影片
港鐵太子站 E 出口, 步行約8分鐘
繼續閱讀
電話號碼
26887388
93893998 (WhatsApp)
開飯介紹
港式火鍋店，湯底橫跨不同的亞洲口味，亦供應多款高質刺身、小食及清酒。座位寬敞舒適，並設有特色霓虹燈，打卡一流，適合和家人及朋友分享。
繼續閱讀
營業時間
今日營業
18:00 - 23:30
星期一至日
18:00 - 23:30
以上資料只供參考, 請與餐廳確認詳情
有關獎賞計劃
邊爐愛好者注意啦!!😌有好嘅火鍋店介紹～琴日去咗深水埗呢間舅父仔火鍋專門店雖然餐廳嘅定價中上 但係食物質素絕對唔馬虎2個人食咗大概$800 (其實二人餐都夠食 但係兩個人眼闊肚窄 額外叫咗配料&甜品結果真係飽到捧住個肚走🤣)先講個湯底 我哋揀咗鴛鴦湯底 另加$50揀咗2款湯底 都非常夠味而且足料👍🏻👍🏻1️⃣藥膳花雕湯鍋 一上枱已經聞到陣陣花雕酒香 同藥材味🤤個湯底滾起之後 啲藥材味更加出 開始食之前 飲咗一啖 感覺好滋補 不過夏天都唔敢飲太多 怕滋補得滯🤣2️⃣揀咗款清清地嘅 芫荽皮蛋豆腐湯勁多芫荽 芫荽愛好者表示心心眼😍配埋皮蛋 簡直係一絕!! 仲有我最鍾意食嘅豆腐 好滑~~講到配料 真係要讚吓啲食材夠晒新鮮🤩🥢香炸魚片頭 金黃色 外邊灑上一啲應該係椒鹽嘅調味粉 雖然唔算好彈牙 但係咬落去嘅口感都唔錯 餐前小食嚟講算係幾好～🥢極品封門柳估唔到二人套餐嘅牛肉都有咁多份量😍份量多到唔使爭食🤣 (店員介紹淥6至8秒食得)封門柳 味道濃郁 口感軟嫩 食完一片又一片😋🥢手打丸雙拼 我哋揀咗鮮蝦丸&鯪魚丸啲丸都好彈牙 好夠味 食得出”真”手打&新鮮🤤唔會好似出面啲丸咁得個樣…特別係鮮蝦丸😍非常推薦大家食 超好味!!咬落去仲食到蝦肉粒 爽口彈牙!!🥢自家製餃子雙拼 都好出色韭菜餃同黑松露豬肉餃 兩款都好味！韭菜餃皮薄餡多 食落口唔覺成口粉 足料😌黑松露豬肉餃 黑松露味唔算好濃郁 不過餃子皮做得比較薄 正👍🏻🥢另外套餐都包咗一啲基本配料包括：出前一丁/ 百福豆腐/ 蔬菜拼盤出前一丁錄埋個藥膳湯底度食 簡直係人間美食 好正呀🤤☝🏻以上係二人套餐嘅配料 另外包咗兩罐汽水 都幾抵食 份量啱啱好只係四百幾蚊就可以試到唔同類型嘅嘢 ==============================🥢🤩 另外追加!! 見到Menu上面👍🏻🧡獅頭鵝腸 鵝腸唔係好多舖頭有得食 而且見佢有手指公推介 所以叫嚟試吓鵝腸大大份 而且處理得好乾淨淥幾秒就可以食 非常爽脆🫢🧡炸枝竹 呢樣又係打邊爐嘅必備配料😳呢個炸枝竹似乎係店舖自炸嘅因為上枱見到脹卜卜 & 脆卜卜🤣浸一浸湯就食得 好脆口🤭🥣留意到餐牌上面仲有甜品揀 印象中都唔貴 大概係20幾蚊一碗 諗住打邊爐咁熱氣 整返碗芝麻糊(熱)口感香滑 配有淡淡的芝麻香 而且唔會偏甜 總括嚟講 呢間火鍋店真係唔錯 湯底選擇多 而且夠特別 配料新鮮 價錢合理服務態度都好好 😌不過食到最後 先發覺原來呢間火鍋店係有小菜或者下次一班人食飯可以試吓🤣
繼續閱讀
天氣凍凍地就去咗呢一間餐廳到打邊爐，餐廳職員好好咁介紹個餐牌有咩好食俾我哋知，介紹我哋可以食精選二人套餐，仲拎左個調味醬料俾我哋混醬，個XO醬係佢哋師傅自己整，真係幾夠辣同惹味。精選二人套餐包左小食3選1: 揀左蟹籽墨魚薄餅有四大塊，口感煙韌，加上有啲蟹籽粒同芝麻粒，增加口感。鍋底4選1: 芫茜皮蛋豆腐湯開心有好多芫茜🥰🥰肉類3選1: 極品封門柳，用左紐西蘭頂級封門柳部份，先唔點任何醬汁就咁食，牛肉味好香濃，好有肉汁，食左呢個牛都覺得呢個套餐好抵食，份量又多。手打鮮蝦丸併墨魚丸，每樣有兩粒，個鮮蝦丸真心推介，見到同食得到有原隻鮮蝦，兩樣都好彈牙同新鮮。自家製餃子雙拼4選2: 揀左鮮蝦水餃同黑松露豬肉餃，黑松露豬肉一咬開就好重的黑松露味，好特別；鮮蝦水餃都係食到大大粒鮮蝦肉，加埋啲木耳絲好爽口彈牙好食。仲包咗一份生菜主食2選1: 揀左稻庭烏冬仲奉送飲品，我哋加左$15要竹蔗茅根水，幾清甜好飲，又唔會太甜。另外再叫左個酸薑皮蛋，好開胃的小食；仲有西班牙黑豚肉，好大片，豬肉肥瘦比例剛剛好，唔會有豬嘅臊味👍👍總括呢間打邊爐真係好推介，食材新鮮，所有職員都非常之好服務又細心，十二個人仲可以包房添🥰🥰
繼續閱讀
小編好耐無打過邊爐相約好姊妹去滾滾呢間店起深水埗同太子中間呢度提供超值二人、四人餐，散叫亦得最啱啲想慢慢食傾下飲下嘅知己良朋來小編點咗個二人餐再另加咗碟椒鹽雞軟骨碟雞軟骨係招牌菜炸個粒粒黃金色香脆得黎食落唔覺油膩個皮好脆薄帶蛋味黃金炸魚皮呢碟都係招牌菜之一脆炸魚皮外圍薄薄包住咸蛋黃漿真係炸到好乾爽 啖啖都索索色由於好姊妹係讀中醫佢揀咗花旗參滋補烏雞湯鍋（半隻）個鍋一嚟到就知真材實料烏雞係女士補品雞肉好鮮嫩一啲都唔嚡個湯一啲都唔欺場有花旗參補氣、杞子明目、蜜冬滋陰補腎、玉竹清熱、紅棗補血成個湯係生津止渴、潤肺潤燥仲要額外比多一兜花旗蔘粉唔夠可以再落勁！平時打邊爐嘅湯小編絕對唔飲但呢個湯真係飲得，仲好好飲手打蝦丸同豬肉丸都係小編最喜歡蝦膠打得Q彈咬到蝦肉粒粒添好正手打豬肉丸又係打到起膠肉好彈牙一食就知係自家製好掂！肉就點了封門柳一嚟到色澤好紅潤好新鮮呢款肉嘅脂肪含量相對較低一焯就吃岀啖啖牛味正！仲有滑豆腐、唐生菜、稻庭烏冬烏冬超滑好好味餐飲跟兩罐汽水或者可以加錢要竹蔗茅根添調味配料主要有六款款款都係好新鮮最正就係個XO醬自家調配整體呢個餐性價比超高又坐得舒服唔趕客仲要店員個個都好Nice好耐心介紹每款食物下次再帶朋友嚟
繼續閱讀
今日嚟到深水埗一間嘅火鍋店，呢間火鍋店都喺區裏面開咗多年，同朋友食服務質素唔錯，而且食物都幾高質，所以今次又約咗佢去呢間火鍋店度打邊爐！今次我哋兩個人，所以就叫咗精選二人套餐 ($468)。⭐️ 特濃沙嗲湯底呢度有多款湯底選擇，但係我自己就想試吓沙嗲啦，呢個湯底花生味非常濃郁香辣，味道層次豐富，而且店主好好佢驚你唔夠隆重會額外俾咗一碟沙嗲醬你等你自己可以再加重味道。⭐️ 香炸魚片類魚片外脆內嫩，炸至金黃，口感非常好，食落去好彈牙，只要簡單加少少調味料就已經好好食～⭐️ 封門柳肉類方面佢就有三款選擇，而我就揀咗佢嘅牛肉風封門柳，整體肉質都幾唔錯鮮嫩，搭配香料，食落好好味⭐️ 墨魚丸鮮蝦丸雙拼而我哋都揀咗丸既雙拼，佢嘅墨魚丸彈牙，而鮮蝦丸鮮甜，令人滿足！🍤⭐️ 鮮蝦餃 松露豬肉餃雙拼呢個雙拼組合真係絕配，鮮蝦餃滑嫩，松露豬肉餃香氣四溢，咬落去松露餃覺得好經驗，味道非常之香！⭐️ 時令蔬菜新鮮蔬菜色彩鮮綠，睇落去就係好新鮮，保持脆口感，搭配湯底食用，增加咗整體風味！🥦⭐️ 雞牌菇雞牌菇肉質滑嫩，吸收咗湯底的味道，食落去好滿足！🍄⭐️ 出前一丁沙嗲同出前一丁，簡直係好朋友，呢個出前一丁令我回味無窮，湯底搭配即食麵，味道更加豐富，食到啖淡嘅沙嗲味🍜⭐️ 竹蔗茅根水呢杯飲品清新解渴，搭配竹蔗同茅根，飲落去非常舒服！🍹⭐️ 芥木貢丸呢個貢丸價值非常之有驚喜，一咬落去就已經爆曬汁，貢丸外脆內嫩，味道鮮美，真係一個唔可錯過的小食！🥢整體嚟講呢間深水埗火鍋店都幾高質，平時都見到有唔少街坊幫襯，都值得覆桌！
繼續閱讀
好姊妹相約食飯，一定傾不停，最好就係揀打邊爐一邊傾偈一邊享受美食，之前朋友食過呢間打邊爐，讚不絕口，環境坐得舒服，又不太嘈吵，食物新鮮有水準、仲要店員姐姐好親切有禮湯底種類選擇多，最後揀了蕃茄牛柳粒，牛柳粒入口濃郁牛味道，肉質煙靭有口感打邊爐又點少得午餐肉，炸過的午餐肉，非常味美、濃濃嘅蕃茄湯底，配上美味嘅響鈴，入口充滿濃郁的蕃茄湯，十分惹味食鵝腸最怕有腥味、處理乾淨、淥幾秒已經食得，咬落爽口彈牙西班牙黑豚肉、肥瘦適中韮菜餃新鮮美味、黑松露豬肉餃、黑松露跟豬肉做餃子味道十分夾豬肉丸夾入芝士口感更豐富、手打鮮蝦丸彈牙爽口、墨魚丸夾了鴨潤、咬落爽口帶點粉粉地又幾特別最後蓮藕片白菜吸晒湯精華、非常美味
繼續閱讀