舅父仔火鍋專門店

營業中

休息中

極度推薦大家叫呢個二人餐！小食揀咗黃金炸魚皮，即叫即炸，熱辣辣上枱，炸得脆卜卜，唔會過油，入口仲帶有淡淡嘅鹹香味，炸魚皮表面嘅黃金色澤睇落十分吸引，配埋店家特製嘅蘸料，成個體驗好有層次感，誠意滿分！鍋底有隱藏升級菜單，加$90，將鍋底升級做半隻雞嘅雞煲。超值！雞肉煮得嫩滑入味，湯底濃郁，雞油香氣撲鼻，必叫！肉類方面簡左極品封門柳，呢個真係質素好高！牛肉切片厚薄適中，肉質鮮嫩，帶有自然嘅鮮甜味。浸入滾燙嘅雞煲湯底6至8秒，肉片就岩岩好，食落口感豐富，絕對係肉類之選，份量仲十分大份，超滿足！另外仲試咗鮮蝦雲吞同黑松露豬肉餃。鮮蝦雲吞內餡飽滿，蝦肉鮮甜彈牙，而黑松露豬肉餃就香氣十足，黑松露同豬肉完美結合，唔會膩。仲有手打鮮蝦丸併墨魚丸，兩款都好爽口好好味，好大粒！烏冬亦係一大亮點！將烏冬喺雞煲轉邊爐前放入湯底，用少少水煮熟，烏冬吸飽咗濃郁嘅雞湯精華，口感煙韌，味道香濃，每條烏冬都吸收咗湯底嘅靈魂，真係一試難忘。