影片
更多
2020-03-08
377 瀏覽
話咁快就放完假，又要開始捱騾仔。今晚唔想煮飯，嚟呢間新開嘅燒味店「竺扶大班」開餐。店舖門面非常搶眼，離遠已經見到門口掛了大大個黑底金字的金漆招牌，既典雅又有氣派。內裡面積不大，不過細心一數，都應該有接近三十個座位，加上環境都幾舒服，淺色牆身再襯以牆上嘅卡通壁畫，裝潢亮麗兼乾淨企理，一洗街坊形象。我哋揀左個大班特餐黯然銷魂鴛鴦飯同一客小菜。小菜配有白飯同湯，而點燒味飯則可免費轉上湯粗麵、瀨粉或米粉，另外亦有一系列可以追加嘅食品。我哋加左碗老火靚湯 (+$6)、凍奶茶 (+$7)、健康的上湯浸菜心 (+$16) 同飽肚的上湯淨瀨粉 (+$18)。是日老火湯為金銀菜豬展湯，湯品用料十足，除了腍嫩清香的白菜和菜乾外，還有鮮香的豬展，湯水清淡順喉，相當滋潤。黯然銷魂鴛鴦飯 ($65)：黯然銷魂飯就食得多，但黯然銷魂鴛鴦飯真係第一次試。原來所謂鴛鴦即係半肥瘦叉燒拼雞扒，唔少得嘅，當然還有荷包蛋，而且仲要打孖上，足夠讓每粒米飯沾上蛋黃汁，加上蛋面淋左甜豉油，絕對是清碗組合！叉燒選用了梅頭肉炮製，邊位烤得很焦脆，咬開即嘗到滿滿的肉汁和脂香，加上以燒肉汁和焦糖上色，絕對對得起「黯然銷魂」之名。雞扒味道亦
店舖門面非常搶眼，離遠已經見到門口掛了大大個黑底金字的金漆招牌，既典雅又有氣派。
內裡面積不大，不過細心一數，都應該有接近三十個座位，加上環境都幾舒服，淺色牆身再襯以牆上嘅卡通壁畫，裝潢亮麗兼乾淨企理，一洗街坊形象。
我哋揀左個大班特餐黯然銷魂鴛鴦飯同一客小菜。小菜配有白飯同湯，而點燒味飯則可免費轉上湯粗麵、瀨粉或米粉，另外亦有一系列可以追加嘅食品。我哋加左碗老火靚湯 (+$6)、凍奶茶 (+$7)、健康的上湯浸菜心 (+$16) 同飽肚的上湯淨瀨粉 (+$18)。
是日老火湯為金銀菜豬展湯，湯品用料十足，除了腍嫩清香的白菜和菜乾外，還有鮮香的豬展，湯水清淡順喉，相當滋潤。
黯然銷魂鴛鴦飯 ($65)：黯然銷魂飯就食得多，但黯然銷魂鴛鴦飯真係第一次試。原來所謂鴛鴦即係半肥瘦叉燒拼雞扒，唔少得嘅，當然還有荷包蛋，而且仲要打孖上，足夠讓每粒米飯沾上蛋黃汁，加上蛋面淋左甜豉油，絕對是清碗組合！
叉燒選用了梅頭肉炮製，邊位烤得很焦脆，咬開即嘗到滿滿的肉汁和脂香，加上以燒肉汁和焦糖上色，絕對對得起「黯然銷魂」之名。雞扒味道亦很出色，外表燒得金黃，雞皮夠脆口，而且醃得很入味，咬落肉汁亦相當豐富，再配上惹味的鳳凰辣汁，風味無以尚之。
至於另一客薑蔥爆魚腩 ($88)，味道亦相當不錯，一打開煲蓋熱呼呼的蒸氣即時迎面而來，再看看煲仔內的菜式，更令人垂涎三尺！魚腩約有 6-8 塊，大大件，咬下啖啖肉，腩位入口充滿油脂，加上爆過的蔥段及薑片，入口香氣撲鼻， 用來配飯吃一流！
張貼
