舅父仔火鍋專門店

營業中

休息中

Uncle Boy 舅父仔火鍋，名字相當有趣，門口大大個顏色招牌，在深水埗福華街很搶眼。上次朋友介紹到來，獨特的酒粕火鍋和牛肉蛋糕極具吸引，於是今天帶幾個為食貓過來試吓⋯⋯晚上六時半，食客未算多，只見到幾間VIP房間有食客，房內相當熱鬧。我們一行四人，今次坐卡位，有時候四個人火鍋恰到好處。日本酒粕昆布火鍋~這個就是筆者上次到訪試的酒粕昆布火鍋，Sake 配火鍋是一個不錯的選擇，奈何今次到來，這火鍋因貨源問題，暫時未能供應，為食貓無緣，即時扁嘴。黃金魚皮~下酒小吃即放入口，已經冇諗過要將佢放湯。牛脷芯~當晚㕑子煮得過火，但喜歡墊底嘅洋蔥，很香甜。皮蛋芫茜豆腐鍋~冇酒粕鍋之後，大家改選清清哋的皮蛋芫茜豆腐鍋，很喜歡這裡用大大個鍋，這個size 烚得好過癮。豬膶~自從早年豬的供應問題，已很難找到好吃的豬內臟了，這裡的豬潤算是中規中矩。本地極級手切肥牛~由於唔打算吃牛肉蛋糕，而且要預訂，所以點了這個手切肥牛。陳年花雕豬頸肉~用花雕杞子醃過的豬頸肉像一朵花，為食貓很喜歡。流觴大吟釀~筆者上次到來未有貨，今次慕名而來，”流觴” 這兩字，未知何解，筆者番查下，文中提到:“古人每逢农历三月上已日于弯曲

我超愛打邊爐，朋友介紹九龍區這間火煱店一舅父仔火鍋專門店，食物一流，價錢公道，服務超好，深水埗地區，尖沙咀質素。今晚一行四人來到舅父仔，服務員有禮貌地推介小店特色、泰式蝦餅，一份order有6件，超彈牙，比正宗泰式餐廳更出色，讚👍🏻再來一碟象拔蚌及石蚌魚剌身，哇，那種鮮甜美，一試難忘，下次一定encore舅父仔的刺身。點了花膠雞煱、本地手切肥牛(大碟HKD488)、招牌四寶丸、獅頭鵝腸等等。可惜人少，否則必試其他火煱配料。花膠鷄味道濃郁，我們各人先來一碗才打邊爐。那碟手切肥牛，是我近期吃過最好吃的，牛味濃，超正，對得起這個價錢且價錢合理，其他食品都非常高質數，環境舒適，又冇限時，還可以自己帶酒來又冇收開瓶費，服務員態度又好，一定會再嚟幫襯👏

同大佬慶生佢話要打邊爐梗係奉陪到底啦，見呢一間裝修幾骨子又有卡位坐於是決定試一試。先來一個小食鬼馬釀墨魚，佢個賣相麻麻哋不過好彩食落味道都唔錯，油炸鬼竟然都脆。湯底揀咗蕃茄薯仔安格斯牛肉粒，以$188人港啲牛肉粒比較少，而佢個番茄湯應該加咗現成蕃茄湯，所以味道會偏酸同埋有少少化學成份感覺，湯入邊嘅蕃茄都係冇煮過嘢，所以要打到後段啲蕃茄先至入味好食。第一碟牛肉我哋揀咗大size的本地手切鮮牛肉，$488，可能今日舊牛肉唔夠靚啦，因為食落嘅時候比較煙韌而且牛肉味又唔係好出，通常出面食嘅一係就脂肪分佈好靚所以食嘅時候林得來又有牛肉味，一係就牛肉味好濃，所以依家有少少兩頭唔到岸比較尷尬，不過佢嘅牛肉係新鮮嘅。就係因為第一碟令人失望所以試多一碟封門柳，呢碟價錢平啲但係味道好好多，牛肉味好濃。自家製考慮佢嘅總共有五款，我哋就叫咗個拼盤啦，入面有雲吞、水餃、韭菜餃同埋黑松露豬肉餃，啲造型幾靚，除咗個黑松露豬肉餃之外其他三款都唔錯。招牌四寶丸入面有鯪魚球、豬肉丸、蝦丸同埋墨魚丸，$118每樣有兩粒，即係未加一都要差唔多$15一粒，蝦丸同墨魚丸味道都唔錯，不過就好似細粒咗少少。之後加咗個響鈴，佢個質感比

今日有屋企人生日，特登訂咗過嚟食，之前有同事過嚟食過，見到佢哋啲相，刺身好新鮮，食物質素都幾好，所以一於過嚟試下。一向好鍾意食章紅刺身，可惜今日無章紅，好彩都仲有條石蚌，其實石蚌嘅肉質都幾爽口，火鍋店嘅原條刺身同日本刺身真係兩回事，呢度章紅刺身一條$899，石蚌原條刺身就$499，性價比嚟講其實石蚌抵食啲，條骨仲可以用嚟放湯，或者加$68做椒鹽。另外嗌咗一碟大嘅極品手切肥牛$398，啲肥牛好有油香。不得不讚就係碟黃喉，爽口得嚟一啲都唔韌。牛骨髓就好滑好香，都係必食之選。魚皮亦都係即炸熱辣辣，好鬆化。魚標就一般，唔差嘅，不過唔係度度都有得食，所以都值得叫。職員態度友善，熱情招待，不過市道真係好差，希望多啲人幫襯，呢類型質素嘅火鍋店買少見少。

今日兩個人唔知食乜，就又入咗嚟舅父仔了，今日達gor 介紹靚魚，頭尾骨入湯做個泡飯，真係好好味舅父仔真係一分錢一分貨，但今次嚟咗個女經理(我估)，佢都唔識social嘅，話說我同xx傾緊計，講起疫情，雪櫃無啲凍肉，個心就好似唔太有安全感咁，突然個女經理就插嘴入嚟話佢又係呀，佢好鍾意塞爆啲雪櫃，唔可以俾啲雪櫃有空位，次次都要塞爆佢屋企3個雪櫃先安心架！然後不停咁講佢屋企嗰3個雪櫃放乜放乜，老實講，我無咁有錢，屋企得一個雪櫃，乜都放入去嗰個雪櫃架啦，仲邊有嘢同佢分享啲嘢要點放吖！唉⋯俾佢傾死曬啲話題

食物新鮮選擇多，酒種類也選擇多，食物和酒收费也算公道！個人喜歡先來個包公魚刺身兩食，椒鹽香脆魚頭骨，再配上法國靓仔区白葡萄酒！再來個日本酒粕昆布湯底，手切肥牛，黑柏葉，鸳鸯蚌，加個爽口豬皮索湯底，靚芝士粟米餃拼韮菜餃！飽飽

舅父仔火鍋第二次去這火鍋店, 點生牛肉刺身. 鱆紅魚刺身3斤重才600多元, 余下的魚頭魚骨這次不做椒鹽魚骨, 改為煎香後放加莞茜皮蛋豆腐湯, 非常鮮美清, 點大蜆放, 好吃!!!    本地手切本地肥牛比上次更好, 牛肉味好重,脂肪均勻..... 自家製墨魚滑/蝦滑, 九菜餃, 芝士豬肉餃都是好吃, 第一次吃牛脷芯, 脷的中心部份,非常腍, 軟熟. 小吃叫了脆炸午餐肉和鬼馬釀墨魚, 是日滿座, 有人慶生, 老闆請全部客人飲清酒, 好有氣氛! 現在已很難找這麼多自家製食物的火鍋店, 這店有30多款清酒及10多款葡萄酒選擇, 性價比非好,  最後一提,服務員態度誠懇!  

墙裂推荐，老板、服务生都好nice 。菜品美，味道佳，推荐的酒都好饮。象拔蚌脆 、滑，鲜甜；绝绝子。涮火锅的牛肉，完全不用调料，吃出了日本和牛的节奏。第一次涮蚝，涮出了美味新高度。第一次知道还可以涮猪肉，原来涮得是本地黑毛猪。👍🏻，向不吃牛肉的朋友强烈推荐。最后放入的花椰菜，吸入了前面所有肉、鱼的精华，被大家一扫而空。中秋节前聚餐好开心，大家食饱饱，晕晕地 、开开心心🥰返屋企。店铺红红火火，人气好旺。唯一缺陷，因为人气旺，要提前早早预定。

心血來潮想打邊爐揸車見到邊間就食邊間啦✌️叫左個香茜皮蛋湯 清清地🤤魚皮 $58👍牡丹蝦 $58/隻魚兩食 唔記得幾錢😅但都鮮半隻雞煲熟上 $178 (唔掂呢個😥死辣）肥牛 $328肥鵝腸 $108 (可以再叫但太飽了）黑栢葉 $98 (呢個麻麻地😅）鴛鴦蚌 $148 四寶丸 $108水菜 送的☺️結論係🌸3個人食左2千幾 正常偏貴左少少食物質量係可以

見佢個名幾得意所以就試吓 嘢食都算幾好食不過呢度服務員比較亂 幾張枱單就係咁搞錯晒 我叫咗一隻雞小辣但係嚟咗半隻雞中辣 不過勝在服務態度好好隔離枱等得耐 個老闆又送啤酒又送小食比佢哋 而且我呢個芫荽控都完全滿足到不停幫我加芫荽🤟🏻雞味好重有少少甜甜地 所以全部嘢食都尚算OK

食過返尋味，今次來試試椰子雞鍋，廚師一再強調所有湯底沒有味精用雞骨及豬骨熬湯，椰子雞鍋再加上新鮮椰青水，全隻清遠雞，湯味清甜，雞肉嫩滑，服務員加湯時是椰青水和清水一齊加，👍一開始我們點了原條鱆紅魚刺身，魚非常新鮮及甜，即劏即吃，大約三斤重 才$480，加多$60仲可以兩吃加多一味「椒鹽魚骨」，好抵呀！今次試埋牛肉刺身$160，用美國牛小排的。火鍋除了雞外，還點了本地手切肥牛，自製的韭菜餃及雲吞，墨魚滑。材料非常新鮮好好味😋！這店有非常多的清酒及葡萄酒選擇，而且價錢和外邊店舖零售價是一樣，非常少見。下次不用自己帶酒來。

點了一條鱆紅魚剌身Sashimi, ,非常鮮味!  湯底點了沙嗲及日本酒粕兩款,  店長說日本酒粕火鍋湯底在香港暫時只有他們有, 味道好好, 配肥牛一流氓!    食物點了本地手切肥牛,  黃金芝士餃, 韭菜餃,  自制響鈴等.  我極力推薦. 另外 我試飲了兩款湯底, 好味!   沒有味精,. 

呢間火煱店岩岩六月開張湯底有好幾個選擇,大同小宜,重口味的有四川麻辣湯底,自家製沙嗲湯底怕辣的可以選擇蕃茄牛尾湯底,莞茜皮蛋湯.比較少見的是有日本酒粕昆布湯,另外仲有兩款養生湯底.小食同配料選擇正正常常刺身方面叫了牛肉和象拔蚌刺身,擺盤唔錯,賣相好岩打卡.味道不錯, 象拔蚌爽口彈牙.飲品呢度特別一點,除汽水之外,酒精飲品種類較多,有啤酒,日本酒,紅白酒,氣泡酒.鍾意一度打邊爐一度飲酒既朋友,值得一黎.

不算完美，但物超所值。無論牛肉煱料，或是刺生都鮮甜可口，一試難忘。點了手切本地牛肉，喜出望外。吃了原條章紅刺身，足三斤重，回味無窮。魚頭，魚骨及魚尾，以椒鹽上碟，一魚兩吃！沙爹煱底，用心製作。點了豬皮，沙爹豬皮，是兒時回憶，味道非街邊小販店可以比美。椰子雞煲，用鮮椰青水。可惜椰青水有點兒甜度不足！值得介紹炸鬼馬墨魚條，彈牙香口。紅，白，清酒都以接近成本价出售，市面難的一見：聽聞老板之一，從事酒業，其代理的紅，白酒在店內以推廣价出售！收費合理，不會令人感到名大於實！今次4人光顧，連兩支紅酒及一支白酒，不到2000 元。4.5星(5星為滿分）美食，5星價錢 ！❤️👍

平時都唔會寫食評，但係呢間火鍋店真係值得寫一寫！ 因為用心經營，食材新鮮，湯底特別，每一樣野都超好食😋嗰日同幾個朋友， 叫了一條左口魚刺身， 琵琶蝦刺身，無得輸， 肉質鮮甜彈牙，配上師傅特制酸汁，好味到不得了！🤗🤗之後叫了個沙嗲湯底，未試過沙嗲湯底可以用清黎形容，一上台好香，一啲都唔油，原來師傅話湯底是自己炒料製作😲⋯⋯火鍋料我哋叫咗：* 手切牛，試咗兩款，唔記得乜嘢部位，但好得👍🏻* 聖子皇，新鮮好大隻，洗得好乾凈👍🏻* 即炸響玲-全世界最好味， 必叫👍🏻* 自家制芝士蛋黃餃子， 必試， 好特別，我未係外面試過🤗* 韭菜餃， 食得出新鮮制， 我最愛🥰真心讚🥰，物有所值，會再幫襯！ 👍🏻