竺扶大班燒味

營業中

休息中

一直聽講灣仔街市有間不吃不可嘅叉燒，係由獲獎無數嘅大廚主理。我聽完當晚就去斬料加送返屋企，果然冇失望，一試難忘，非吃不可。店舖位於灣仔街市，灣仔地鐵站A3出口, 一想就係莊士敦道，行過對面馬路，有間中銀，一轉入三角街就會見到。每日一到放工時間，店面就會大排長龍，一個個灣仔街坊指手畫腳，其實個個都係等緊新鮮出爐嘅叉燒、燒鵝、燒鴨同埋燒腩肉。一般燒味店好多時都係晏晝已經一次過煮好咗，等到放工時間，斬料返屋企已經凍哂。我最欣賞呢間舖頭，每隔10分鐘就有新嘅燒味做好。金牌大廚主理，每十分鐘有新鮮燒味做好。正！燒鵝薄皮，肉質鮮嫩，有鵝香，口感結實，鵝汁係個口入邊爆出黎。燒肉皮脆內軟，熱熱辣辣，外皮金黃，豬油沿着豬肉一滴一滴落下。好珍貴，呢啲就係精華。暗然銷魂鴛鴦飯，包括左半肥瘦叉，煎雞扒同埋兩隻煎蛋。呢個係真係好抵呀一個價錢三種享受。叉燒我最鍾意就係佢表皮有少少燶，增加佢嘅焦香感，叉燒醬係有少少果香、果甜，口感好夾。老闆仲特登放咗幾支XO靚酒喺度，每當有街坊經過可以坐低傾幾句，難得的好有親切感、人情味。