舅父仔火鍋專門店

營業中

休息中

「舅父仔火鍋專門店」除了打邊爐的材料新鮮外….刺身也不錯….. 亦有羊腩煲可供選⋯⋯小食黃金炸魚皮咸香脆卜卜😚😚😚刺身日本深海池魚王…..肉質好鮮又肥美👍👍👍羊腩煲份量很足，而且羊腩很新鮮很入味，配菜枝竹很厚實份量也不少👍牛肉風封門柳（小）質量唔錯不錯，份量都不少亦不是薄切的啊😚😚手打鮮蝦丸配墨魚丸不錯！有不少蝦肉，口感好彈牙，九菜餃和鮮蝦餃子也足料👍最後個拉麵好有驚喜好煙靭有咬感👍👍

近排天氣凍，就同幾個朋友去打邊爐，一路烚一路吹水。我哋今次去咗深水埗福華街舅父仔火煱專門店打邊爐，店內裝修雅緻，地方雖然不大，但都坐得舒服，全完沒有壓迫感。枱旁邊還可以加架車仔擺放食物，都唔覺擠迫。食物方面湯底這裡的湯底種類繁多，因為想食到食物鮮味，所以就揀咗最基本的荽茜皮蛋豆腐湯煱。醬料醬料是打邊爐不可或缺的一部份。這裡醬料選擇很豐富，值得一提嘅係佢哋嘅XO醬係餐廳自家製的，材料豐富，味道濃厚，配上火煱配料，非常惹味。火煱配料重點推介極品封門柳肉汁濃厚，非常爽口，西班牙黑毛豬肉質嫩滑，而墨魚滑、蝦滑及四寳丸彈牙多汁。另外我還點了一些小食，黃金炸魚皮、蟹子墨魚薄餅、黃金炸響鈴，都非常香口好食。餐廳還提供特色小炒，但要留待下次才可品嘗！

天氣凍打邊爐係最好不過。起深水埗福華街39號有間叫舅父仔火鍋專門店好似話幾唔錯。雖然地點比較偏僻，但由太子地鐵站行過去就較為近些。臨近聖誕關係，店鋪都有好多聖誕裝飾好有氣氛，加埋暖笠笠嘅火鍋好溫暖😊叫左個精選4人套餐$828選左芫茜皮蛋豆腐湯底小食4選2，我哋要左黃金炸魚皮和蟹籽墨魚薄餅。魚皮沾左咸蛋黃一齊炸，好香好惹味。個墨魚薄餅煙煙靭靭好濃墨魚味。另外單點左個黃金炸嚮鈴同樣用左咸蛋黃醬，炸得非常酥脆，不油膩。招牌四寶丸（八粒），最鐘意係蝦丸及墨丸爽口彈牙。封門柳好大碟，肉質鬆軟，就算淥耐左也不易變靭。西班牙黑豚肉，肉質鮮嫩，油花細緻。仲有魚片頭、自家製餃子都好好味。仲要讚下店員招待貼心，服務態度好好，食得好開心😋

朋友推介過來，看到有精選2人餐$468唔貴就試，整體好新鮮而且份量都多，坐得舒服，食完感覺真心不錯。小食蟹籽墨魚薄餅，人手制再整薄身，再用米紙整幾脆口，食到少少彈牙。湯底芫茜皮蛋豆腐湯鍋，味道濃比較少見，芫茜不少，有豆腐同皮蛋，煲晒成餐味道都保持到不錯。牛肉要美國手切牛肉，顏色不錯，肉口感軟熟，牛肉味都幾濃，份量都不少有十多片。手打鮮蝦丸配墨魚丸前者有不少蝦肉，後者好彈牙，九菜餃配雲吞，前者勁香惹味，後者普通。生菜幾新鮮而且份量都夠食。烏冬一人一個都幾多，飲品加了$15要竹蔗根水不太甜可以。另外再配了脆肉鯇，沒想到這嗰不多骨而且勁脆口，甜品芝麻糊 口感幾滑同濃身，甜度多咗少少但朋友覺得反而令到芝麻味仲香點

今日我個深水埗通帶我嚟到福華街食好西！餐廳裝潢充滿港式風味，牆上嘅霓虹燈曾經係香港夜景一大特色…老闆娘推薦我哋食精選二人套餐，套餐入面已經包含咗餐廳招牌食物…另外，如果湯底/肉類唔啱心水，仲可以加錢upgrade，夠晒彈性！我哋揀咗胡椒味菜豬肚湯底，自家熬製，無味精，正！黃金炸魚皮新鮮即炸，酥脆唔油膩，呢個鹹蛋黃炸魚皮超有罪疚感，難怪係餐廳嘅signature，必食之選！肉類我哋2個牛魔王，打邊爐點少得牛呢！除極品封門柳外，仲額外order多個安格斯牛小排…牛小排，油花分佈均勻，肉質柔軟甘香，綿滑嫩口；而封門柳肉味濃厚而獨特，肉質有質感。我個人偏愛肉質柔軟甘香，綿滑嫩口嘅牛小排，而朋友就超鍾意肉味濃厚嘅封門柳，2者皆有特式，視乎個人喜好。招牌手打鴛鴦滑（蝦滑拼墨魚滑）足料又新鮮，口感爽滑彈牙，而且味道夠鮮。自家製餃子雙拼（韭菜餃拼鮮蝦雲吞）皮薄肉多，做工精細，餡料豐富…二人餐亦包咗主食、蔬菜同飲品。雖說打邊爐都係大同小異，要與眾不同就只能喺食材方面著手，餐廳呢方面真係做得好好，食材新鮮之餘，牛肉種類都好多選擇；而且老闆透露佢仲收埋咗隻極品，真係唔怕你嘴刁，就怕你唔識食！雖然價錢上未必最

🥢精選二人套餐，叫咗個二人套餐都幾多嘢食，價錢嚟講非常平，包括以下好多唔同嘢食，我哋都覺得非常抵，所以就直接決定叫呢一個套餐仲包埋湯底，真係冇得輸，仲有嘢飲！呢個價錢嚟講真係一百分😗🥢黄金炸魚皮，餐廳嘅經典小食，係用咗鹹蛋再加埋魚皮，成個配搭上邊非常美味，作為前菜真係冇得輸，配搭啤酒簡直就係perfect!🥢胡椒味豬肚湯, 湯底充滿胡椒味，而且有好多件唔同嘅豬肚，冬天暖粒粒食胡椒湯，簡直令到成個人身體更加暖，所以我哋就選擇咗呢一個湯底，我哋都覺得唔錯，而且亦都唔會覺得好咸，合格有餘！🥢極品封門柳（小)，係牛既橫膈膜肌肉，佢既肉質非常鬆軟，而且不容易變韌，再者佢既牛肉味極為濃郁。鍾意食嘅朋友唔可以錯過！我同朋友都認為肉味好夠，再加埋個湯底真係冇得頂！🥢手打鮮蝦丸併墨魚丸（4粒)，每一粒都非常爽口彈牙，而且好食，鍾意食佢嘅鮮蝦丸，充滿鮮蝦膠的味道，而且味道真係好食！喺餐廳自家製！🥢鮮蝦雲吞（2粒)，每一隻雲吞入邊都有兩三隻蝦最少，令人驚喜，整體都大大粒，而且亦都係自家製造，所以都可以推介大家！🥢黑松露豬肉餃（2粒)，喺餃子入邊再加入黑松露醬，成個口感非常高級，而且都好食！餃子非常飽滿！🥢時

香港嘅冬天愈黎愈遲🥺適逢呢兩日天文台話氣溫驟降，唔洗諗緊係去打返個靚邊爐啦😬今次搵左間個名幾特別嘅火鍋店『舅父仔』感覺真係好似自己舅父開咁，因為老闆，服務員都好親切又好好笑容，又為我地介紹餐廳熱門鍋底，天氣凍介紹左我地食羊腩煲，仲有即叫即炸嘅黃金炸魚皮，自家製醬油比出面火鍋店無咁咸，自家製XO醬好好味，有元貝，蝦米🤩火窩店有抵食嘅2人及4人餐俾食客選擇，不過我地今次就散叫：黃金炸魚皮（必食）,封門柳（小），招牌鴛鴦滑（墨魚滑拼蝦滑），花枝片，脆肉鯇。湯底揀左鴛鴦窩+$50：四川麻辣（大辣）拼藥膳花雕首先講下麻辣湯底，估唔到佢湯底有豬皮＆鴨血，好多地方都係得湯，配料要另外點，咁樣又可以慳左兩款配料錢🤣本身我食得好辣嘅人 ，佢嘅大辣對我黎講冇感覺🤣但服務員好好主動問我夠唔夠辣，我話唔夠就走左入廚房拎左碗野俾我加辣，之後另一位服務員再問我，我話都係唔夠，又走多次廚房拎辣俾我，今次落完真係夠辣，服務員同我講下次要叫特辣🤣🤣🤣麻辣湯點少得薯粉，佢可以吸收湯底嘅精華，正呀喂藥膳花雕湯配料有紅棗杞子等藥材，呢個湯底好養生，飲完仲好暖身添，食到最後湯底變得好鮮甜封門柳：叫左小份，份量都唔細，雪花好靚，

第一次過黎，我選擇以打邊爐為主服務態度很好，老闆詳盡介紹餐牌菜式黃金炸魚皮，即叫即炸湯底有多種選擇由其記得自家製醬油+自家製XO醬 必加！係自家製感覺，有心做，亦係外面食唔到嘅味道提提 冬瓜盅湯底 要盡早打電話去訂因為去到先嗌要等四十五分鐘左右我同四位朋友去食，大家傾得開心食得高興之際服務員周不時過黎關心我哋食野進度，主動加湯、同我哋傾下計，餐廳人情味十足外面有錶位泊車，適合唔淨止想流於 連鎖/網紅店 嘅搵食人士

本地手切肥牛鍋同一個椰子清遠雞鍋。本地手切肥牛嘅肉質好鮮嫩，肥瘦均勻，食落好有口感。椰子清遠雞鍋嘅雞肉好滑，椰子汁嘅香味好濃郁，湯底好清甜。除咗火鍋之外，我哋仲叫咗啲其他菜式，例如自製響鈴、炸薯條、午餐肉等。自製響鈴係呢間火鍋店嘅招牌菜式，外層炸得金黃酥脆，內裡嘅豆腐好嫩滑。炸薯條同午餐肉就係一般嘅火鍋配菜，不過都炸得好香脆，好好食。

店舖裝修簡約整潔，坐位空間唔錯🥰。火鍋醬料選擇唔多，除咗基本生熟蒜，店員話如果食得辣🌶，必試佢地自家製XO醬😍。店舖點餐係剔紙仔。秘製枝竹羊腩煲(細) $368我真係唔鍾意食羊🐑，咁唯有食配料，配料份量勁多，有馬蹄、冬菇🍄、枝竹及生菜🥬，全部都煮得非常入味😋，唔係講笑淨係食配料都會飽😂。之後被逼食了件羊肉🐑...唔試由自可，一食真係不得之了🤤，羊腩煲用咗羊五花部位嘅肉🥰，皮層入口香滑彈牙，肉質肥美軟嫩，肉味香濃又無騷味，勁好食又暖身🥰。食完羊腩煲🐑，正想加湯打邊爐，但俾人hold住，點解嘅？係因為佢👇獅頭鵝腸 $118獅頭鵝腸🦢，唔係度度火鍋店都有，識食嘅就知道有幾咁好食🥰，鵝腸口感非常脆嫩，由於帶有油脂，所以有陣陣油脂香味😍。之後重點黎啦😆，由於鵝腸本身係冇咩味，而冇加湯嘅羊腩汁味道濃郁，食前只要灼上十秒八秒，勁惹味好食🤤。安格斯頂級牛頸脊(小) $308🐂油脂雪花非常均勻，一睇就知係靚貨，果然牛肉味重😍，輕輕灼過後，口感非常軟嫩多汁，油脂香味四溢🥰。自家製餃子拼盤 (3️⃣款) $98鮮蝦雲吞 - 餡料非常飽滿，原隻蝦仁🦐蝦味香濃，口感爽彈 : 味道鮮甜😋。招牌韮菜餃 - 韭菜

精選二人套餐（$468）這個套餐包含了一份小食、自選鍋底、一份肉類、精選蔬盤和飲品小食方面，提供了黃金炸魚皮、青瓜雲耳和泰式蝦餅我地簡左泰式蝦餅真心有意外驚喜，入面竟然係啖啖鮮蝦，本身諗住有啲蝦味都覺得唔錯，點知呢個真係見到同食到蝦肉，超級鮮甜爽滑，外皮就炸到好香脆，超高質，可以話係食過最好食嘅蝦餅！在自選鍋底方面，我哋加錢轉左羊腩煲😍 而家呢個天氣咁凍食羊腩煲咁暖胃就啱啱好！呢個羊腩煲味道好濃郁，入邊羊肉都唔少，仲有好多嘅腐竹、馬蹄等配料，再加埋又香又惹味嘅腐乳醬，真係食過令人番尋味我地簡左極品封門柳（小）雪花好靚，分佈勁平均，所以肉質鮮嫩多汁，口感細嫩，帶有濃郁的牛肉香氣，配埋羊腩汁仲惹味，或者配佢地既火鍋醬都唔錯！手打鮮蝦丸併墨魚丸（4粒），估唔到丸子都相當足料，食到啖啖鮮蝦同墨魚香，完全無粉味，口感相當彈牙自家製餃子雙併有鮮雲吞水餃和魚松露豬肉餃，餃子皮薄而有嚼勁，內餡鮮美豐富，每一口都令人滿足好欣賞呢間火鍋店，雖然唔係任食，但食物質素真係相當好，確實真材實料，會令人好滿足

天氣涼涼地，最適合打邊爐！去深水埗買完野，見到有家火鍋店，感覺乾淨企理，就入去試下！首先要讚一讚，餐廳店員都好親切，招呼好好！我同朋友坐卡位，好舒服！店員推介我哋可以試下套餐，我哋都覺得幾啱，就點咗二人精選套餐試下！小食三選一，我哋揀咗黃金炸魚皮！每一塊炸魚皮都比鹹蛋黃包圍，又甘香又鬆脆，令人停唔到口！除咗黃金炸魚皮，我哋都點咗其他小食！火鍋店嚟講，小食嘅種類算係非常之多！我哋點咗椒鹽豆腐、鬼馬釀墨魚、燒雞泡魚干！鬼馬釀墨魚超大件，油炸鬼炸到脆卜卜，加上彈牙嘅墨魚滑，就咁食同埋放入火鍋湯底都一樣好食！椒鹽豆腐，外脆內滑！講返火鍋先，今次我哋點了鴛鴦鍋底，沙參玉竹麥冬鯊魚骨湯鍋同四川麻辣湯鍋！沙參玉竹麥冬鯊魚骨比較特別，平時都少見，健脾開胃，湯底奶白，好甜！麻辣湯底可以揀辣度，非常啱我呢啲想食辣又怕好辣嘅人！套餐入面我哋仲揀咗極品封門柳，鮮蝦雲吞，黑松露豬肉餃！封門柳好新鮮，肉質有咬口但不會韌，好重牛味！推薦！雲吞大大粒，裏面蝦肉彈牙！套餐仲有手打鮮蝦丸同埋墨魚丸，兩款都超彈牙！因為點咗麻辣湯底，所以點多一份鴨血，鴨血都好新鮮，同麻辣湯底簡直係Perfect match！另外，飲品種類都

好似好少講打邊爐🫢🫢🫢不過今次係有埋羊腩煲！依家天氣開始轉凍就啱啱好！· 秘製枝竹羊腩煲 $368天氣凍就最啱叫返個羊腩煲食！$368係細嘅份量，入面有好多枝竹同蔥，羊腩都唔少嘅~預返之後打邊爐都啱啱好！個羊腩煲係偏甜嘅~同好濃味，羊腩都腍，唔會有好大陣嘅羊膻味，仲有一小盤嘅生菜，索哂啲汁好正，個汁已經好濃之後加返水打邊爐都好夠味🫡· 鬼馬釀墨魚 $98其實就係墨魚滑加咗係油炸鬼度，啱啱炸起係好香口，油炸鬼好脆！☺️· 極品封門柳 $268有少少厚切又唔會好大塊，見到啲油脂紋理好靚☺️食落可能有少少咬口，但牛味係好重，建議唔好沾重豉油重辣嘅醬汁，有機會蓋過哂啲牛味🫢· 新鮮黑柏葉 $98其實我好少食牛柏葉，呢個算係爽口少少，要注意煮嘅時間，唔係就好韌😵‍💫😵‍💫· 黑松露豬肉餃4粒 $58呢個意外地覺得黑松露味好濃！餃子皮唔算好厚但都唔會好易穿，饀都唔算少~· 手打豬肉丸4粒 $53 手打鮮蝦丸4粒 $58呢度嘅手打丸類值得推介！豬肉同蝦丸都一樣好彈牙，味道都好濃，而且都幾大粒！嚟到真係要叫嚟試下~· 脆炸嚮鈴4條 $42 記得嚮鈴嚟到要即刻食！因為佢係即炸，再放落湯到幾秒🤤唔係就會無咗好

天氣開始凍，同呀媽一齊黎食羊腩煲暖下個身。個細羊腩煲對於兩個人黎講個份量都唔少，最重要嘅係啲羊肉一啲都唔騷！有時自己整羊腩煲難就難在去啲羊騷味。個煲入面仲有好多配料，全部都好入味。跟羊腩煲上嘅仲有一大碟生菜同廚師自制嘅腐乳醬。個人特別鐘意個腐乳醬，用黎點咩食物都得，想落少少係個羊腩煲吊下味又得！另外仲嗌咗泰式蝦餅、西班牙黑豚肉、黑松露豬肉餃同鮮蝦雲吞。全部都新鮮鮮蝦雲吞大大粒，啲蝦都係真材實料。總括黎講，野食唔錯又新鮮，座位坐得舒服，服務都好好。羊腩煲絕對推介大家黎食！

一年四季都鍾意打邊爐嘅我，今次又約咗食友一齊打邊爐！今次揀咗呢間位於深水埗嘅火鍋店，叫做舅父仔火鍋專門店。佢地嘅Menu相當豐富，無論係活海鮮、小食、火鍋料、肉類餃類等等到一應俱全！首先我哋點咗兩款小食：黄金炸魚皮同埋椒鹽豆腐，脆卜卜嘅炸魚皮撈埋咸蛋黃醬真係不得了，香口又滋味！仲有椒鹽豆腐幾惹味，外脆內軟，好好食！湯底揀咗花膠雞湯鍋，有半隻雞同埋唔少花膠，相當足料，個雞湯都幾鮮甜，用來打邊爐一流。鴛鴦雙蚌珊瑚蚌同埋桂花蚌， why not both ? 雙拼可以兩款都試晒。白鱔呢個幾有驚喜，大大片，碌一碌就食得，魚肉幾爽口，值得試下。蟶子皇好大隻，帆立貝又係巨型size，食得好開心！ 最緊要係樣樣海鮮都好鮮甜，蟶子夠爽口，帶子勁甜無得頂！肉類叫咗大份嘅安格斯頂級牛頸脊 油花都幾靚，啖啖牛肉香味。仲有日本A4 和牛天係入口即溶，油香十足，唔錯！另外仲有叫咗台灣正宗鴨血同埋獅頭鵝腸，呢兩樣都係我打邊爐最愛！最後叫個蔬菜拼盤balance 一下，拼盤都幾大份，食多啲菜感覺健康啲。最尾飲埋芝麻糊同埋紅豆沙，完美作結！下次一定會再嚟～