影片
更多
2023-10-01
76 瀏覽
哩間係朋友揸車🚗帶路搵食，貪門口泊車方便。我真係估唔到可以係火鍋店食到咁靚既冬瓜盅湯底，我夠膽講真係好食過好多酒家。我自己打邊爐中意食湯底同食材本身，好少再加醬汁，除非店家有自製醬料，好似哩度有自家XO醬，全部瑤柱絲蝦米加辣辣地，值得試下。順手落埋個自家煲竹蔗茅根水。令我驚艷既時令海鮮冬瓜盅，賣相精嫩，大大個冬瓜中間塞滿冬菇，肉粒，金華火腿，滿滿既素翅望落閃令令咁⭐️啖湯足料鮮甜無味精，一人整番兩碗湯是必須的。咁上下店員會黎分埋個冬瓜，唔好講笑個冬瓜煲到鮮嫩柔軟又清甜，食多d都唔覺得濟。極品封門柳鮮嫩肉味重，中意哩種手切既食落口感特別滿足。哩度既火鍋料好多都自家製，比我感覺就係全部都真材實料。鮮蝦滑，墨魚滑食到蝦同墨魚鮮味，彈牙口感完全唔係撈左粉個d! 鮮蝦雲吞皮薄有彈性，唔係雪藏貨，內餡啖啖爽彈蝦肉。湯底得☑️火鍋料得☑️連小食都好得☑️黃金炸魚皮即炸鬆脆，咸蛋黃蓉已經痴實左魚皮表面，帶有沙沙口感，超香!泰式蝦餅又厚身又Q彈，外層薄脆，香口中帶鮮蝦味，中意飲酒個d叫哂哩兩個小食實無死。哩間出品真係無野挑剔，睇門面都無expect係咁有質素，所以真係要試過先知😋仲有就係留意到佢地都好多枱熟客，
我自己打邊爐中意食湯底同食材本身，好少再加醬汁，除非店家有自製醬料，好似哩度有自家XO醬，全部瑤柱絲蝦米加辣辣地，值得試下。順手落埋個自家煲竹蔗茅根水。
令我驚艷既時令海鮮冬瓜盅，賣相精嫩，大大個冬瓜中間塞滿冬菇，肉粒，金華火腿，滿滿既素翅望落閃令令咁⭐️
啖湯足料鮮甜無味精，一人整番兩碗湯是必須的。咁上下店員會黎分埋個冬瓜，唔好講笑個冬瓜煲到鮮嫩柔軟又清甜，食多d都唔覺得濟。
極品封門柳鮮嫩肉味重，中意哩種手切既食落口感特別滿足。
哩度既火鍋料好多都自家製，比我感覺就係全部都真材實料。鮮蝦滑，墨魚滑食到蝦同墨魚鮮味，彈牙口感完全唔係撈左粉個d!
鮮蝦雲吞皮薄有彈性，唔係雪藏貨，內餡啖啖爽彈蝦肉。
湯底得☑️火鍋料得☑️連小食都好得☑️
黃金炸魚皮即炸鬆脆，咸蛋黃蓉已經痴實左魚皮表面，帶有沙沙口感，超香!
泰式蝦餅又厚身又Q彈，外層薄脆，香口中帶鮮蝦味，中意飲酒個d叫哂哩兩個小食實無死。
哩間出品真係無野挑剔，睇門面都無expect係咁有質素，所以真係要試過先知😋
仲有就係留意到佢地都好多枱熟客，同客有傾有講，feel到有陣人情味係度，值得encore☑️
張貼
