得冰爽酒糟蟶子及薑蔥炒蟶子兩款，真喺有少少理解唔到。原本我哋嘅心水喺鐵板鹽焗蟶子，唯有退二求其次，揀咗薑蔥炒蟶子。九轉小腸 $79呢道前菜喺「莆田10醉」之一，喺頗有特色嘅心機菜嚟，點解？將啲豬腸去晒內壁肥膏，一圈又一圈捲成，正所謂九轉之意喇。故此，食落有少少爽爽哋嘅感覺，加上滷得入味，就算喺大腸，都絕不邪惡。薑蔥炒蟶子 $99以薑蔥炒都喺處理海鮮嘅好做法，一碟望落去好似唔喺好多，但都已有十多隻，且勝在啲蟶子肉真喺頗肥美，有肉地，亦都挺鮮甜，帶有薑蔥嘅香味。酥炒芋芯 $89芋頭嘢一向喺老婆嘅至愛，所以，點一客嚐嚐。唔似賣相似似哋潮州菜嘅反沙芋，就連味道都有啲似添。據介紹，雖然叫炒芋頭，但做法卻喺先煎，再炸，然後以沙糖再兜炒，故此，入口外層有份香脆感，而內裡芋香酥化，怪唔之得咁似。馬來風光 $78加多道蔬菜平衡吓，講特色嘅呢道「馬來風光」名就夠特別，其實就喺炒通菜，不過用上馬來西亞嘅參巴醬，所以，啲菜食落鹹香而微辣，非常惹味。仲有，食剩啲醬唔好嘥，等陣用嚟撈米粉都正。興化炒米粉 $78興化炒米粉喺店家另一道招牌菜，特別在於米粉超幼細，所以，專登點嚟俾家人試。再食，都保持到水準，啲米粉幼細得比天使麵仲要幼，頗似「超力」嘅銀絲米粉，粉內混有蝦仁、蜆肉、紫菜、花生、西芹等等，食材豐富，撈埋上面啲參巴醬，好食。餐廳嘅環境本身都幾舒服，招呼唔錯，茶錢$9位（好香嘅菊花茶），小食$9（酥炸頭水紫菜），價位都OK，重點喺有啲特色菜俾到大家試吓嘛！…查看更多

香港有咁多餐廳選擇, 會回頭再食既餐廳真係少之又少! 但係計埋今次應該係第四次再食莆田了，不論食物質素, 價錢,餐廳環境都係值得回頭。點完菜後,侍應送上頭盤小食, 炸紫菜..非常可口, 又唔好好油膩! 食到停唔到口第一道菜先來黃金荷葉包，其實就係炸饅頭般但中間𠝹開可以將炒肉絲放進去。荷葉包炸得香脆，內裏不會硬實，最重用醬油洋蔥炒的肉絲惹味到不得了。一人一件好似唔夠喉，不過少吃多滋味。砂鍋魚湯魚煮得剛好而且份量頗多，湯頭是魚味十足，內有蒜子，炒得香，經湯浸軟後入口即化。最有驚喜還是找到有竽頭，吃一口，軟淋淋，竽頭吸了魚湯鮮味，混合本身令味道更上一層樓。興化炒米粉每次必點菜式，不過今次沒有之前炒得均匀香氣四溢。算是略有不足。還好米粉尚算乾身，不太油。除了炒米粉不夠香之外，其餘均超有水準，絕對值得繼續捧場!今次兩個人食不能叫太多菜色,但之前食過有幾樣菜色都好值得推介是: 莆田燜豆腐百秒黃花魚酥炒芋頭…查看更多

呢日星期六無特別事做，hea到2點來到荷里活廣場遊走兼食Tea。無特定想食d嘜(咁就麻煩 有排諗食d咩)在window shopping間 行到去『莆田』 問過店員居然無下午茶食 但有此抵食2人前午餐，埋單只係$198全包 就入去試試因為想食魚 我地選左A餐 蝦苗拌頭水紫菜 當作冷盤上 食落紫菜無沙仲好幼滑 用上酸酸哋既醬汁撈起 令人好開胃 大白菜燉軟豆腐 用小瓦煲上菜 内裡就是白菜豆腐湯 豆腐索晒d湯汁 又夠熱好好味 剁椒蒸黃花魚 好耐無食黃花魚 好滑好正 不過好多小骨 要小心食 興化炒米粉 米粉極幼炒得乾身唔油並用上好多配料去炒 層次好豐富總括黎講 #兩個人系食唔晒#真系好抵食#唔系揸流灘#可以反兜…查看更多

大人飯局由西式占美奧利花變為中式莆田,只因占美在咱們選定日子已告客滿,印象中未曾跟大家吃過福建菜,況且近期也有不少有關此店的食評,其菜式看來也蠻特別,那就跟大家一起夜莆。莆田幾家分店又以鑽石山分店最方便大家,早到的我為免用餐時間由入座起計,問過性格活潑的知客小朋友後得知平日晚上訂位後沒有用餐時間限制,周五六日則是別論,我也安心地先行入座等待大家了。店裡座位編排稍為密集,不太大的桌子被安排坐六個人便要坐得親密一點了,如果有10-12人又不介意最低消費的話,有著玻璃屏風的貴賓房其實蠻不錯的。當我入座後,態度友善的侍應送來前菜兩盤,顏色黑黑的像醬油炆花生眉豆,有五香味的醬油甜甜的把花生眉豆炆得軟身入味,而且也沒有炸花生般熱氣及平凡,來碗白飯可以連汁也不會浪費。看似普通清茶其實是清香菊花茶,每位$8的無限量供應其實也蠻相宜呀,菊花茶微香清甜,還有清熱明目作用,多飲有益。最吸睛的反而是面前的藍色碎花食具,如果這套餐具可以購買,我都有興趣買一套回家哩。莆田的餐牌設計及圖片極為精美,最喜歡還是封面那淺藍色四個字"幸福原味",能跟一眾好友相聚的確是一種幸福。人未到齊不過我們已感肚餓,先點一些前菜來享受一下。手工菜之一的九轉小腸是自己提出要點的,這道名菜造型先聲奪人,碟子下還以小杯燭作保溫,姑勿論是否有作用,起碼已夠看頭了,只是這個小吃份量的九轉小腸需要用到如此大的碟子嗎??以腸套腸來製作的名菜,看似份量細小也相信用上不少豬腸才做到這個效果,每片腸衣薄薄的豬腸互塞之下像一條百頁卷,沒有丁點脂肪的腸衣在重疊之下QQ的帶點實在,味道及口感是合格的,只是覺得平時車仔麵店有脂肪豬腸比其更好吃,不過真的欣賞製作此道菜的師傅用上的心機及時間。另一道的水晶豬腳凍比九轉小腸更精緻,切成一厘米丁方的肉凍晶瑩透徹,可是老花近視散光眼卻看不到豬腳肉的存在,只吃到一粒口感軟軟如沒彈性果凍的沾上有辣度辣汁的粒粒而已。客人雖然不少,上菜時間比想像上為快,同是自己有興趣的手工菜--扁肉湯最早登場,粒粒如晶瑩小元寶的扁肉份量也不少呀。以豬肉打成的外皮薄得可透出餡料,薄而Q的豬肉皮裡包入一小團豬肉及一點香蔥,吃來像更Q的小雲吞。如清湯的湯底加有一點香醋在內,本來鮮美的湯底帶點醋酸味,讓本已肚餓的我們胃口更開。自製滑豆腐如素菜沒有肉類,以滑豆腐炸出的豆腐沒有香脆外層卻有滑溜內心,配以鮮冬菇蜜糖豆和甘筍不但色彩更繽紛也更豐富,微甜蠔油芡汁更是我喜歡的醬汁味道。 店方正推介幾道炎夏限定菜式,其中之一炒瓜苗也成為菜式之一,忘記是南瓜苗還是青瓜苗的小小小瓜蕾還頂著一朵小黃花,飽滿翠綠的小瓜脆脆的帶點微苦,簡單以快炒方式味道更天然。朋友們想試的紅糟雞如煲仔菜般,甜甜的紅糟汁將雞腿肉煮得入味,一試無妨。 外型極熱氣的椒鹽豬手份量以兩片起跳,健談的侍應哥哥提議點三片再切開便足夠我們六個人分享,想不到這三件炸豬手件頭超大,豬手炸得外皮酥脆,有皮下脂肪的豬皮厚而彈牙,豬手裡的筋腱軟軟的跟酥脆豬皮是很不錯的,只是這道炸物好吃但油膩。侍應哥哥說是晚餐廳大廚坐陣,這道大蝦菜式是大廚親自主理的,那就來一份來試試其功力。大蝦送來時果然很香,味覺上已是合格有餘,每隻肉厚大蝦表面被濃味甜汁沾勻,這甜汁味道果然不錯,蝦肉爽爽的,好吃。蠔烙大大餅只是小的份量,脆漿香脆薄身不會過多,還算肥大的蠔肉也蠻多,只是略為重味,幸好有源源不絕的菊花茶解熱氣及油膩,沒事的沒事的。點了那麼多餸菜也要一些澱粉質讓肚子更滿足,興化炒米粉是不二之選,大大盤的炒米粉還有不少蝦仁及蜆仔之類的海鮮,還有紫菜芹菜蛋絲等的配料,材料豐富也大堆頭。 幼身米粉雖黏成一起口感卻很好,幼細米粉口感是QQ的,加上海鮮同炒更有鮮味,只是這道飽肚之物卻是全餐最清淡的一道菜式。但當加了自家製辣媽辣醬則好吃多了,說是用了海南辣椒泡製的辣醬像海南雞醬般,不太濃烈的蒜味中有著微辣及微酸,結果六個女子最後吃了半盅辣醬才罷手。侍應適時送上同是圖片精美的甜品餐牌,只是大家心儀對面的朱古力雪糕而沒有點福建甜品,可惜大家太久沒見聊得不知時間過,看到朱古力店拉下大閘才知甜品無望,罕有地吃了一個沒有甜品的晚飯。侍應們都是有禮及貼心,店裡菜式份量分為大中細三種份量,侍應也提議六人組點細份,不夠的話還可以多試幾款,這個提議也是不錯;到了某一金額還可以轉幸運輪,真正有得食有得玩。…查看更多