今年揀左半島既米芝蓮一星法國菜黎慶祝生日，老牌酒店服務態度從來冇得挑剔。環境裝修充滿法國氣息，座位寬敞舒服，餐廳中間水晶燈加左好多分，現場仲有live band，女歌手唱得好好聽👍🏻食物方面都好有驚喜，大廚好鍾意將食物啫喱化，啱晒我口感😋法國白鴿最有驚喜，好嫩滑好香！約會、求婚同慶祝生日嘅好地方❤️ - 6 Courses $2488 Sommelier's Selection - Langoustines des Cites Ecossaises Scottish Langoustines, Kaviari Kristal Caviar; Fennel Cooked in a Seaweed Crust, Dashi Consommé 蘇格蘭海繁蝦、特級魚子醬、大茴香、昆布消湯 - Langue de lean de Lait du Limousin Milk-Fed Limousin Veal Tongue, Sandy Carrots, Gherkin Gelée, Pine Seed Pesto, Sauce Piquante 法國乳飼牛舌、沙甘筍、酸青瓜、青醬、法式酸辣汁 - Bar de Ligne de Pelite Peche Line-Caught Sea Bass, Hispi Cabbage, Hokkaido Sea Urchin, Deutz Champagne Beurre Blanc 線釣海鱸魚、卷心菜、海膽、香檳牛油汁 - Pigeon de la Maison Mieral Roasted Miéral Pigeon, Parsnips in different Textures, Peanuts 法國白鴿、白甘筍、花生 or File de Buf As de Kagoshima A5 Kagoshima Beef Tenderloin, Textures of Beetroot, Walnuts Condiment, Smoked Eel 鹿兒島 A5 和牛柳、紅菜頭、合桃、煙燻鰻魚 Supplement 另加 288 - Raviole de Mandarine Mandarine ravioli, Champagne emulsion 柑橘雲吞、香檳泡沫 - Phuflea Glacolat d Pwe de Sonha Chocolate and Tonka Bean Souffé, William Pear Ice Cream 朱古力零陵香豆疏乎厘、威廉梨酒雪糕 - Coffee or Proprietary Peninsula Teas and Petits Fours 咖啡、半島精選名茶或香草茶，法式小點

黎巴嫩菜餐廳Maison Beirut係一間將軍澳必去既海旁餐廳，環境超chill，用上頂級初榨橄欖油，食完仲會科學地令你心情更好架！呢度真係好迷人㗎，坐低梗係可以欣賞到將軍澳海濱既美景同埋享受美食。佢既菜式真係好特別，有好多異國風情料理，全部係由五星酒店大廚團隊炮製既。食過既話，真係會難忘架！ - 烤茄子蓉 $95 茄子經過烤製後，軟嫩的質感和濃郁的茄子香味令人垂涎欲滴。呢道菜可以搭配餐廳頂級初榨橄欖油，帶來豐富而平衡的口感，絕對係素食者既首選。 - 塔布勒沙律 $115 以新鮮既香菜、薄荷、蕃茄為基礎，加入檸檬汁和橄欖油調味，帶來清新既風味同豐富既營養價值，是一道清爽開胃既前菜。 - 招牌慢煮牛肋條 $268 Maison Beirut既招牌慢煮牛肋條入口即溶，牛肉經過長時間既慢煮，肉質變得極為軟嫩，口感細膩。每一口都能感受到牛肉鮮美同濃郁既香氣，絕對是肉食愛好者最愛。 - 鮮榨紅石榴汁 $65 新鮮榨取既紅石榴汁液色澤鮮豔，口感酸甜，充滿維他命C同抗氧化劑。 - 而且，你仲可以借用佢哋嘅野餐籃座位，就算係坐喺海旁都可以感受到寧靜平和嘅黃昏同夜景。真係好浪漫嘅用餐體驗！ - 最令人驚喜嘅係佢嘅橄欖油，係黎巴嫩嘅最優質橄欖油，食咗之後真係可以提升人類嘅血清素，令你心曠神怡，心情更加愉快。真係好神奇啊！

鐵板XO醬豬頸肉炒烏冬 $58 呢碟炒烏冬真係一個驚喜，豬頸肉切得幾薄🐷經過熱鐵板煮炙，烤到有啲微微焦香既口感。烏冬彈牙又吸收咗醬汁既味道，加入XO醬帶黎一陣陣既辣味同香氣。 - 秘製醬油牛肉炒腸粉 $49 腸粉煮得好滑好軟，配埋醬油牛肉味道更加豐富。牛肉經過醃製同炒熟，咬落去有種鮮嫩多汁既口感。醬汁入味，唔會太咸亦唔會太淡，恰到好處🐮 - 蒜爆魷魚鬚 $47 魷魚鬚炒得香脆，每一條都帶有蒜味同煙韌既口感。香氣四溢同味道濃郁，仲有少少微辣好開胃🦑 - 脆炸花枝丸 $27 花枝丸炸得金黃酥脆，外層炸得香脆，內裡既花枝肉質鮮嫩多汁🍢

招牌無骨海南雞飯配椰子雞湯 $ 72 海南雞飯個雞肉色澤金黃，肉質鮮嫩，每一口都帶有濃郁既雞肉香氣🐔再配埋三個特色醬汁無得頂。飯方面我揀左油飯，每一粒都散發著雞湯嘅 既味道，飯粒吸收咗雞湯嘅精華，口感綿密有彈性，咬落去有種濕潤既感覺。套餐仲配左我最鍾意既椰子雞湯🍲雞湯奶白香濃，非常足料👍🏻 - 雜錦喇沙龍蝦湯掺掺 $68 雜錦喇沙龍蝦湯掺掺，湯底鮮甜香濃，有濃郁既龍蝦味同埋微辣既喇沙味道🦞入面有扎肉、鴨胸、雞肉、雞蛋🥚、豆卜、生菜🌱等等既配料，麵底係幼麵加米粉，第一次食兩種麵，Mix埋一齊好得意，有齊兩種口感都幾特別🍜

雖然唔係茹素，不過食肉獸久唔久都要食下齋清腸胃😂呢間新式素菜餐廳有中菜又有西餐好多選擇🥗 - 晚市套餐 $258 晚市套餐包左好多款菜式，岩哂我呢啲貪心咩都想試既人😛首先包括兩款前菜，羅馬蕃茄藜麥伴胡麻醬🍅同四喜烤夫。蕃茄係大蕃茄仲要原個上好新鮮，烤夫好入味而且夠淋。香芒牛油果苜蓿芽手卷🥑紫菜脆卜卜，第一次食無飯既手卷好得意🤣姬松茸椰子黃耳竹笙燉湯，滋潤養顏岩哂女士👩🏻風乾蕃茄野菜松子燴意大利飯配天婦羅美國蘆筍，入面好多瓜同菇好足料🍚杏汁椰香紅豆糕🫘杏仁味好濃， 香芋黑糖珍珠唔會太甜，充滿香芋味仲有好多珍珠🧋 - 素瑤柱桂花賽螃蟹素翅 $158 成晚最鐘意係呢個餸，炒得好有鑊氣♨️而且好足料，差啲唔記得左自己係食緊齋😂

椒鹽豆腐 $48 開頭係諗住叫個小食，點知一上菜嘅時候大碟到嚇親我😅擺盤仲要好靚疊高高，豆腐新鮮炸起熱辣辣，外面層粉漿皮薄鬆脆，豆腐入面嫩滑，而且椒鹽味夠，推薦大家叫既餐前小食👍🏻 - 無骨海南雞(半隻） $148 無骨海南雞皮薄冇脂肪，肉質嫩滑彈牙，配埋薑蔥蓉、黑醬油同酸辣汁，唔同口味咁提升咗海南雞嘅層次🐓無骨海南雞跟餐仲會配埋油飯例湯，佢哋既油飯竟然係用荷葉包住上，開頭仲以為係上錯糯米雞俾我😂荷葉包住油飯除左有雞油香味仲增添左淡淡荷葉味🍚估唔到油飯都可以咁煮好好味，果然係呢度既招牌菜⭐️ - 海味雜菜煲 $138 原個瓦煲上既海味雜菜煲，海味有蝦🦐、魷魚🦑、蝦米、冬菇🍄‍🟫，墊底仲有菜心、生菜同粉絲，佢地係個底度完全吸哂啲海味既鮮味，用黎送飯一流🥘 - 脆脆華田 +$10 叫左杯脆脆華田做甜品，阿華田上面仲有大大pat cream同阿華田脆脆，層次豐富好有口感，真係要係茶餐廳先可以飲到呢啲特飲🥤

原條魽魚 $288 烤魚總共有4款味道揀，三款辣一款唔辣。鐘意食辣既我梗係揀重慶麻辣烤魚🐟湯底就揀左中辣❤️‍🔥落單時店完好細心提醒我烤魚份量比較大，建議我食食下覺得唔夠先再加餸，開頭都係到諗烤魚唔會好飽姐，仲諗住加啲肉，點知一上菜咁大條真係嚇親我，真係抵食到爆😮一黎到就聞到又香又麻既味道，愈滾味道就愈出，店員教我地食左側邊滾起左既魚肉先，魚肉質地好滑，而且無乜細既魚骨，麻辣味好正宗，唔會淨係得個辣字😋本身烤魚都有配菜，例如酸菜、白蘿蔔、娃娃菜、芫荽等等，全部滾到入哂味好刺激😂最後我哋真係冇加其他肉類，只係叫做白飯同闊薯粉，已經飽到攬住個肚走，估唔到屋村入邊有啲咁嘅隱世美食，仲要隔離就有停車場🅿️等我下次再試佢地既雞煲同酸菜魚先🤤

還原靚靚桃膠鍋 $318 其實係養顏藥膳桃膠美人鍋，淡淡既藥材味唔會太濃，好多桃膠同埋有紅棗竹笙係入面，絕對係打邊爐嘅好選擇！叫桃膠鍋湯底仲會配埋一份花雕花膠醉雞，雞同花膠大大舊已經醃左好入味🐔 - 手切雪花牛頸脊 (小) $248 薄切牛頸脊最岩打邊爐，淥幾秒拎上黎就食入口即溶，仲好濃牛味🥩 - 橡果豬 $138 橡果豬肥瘦適中，最岩唔食牛既朋友仔😆 - 手打花枝丸 $88 手打花枝丸上面仲有好多粒粒蟹籽，食落彈牙又有卜卜口感😛 - 菜芯苗 $38 菜比平時出街食既新鮮，翠綠無渣👍🏻 - 冰糖桃膠紅棗糖水 估唔到食完店員默默為我地送上免費糖水，仲要係岩哂女士既桃膠紅棗糖水，打完邊爐即刻有得潤一潤好細心😌

- 大尊 $49 選擇困難症人士必選，大尊咩都有啲唔洗自己揀😂入面有豬紅、蘿蔔、咖哩魚蛋、紅腸、豬皮、菜，麵底可以揀油麵/幼麵/粗麵/ 河粉/米粉/米線，我食車仔麵就9成9都揀米線🤣每款餸份量都幾多，最鐘意就係佢個咖喱魚蛋夠入味，同埋蘿蔔好淋又無根👍🏻湯底就揀左招牌咖喱汁中辣，其實佢食落口就唔算好辣，不過就好嗆喉會好易咳，大家食既時候唔好低估個辣度🔥重點係個咖喱汁真係好香好好食，建議第一次黎一定要試⭐️ - 自選 $46 自選就揀左豬大腸、魚皮餃、冬菇、油麵、咖喱汁小辣，唔太食得辣人士叫小辣就岩啦！同樣啲餸全部都好入味，特別係豬大腸夠肥美，下次黎我都會再叫😋 - 罐裝汽水 $10 留意返呢間分店係無水吧，但都有罐裝同樽裝飲品🥤 - 食完仲可以買走自家製嘅麻辣及咖哩醬，每樽$80，鐘意食既朋友仔唔好錯過啊🫙

芫荽皮蛋滑豆腐湯 $138 芫荽皮蛋豆腐湯個精髓就係芫荽💚佢除咗有皮蛋豆腐之外，仲有超級爆多芫荽🌿岩哂荽人一族😂湯底入邊仲有竹笙同菇類好豐富架🍲 - 頂級靚肥牛(M) $198 一上嘅時候就見到啲脂肪分布得好靚，明顯地餐廳係揀高品質嘅靚牛肉🐮食落好濃牛肉味，肥瘦適中👍🏻 - 黑松露餃(4隻) $68 黑松露皮薄餡靚🥟好香黑松露味🖤最鍾意佢有大份同細份揀，一大班朋友可以揀大份開心share，少人又可以揀細分試多啲其他嘢😌 - 潮州魚蛋(4隻) $48 正宗潮州魚蛋，白魚蛋爽滑彈牙，無腥味🍢 - 金甲脆魚皮 $98 外貌協會打卡必點菜式📸有個醒獅頭做裝飾，仲識噴啲煙出黎💨魚片炸得脆口，仲有咸蛋黃碎包住，重口味之選☄️ - 稻庭烏冬 $38 打邊爐點都一定要點稻庭烏冬，因為完全可以吸收湯底嘅精華🤣 - 竹蔗馬蹄水(每樽) $88 飲返啲下火飲品，最緊要夠清甜夠凍🥤 - 記得一定要出去參觀吓佢哋個露台，無敵開陽靚景，唔食飯都可以同朋友上黎飲野，環境氣氛一流🌃