舅父仔火鍋專門店

營業中

休息中

精選二人套餐 $468套餐勁豐富，包小菜、一份肉、丸類餃類、豆腐、菜、麵、飲品另外仲追加咗一碟西班牙黑豚肉同埋黃金炸響鈴小食三選一，打邊爐一定要加炸魚皮嘅我當然係叫咗黃金炸魚皮閃閃發光唔止賣相靚，咬落脆卜卜，好似薯片咁會有聲每舊都滿鹹蛋黃香又唔膩好食到等唔切鍋嚟已經食晒特濃沙嗲湯鍋超香嘅沙嗲味，中意沙嗲嘅必試無論同肉、菜、麵類都勁夾幾乎無點過醬，因為個湯已經好正就算之後加湯都係咁好食，因為會越煮越濃好多芽菜肉類三選一，淨係牛肉都已經有兩種可以揀極品封門柳(小)一望已經睇得出啲牛肉好靚份量仲一啲都唔小，兩個人食好滿足唔洗打架XD職員話淥6-8秒就食得當然要聽專業嘅意見厚薄適中，雪花均勻肉質夠嫩滑，好濃郁嘅牛肉味手打丸雙拼(4選2)揀咗墨魚丸同埋豬肉丸豬肉丸係MVP!!如果唔係已經好飽勁想encore一睇就知兩種丸係真材實料手打出嚟食落有咬口彈牙第一次食手打豬肉丸所以超驚喜自家製餃子雙拼(4選2)鮮蝦雲吞同鮮蝦水餃每件入面都有原隻鮮蝦真皮薄饀靚百福豆腐有成盒，好滑時令蔬菜紹菜，索晒啲沙嗲湯勁好味主食二選一沙嗲湯一定係食公仔麵，依度仲係出前一丁超開心，仲比埋包粉你完全唔需要落，沙嗲加麵係最正

邊爐愛好者注意啦!!😌有好嘅火鍋店介紹～琴日去咗深水埗呢間舅父仔火鍋專門店雖然餐廳嘅定價中上 但係食物質素絕對唔馬虎2個人食咗大概$800 (其實二人餐都夠食 但係兩個人眼闊肚窄 額外叫咗配料&甜品結果真係飽到捧住個肚走🤣)先講個湯底 我哋揀咗鴛鴦湯底 另加$50揀咗2款湯底 都非常夠味而且足料👍🏻👍🏻1️⃣藥膳花雕湯鍋 一上枱已經聞到陣陣花雕酒香 同藥材味🤤個湯底滾起之後 啲藥材味更加出 開始食之前 飲咗一啖 感覺好滋補 不過夏天都唔敢飲太多 怕滋補得滯🤣2️⃣揀咗款清清地嘅 芫荽皮蛋豆腐湯勁多芫荽 芫荽愛好者表示心心眼😍配埋皮蛋 簡直係一絕!! 仲有我最鍾意食嘅豆腐 好滑~~講到配料 真係要讚吓啲食材夠晒新鮮🤩🥢香炸魚片頭 金黃色 外邊灑上一啲應該係椒鹽嘅調味粉 雖然唔算好彈牙 但係咬落去嘅口感都唔錯 餐前小食嚟講算係幾好～🥢極品封門柳估唔到二人套餐嘅牛肉都有咁多份量😍份量多到唔使爭食🤣 (店員介紹淥6至8秒食得)封門柳 味道濃郁 口感軟嫩 食完一片又一片😋🥢手打丸雙拼 我哋揀咗鮮蝦丸&鯪魚丸啲丸都好彈牙 好夠味 食得出”真”手打&新鮮🤤唔會好似出面啲丸咁得個樣…特別係鮮蝦丸😍非常推薦大家

今日經過深水埗見到有間火鍋好吸引，於是忍唔住入去試吓睇吓係咪真係咁好食！黃金炸魚皮炸得金黃酥脆，入口即化而不油膩。無論直接食定浸湯都超正，尤其配麻辣湯更添層次！ 四川麻辣湯鍋我揀左bb辣！湯底麻香濃郁，辣度適中，帶微微花椒香，唔會死鹹。一啖湯已經感受到正宗川味，涮肉同海鮮都超夾，愈煮愈香！ 美國手切肥牛（小）牛肉油花均勻，片得薄身，輕輕一涮就熟透，入口嫩滑帶牛香。鮮蝦丸/墨魚丸手打丸類彈牙到不得了！鮮蝦丸鮮甜爽口，墨魚丸帶粒粒墨魚肉，真材實料！鮮蝦雲吞/黑松露豬肉餃雲吞蝦肉飽滿，皮薄餡多；黑松露餃一咬爆香，松露味濃而不膩，兩款都係高質之選！ 蝦餅外皮炸得金黃酥脆，蝦肉彈牙，味道鮮甜。蘸少甜辣醬更惹味！黃金響鈴腐皮卷炸得鬆化，一咬即碎，豆香明顯。直接吃夠脆口，浸火鍋吸湯汁亦得，簡單但好味。 舅父仔火鍋專門店 (深水埗)深水埗福華街39號地舖

相信冇邊個香港人唔鍾意打邊爐，今晚嚟咗深水埗嘅低段小店舅父仔，食材新鮮高質，湯底冇誠意，服務又周到封門柳一望就知高質好食，牛味好香濃，厚薄得宜，口感好好魚片豆外皮脆卜卜，用咗椒鹽吊味，當小食定放湯打邊爐都咁好食手打蝦丸同墨魚丸同樣鮮味十足，爽口彈牙芫荽皮蛋豆腐湯底完全係煲住家湯，足料清甜，皮蛋仲有花紋，好高質鵝腸處理得好乾淨，口感爽脆，各類蔬菜新鮮嫩綠，百福豆腐好順滑鮮蝦雲吞同韭菜餃新鮮餡料滿滿，真正嘅皮薄餡靚，烏冬口綿密打邊爐飲竹蔗茅根水就啱晒，清甜降火調味配料充足套餐散叫選擇都多，價錢公道，性價比高，裝修同擺設帶點玩味，環境乾淨闊落好坐，冷氣又夠，大力推介

這間舅父仔火鍋專門店完全是一場味覺盛宴，讓人感受到火鍋的無窮魅力。首先揀咗雙拼湯底，特濃沙嗲湯鍋的香濃醇厚與藥膳花雕湯鍋的當歸香氣和花雕酒味的清香相得益彰，濃烈風味與滋補效果形成了完美的對比，令肉類更提鮮。火鍋配料方面，極品封門柳的肉質軟嫩帶嚼勁，牛味濃厚。中山脆肉鯇爽脆肉厚，鮮嫩美味。鮮蝦雲吞和黑松露豬肉餃更展現了店家的用心，雲吞皮薄餡多，蝦肉大隻兼彈牙，香味濃郁；豬肉餃內餡飽滿多汁，每一口都感受到肉香與黑松露的獨特風味。手打鮮蝦丸彈牙鮮甜，墨魚丸則帶海洋的鮮味，同樣表現出色，令人一試難忘。牛黃喉和牛脷芯也值得一試，特別是牛黃喉的脆口感，令人回味無窮。而香炸魚片頭外脆內軟的雙重口感層次令人上癮。特別推薦黄金炸魚皮，十分酥脆香口，蛋黃香更讓人欲罷不能。而飲品竹蔗茅根水清甜解膩，正好平衡火鍋的濃郁。整體而言，這店不僅食物新鮮，湯底和食材都用料十足，味道亦好有水準，而且服務態度一流，十分貼心，是深水埗區水準極高的火鍋之選。

最近同朋友行完街之後，喺深水埗發現咗一間質素超高嘅火鍋店😋我哋叫咗一個精選二人套餐，$468包哂小食、鍋底、肉類、丸滑類、時菜、主食，簡直物有所值🤩🌟竹蔗茅根 🌟 餐廳首先會遞上飲品，我哋叫咗竹蔗茅根水，清熱解毒😆🌟 黃金炸魚皮🌟魚皮炸得好脆，配埋鹹蛋黃醬，雖然好邪惡，但係真係好食到停唔到😋如果想冇咁熱氣仲可以浸一浸湯底😆🌟芫荽皮蛋豆腐湯🌟芫荽味好濃郁，睇得出係攞真材實料；啱晒芫荽控嘅我😆仲有超多滑豆腐😍🌟極品封門柳（大）🌟上枱嘅時候夠晒震撼，有足20片牛柳，脂肪比例均勻，每片碌八至十秒，全部都好嫩，牛味濃郁，食完一片又一片🤩🌟 手打丸雙拼 蝦丸 墨魚丸 🌟 丸類全部都好彈牙，食得出墨魚粒和蝦粒，手工製造，絕對落足料😆🌟 自家製餃子雙拼 鮮蝦雲吞、黑松露豬肉餃 🌟 雲吞皮薄餡靚；黑松露豬肉餃之前冇乜食過，都幾特別，黑松露味好突出😌套餐入邊仲有時菜、豆腐同埋稻庭烏冬，夠晒滿足😋🌟卜卜蜆🌟套餐之外，我哋仲點咗卜卜蜆，隻隻都新鮮大隻，抌落鍋開晒口，全部都鮮甜冇沙，值得一讚 👍 整體而言，呢間餐廳食物質素高，值得再訪。

小編好耐無打過邊爐相約好姊妹去滾滾呢間店起深水埗同太子中間呢度提供超值二人、四人餐，散叫亦得最啱啲想慢慢食傾下飲下嘅知己良朋來小編點咗個二人餐再另加咗碟椒鹽雞軟骨碟雞軟骨係招牌菜炸個粒粒黃金色香脆得黎食落唔覺油膩個皮好脆薄帶蛋味黃金炸魚皮呢碟都係招牌菜之一脆炸魚皮外圍薄薄包住咸蛋黃漿真係炸到好乾爽 啖啖都索索色由於好姊妹係讀中醫佢揀咗花旗參滋補烏雞湯鍋（半隻）個鍋一嚟到就知真材實料烏雞係女士補品雞肉好鮮嫩一啲都唔嚡個湯一啲都唔欺場有花旗參補氣、杞子明目、蜜冬滋陰補腎、玉竹清熱、紅棗補血成個湯係生津止渴、潤肺潤燥仲要額外比多一兜花旗蔘粉唔夠可以再落勁！平時打邊爐嘅湯小編絕對唔飲但呢個湯真係飲得，仲好好飲手打蝦丸同豬肉丸都係小編最喜歡蝦膠打得Q彈咬到蝦肉粒粒添好正手打豬肉丸又係打到起膠肉好彈牙一食就知係自家製好掂！肉就點了封門柳一嚟到色澤好紅潤好新鮮呢款肉嘅脂肪含量相對較低一焯就吃岀啖啖牛味正！仲有滑豆腐、唐生菜、稻庭烏冬烏冬超滑好好味餐飲跟兩罐汽水或者可以加錢要竹蔗茅根添調味配料主要有六款款款都係好新鮮最正就係個XO醬自家調配整體呢個餐性價比超高又坐得舒服唔趕客仲要店員個個都好Nice好

今日嚟到深水埗一間嘅火鍋店，呢間火鍋店都喺區裏面開咗多年，同朋友食服務質素唔錯，而且食物都幾高質，所以今次又約咗佢去呢間火鍋店度打邊爐！今次我哋兩個人，所以就叫咗精選二人套餐 ($468)。⭐️ 特濃沙嗲湯底呢度有多款湯底選擇，但係我自己就想試吓沙嗲啦，呢個湯底花生味非常濃郁香辣，味道層次豐富，而且店主好好佢驚你唔夠隆重會額外俾咗一碟沙嗲醬你等你自己可以再加重味道。⭐️ 香炸魚片類魚片外脆內嫩，炸至金黃，口感非常好，食落去好彈牙，只要簡單加少少調味料就已經好好食～⭐️ 封門柳肉類方面佢就有三款選擇，而我就揀咗佢嘅牛肉風封門柳，整體肉質都幾唔錯鮮嫩，搭配香料，食落好好味⭐️ 墨魚丸鮮蝦丸雙拼而我哋都揀咗丸既雙拼，佢嘅墨魚丸彈牙，而鮮蝦丸鮮甜，令人滿足！🍤⭐️ 鮮蝦餃 松露豬肉餃雙拼呢個雙拼組合真係絕配，鮮蝦餃滑嫩，松露豬肉餃香氣四溢，咬落去松露餃覺得好經驗，味道非常之香！⭐️ 時令蔬菜新鮮蔬菜色彩鮮綠，睇落去就係好新鮮，保持脆口感，搭配湯底食用，增加咗整體風味！🥦⭐️ 雞牌菇雞牌菇肉質滑嫩，吸收咗湯底的味道，食落去好滿足！🍄⭐️ 出前一丁沙嗲同出前一丁，簡直係好朋友，呢個出前一丁令我回味無窮，湯底搭配即

好姊妹相約食飯，一定傾不停，最好就係揀打邊爐一邊傾偈一邊享受美食，之前朋友食過呢間打邊爐，讚不絕口，環境坐得舒服，又不太嘈吵，食物新鮮有水準、仲要店員姐姐好親切有禮湯底種類選擇多，最後揀了蕃茄牛柳粒，牛柳粒入口濃郁牛味道，肉質煙靭有口感打邊爐又點少得午餐肉，炸過的午餐肉，非常味美、濃濃嘅蕃茄湯底，配上美味嘅響鈴，入口充滿濃郁的蕃茄湯，十分惹味食鵝腸最怕有腥味、處理乾淨、淥幾秒已經食得，咬落爽口彈牙西班牙黑豚肉、肥瘦適中韮菜餃新鮮美味、黑松露豬肉餃、黑松露跟豬肉做餃子味道十分夾豬肉丸夾入芝士口感更豐富、手打鮮蝦丸彈牙爽口、墨魚丸夾了鴨潤、咬落爽口帶點粉粉地又幾特別最後蓮藕片白菜吸晒湯精華、非常美味

今日收工去咗朋友住附近嘅火鍋店晚飯， 侍應姨姨安排左舒適卡位位置，熱情介紹餐牌我哋3人點咗蕃茄薯仔安格斯牛肉粒湯底， 食之前真係要飲一碗先，茄味濃郁清甜湯料十足白豬仔午餐肉我地揀左啲煎好上，直接食好香口或沾蕃茄湯食豐富味蕾西班牙黑豚肉薄切大大片，肉味新鮮，肉質夠軟黑松露豬肉餃，皮厚薄剛好， 餡料十足，肉汁同黑松露味突出流心豬肉丸，好特別，彈牙肉丸配流心黃，口感外彈內軟潤腸墨魚丸一樣鮮味彈牙，配潤腸又一肉丸之作手打鮮蝦丸，邊爐最鍾意就係丸類，蝦丸必點鮮味彈牙無失望仲有一樣唔少得就你脆炸響鈴， 新鮮即炸出嚟熱辣辣脆卜卜，浸湯一秒即食索晒湯汁精華呢到環境坐位舒適唔焗促，服務友善， 用餐時間充裕，又唔會催你走，推介想舒服坐低食下嘢慢慢吹下水嘅朋友仔

厭倦咗火鍋放題，想搵間高質素有靚食材嘅火鍋店，朋友住開深水埗帶我嚟食呢間。睇咗菜單，選擇都幾多元化，而且價錢都唔貴，深水埗真係臥虎藏龍嘅地方。職員安排咗我哋坐卡位，梳化座感覺舒適， 如果多人的話有大圓枱， 如果想私隱度高的話仲有包房。揀咗蕃茄薯仔湯，真係冇揀錯個湯底越煲越濃，酸酸甜甜勁開胃，入面仲有牛仔粒，可以慳返叫牛肉嘅錢😆湯底入面已經有牛肉粒，所以叫咗份豬試下， 豚肉片雪花均勻，油滋味香濃，肉質鮮嫩。鵝腸爽口彈牙，灼幾秒就食得，滿滿的鵝油香。職員勁細心，午餐肉有得選擇炸或者唔炸， 炸過嘅午餐肉更香口，打邊爐必吃之選。個湯底咁正一定要叫響鈴，又名一秒響鈴， 一個好味嘅湯底，絕對要配響鈴，吸湯一流。韮菜餃同黑松露餃，各有特色，餡料非常充足，真材實料，鍾意黑松露嘅要試下黑松露餃，食完之後滿口都係黑松露香味。咁濃嘅湯底配烏冬係一絕，幾飽都要點個烏冬食下。手功丸本人都很推介，新鮮打製，口感好彈牙，餡料有鵝肝醬，亦有鹹蛋黃，感覺都幾新穎，完全感受到餐廳嘅創意。

呢排先發現原來依度有間火鍋店上星期朋友嚟食推介我過嚟試吓呢間餐廳嘅二人套餐真是一個驚喜份量十足，有前菜有牛肉湯底手打丸同餃子豆腐烏冬都有香炸魚片頭炸得金黃酥脆，入口香口不膩，作為前菜非常開胃。竹蔗茅根水清甜解渴，完美平衡火鍋嘅熱氣。藥膳花雕湯鍋係今次嘅亮點，湯底濃郁，帶有淡淡酒香同藥材味，暖胃又養生。極品封門柳肉質鮮嫩，牛味十足，充滿牛肉嘅鮮甜，呢個大推介手打墨魚丸同鮮蝦丸彈牙爽口，滿滿手工誠意。韭菜餃同黑松露豬肉餃皮薄餡靚，都係自家包架。豆腐嫩滑入味。額外點嘅白鱔新鮮肥美，肉質細膩；響鈴則香脆可口，只需要一至2秒👍🏻👍🏻整體而言，套餐食材新鮮，味道豐富，配搭得宜，絕對係高質之選，值得一試再試！全程服務有熱情友善，見到好多熟客嚟食呢間一定會再返黎

待客有道形容晒呢間火鍋店，喺香港真係買少見少，呢間就係其中一間！由入門口到坐低食嘢，直至埋單走人，職員都有傾有講，好好招呼。食材新鮮，好味，個人最鍾意佢嘅餃子同埋封門柳牛肉，比出邊嘅火鍋店好味好多。另外佢仲有好多款酒俾客人選擇，好適合同朋友一路食嘢一路飲酒嘅人黎幫襯。放心，唔限時慢慢食。

冬天打邊爐，夏天又打邊爐，同老公一年四季都鍾意打邊爐。去開深水埗玩具街買玩具，經過呢一間個名叫舅父仔好特別嘅火鍋店，就入去試吓。我哋叫咗西班牙紅蝦刺身，同一個二人套餐，個二人套餐超抵食，只係四百幾蚊。紅蝦刺身超新鮮，連蝦頭汁都食埋。我哋揀咗金沙魚皮超正，佢係用鹹蛋黃即炸，上枱仲熱辣辣。牛肉就必要啦，我哋揀咗牛小排，超有牛味，件件雪花超靚，又嫩又冇筋。之後佢啲手打蝦丸，同埋墨魚丸都好正。我哋仲叫咗廣島蠔，每隻都超肥超新鮮。飲品方便我哋叫做竹蔗茅根汁，佢唔係工廠式飲品係見到有竹蔗同茅根係個樽裏面，應該係餐廳自己煲。佢哋嘅醬汁都好有heart，特別係個XO醬係餐廳自己烹調出嚟，勁正好足料。值得一提嘅係餐廳所有職員嘅服務都超好，係今時今日嘅香港真係好難得，好期待下一次再返去舅父仔打邊爐同埋試下佢哋嘅雞煲。

最近我和朋友到了一間位於太子深水步的火鍋店。精選二人餐開胃小吃我們首先點了香炸魚皮頭，外皮炸得金黃香脆，搭配的孜然粉讓它更加香口。火鍋的湯底我們選擇了胡椒豬肚湯鍋，湯底好重胡椒的辛香味。主菜蟹籽墨魚薄餅：這道薄餅的口感彈牙，但稍微油膩，有蟹籽的鮮味與墨魚的香氣。極品封門柳：肉質鮮嫩，份量唔少。手打丸雙拼（墨魚丸、鮮蝦丸）：丸子彈牙，鮮味十足。自製餃子雙拼（鮮蝦水餃、黑松露豬肉餃）：餃子皮薄餡多，包得幾好，唔容易散。百福豆腐：滑嫩，吸收了湯底的精華。時令蔬菜：打邊爐一定要有的。稻庭烏冬：烏冬吸附了湯底的香氣，口感彈牙。牛黃喉及牛白肉：兩種牛肉各有特色，牛黃喉的嚼勁十足，而牛白肉則鮮嫩無比，有牛油的香氣。套餐都包兩罐汽水。總體來說，這家火鍋店的精選二人餐唔錯，服務態度都好好。