舅父仔火鍋專門店

營業中

休息中

🇭🇰#舅父仔火鍋專門店-深水埗福華街39號地舖今日去了深水埗的舅父仔火鍋專門店，這家店位於很近黃金，我們買了一些電器後就直接走過去了。 進入店內，我們感到環境非常寬敞舒適，座位都是卡座或沙發椅，讓人坐下來就可以好好享受美食。 我們選擇了精選二人套餐，$468。套餐內容包括了多種美食： 1）小食 - 泰式蝦餅(4塊）：這個小食很特別，蝦餅炸得酥脆，搭配泰式醬汁非常美味。 2)自選鍋底 - 特濃沙嗲湯：這個湯底非常濃郁，吃起來真的很惹味。 3）安格斯牛小排（小）：肉質非常嫩滑，品質很高。 4）手打鮮蝦丸併墨魚丸(4粒）：這些丸子非常彈牙，口感很好。 5）自家製餃子雙併(4粒）- 鮮蝦雲吞 / 鮮蝦水餃：餃子皮薄，餡料豐富，非常好吃。 6）蔬菜一份：這個套餐還附有一份蔬菜，讓我們可以吃得更健康。 7）送罐裝汽水2罐。 .整體來說，這次的火鍋體驗非常棒。特濃沙嗲湯底讓整個火鍋的味道更加美味，特別是肥牛和刺身的質素也非常高。.最後我們還點了日本光來拉麵，拉麵本身好彈牙，濃濃的沙嗲汁煮麵食味道更是不得了！如果你喜歡火鍋，我非常推薦你來這家舅父仔火鍋專門店一試。

好耐冇打邊爐🍲咁啱爸爸早收工😆緊係即興打邊爐喇🤭之前經過深水埗俾😋舅父仔火鍋個名吸引住🤪終於可以一試☺️餐廳設有VIP房✅卡位✅位置很舒適☺️仲有多處打卡位📷我哋揀左2人套餐😍😋♨️芫茜皮蛋豆腐湯鍋個鍋好大👍🏻超足料☺️隨便一撈起係滿滿嘅皮蛋同豆腐😉湯底很鮮甜🤤未開始食已經飲左兩大碗🤭重點係多芫茜🌿超正👍🏻😋🍘泰式蝦餅即叫即炸🔥要小心熱😆好厚身🤤炸得啱啱好😊小小彈牙咬開怖滿蝦肉🍤😋🥩安格斯牛小排好濃郁牛香🐮油花分怖好均勻🥳肉滑味香🥰係我哋鐘意食個啲😆份量都好多👍🏻😋🍥手打鮮蝦丸拼墨魚丸😋🥟鮮蝦雲吞，黑松露豬肉餃鮮蝦丸同墨魚丸好新鮮🤭手打超彈牙😬咬開好足料🤫完全唔係粉🤤鮮蝦雲吞好大隻蝦😂鮮甜😌黑松露豬肉餃好香✅大人小朋友都鐘意🥰😋🥬時令蔬菜食完肉類🥩再烚啲菜食真係好正😂吸曬精華😆😋🍹竹蔗茅根水打邊爐飲最佳配搭🙌🏻自家褒💯原汁原味😋

呢排天氣涼涼哋，梗係又食火鍋嘅好時機啦【舅父仔火鍋店】🍲🔥先叫咗半條池魚刺身🐟，做前菜身鮮嫩多汁，每一口都彷彿在海洋的懷抱中徜徉。鮮美的魚肉融化在口中，🐟🌊火鍋二人套餐🍽️黃金炸魚皮作為小食，脆脆的魚皮外層金黃酥脆，咬下去瞬間爆發出一股濃郁的海鮮香氣！🔆芫茜皮蛋豆腐湯鍋湯底清鮮爽口，豆腐的滑嫩口感和皮蛋的獨特風味相得益彰！安格斯牛小排。這些小排肉質鮮嫩多汁，每一口都滲透著牛肉的香氣，咀嚼時的彈性令人興奮！🍖🌶️手打鮮蝦丸🦐併墨魚丸🦑是現場手工製作，彈牙的口感和鮮味💗自家製餃子雙併 🥟（鮮蝦水餃/黑松露豬肉餃）每一口都充滿了餡料的豐富口感，讓我彷彿在品味著傳統手工餃子的美味！🍤🥟舅父仔火鍋店 的火鍋二人套餐每一道菜都帶給我無限驚喜和滿足感！

朋友群組入面友人食過一次舅父仔，然後大讚，咁啱我呢d最中意搵隱世小店嘅食客，即刻問details ，book位一試😂位置嚟講的確隱世，唔係街坊或者熟客介紹都唔易發現餐廳。雖然唔近地鐵站，但餐廳門口有標位可以泊車，都算方便食客。同朋友兩個女仔食，留意到佢地慶祝開業兩周年二人餐優惠，就點佢二人餐試試😂btw必須大讚店員姐姐同哥仔，超級超級nice😀👍🏻👍🏻我地揀咗小食 黃金炸魚皮，夠咸香夠脆口，估計送酒一流👍🏻但唔適合放落火鍋淥。湯底揀咗芫荽皮蛋豆腐湯同特濃沙嗲湯，芫荽好多，朋友係芫荽控，勁中意，我就中意佢個豆腐勁滑好好食，沙嗲湯相對不突出。肉類揀咗個西班牙黑豚肉+新西蘭羊肉片，原本見佢寫（小）曾經有一秒擔心唔夠食，但嚟到見到都大塊肉，肉質食落幾好。跟餐嘅手打丸係佢地自己人手打出嚟，的確夠彈牙。餃類揀咗黑松露豬肉餃同蝦肉雲吞，驚訝個雲吞好食過出面麵舖食到嘅雲吞多多聲😂😂食到最尾想加個麵，店員姐姐介紹咗個 光來拉麵，據說係全港獨家得佢地有，二嚟 光來拉麵 喺東京已有五六十年嘅歷史，無好嘅質素又點喺日本生存到咁耐😂佢仲教我地煮五分鐘係最佳時間，呢個時候就要讚下個沙嗲湯底，煮出嚟嘅拉麵真係超好食

呢排打風又落雨，雖然影響心情，但仍然無阻同朋友打邊爐的雅興❤️上星期落左10號風球，第二日就黎到這間深水埗火鍋專門店覓食，果然有意想不到的驚喜👯‍♀️——————————🔹精選二人套餐 $468為慶祝餐廳兩週年，鋪頭於星期日至星期四推出精選二人套餐，人均$250就食到小食、火鍋、肉類、餃子及蔬菜，性價比算相當不錯！📍小食：黃金炸魚皮小食三選一：黃金炸魚皮、泰式蝦餅及青瓜雲耳！魚皮新鮮即炸，上菜時熱辣辣，魚皮香脆可口，外層裹著香口的鹹蛋黃，蛋黃的量調得剛剛好，不會過厚而覺得膩，又不會因太薄而失去蛋香。📍芫荽皮蛋豆腐湯鍋平時食開麻辣鍋，今日就轉下口味，試試這款比較清淡的芫荽皮蛋豆腐湯鍋。原以為湯底都是沒什麼味道，沒想到鮮味滿滿，未食已經各自喝了兩碗湯！芫荽清香，豆腐滑溜，皮蛋就更加增添風味，正！📍安格斯牛小排（小）牛小排肉質滑嫩、油花分布均勻，入口油潤之餘，還帶濃郁牛香🐂📍手打鮮蝦丸併墨魚丸（4粒）自家手打鮮蝦丸鮮甜彈牙，墨魚丸同樣爽彈鮮美，相當出色！📍自家製餃子雙拼選了鮮蝦雲吞、黑松露豬肉餃，同樣是自家製😋雲吞外皮薄而滑溜，餡料包有粒粒鮮蝦，感彈牙之餘，更能食到蝦肉的鮮甜。黑松露豬肉餃飽滿，

朋友介紹約左4個fds一齊食生日飯，餐廳將肥牛整成一個生日蛋糕咁，仲係上面插左Happy Birthday牌，幾有心思。講返食物質素方面，海鮮同肥牛都好新鮮！個人最鍾意食蒸扇貝，無沙湯底選擇好多，朋友無介紹錯！希望可以keep住水準，依家好食既打邊爐真係愈來愈少，最重要係海鮮多又新鮮，鍾意海鮮既食家絕對可以一試！另外朋友叫左個冬瓜盅，我自己已經好多年未食過，回憶即刻返晒黎好多蝦乾同粉絲，同枱小朋友飲咗三碗！

店長推介特色冬瓜盅火鍋底，都幾岩夏天打邊爐，冬瓜盅好大個好多料，仲現場幫你分埋冬瓜盅！冬瓜盅湯去到後期仍然好夠味，湯底越沉越濃味！仲有其他火鍋湯底未試，但係見到有幾款。配料方面都有好多選擇，都揀咗幾款店舖推介。另外小食更出色，大眾化得來食物味道維持獨有特別！總共試了七至八款，整體水平不錯，現場更加有清酒提供，雖然自己冇飲到清酒，但朋友叫了幾支都不錯。至於環境方面乾淨，如果多人可以去訂房間，地方唔會好迫！

第一次食，同朋友慶祝生日，開始坐低時未齊人，所以邊食小食邊等朋友。因為未食過，所以問經理介紹，食左幾款小食。黃金炸魚皮（可以，有咸蛋香，上枱時仲熱熱地）炸墨魚餅（咬落散散地，仲有陣腥味 ）冰火魷魚（一款唔辣又唔夠味既汁撈落幾塊水魷，真係唔知食緊乜）人齊後叫主菜，經理不停推介蜜柑鯛，新鮮到貨，我哋一班人之前喺第二間餐廳食過，真係正，見呢度有得食當然叫，上枱之後勁後悔，魚肉開始發白，咬落肉質鬆散，入口全無蜜柑香味，佢仲叫我哋蘸佢嗰個醬汁嚟食，點知嗰個就係柚子味既醬，究竟呢條係乜魚。佢再推介一款牛肉刺身，再次中伏，食唔出肉味的牛肉，反而墊喺下面既洋葱最好味，又甜又脆。到真正食火鍋時間，佢繼續推介幾款火鍋配料，睇返菜單，全部都係最貴嗰啲，今次無再聽佢講，叫返我哋自己想食既嘢，叫咗牛小排（正常）、醉雞子（差 ）、雲吞（還好）等等，最尾食公仔麵先夠飽，呢間餐廳真係絕對唔會再嚟。

今日晚餐去咗呢間火鍋店食～嗌咗鹹蛋黃魚皮、雞煲、東星班、火鍋～首先小食鹹蛋黃炸魚皮真係好好食，本身諗住冇乜特別冇影到相，但係食落真係好香口好惹味！然後就食咗雞煲先，我地嗌咗小辣，麻辣雞真係好好食好滑！加咗白鱔倍添滋味同口感，個汁好食到要撈飯！之後就食咗條清蒸東星班，好爽滑，本身唔係好鍾意食魚嘅，我都食咗五份一！最後，我哋叫咗個皮蛋芫荽魚湯火鍋，一開頭飲咗啖湯先～好足料超級清甜！之後再加湯，點咗一大份牛頸脊～高質手切牛肉嚟，真係好難喺出邊食到！總括嚟講真係好好食，會再食！

一路好想試依間火鍋，唯一唔好就係唔近地鐵站，但環境好舒服😌，一街五人比咗卡位我哋坐，而且唔迫😃一坐低就首先叫蜜柑鯛刺身，由於我哋人唔多，所以老闆好醒咁話半條都夠$800，第一次食蜜柑鯛，佢有兩款食法，首先可以咩都唔點食佢仲鮮味，每一執都切得唔太薄，好正，第二種食法就係點獨有既蜜柑汁，每一塊點小小，又另一種味道，除咗有小小魚鮮味，加埋柑汁酸酸地好夾🤤🤤食完刺身魚，老闆馬上留起條魚骨，幫我地煎下再做湯底。之後我哋再叫咗象拔蚌刺身$1050， 味道好鮮甜，真係好正，另外個膽仲會幫你留起，比你轉頭打邊爐食食完刺身， 到打邊爐，等咗一陣就上好大鍋嘅芫荽，皮蛋魚湯，依個湯底就係用頭先魚骨熬成（加$175）🤭首先緊係先似幾碗湯先，完全冇味精超級好味，材料都好充足，仲有啲魚，豆腐等等之後飲夠再加啲湯底就可以開始打邊爐😃叫咗大份牛頸脊、鵝腸、四寶丸、雙拼桂花蚌珊瑚蚌、鱔片等等，每碟都好大份，鱔片都切得好厚🥰🥰另外必推介黃金響鈴，每一舊都好厚實，而且好脆，配上濃郁蛋黃醬，雖然好邪惡，但係都忍唔住食多舊😁😁總括嚟講依間邊爐食材好新鮮，而且服務都好好，雖然位置唔算太方便，但好值得一試😍

多次光顧，仍然保持水準，值得寫下食評。今次相約幾位朋友到舅父仔，負責人介紹池魚王剌身，新鮮好味，大家都一致讚好。本來想叫招牌豬骨湯底， 負責人建議我們可將池魚頭及魚骨作湯底，魚湯內有豆腐，白菜好得👍🏻味道一流。飲完湯可再用來打邊爐，真係不同食法。當日有虎𧎚推介，朋友想食椒鹽虎蝦，又做到😋😋。我最喜愛薄切牛肉刺身，每次負責人會問，需吾需要微微炙燒下或照上，因應客人口味有所調整，真細心。火鍋食材最緊要新鮮，舅父仔做到。👍🏻朋友一致話無介紹錯，食材新鮮，味道好，環境寬敞舒適，好窩心。

已經嚟過好幾次，食物質素唔錯，食物新鮮好味，價錢合理，如果要食刺身最好打電話嚟預訂，因為佢哋話保持新鮮數量有限，我就鍾意先食炸蝦餅炸魚片頭炸魚皮小食，飲啤酒傾下偈先，跟住食刺身，日本大池魚同象拔蚌真係好好味，牡丹蝦同帶子都一樣新鮮好味，配sake飲酒一流，720ml sake 一樽三百幾蚊，1.8L都係六百零蚊價錢合理，唔使自己帶，再食麻辣雞煲，中辣已經好夠味，最後就係食其他打邊爐食物，用個池魚頭身做芫茜皮蛋豆腐湯用嚟打邊爐一流，肥牛就走唔甩，肥大獅頭鵝腸真係幾肥美敞爽口，邪惡響鈴店長係推介，手打四寶丸，同水餃等等都好好味，班friend就鍾意加煎午餐肉，最後呢度免開瓶費自己帶走都得，有偷雞泊車位，更加實惠方便。

Uncle Boy 舅父仔火鍋，名字相當有趣，門口大大個顏色招牌，在深水埗福華街很搶眼。上次朋友介紹到來，獨特的酒粕火鍋和牛肉蛋糕極具吸引，於是今天帶幾個為食貓過來試吓⋯⋯晚上六時半，食客未算多，只見到幾間VIP房間有食客，房內相當熱鬧。我們一行四人，今次坐卡位，有時候四個人火鍋恰到好處。日本酒粕昆布火鍋~這個就是筆者上次到訪試的酒粕昆布火鍋，Sake 配火鍋是一個不錯的選擇，奈何今次到來，這火鍋因貨源問題，暫時未能供應，為食貓無緣，即時扁嘴。黃金魚皮~下酒小吃即放入口，已經冇諗過要將佢放湯。牛脷芯~當晚㕑子煮得過火，但喜歡墊底嘅洋蔥，很香甜。皮蛋芫茜豆腐鍋~冇酒粕鍋之後，大家改選清清哋的皮蛋芫茜豆腐鍋，很喜歡這裡用大大個鍋，這個size 烚得好過癮。豬膶~自從早年豬的供應問題，已很難找到好吃的豬內臟了，這裡的豬潤算是中規中矩。本地極級手切肥牛~由於唔打算吃牛肉蛋糕，而且要預訂，所以點了這個手切肥牛。陳年花雕豬頸肉~用花雕杞子醃過的豬頸肉像一朵花，為食貓很喜歡。流觴大吟釀~筆者上次到來未有貨，今次慕名而來，”流觴” 這兩字，未知何解，筆者番查下，文中提到:“古人每逢农历三月上已日于弯曲

我超愛打邊爐，朋友介紹九龍區這間火煱店一舅父仔火鍋專門店，食物一流，價錢公道，服務超好，深水埗地區，尖沙咀質素。今晚一行四人來到舅父仔，服務員有禮貌地推介小店特色、泰式蝦餅，一份order有6件，超彈牙，比正宗泰式餐廳更出色，讚👍🏻再來一碟象拔蚌及石蚌魚剌身，哇，那種鮮甜美，一試難忘，下次一定encore舅父仔的刺身。點了花膠雞煱、本地手切肥牛(大碟HKD488)、招牌四寶丸、獅頭鵝腸等等。可惜人少，否則必試其他火煱配料。花膠鷄味道濃郁，我們各人先來一碗才打邊爐。那碟手切肥牛，是我近期吃過最好吃的，牛味濃，超正，對得起這個價錢且價錢合理，其他食品都非常高質數，環境舒適，又冇限時，還可以自己帶酒來又冇收開瓶費，服務員態度又好，一定會再嚟幫襯👏

同大佬慶生佢話要打邊爐梗係奉陪到底啦，見呢一間裝修幾骨子又有卡位坐於是決定試一試。先來一個小食鬼馬釀墨魚，佢個賣相麻麻哋不過好彩食落味道都唔錯，油炸鬼竟然都脆。湯底揀咗蕃茄薯仔安格斯牛肉粒，以$188人港啲牛肉粒比較少，而佢個番茄湯應該加咗現成蕃茄湯，所以味道會偏酸同埋有少少化學成份感覺，湯入邊嘅蕃茄都係冇煮過嘢，所以要打到後段啲蕃茄先至入味好食。第一碟牛肉我哋揀咗大size的本地手切鮮牛肉，$488，可能今日舊牛肉唔夠靚啦，因為食落嘅時候比較煙韌而且牛肉味又唔係好出，通常出面食嘅一係就脂肪分佈好靚所以食嘅時候林得來又有牛肉味，一係就牛肉味好濃，所以依家有少少兩頭唔到岸比較尷尬，不過佢嘅牛肉係新鮮嘅。就係因為第一碟令人失望所以試多一碟封門柳，呢碟價錢平啲但係味道好好多，牛肉味好濃。自家製考慮佢嘅總共有五款，我哋就叫咗個拼盤啦，入面有雲吞、水餃、韭菜餃同埋黑松露豬肉餃，啲造型幾靚，除咗個黑松露豬肉餃之外其他三款都唔錯。招牌四寶丸入面有鯪魚球、豬肉丸、蝦丸同埋墨魚丸，$118每樣有兩粒，即係未加一都要差唔多$15一粒，蝦丸同墨魚丸味道都唔錯，不過就好似細粒咗少少。之後加咗個響鈴，佢個質感比