舅父仔火鍋專門店

營業中

休息中

同屋企人食晚餐，個場唔太多人。叫左個招牌豬骨湯底，胡椒味有D太重，但整體黎講都好味。首先黎左一客池魚王做頭盤，新鮮好味道。仲有涼伴千層肚同黃金炸嚮鈴，但食得太快唔記得左影相。個黃金炸嚮鈴有咸蛋o係入面，邪惡得黎又幾惹味。牛肉因為質素比較好，所以價錢比較貴，可以接受，有牛味。仲有自家製餃子都好味，唔係出面D求其雪藏餃子。手打墨魚滑係我最愛。D菜都算新鮮，總括黎講都高質，係個湯底胡椒味太重搞到有D攻鼻。最後一讚係芝麻糊，又香又滑。個場好大，座位寬敞，坐得舒適。而且無限時，唔駛趕頭趕命，服務態度亦唔錯，整個用餐體驗好舒適。