竺扶大班燒味

營業中

休息中

話咁快就放完假，又要開始捱騾仔。今晚唔想煮飯，嚟呢間新開嘅燒味店「竺扶大班」開餐。店舖門面非常搶眼，離遠已經見到門口掛了大大個黑底金字的金漆招牌，既典雅又有氣派。內裡面積不大，不過細心一數，都應該有接近三十個座位，加上環境都幾舒服，淺色牆身再襯以牆上嘅卡通壁畫，裝潢亮麗兼乾淨企理，一洗街坊形象。我哋揀左個大班特餐黯然銷魂鴛鴦飯同一客小菜。小菜配有白飯同湯，而點燒味飯則可免費轉上湯粗麵、瀨粉或米粉，另外亦有一系列可以追加嘅食品。我哋加左碗老火靚湯 (+$6)、凍奶茶 (+$7)、健康的上湯浸菜心 (+$16) 同飽肚的上湯淨瀨粉 (+$18)。是日老火湯為金銀菜豬展湯，湯品用料十足，除了腍嫩清香的白菜和菜乾外，還有鮮香的豬展，湯水清淡順喉，相當滋潤。黯然銷魂鴛鴦飯 ($65)：黯然銷魂飯就食得多，但黯然銷魂鴛鴦飯真係第一次試。原來所謂鴛鴦即係半肥瘦叉燒拼雞扒，唔少得嘅，當然還有荷包蛋，而且仲要打孖上，足夠讓每粒米飯沾上蛋黃汁，加上蛋面淋左甜豉油，絕對是清碗組合！叉燒選用了梅頭肉炮製，邊位烤得很焦脆，咬開即嘗到滿滿的肉汁和脂香，加上以燒肉汁和焦糖上色，絕對對得起「黯然銷魂」之名。雞扒味道亦

同囡囡行過灣仔，見到三個街開咗間燒味店，門面幾金碧輝煌，門前嘅易拉架見到有燒鵝髀飯，好耐冇食過，即刻流曬口水，買返盒外賣返屋企慢慢歎。喺餐廳裏面等外賣期間，見到餐廳幾好生意。餐廳裝修有特色，乾淨企理，店員都好有禮貌，好勤快。外賣大大盒， 燒鵝髀賣相幾靚，拎住已經覺得好香，好心急想快啲食。返到屋企仲熱熱哋，即刻食，燒鵝啖啖肉，皮脆肉嫩，油脂 juicy，香氣滿溢。見到佢哋有午市套餐，套餐都幾多款式，下次再嚟食先。

受朋友所托，四處搜羅口罩寄去美國，行到灣仔終於買到四盒土耳其製造的，二百幾蚊五十個，現在來說是市價，行到肚餓發現有間新開燒味店，櫥窗內掛起的燒味光澤吸引，就試吓，灣仔街市我經常都會經過就是唔覺有燒味店，相信這間竺扶大班燒味正好填補市場空間。燒味飯之外亦有小菜，又可以自帶海鮮代煮，今晚決定加送，買了新開優惠孖寶，燒鵝拼燒腩仔及近一份叉燒，整數200。叉燒刻意切得大片有份量，梅頭肉肥瘦均勻，入口軟棉爆汁，調味入味，仲俾咗好多汁，叉燒汁送飯一流，甜甜地開胃。燒腩仔個皮好脆，十分出色，皮下小肥肉再夾雜瘦肉，口感很好，燒鵝都唔錯，味道豐富，附上芥末、甜酸汁及燒鵝汁。屋企人用燒鵝汁淋上灼菜上面食，健康又好味。親民的價錢，分量十足，性價比高。

Very affordable Hong Kong style restaurant!Ordered some take awayThere’s an extra discount if you are not eating in storeGrilled pork is very juicy Fried pork belly has a crispy skin and very fulfilling texture which is not too hard to chewSand paste chicken is so huge in portion!In love with the different pastes in which you can try different varieties of flavour to match with the chicken!

最近真係少左出街食，一般都是外賣或自煮為主。呢晚就黎左灣仔呢間竺扶大理燒味買外賣回家。本身只諗住斬料回家加餸，眼見甘多款飯類款式，就順手一次過買齊回家開餐。燒排骨 $40/半斤以現在豬肉物價份量算很多，惹味但偏油。燒鵝五寶飯 $80（燒鵝、燒腩仔、叉燒、咸蛋、紅腸）大盒到相等二人份量。燒鵝唔錯，juicy有肉汁。燒腩仔唔會好乾叉燒、紅腸都屬正常水平。黯然銷魂鴛鴦飯 $65 叉燒煎蛋飯就食得多，還加配了燒雞扒，相當邪惡。 調味店家還特意用了秘製鳳凰辣汁。雞扒都幾嫩滑。最滿足梗係甜豉油加兩隻荷包蛋，雙倍邪惡。

🎈竺扶大班燒味 (灣仔)灣仔三角街2-3號華欣閣地下3號舖-----最近受疫程影響少左好多出街食飯 由於個個都成日係屋企食飯 加劇左媽咪煮飯嘅負擔 所以琴日下晝去銅鑼灣做完treatment之後 就嚟咗灣仔呢間燒味舖買咗啲斬料返屋企加餸 等媽咪煮飯可以輕鬆啲☺️-#蜜汁叉燒 （半斤-$68）🐷半肥半瘦嘅叉燒刷上濃郁嘅蜜汁之後 色澤紅潤誘人 食落肉質豐腴軟腍 肥嫩多汁 吞完落去之後 滿嘴嘅香甜同油香久久不散 令人欲罷不能 全家都讚不絕口 好耐都無食過咁正嘅靚叉 下次煎返隻蛋再加碗白飯🍚就可以係屋企自製黯然銷魂飯🤤-#沙薑雞（一隻-外賣$88，堂食$188）🐥相對完美嘅叉燒 呢個沙薑雞就相對失色 失色並唔係因為佢唔好味 只係因為叉燒實在太美味 嫩口嘅雞肉調味不過不失 正正常常 外賣真係好抵食 比堂食足足平一百大銀 非常划算 性價比高 係屋企加餸嘅好選擇😄-#惹味秘製手拍青瓜（$25）🥒帶有微微辣 但又不過辣 配埋香脆嘅手拍青瓜 確係幾惹味又開胃-----👶🏻B仔整體評價：8.1/10個👍🏻👶🏻B仔抵食程度：8/10個👍🏻👶🏻B仔環境評分：外賣yo👶🏻B仔味道評分：8.5/10個👍🏻👶🏻B仔回

燒味來講一定係香港人既加餸必備菜式啦咁岩經過見到呢間新開既燒味店做緊優惠 即刻斬料返屋企試試佢店舖係位於灣仔既街市入面非常之就腳 買完餸順便加餸食今次點左既係有乳豬+燒鵝 再加上半隻沙薑雞價錢唔算貴, 而且有更吸引既優惠套餐圍起上來真係幾抵乳豬+燒鵝拎緊行返屋企個段路已經聞到勁香乳豬係非常之咁脆皮, 而燒鵝肥瘦適中必須要連皮食咁樣先係最正宗最好味!!沙薑雞半隻既份量都唔少, 而且肉厚點一點個沙薑雞醬汁味道一流

宜家疫情關係好多時午餐都外賣番公司食就算，減低面對人群聚集嘛。今日落左黎灣仔三角街買呢間新開嘅燒味店。呢度裝修眼前一亮，門口已經金光閃閃，員工制服亦係金色！啲碗碟都幾有心思，下次有機會真係要黎堂食一下。落單後5分鐘就有得攞。就算係外賣，賣相依然有條理，唔會亂曬龍。落單時老細見我考慮咁耐，就推介我食呢度招牌黯然銷魂飯（$65），有兩隻半熟蛋、半肥瘦叉燒、蜜汁雞扒！蛋真係煎得幾完美，外面唔會起焦，入面又夠曬流心。雞扒調味係甜甜地，切開一舊舊方便夾。係雞髀肉，好嫩口。另外同事就揀左燒鵝+叉燒飯（$56）。同食話叉燒半肥瘦真係好得，外面甜甜，入面肉質軟熟，脂肪分佈好好。燒鵝配合酸梅醬亦好正，都係啲嫩滑部位。老闆介紹呢度嘅燒味都係係自家廚房燒，新鮮出爐，絕對唔係新界燒完落黎攞黎賣架！

灣仔番工，當然要四出搵野食，見到有新開燒味店 - 竺扶大班，點都要試下。門外已看到一系列的叉燒、燒腩仔、豉油雞、乳豬等等...見到都流口水。門外更有一系列的宣傳介紹...燒味店都有小菜食...新派燒味果然不同凡響。來到竺扶大班，又點可以唔嚐嚐他們的黯然銷魂鴛鴦飯呀。疫症橫行 - 店內都加強了消毒、令食客都放心一點。店中環境比一般的燒味店乾淨整潔，而且位與位之間有一定距離，唔會出現太擠迫的情況。金牌四寶飯 - $52四寶飯中有切雞、叉燒、紅腸、咸蛋。當中的切雞特別美味，雞皮爽滑，口感肥美，雞味濃郁，當中更看到雞肉中層有點油脂，吃起上來超滑口。黯然銷魂鴛鴦飯 - $65黯然銷魂鴛鴦飯中有半肥瘦叉燒、雞扒、煎蛋。等外賣途中跟師傳談了2句，原來他們用的不是普通鼓油，而是用了他們秘制的鳳凰辣汁做醬汁。雞扒用了燒汁制成，外層包著亮澤的蜜汁，而內層仍能保持雞肉的鮮嫩，咬落肉質彈牙滑溜，難怪成了這裡必食之選。

去街市買餸，見有新開業燒味店，門口店員阿叔強烈推介，說師傅從法國藍帶學藝，未知法國藍帶現已改教燒鵝秘技，店員說都一樣嘛。那就買一盒回來試試味道。回來開盒一看，心知不妙，別說藍帶，街口拜完神那碟看著也比這個有食慾。平心而論，叉燒所選的梅頭部位是不錯的，燒鵝就一般了，為了將就份量而切得太細。一提意見，換一個小點的外賣盒吧；冰梅醬好吃但天冷需弄得稀點。別讓您藍帶的手藝宰在這些細節上。

已經第三次食呢間外賣叉油雞飯，結果三次都喺比油雞翼拼叉燒，唔知以為豉油雞只係得雞翼可以比客人食，食得燒味飯無非都係想有啖肉食下，結果要啃骨，就當我唔好彩，連中三次，但啲飯又濕又爛，爛飯入面仲有菜渣，是問我仲點會有第四次幫襯嘅意欲！話曬新開張一兩個月嘅餐廳，失望而回

公司樓下開了一間新的燒味店*竺扶大班燒味*，平日中午人流比較多，這夜加班後家中又沒有煮飯，便相約細妹前往一試。.自家製煲的蓮藕瘦肉湯，味道不錯，火候亦足夠，只是稍為偏鹹。.📍全港首創 黯然銷魂鴛鴦飯（$65）半肥瘦叉燒+冰燒鳳凰雞+雙蛋，配鳳凰汁(甜酸菠蘿汁)全港首創，以叉燒、雞扒及雙蛋做配料，🐖叉燒半肥瘦，軟腍又香甜；🐓雞扒嫰滑，用蜜糖🍯燒至外皮微焦，非常惹味，另外加上兩隻太陽蛋🍳，再淋上豉油，非常下飯🍚。另外，餐廳更為此飯配製了鳳凰汁，燒味味道很好，而且份量慷慨，大餸如草根都吃得非常滿足😋。.📍金銀蛋浸豆苗（$78）除了燒味之外，餐廳還有小菜可選。金銀蛋份量很多，鋪滿整個菜面，而下面的菜苗煮得軟腍🥬，吸收了鹹蛋及高湯的味道，很是吸引😋。每款小菜均配上白飯🍚，叫餸食飯飽肚又好吃。📍燒鵝拼燒腩仔（$148）店員熱情介紹餐廳自設太空爐，每日自製新鮮出爐燒味🔥。見他滿有誠意，便自選了一個燒鵝拼盤，燒腩仔外皮香脆可口，🐷肉質油潤嫰滑，以一口size的方式呈現，負擔不大，可以多吃幾件🤟🏻。燒鵝淋上鵝汁再沾上酸梅醬，酸酸甜甜，解膩之餘亦令味道更加吸引。🦆鵝肉比預期中更為入味，肉質嫩而多汁，比起平