竺扶大班燒味

營業中

休息中

某日食過屋企人斬料加餸嘅乳豬一試難忘，難得乳豬入味又唔會肥膩，暗暗下決心要大手買返嚟狂食，今日收工順路就去做吓大豪客。1/4隻乳豬 ($168)同乳豬相拼相比，¼隻乳豬份量多咗一倍，終於唔使就住就住都夠食。 乳豬皮依然香脆，肉質嫩滑唔會乾又入味，就連中間肥膏都好乾爽一啲都唔油。 但無可避免地買得多就會分到排骨位置，對比起雙拼啖啖肉完全冇骨，食落反而冇咁爽，下次都係買返雙拼份量就算。落單之前偷聽到街坊大讚琴日試完叉燒好正，今日又黎encore，忍唔住跟機買咗半斤叉燒($68)。 兩排叉燒肉質有少少分別，一半比較軟冧，另一半口感較彈牙。 雖然肥膏唔多，但都好軟熟唔會乾。 最鍾意食到叉燒有少少窿邊，超級香口，醃料亦都十分惹味，送飯一流。同傳統燒味鋪相比，幾欣賞呢度嘅老細同燒味師傅都比較後生，感覺幾注重衛生，買都買得安心啲。 尤其欣賞收銀處有消毒搓手液，埋單後可以清潔下，感覺良好。

🍽 去開灣仔街市，路過見到一間新裝修，非常光猛的茶餐廳，主打最近流行的'黯然銷魂飯'，便入去試一試。茶餐廳細細間，有三個夥記，好足夠人手，夥記服務好，笑容好，好識推介，服務一流，讚👍。🍙 餐牌上有三個推介， 全部都點咗，黯然銷魂飯，醬汁真係好得，🐷叉燒半肥瘦，又淋又鬆軟，顏色好靚，賣相吸引，我鍾意佢唔太鹹，不太甜，啱我口味，配上 🍳煎雙蛋(流心蛋)，煎得非常香脆，把流心蛋黃，加上叉燒醬汁撈飯食，又香又好味，阿仔一大碗飯全部食曬 ，我轉咗瀨粉河粉，唔使加錢，啱曬唔湊米氣的我。🐓 冰燒鳳凰雞，其實係雞扒，個醬汁同黯然銷魂飯的一樣， 好味道， $48 好抵食，店員特別推介🌶鳳凰辣汁，可惜我唔食辣。🐖 除此之外，小食都唔錯，我最鍾意食沙薑豬手，只是$38，切成細細粒，好容易食，不油膩，最啱斯文的我，沙薑又香又入味😋。

最近受疫情影響都減少外出用餐，但下班之後煮飯又有點辛苦和趕時間，所以燒味便是一個好選擇，你在家中只需煮飯和菜便可，大大減少了時間，既可安在家中又可以輕鬆煮飯。最近都在買不同的燒味回家，這天剛好去灣仔就試了這間竺扶大班燒味。位置於地鐵站附近，非常方便。 環境非常乾淨，跟平日街坊店的感覺不一樣。點了燒鵝+燒腩仔雙併。現在做優惠$108很便宜。 燒腩仔外皮香脆，肥膏及肉的比例適中，肥而不膩。 燒鵝啖啖肉，外皮香脆中帶點油香，肉汁豐盛，鵝香撲鼻，而且配搭的醬汁酸甜美味，不是一般的味道，我非常喜歡。當然少不了叉燒。 叉燒邊位烤得焦香，肉質軟熟，肥瘦比例適中，蜜味足夠，超美味。整體食物和服務態度都非常好，加上最近還是留在家中比較好，所以一定會再去。

疫情下又經過附近所以單獨去支持一下，見報章介紹其燒味出色。四人枱本已不大，坐下後女侍應三番四次叫其他客人撘枱，枱與枱之間距離明顯不足1.5米，明白生意要緊，但疫情下更應顧及食客健康。燒味（叫了燒腩仔油雞）味道可以，但以$60雙併的午餐來說，份量較少。之後應該不會再來了

阿仔話好耐冇食燒味飯，網上見到好多人推薦呢間餐廳，便特登過嚟食。間餐廳係呢個小街最金碧輝煌門面嘅餐廳，裝修此新式茶餐廳。呢度主打燒味，叉燒最出名，所以叫了必食嘅黯然銷魂跟瀨粉，以$55你講叉燒份量好多，比其他餐廳多左¼，叉燒燒得入味，唔會太甜又唔會太鹹，就算瘦叉燒位置亦好淋，亦有咬口，大部份叉燒肥瘦適中，食多啲亦唔覺肥膩。阿仔食黯然銷魂鴛鴦飯，即係叉燒加燒雞飯，佢哋嘅燒雞亦好有特色，都係用叉燒醬燒，差啲仲以為嚟錯咗三碟都係叉燒飯，加埋佢哋特色嘅辣醬鳳凰辣汁，更加開胃。拍青瓜水準合格，份量亦算多。沙薑豬手粒係抵食之一，$38 有2隻豬手，味道亦不錯。最難得是全部員工服務態度非常好，好用心又關心客人。

今日要去灣仔交收，交收完就搵外賣買翻屋企食啦，呢間係灣仔街市左近既燒味餐廳都幾靚仔，聽到有下午茶就去望望😂裝飾幾新淨有d懷舊feel，店員衛生意識幾高，買外賣都要消毒very good👍🏿燒鵝飯都係41蚊，買左盒，下午茶份量都唔少，夠哂我食，燒鵝皮都幾好味，少少肥更加香！正！另外買多左盒燒味3拼翻屋企加料，有叉燒，燒肉，切雞！叉燒有燶邊，半肥瘦，燶邊最好食！仲要勁淋又甜好好送飯！另外燒肉皮超脆，好似薯片咁，又唔太咸，相當不錯！切雞皮滑，薑蓉又好撈飯🤣

今日政府餐飲業防疫新例實施首天，減少出街但都要食飯。 竺扶防疫做到足，入內先消毒及探熱，座位盡量分開，算係對食客負責。 值得一讚。門口已見到啲燒鴨、叉燒好吸引，睇到洗口水。今次試左燒腩仔、燒鴨、叉燒。 我個人覺得燒鴨最出色，鴨皮燒得香脆濃郁，肉質彈牙，以$50~$60價錢而言，性價比合宜。 而叉燒同樣香甜，但俾左肥叉我，我不喜歡太肥，下次可以叫佢俾瘦叉我，再試真啲。 當然燒味個飯底好重要，有冇誠意就要睇個飯，佢個飯香軟，用靚米 (雖然我唔知咩米)，配上啲燒味汁，已經好滿足，而雙併飯，飯量有點太多，下次叫少飯， 美少女叫半飯都足夠。

我之前喺Instagram度見到呢一間燒味啲相好似好靚 個叉燒啲顏色好似正到不得了咁 就趁lunch time同同事一齊嚟試左😈·暗然銷魂鴛鴦飯$65我本身冇諗住嗌一個咁貴嘅燒味飯㗎 但係咁岩我哋搭枱對面嗰兩個女仔嗌左 佢一上枱係超靚 所有燒味都好似glazed左咁🙊之後我就忍唔住都嗌左呢個咁大份量嘅deluxe版燒味飯🤤佢完全冇令我失望 尤其係佢個叉燒 我自己真係好鍾意 佢個叉燒係做到真係剛剛好半肥瘦 每一舊都超好食 完全唔會乾 而且個汁係甜甜地 勁啱我口味 之後佢個雞扒都好食嘅 但係我覺得相對於叉燒就比較遜色啦 之後佢個煎蛋係流心架😭😭佢啲蛋液🤤🤤·霹靂燒腩仔飯$48因為我哋嗌左個咁大份嘅鴛鴦飯所以我哋另一個就嗌左單拼啦 佢個燒腩仔又係超好食🤤🤤個皮勁脆同埋啲肉質都好好 唔會過鹹 我幾鍾意😍我覺得呢間燒味舖真係超岩我口味 而且佢個presentation做得勁好 啲燒味嘅色澤勁靚 係一望到就超有食慾 超開心😂😂·📍灣仔三角街2-3號華欣閣地下3號舖

新型冠狀病毒疫情越來越緊張，為免交义感染，最近在家煮食，又或外賣都頻密了。灣仔街市一帶非常熱閙，人頭湧湧，怱然聽到「好靚燒味呀」的叫賣聲，探頭一看，幾時多咗間燒味店㗎！門前金碧輝煌吸引注目。側面擺放了四支插旗，大大隻字，明碼實價標明各種價錢。看過價錢，決定斬料加餸， 今日週末，懶得煮太多。金牌蜜汁义燒蜜汁惹味，肉質鬆軟，脂肪位不多，香甜而美味。冰燒鳳凰雞（無骨）雞腿拆骨起肉，享用時方便。賣相有點似义燒，連味道也有幾分似义燒。薄薄的雞皮，不油不膩，有香口感。肉質軟腍，調味恰到好處，伴飯一流。

真的沒有想過這間位處灣仔街市附近的燒味店，竟然是一間由藍帶總廚主理的食店。食店位於灣仔三角街，這裡的燒味每天新鮮出爐，看見店面掛著燒鵝、叉燒、油雞、乳豬等，真係看見也口水直流。餐廳除了供應主打的燒味外，亦有廣東式小菜供應，款式也不少，有蒸魚、小炒 ... 價錢十分大眾化。黯然銷魂飯（$55）👍👍👍👍👍半肥瘦的叉燒配煎雙蛋的黯然叉燒飯是我的最愛，這𥚃的厚切叉燒三分肥、七分瘦，加上少少的燶邊，再配合甜甜的蜜汁，十分惹味。還有兩隻飽滿的荷包蛋，淋上甜豉油，甘香的叉燒跟流心的煎蛋真係絶配。古井燒鵝上湯瀬粉（$52）👍👍👍👍👍這𥚃的燒鵝有個很特別的名稱，名為「金鐘罩」燒鵝，原來這𥚃的燒鵝是用一個「太空爐」烤箱烤成。出爐的燒鵝皮脆肉嫩，肉汁豐富，鵝香四溢，真係值得推薦，配合白飯或瀬粉，同樣美味。豉椒炒蜆（$88）👍👍👍👍吃過他們的燒味，也想試試他們的小菜，所以叫了一碟豉椒炒蜆。蜆的份量也不少，鑊氣十足，豉椒味道大大提升蜆肉的鮮味。門面內在環境餐牌

最近夜晚都少出去食飯，收工順路加料返屋企食，行入灣仔街市就聽到有個巷仔好大聲叫賣，引左我埋去睇睇。雖然燒味定價唔算好驚喜，見食評唔差都試下啦。乳豬拼燒腩仔 ($168)乳豬一向定價不菲，雙拼份量算幾足。 一入口就好滿意，乳豬皮脆肉嫩，超入味又唔會太咸，仲啖啖肉冇骨，唔點醬都好惹味。 相比之下燒腩仔就比較平凡，脆皮好夠味香口，但豬肉就較淡口，夠肥美既，如果自己落鹽再炒炒佢會好味好多。金牌蜜汁水叉燒 ($68) 半斤叉燒成日食，估唔到有驚喜。 肉質好腍，最鐘意窿窿地好脆好香口，好入味好餸到飯，半斤夠成家人食，好抵。見環境幾企理，可以Encore。

這個月出去食晚飯的次數，一隻手都數得晒。難得有朋友願意搵我食飯，當然揀間特別少少的餐廳😳朋友本身在灣仔上班，他推介去這間新開的燒味店，但店面和內部的裝潢都很光亮和乾淨，不像平時燒味店，不知道味道如何😚——————————🔹啫啫滑雞煲 $88朋友好想試煲仔小菜，就叫一個share🤪一上菜就見到好多煙，聞到很有穫氣香，雞件份量也不少😍 但雞件沒有甚麼味道，可能醬汁未能滲入雞肉😅而我特別喜歡煲內的豬潤，爽口入味，配飯就剛好😍🔸古法燒鵝+燒腩仔 $56來到燒味店，當然叫這裏的燒味👅 本身我最期待的是叉燒，想試到半肥瘦叉燒和甜甜醬汁...但店員表示已經賣完，只好叫其他😆 聽朋友講這間的燒鵝都好好食，所以再叫個燒腩仔～ 這裏的燒鵝真的有點不同，外皮脆肉質嫩，脂肪不多，還食到有淡淡的陳皮香，正☺🔹沙薑豬手粒 $38這個豬手粒未食已聞到沙薑香味，入口微暖，豬手皮不會太軟腍，反而會有點咬口，所以食到最後都唔會油膩，充滿骨膠原☺ 適合女士食😍

出左灣仔做野， 臨走時聽到（ 熱辣辣叉燒出爐）😚我小朋友超鐘意食叉燒，就決定今晚加料。黎到三角街就見到一間裝修得都幾靚既食肆，叫做竺扶大班燒味，員工著晒colorful 制服，裝修又金光閃閃咁， 非常吸睛，一眼就望見。見佢餐牌推介 冰燒鳳凰雞及 黯然銷魂飯 睇完都唔知係咩黎😂，就問下姐姐，原來係叉燒雞髀飯同埋叉燒太陽蛋飯。因為我係為叉燒而黎，就叫左呢2個推介，再配多合燒腩仔 燻蹄外賣返去屋企食。冰燒鳳凰雞，配左鳳凰辣汁食，辣辣地又幾似泰國酸辣鳳爪嘅汁，幾特別。黯然銷魂飯， 叉燒好淋好岩小朋友食， 太陽蛋煎得啱啱好 唔會好水好易穿，但又唔會老。好味到小朋友食完再添飯👍燒腩仔皮脆，咬落卜卜聲， 燻蹄好咬口，一陣就清晒得返個盒。

平日都有在附近買水果，早排發現橫街開了間燒味店，今晚先得閒去，雖然已經無咗之前見到的開張優惠，但價錢依然抵食而且好好味。兩個人兩個飯：D11 古井燒鵝化皮乳豬K3 黯然銷魂鴛鴦飯必食招牌黯然銷魂鴛鴦飯，所謂鴛鴦另一樣是雞叉燒，唔係普通嘅雞扒，選用特別部位，用玫瑰露酒及醬汁醃成，味道有少少似叉燒，非常特別，好吃。醬汁都非常特別自己調製嘅鳳凰汁，辣辣地幾香好開胃，配雞扒夾，仲有款濃郁味道的燒汁，送飯都幾好。小炒比較重口味，豉椒腐乳豬油渣之類，我哋選咗款最健康嘅雞油炒豆苖，嘩！啲雞油令到啲豆苗好滑，超正。

來個痛快滿滿港式燒味陣容，無論單點或煲仔家常小菜不僅速食或外賣自取也相對划算，乾脆式下單做餸也方便快捷小店「竺扶大班燒味」四周環境簡潔企理，油香鬆化乳豬五寶飯皮薄肉嫩，呈出內含(乳豬/油雞/叉燒/玫瑰紅腸/鹹蛋)五重奏拼出各有各滋味，憑出爐以肥瘦中等脆而不膩的味覺，嚼起來仔細肉汁連皮陣陣撲鼻兼賣相不禁令人增添無限食慾!招牌(古井燒鵝 -上莊)霸氣十足，鵝肉漲卜卜色澤油亮緊實感格外銷魂，相稱均勻入口會化，層層相間不乾柴，回家放涼外皮依舊不失色的確回味