竺扶大班燒味

營業中

休息中

燒味對我黎講係平常食極都唔會厭既港人至愛食物, 依間位於灣仔燒味人氣店, 午市經常大排長龍, 深受附近上班一族歡迎, 係依區數一數二既高質燒味餐廳餐廳用左古井燒鵝, 用自家祕制陳皮醬醃制, 完美還原古早味道, 黎到又點可以唔叫佢地既原隻至尊古井燒鵝脾拼油雞飯呢賣相吸睛而又肥美既燒鵝脾, 未食都已經聞到香味, 燒鵝外皮非常薄脆, 油香突出, 脂肪比例適中, 唔會太瘦或太肥, 燒鵝肉咬落軟熟之餘, 味道濃郁, 配埋個燒味汁咁食味道更加香, 以對比知名既深井燒鵝某餐廳, 的確唔輸蝕! 值得再黎encore, 油雞比想像中入味, 雞皮薄嫩帶Q彈感, 肉質嫩滑, 配埋薑蓉同飯一齊食好好味!另一碟係黯然銷魂飯, 即係半肥瘦叉燒加煎雙蛋, 配左餐廳既大將燒肉汁, 叉燒肥瘦相當適中, 入口軟熟帶油香, 配埋煎蛋汁拌勻咁食真係停唔到口, 但如果要我揀邊款值得再翻頭食, 我一定會揀燒鵝!店員服務同速度都唔錯, 落單後到送野食黎只係10分鐘內, 算係幾快手!

有朋自遠方來，梗係要帶朋友去食富有香港特色嘅燒味飯啦！今次就來到灣仔呢間極具人氣嘅燒味餐廳！星期日未夠6pm餐廳已經全場滿座！雖然要排一陣隊，不過好快就安排到入座🙈 聽講餐廳連平日午市都經常大排長龍，睇來亦同樣深受附近上班一族嘅歡迎啊～豉油雞+燒腩仔飯💰HK$56豉油雞嫩滑惹味，配搭埋蔥油，撈飯一流！燒腩仔好有驚喜，外皮酥脆，肉嘅部份肥瘦均勻得來又肉汁豐富，點埋自家秘製嘅芥末醬，整體感覺更加油而不膩～燒鵝五寶飯💰HK$88呢個五寶飯超豐富！有至尊古井燒鵝、銷魂叉燒王、燒腩仔、玫瑰紅腸同埋半隻鹹蛋！原來餐廳對古井燒鵝都非常講究㗎！首先會嚴選 5 斤半嘅手比雌鵝，然後再用自家製嘅陳皮醬去醃制鵝嘅內籠，最後就將古早味道完美咁呈現出來！銷魂叉燒王色澤誘人，外層略帶焦香，而且肥瘦均勻，味道甜中帶咸，令人回味無窮～是日靚湯💰+HK$6今日係老黃瓜赤小豆煲豬骨湯！老火湯味道鮮甜，仲有好多湯料添，果然係真材實料啊～餐廳用心製作每一樣食物，價錢亦相當合理，睇來呢到真係來香港必食嘅高質燒味餐廳！下次有朋友再來香港玩，一定會再帶佢哋來食啊～

今日去再灣仔做野午餐時間想食燒味🔥見到一間叫竺扶大班燒味大排長龍，坐無虛席而且排隊嘅好多都係上班族，應該幾受歡迎👍🏻👍🏻就唯有唔食住，等我完成埋工作先再去食去到下午茶時間終於有位🥳可以入去試下✨至尊古井燒鵝 + 銷魂义燒皇🪿🍗燒鵝肉皮薄多肉，鵝皮亦烤到好香脆🔥餐廳採用5 斤半嘅䧳鵝再用埋自家陳皮醬醃過內籠所以先咁好食👍🏻完全還原古早味道义燒半肥瘦，燒到燶邊好香口🔥而且色澤紅潤，食落滿滿肉汁又唔硬💦✨豉油雞燒腩仔🐔🍖🔥要雞脾（+$15)🍗燒腩仔望落肥肉分明食落皮脆肉嫩豬肉亦醃得相當入味👍🏻👍🏻肉質鬆化又多汁雞脾啖啖肉👍🏻而且皮薄肉厚食落好香雞油味又掛汁💦✨蓮藕淡菜綠豆煲豬腱湯🐽🥩兩碗都好足料，唔會淨係得水🍲飲落唔鹹又唔淡唔會係溝水煲出來仲有好濃肉香👍🏻✨凍奶茶🥤🧊走甜好大杯，飲完都成肚水餐廳由藍帶廚師主理主打高質嘅燒味👍🏻以呢個價喺灣仔食到高質嘅燒味性價比高🥳🥳餐廳侍應態度親切內部整潔企理雖然係下午茶份量但都夠我哋兩個人食

真係勁耐冇食過燒味飯啦😂 呢日勁想食啲高質素嘅叉燒，見到呢間人氣滿滿嘅燒味店，就排埋一份入去食返個靚飯🙂‍↔️黯然銷魂鴛鴦飯呢個名真係勁有氣勢，有三個選擇，每款都係人氣之選😮 我哋揀嘅呢個鴛鴦飯有齊半肥瘦叉燒同埋餐廳其中一樣招牌菜冰燒鳳凰雞🐥 冰燒鳳凰雞係冇骨㗎，啱晒我呢啲唔鍾意吮骨嘅人🦴 另外叉燒用上嘅大醬燒肉汁，送飯一流🐷 仲有煎雙蛋，不過我略嫌佢熟咗少少，如果係太陽蛋就更加啱我喇，個人真係好鍾意用蛋汁撈飯🍳燒鵝五寶飯呢個五寶飯排得勁靚，每款配料都有五件以上，都幾抵食👍🏻 勁推介大家食佢嘅至尊古井燒鵝，鵝皮嘅油份同埋實淨嘅鵝肉係超夾🪿 五寶仲包括咗銷魂叉燒皇、燒腩仔、玫瑰紅腸同埋鹹蛋半隻😋 真係夠晒豐富，燒腩仔嘅外皮，雖然有啲邪惡，但係我都忍唔住食晒😆老黃瓜赤小豆煲豬骨湯每日有一款例湯，今日呢個豬骨湯都幾啱我口味，有清熱嘅老黃瓜😗飲品♦️熱奶茶呢度雖然唔係港式嗰種絲襪奶茶，但係個紅茶都幾香。♦️凍檸茶味道唔會好甜，茶底都幾濃郁🍋果然真係超級有人氣，食完離開餐廳嘅時候出邊仍然大排長龍，如果想食嘅朋友記住早啲開餐🥢

灣仔一日遊接近尾聲，想去利東街睇聖誕佈置前食d野，咁就食個早少少嘅晚飯，見到間鋪頭排曬長龍，就梗係要睇下食乜咁厲害la，原來係賣燒味，招牌仲要係燒鵝添，咁就排下隊挑戰下港島區"竺扶大班燒味" 嘅燒鵝先⭐️黯然銷魂鴛鴦飯半肥瘦叉燒+冰燒鳳凰雞+煎雙蛋，大將燒肉汁+鳳凰辣汁叉燒半肥瘦，甜度啱啱好，味道好平均，冰燒鳳凰雞食落個皮甜甜地，雞肉食落唔un，個雞肉跟埋個獨特嘅醬汁，令雞肉食落與眾不同，又有另一番風味，煎雙蛋係流心嫁😍撈飯一流⭐️至尊古井燒鵝+燒腩仔佢嘅梅醬似係自家制，酸味重d，好啱我口味，酸d又可以解燒鵝嘅膩；腩仔嘅皮香脆鬆化，同埋佢個芥末同平時食落嘅味有d唔同，好食。另外，li度有瀨粉，轉黎試下先，個湯好熟悉，男朋友話係雲吞麵嘅湯底⭐️老火靚湯青紅蘿蔔豬骨湯，好足料，個湯好入味，飲落好清甜，飲到尾仲飲到陳皮味，好特別，好好飲😋⭐玫瑰豉油皇乳鴿燒乳鴿就食得多，豉油皇乳鴿真係第一次食，好入味，好鐘意li個口感同味道嘅乳鴿😍

唔怪得話係去香港必試的高質燒味餐廳今日去咗灣仔呢間超有人氣嘅燒味店，真係唔虛此行！平時午市呢度經常大排長龍，好多附近上班嘅朋友都鐘意嚟呢度食飯，皆因性價比超高。一嚟到，我就點咗必試嘅古井燒鵝。呢度嘅燒鵝嚴選5斤半嘅雌鵝，用自家祕制陳皮醬醃制內籠，一入口就感受到濃郁嘅古早味，皮脆肉嫩，油脂香同肉香完美融合，真係正到痹！我仲試咗至尊古井燒鵝拼銷魂叉燒皇同埋至尊古井燒鵝拼豉油雞。銷魂叉燒皇又甜又嫩，咬落去仲有少少焦香；豉油雞皮滑肉滑，雞味好濃。而且呢度加$6就可以有大大碗嘅老火靚湯，我今日飲嘅冬瓜薏米湯，料足味濃，飲完成個人都滋潤曬。總嘅嚟講，呢間店真係好抵食又好味，難怪成為去香港必試嘅高質燒味餐廳，下次我一定會再嚟！📍竺扶大班燒味(灣仔)灣仔三角街2-3號華欣閣地下3號舖

在人來人住的灣仔街市旁邊的三角街，有間街知巷聞的燒味餐廳。開業至今仍保持每日都人頭湧湧，每次經過灣仔想醫肚，必會選擇此店。🐷🍲黯然銷魂鴛鴦鵝油撈粗麵～厚切燶邊半肥瘦叉燒肉質豐厚鬆軟，外層焦香可口。無骨冰燒鳳凰雞肉質軟腍，香口不膩，配上鳳凰辣汁更加惹味。加$10可轉鵝油撈粗，與豬油比較，鵝油撈粗麵條更爽口，配合黑醬油，色、香、味俱全。燶邊煎雙太陽蛋可以說是畫龍點睛，令撈麵更多了重蛋香。🪿🐷🥣燒鵝配燒腩仔瀨粉～燒鵝皮薄香脆，肉嫩甘香。燒腩仔五層肉肥瘦相間分明，腩仔的外皮鬆脆，肉質軟腍香口。瀨粉湯底亦與別不同，帶有大地魚香及羅漢果甜味。🥣🫕每日有不同款式的老火例湯供應，今日的老黃瓜湯便充滿家的味道。餐廳點餐具彈性，只要加錢便可以選配餐飲或例湯。人均消費$90竺扶大班燒味三角街2-3號華欣閣地下3號舖

今朝早過灣仔交文件,順便係附揾間餐廳快食醫肚，燒味飯當然係不二之選。見呢間灣仔嘅竺扶大班燒味好多人食就跟入，佢哋嘅燒味飯真係掂到震，尤其係個燒鵝五寶飯（燒鵝五寶飯），簡直係燒味控嘅首選！竺扶大班燒味嘅燒鵝五寶飯（燒鵝五寶飯），香氣撲鼻，流晒口水！入面有至尊古井燒鵝、銷魂叉燒皇、燒腩仔、仲有半隻鹹蛋黃，夠晒豐富。先講個至尊古井燒鵝，皮脆肉嫩，油香四溢，咬落去卜卜脆，鵝肉又夠晒入味，好味！佢哋用嘅古井燒鵝燒得夠晒火候，滿滿鵝脂香但食落去又唔會覺得肥膩。個銷魂叉燒皇都好鬼正，叉燒肥瘦適中，蜜汁均勻，燒到邊位有少少焦香，咬落去軟嫩多汁，甜甜鹹鹹，真係好惹味！個名真係冇改錯，食完真係會銷魂！燒腩仔都好有水準，皮脆肉香，肥瘦相間，咬落去卜卜脆，油香滿溢，真係好邪惡！佢哋嘅燒腩仔，皮燒得夠晒鬆化，肥肉又唔會太膩，食落去口感豐富，層次分明。仲有半隻鹹蛋黃，鹹香油潤，撈埋啲飯一齊食，簡直係畫龍點睛！鹹蛋黃嘅鹹香味，可以提升成個飯嘅味道，令到成個飯更加惹味。除咗燒味飯，佢哋仲有雞腳豬骨老火湯送，真係好抵食！個湯好足料，飲落去好夠火候，充滿雞腳同豬骨嘅香味，飲完好暖胃！

竺扶大班燒味灣仔三角街2-3號華欣閣地下3號舖經開灣仔，老友推介高汁燒味，食材新鮮夠地道，正呀喂！😚花生眉豆煲雞腳湯老火湯鹹度適中，配料的精華融入湯中，營養豐富，推薦！😉冰燒鳳凰雞飯無骨雞肉口感煙韌，新鮮嫩滑，香氣四溢，烹調得恰到好處，加鳳凰酸辣汁，效果更佳，飯底煙韌有飯香，好味道！😻黯然銷魂鴛鴦飯(冰燒鳳凰雞 X 黯然銷魂飯)大廚嚴選半肥瘦叉燒，煙韌彈牙，肉汁豐富，肉味香濃，大醬燒肉汁香甜惹味。油菜新鮮爽口，煎雙蛋即叫即製，蛋味濃郁，醬油餸飯一流，份量十足，必食！😍 橫財汾蹄飯汾蹄外層爽口彈牙，豬肉口感煙韌，鹹度適中，酸酸甜甜的醬汁提升層次，推薦！😽竺扶大班燒味 環境舒適，食材新鮮夠地道，侍應服務態度好，還會再來！😎🤘

話說灣仔呢間燒味店真係好鬼出名，琴晚食，隔離街市都關哂門，呢間舖頭就大排長龍，連附近啲打工仔都成班湧嚟食。我專登去試，心諗咁多好評，應該唔會中伏啦！結果一試之下，真心無得頂！嗰隻古井燒鵝真係值得一讚，用咗陳皮醬醃過，入口果然有一陣香甜果味，皮脆肉嫩，仲帶少少油香味，食完真係忍唔住想買埋外賣走🤣🤣🤣。睇介紹呢隻燒鵝係用雌鵝嚴選返嚟，難怪咁嫩滑又入味。呢間燒味餐廳真係好出名，搭枱個個都係遊客！本身想坐多陣傾計都唔好意思🤣出面大排長龍，所以食飽滿足就走了~

同朋友想食燒味，今次係灣仔未到12點諗住少人D，點知已經好多人了，睇黎真係好量好好食，有口福了!! 原來呢間極係具灣仔好人氣凜燒味餐廳！我地叫左哩個係全港首創黯然銷魂鴛鴦飯$70【半肥瘦叉燒+冰燒鳳凰難+煎雙蛋】【大將燒肉汁+鳳凰辣汁】這道飯的搭配真是讓人眼睛一亮，✨半肥瘦叉燒的肉質鮮嫩，外層的蜜汁焦糖化，甜鹹交融，半肥瘦叉燒的肉質鮮嫩，外焦裡嫩，🥓❤️而冰燒鳳凰難則是另一種風味，冰燒鳳凰難則是另一種風味，肉質鮮美，外皮搭配酥脆，內裡裡裡裡裡裡裡的風味，充滿香蛋多汁，讓人有獨特感，帶有獨特感的香蛋，讓人有獨特味，讓人充滿味道，讓人獨特的香蛋，讓人有獨特感，讓人有獨特性的香蛋，讓人擁有獨特的香蛋，讓人有獨特感，帶有獨特感，帶有獨特感的香蛋，讓人有獨特感，讓人有獨特性的香蛋，讓人充滿風味！再加上煎雙蛋，金黃的蛋黃流心，搭配上叉燒🥚🔥再加上大將燒肉汁和鳳凰辣汁的調味，豐富了整道菜的風味，讓人一口接一口！ 🌶️🍽️

每次想食燒味，我心目中都只會有幾間店舖嘅選擇，呢一間店舖唔同分店都已經食過好幾次水準一直都保持得好平均，今次嚟到灣仔呢一間分店11點嚟到已經開始多人，叫咗白切雞加$15轉雞髀拼燒腩仔轉瀨粉白切雞髀真係超級無敵滑，外皮爽脆而且仲見到中間透明嘅啫喱層，真係做得非常之出色，可以話係我喺香港暫時食過最好食嘅白切雞，另外嘅燒腩仔都一樣超級出色，燒腩仔個皮係最重要，而佢哋真係處理得好好，雖然薄薄一層，但係非常之酥脆，燒腩仔肥瘦適中，油脂好細緻，加多$6要埋佢哋嘅。是日老火湯，係排骨雞腳，真心出色。

嚟灣仔街市嘅時候見到呢間排晒長龍嘅燒味店，原來就係一直都好想試超人氣嘅竺扶大班燒味🥳 當然有單拼同埋雙拼燒味，食完仲可以斬料返屋企加餸添🤣玫瑰豉油皇乳鴿 🐤 估唔到呢度有乳鴿食添😛 用咗豉油汁甜甜地幾好食黯然銷魂鴛鴦飯 🍚呢個係佢嘅招牌菜式 💯 半肥瘦叉燒、冰燒鳳凰雞同煎雙蛋，再配埋大將燒肉汁同鳳凰辣汁，聽落都覺得超吸引🤩 豉油雞燒腩仔米粉 🍜雙拼就可以揀豉油雞、燒腩仔、燒鵝、叉燒等等，可以配飯麵都得，仲可以加錢配例湯或者飲品😌

餐廳：竺扶大班燒味地點：灣仔三角街菜式：港式燒味餐牌：大班燒味飯、燒味雙拼飯、斬料翻屋企、飲品鵝髀油雞雙拼飯 $130鵝髀好大隻一開六件，配油雞5件，仲有菜心一條。 呢度燒鵝用自家祕制陳皮醬醃制內籠，鵝髀皮脆肉多汁，非常唔錯。油雞皮滑肉嫩，配有葱油。白飯另上。叉燒切雞飯 $44叉燒大概有5件，唔會太肥或者瘦，都好淋。切雞係髀位，正呀！伴有菜心一條。白飯係下底。雪碧 $7加罐汽水解渴先。果然係灣仔人氣燒味店，下午茶時間前有好多人等位，而且好多游客，香港必試燒味。餐廳裝修光猛乾淨衛生，枱面上面有紙巾。

每次想lunch經過都俾條龍嚇怕左，真係太出名😂，怕有排等，但又好想黎食，今日星期六終於黎排下隊，但其實條龍都去得幾快，等左15分鐘左右就到我地了。1） 黯然銷魂鴛鴦瀨粉 $70🩷❤️🧡見餐牌寫住係全港首創，有半肥瘦叉燒、冰燒鳳凰雞+煎雙蛋 （有流心蛋汁），仲有兩種秘製醬汁（大將燒肉汁+鳳凰辣汁），聽講個鳳凰辣汁係用咗菠蘿、紅黃椒、青檸、蒜蓉等特調嘅醬汁，可謂三餸飯，仲有汁撈埋，性價比！半肥瘦叉又真係唔會太多肥膏，真係做到肥瘦均勻。冰燒鳳凰雞真係好入味，雞皮同肉係黏住嘅，中間係冇脂肪層嘅。瀨粉好新鮮，真係夾到一條條，而唔係碎濕濕。2）古井燒鵝，拼燒腩仔瀨粉 $62🩷❤️🧡隻燒鵝，聽講係只揀選特定重量嘅比雌鵝去燒，仲會用自家製嘅陳皮醬去醃製燒鵝嘅內殼，所以唔怪得外皮脆之餘仲肉質好入味，連燒鵝骨都有味㗎！燒腩仔皮夠脆，肉質唔死鹹，脂肪層唔算厚 ，好味得來冇咁邪惡。3）例湯每日唔同款式，叫一個碟頭飯+$6就可以飲到一碗 。今日都試咗佢哋個例湯，真材實料，有家嘅味道！🩷❤️🧡樓面侍應服務態度優良有禮，唔會係咁催你落單，又唔會催你走，令食客開心滿意！🩷❤️🧡