竺扶大班燒味

營業中

休息中

雖然而家疫情嚴重，盡可能都可以減少外出食飯嘅機會。但係肥妹仔覺得如果做好自己個人衛生同埋有病唔好出街嘅話，外出用膳都唔係一個大問題。乳豬拼燒鵝  $188呢度話明出名係佢嘅燒味，肥妹仔又點會唔叫呀？肥妹仔叫咗呢一個乳豬拼燒鵝嘅例牌，上枱嘅時候熱辣辣 ，乳豬偏瘦，冇咩肥膏，乳豬皮燒到非常之香脆。而佢嘅燒鵝味道唔錯，肉質好嫩滑，但係肥妹仔就覺得有少少咸。無骨惹香燒雞飯  $48呢一個係店員靚姐強烈推介，佢話呢一度嘅雞扒飯係用咗蜜汁燒叉燒嘅做法去做，出面係食唔到。肥妹仔講到見到佢講得咁吸引，就叫咗一個嚟試!果然呢一個雞扒飯冇令肥妹仔失望，佢嘅雞扒做到好似蜜汁叉燒咁樣好嫩滑， 而且佢嘅飯係充滿住蜜糖汁，超好食。竺扶大班小炒王  $98小炒王係肥妹仔每一次去打冷或者食小菜嘅地方必叫嘅一個菜。佢呢個小炒王超級好食，佢嘅韭菜係好嫩，一啲都冇渣，而佢嘅配料都好豐富，有蝦乾，腰果，蝦仁，魷魚等等，食落去好濃味。肥妹仔係忍唔住叫咗個白飯嚟食。薑蔥爆魚腩  $88佢呢個爆魚腩係好惹味，佢嘅汁好濃，而且佢嘅魚腩好大塊，肉質好鮮嫩，將嗰啲魚腩先炸再炆，好好食。椒絲腐乳炒通菜 $68正常水準，唔錯。

平時午餐都好鍾意食燒味飯，由於最近係屋企食飯多，有時心郁郁都會想加啲燒味。見到呢間好多人斬料，入面都坐左好多人，當然因為政府限制每一台嘅距離要相隔一啲距離，但都應該真係好好食嘅燒味先有咁多人。鍾意試多啲唔同野，就揀一款四拼燒味四喜臨門燒鵝/叉燒/切雞/油雞$128真係幾正喎！燒鵝你會見到佢果皮紅卜卜，令立立，叉燒顏色都好靚，半肥瘦正合我意，切雞油雞味道唔同但係肉質都好滑！鹽香手撕雞$68最後加多一款手撕雞，估唔到咁大盒，幾抵食，鹽味都調配得幾好，唔會太鹹，係攞嚟送飯係好match！

最近唔出街食飯，就變咗間唔中叫外賣或者斬料加送，費事乜都自己煮，方便好多。見到佢個燒味列表真係超多超吸引呀，但係竟然賣晒我最鍾意食嘅燒腩仔，估計真係太搶手啦⋯有啲可惜，咁就食燒鵝⋯燒鵝上庄138 元大概係¼隻燒鵝，你會見到佢個皮立立令，燒得可以，質感都唔會鞋，要來送飯一流，加埋佢個醬汁甜甜地好開胃！半斤叉燒68元雖然淨係叫咗半斤叉燒，但係其實已經好夠食，而且佢嗰個蜜汁真係好香甜，質感半肥瘦，要來送飯都係好適合！係屋企加多碟炒菜，煮啲白飯就已經夠食～睇佢餐牌其實都有好多燒味飯，價錢都合理，如果屋企係「無飯」煮義都可以揀燒味飯，不過相信一定屋企啲飯更加靚嘅。

好耐冇出過街 今日去開灣仔，就順便食埋lunch經過街市有間新開燒味鋪 整間裝修金光閃閃 好光猛 自己又好耐冇食燒味 就入左去啦 呢到除左燒味外 都有得食唔同港式小菜 好似豉椒炒蜆 滑蛋叉燒飯仲有竺扶大班特餐 黯然銷魂飯 我地就點左個黯然銷魂鴛鴦飯 同 雙拼 古法燒鵝 + 燒腩仔 有別於 平時食到嘅 黯然銷魂飯 呢個鴛鴦飯 除左有叉燒 煎蛋 仲有雞扒 之前真係未食過呢種配搭 超正！ 最啱我呢啲食肉獸！當中嘅叉燒好有驚喜！ 冇諗過燒得咁好食！ 半肥瘦 唔會柴皮 之外，叉燒邊仲係燒到脆脆真正外脆內軟！ 一試難忘！另一個重點 就係個汁！唔係普通豉油，呢個飯用左燒肉汁加鳯凰辣汁 超級惹味 胃口大增！勁想添多碗飯呢！ 黯然銷魂 已經好食到暈呢到係燒味舖 個雙拼燒味飯當然都唔失色啦！古法燒鵝 皮脆不在話下 仲好啖啖肉 燒腩仔 一食落卜卜脆 肉都不會太肥太瘦 好正 食到好滿足 俾錢嗰陣發緊收銀嗰到放左唔少獎杯 原來間餐廳係由藍帶總廚主理！真係街坊廚神啊！ 下次一定再嚟！ps 入去餐廳 店員會幫食客量體溫 亦提供酒精洗手液 亦都遵守政府規定 只招待一半人數食客 享受美食之餘 絕對食得安心

以前成日出街食飯，但係因為疫情所以少咗好多，但係又唔想餐餐都自己喺屋企煮，就變咗間唔中都會出去買外賣或者斬料加送～半隻切雞$78 你會見到佢色澤好靚，而且口感的確非常滑，食得出係好新鮮，而且師傅刀工了得，切得好工整！半斤燒腩仔$68燒腩仔又係好正，新鮮出爐，肥瘦嗰啲脂肪比例適中，亦都唔會太鹹，口感同口味都一流，加埋芥末醬就更加fresh！暗然銷魂飯$55最鍾意就係佢呢度個半肥瘦叉燒，甜甜地，送飯一流，而且個表面色水靚靚，燒得好！加埋入面有比賽同埋有隻太陽蛋加啲豉油，輕輕鬆鬆又有豐富嘅一餐！

最近灣仔有間燒味有好多人都話好正，今日就一於叫外賣自取返屋企食！餐牌唔算話太貴，佢有斬料燒味，或者如果連飯都唔想煮就直接叫燒味飯攞返屋企。 最尾揀咗三款飯黯然銷魂鴛鴦飯$65半肥瘦叉燒加煎蛋加雞扒大將燒肉汁+鳳凰辣汁（秘製）都真係幾吸引，特別係佢個鳳凰辣汁，同個叉燒真係好夾！而且半肥瘦真係特別好食，煎蛋亦都可以揀太陽蛋或者熟蛋，我就覺得太陽蛋可以篤穿佢撈飯口感更佳 ！雞扒亦都比想像中滑～燒鵝五寶飯（燒鵝，叉燒，燒腩仔，玫瑰紅腸，鹹蛋半隻） $80想試多啲唔同嘅嘢食，就揀個五寶飯，燒鵝都可以啦，最好食都係叉燒同埋燒腩仔，肥瘦適中，好豐富！！冰燒無骨鳳凰雞$48燒雞都好滑好正，雖然冇叫到平時食燒味飯比較常見嘅切雞或油雞，但係估唔到呢度啲雞扒都比想像中出色！

見到新開嘅燒味店忍唔住入去買啲外賣、呢度嘅叉燒同燒肉我覺得係超級正。可以媲美好多大型品牌，尤其是佢嘅叉燒味道適中而且肥美店既裝修都幾有特色，雖然要轉入內街，但係感覺乾淨衛生而且門口都大師傅們工作嘅情況可以睇住所以可以了解到佢哋唔同嘅招牌嘢食。佢仲有燒乳豬或者燒鵝呢啲特別嘅燒味可以買唔係好多店有得買㗎，另外見佢有好多唔同嘅套餐啱晒一家大細想食唔同嘢食嘅你哋。而且門口職員非常之熱情，門口仲明碼實價擺着一啲餐牌大家非常容易選擇。

某日食過屋企人斬料加餸嘅乳豬一試難忘，難得乳豬入味又唔會肥膩，暗暗下決心要大手買返嚟狂食，今日收工順路就去做吓大豪客。1/4隻乳豬 ($168)同乳豬相拼相比，¼隻乳豬份量多咗一倍，終於唔使就住就住都夠食。 乳豬皮依然香脆，肉質嫩滑唔會乾又入味，就連中間肥膏都好乾爽一啲都唔油。 但無可避免地買得多就會分到排骨位置，對比起雙拼啖啖肉完全冇骨，食落反而冇咁爽，下次都係買返雙拼份量就算。落單之前偷聽到街坊大讚琴日試完叉燒好正，今日又黎encore，忍唔住跟機買咗半斤叉燒($68)。 兩排叉燒肉質有少少分別，一半比較軟冧，另一半口感較彈牙。 雖然肥膏唔多，但都好軟熟唔會乾。 最鍾意食到叉燒有少少窿邊，超級香口，醃料亦都十分惹味，送飯一流。同傳統燒味鋪相比，幾欣賞呢度嘅老細同燒味師傅都比較後生，感覺幾注重衛生，買都買得安心啲。 尤其欣賞收銀處有消毒搓手液，埋單後可以清潔下，感覺良好。

🍽 去開灣仔街市，路過見到一間新裝修，非常光猛的茶餐廳，主打最近流行的'黯然銷魂飯'，便入去試一試。茶餐廳細細間，有三個夥記，好足夠人手，夥記服務好，笑容好，好識推介，服務一流，讚👍。🍙 餐牌上有三個推介， 全部都點咗，黯然銷魂飯，醬汁真係好得，🐷叉燒半肥瘦，又淋又鬆軟，顏色好靚，賣相吸引，我鍾意佢唔太鹹，不太甜，啱我口味，配上 🍳煎雙蛋(流心蛋)，煎得非常香脆，把流心蛋黃，加上叉燒醬汁撈飯食，又香又好味，阿仔一大碗飯全部食曬 ，我轉咗瀨粉河粉，唔使加錢，啱曬唔湊米氣的我。🐓 冰燒鳳凰雞，其實係雞扒，個醬汁同黯然銷魂飯的一樣， 好味道， $48 好抵食，店員特別推介🌶鳳凰辣汁，可惜我唔食辣。🐖 除此之外，小食都唔錯，我最鍾意食沙薑豬手，只是$38，切成細細粒，好容易食，不油膩，最啱斯文的我，沙薑又香又入味😋。

最近受疫情影響都減少外出用餐，但下班之後煮飯又有點辛苦和趕時間，所以燒味便是一個好選擇，你在家中只需煮飯和菜便可，大大減少了時間，既可安在家中又可以輕鬆煮飯。最近都在買不同的燒味回家，這天剛好去灣仔就試了這間竺扶大班燒味。位置於地鐵站附近，非常方便。 環境非常乾淨，跟平日街坊店的感覺不一樣。點了燒鵝+燒腩仔雙併。現在做優惠$108很便宜。 燒腩仔外皮香脆，肥膏及肉的比例適中，肥而不膩。 燒鵝啖啖肉，外皮香脆中帶點油香，肉汁豐盛，鵝香撲鼻，而且配搭的醬汁酸甜美味，不是一般的味道，我非常喜歡。當然少不了叉燒。 叉燒邊位烤得焦香，肉質軟熟，肥瘦比例適中，蜜味足夠，超美味。整體食物和服務態度都非常好，加上最近還是留在家中比較好，所以一定會再去。

疫情下又經過附近所以單獨去支持一下，見報章介紹其燒味出色。四人枱本已不大，坐下後女侍應三番四次叫其他客人撘枱，枱與枱之間距離明顯不足1.5米，明白生意要緊，但疫情下更應顧及食客健康。燒味（叫了燒腩仔油雞）味道可以，但以$60雙併的午餐來說，份量較少。之後應該不會再來了

阿仔話好耐冇食燒味飯，網上見到好多人推薦呢間餐廳，便特登過嚟食。間餐廳係呢個小街最金碧輝煌門面嘅餐廳，裝修此新式茶餐廳。呢度主打燒味，叉燒最出名，所以叫了必食嘅黯然銷魂跟瀨粉，以$55你講叉燒份量好多，比其他餐廳多左¼，叉燒燒得入味，唔會太甜又唔會太鹹，就算瘦叉燒位置亦好淋，亦有咬口，大部份叉燒肥瘦適中，食多啲亦唔覺肥膩。阿仔食黯然銷魂鴛鴦飯，即係叉燒加燒雞飯，佢哋嘅燒雞亦好有特色，都係用叉燒醬燒，差啲仲以為嚟錯咗三碟都係叉燒飯，加埋佢哋特色嘅辣醬鳳凰辣汁，更加開胃。拍青瓜水準合格，份量亦算多。沙薑豬手粒係抵食之一，$38 有2隻豬手，味道亦不錯。最難得是全部員工服務態度非常好，好用心又關心客人。

今日要去灣仔交收，交收完就搵外賣買翻屋企食啦，呢間係灣仔街市左近既燒味餐廳都幾靚仔，聽到有下午茶就去望望😂裝飾幾新淨有d懷舊feel，店員衛生意識幾高，買外賣都要消毒very good👍🏿燒鵝飯都係41蚊，買左盒，下午茶份量都唔少，夠哂我食，燒鵝皮都幾好味，少少肥更加香！正！另外買多左盒燒味3拼翻屋企加料，有叉燒，燒肉，切雞！叉燒有燶邊，半肥瘦，燶邊最好食！仲要勁淋又甜好好送飯！另外燒肉皮超脆，好似薯片咁，又唔太咸，相當不錯！切雞皮滑，薑蓉又好撈飯🤣

今日政府餐飲業防疫新例實施首天，減少出街但都要食飯。 竺扶防疫做到足，入內先消毒及探熱，座位盡量分開，算係對食客負責。 值得一讚。門口已見到啲燒鴨、叉燒好吸引，睇到洗口水。今次試左燒腩仔、燒鴨、叉燒。 我個人覺得燒鴨最出色，鴨皮燒得香脆濃郁，肉質彈牙，以$50~$60價錢而言，性價比合宜。 而叉燒同樣香甜，但俾左肥叉我，我不喜歡太肥，下次可以叫佢俾瘦叉我，再試真啲。 當然燒味個飯底好重要，有冇誠意就要睇個飯，佢個飯香軟，用靚米 (雖然我唔知咩米)，配上啲燒味汁，已經好滿足，而雙併飯，飯量有點太多，下次叫少飯， 美少女叫半飯都足夠。

我之前喺Instagram度見到呢一間燒味啲相好似好靚 個叉燒啲顏色好似正到不得了咁 就趁lunch time同同事一齊嚟試左😈·暗然銷魂鴛鴦飯$65我本身冇諗住嗌一個咁貴嘅燒味飯㗎 但係咁岩我哋搭枱對面嗰兩個女仔嗌左 佢一上枱係超靚 所有燒味都好似glazed左咁🙊之後我就忍唔住都嗌左呢個咁大份量嘅deluxe版燒味飯🤤佢完全冇令我失望 尤其係佢個叉燒 我自己真係好鍾意 佢個叉燒係做到真係剛剛好半肥瘦 每一舊都超好食 完全唔會乾 而且個汁係甜甜地 勁啱我口味 之後佢個雞扒都好食嘅 但係我覺得相對於叉燒就比較遜色啦 之後佢個煎蛋係流心架😭😭佢啲蛋液🤤🤤·霹靂燒腩仔飯$48因為我哋嗌左個咁大份嘅鴛鴦飯所以我哋另一個就嗌左單拼啦 佢個燒腩仔又係超好食🤤🤤個皮勁脆同埋啲肉質都好好 唔會過鹹 我幾鍾意😍我覺得呢間燒味舖真係超岩我口味 而且佢個presentation做得勁好 啲燒味嘅色澤勁靚 係一望到就超有食慾 超開心😂😂·📍灣仔三角街2-3號華欣閣地下3號舖