竺扶大班燒味

營業中

休息中

竺扶朋友話灣仔有間新派燒味店幾好味，個老闆當年28歲就做左酒店總廚，仲拎過法國藍帶美食會會員勳章，好似好勁咁！今日難得經過，就斬料返屋企加餸，試一試啦。外面望落同平時嘅燒味舖一樣，但一入舖頭，就見到成排獎盃，牆上仲有幾有趣又中西合璧既卡通，最cute係連店員既制服都配合埋，成間舖頭嘅風格非常突出。重口味人士如我首先當然要叫份肥叉多汁啦！個樣勁靚，見到都好想即刻食😆原來佢既叉燒係用波蘭黑毛豬脢頭肉整，所以肉味濃郁又滿口脂香，仲有醃得好入味既蜜糖香。我最鐘意佢火喉控制得非常好，肉質保持到鬆軟之餘，仲有我最鍾意嘅焦香燶邊，好惹味😍 好耐冇喺酒店或者高級中菜廳外食到咁滿意嘅叉燒，呢個價錢，呢個質素，可以上神枱....我比滿分！豉油雞店員話呢度既豉油雞係用本地雞按古法製作架，當然要試一試。首先，冇諗過半隻雞豉油雞份量都會咁多架，望住外皮油亮，顏色均勻既豉油雞，忍唔住即刻起筷！一啖咬落去，肉質有彈性，口感嫩滑。豉油底帶有少少玫瑰味，提升左層次。店員仲好細心咁俾咗薑蓉我地，雖然佢地既豉油雞已經好夠味，但拎d 薑蓉黎送飯又係一流。鹵水豬腳仔聽講呢款唔係日日有，難得撞正有買當然要試吓！一打開個蓋就聞到好

早幾日留在家吃飯，叫左老公斬料加餸。於是老公買了灣仔「竺扶大班燒味」的燒鵝同叉燒，拎到番屋企，發覺燒鵝、叉燒都仲好新鮮，而且都幾夠份量啊。聽講燒味餐廳老闆是藍帶廚師，烹調好講究，佢嘅叉燒係選用波蘭黑毛豬🐷 所以肉質相對普通豬肥瘦均勻，加入蜜糖去燒，蜜味香甜，非常之美味🤤🤤至於燒鵝都係佢地嘅招牌，入口皮脆肉鬆，不會過肥，吃多左都不會過分膩，識吃一定加多少少錢吃下莊燒鵝脾。偶爾一份燒味，炒多個菜，簡簡單單就經已足夠了。

現時買外賣當道～疫症期間，晚晚都要在家裏下煮， 實在令人吃得有點悶！ 剛剛見完朋友，經過灣仔這家新開的燒味店，看到吊架上滿滿的燒味，就決定買回家一試！燒味以自家爐製，保證原汁原味，吊架上有燒鵝 油雞 叉燒 可惜燒腩仔賣哂啦~餐廳裝修好新、燈光好光猛，乾淨企理近天花嘅位置有啲燈管，頗有特色，收銀的一旁還有一排獎杯呢一個雙拼燒味飯都系講緊50蚊左右咋，最曯目係黯然銷魂鴛鴦飯~叫左燒味雙拼>叉燒+切雞叉燒我真系超耐冇食都幾甜，帶有蜜香，肉汁豐富。完美的半肥瘦，咬落口會覺得有嚼勁，口感滿足切雞係脾位，肉質厚而鮮嫩，juicy有肉汁，雞味香濃，調味不過不失！見到有小菜就順手一次過買齊回家加料開餐。茄子魚腩煲 ($88)一打開蓋熱呼呼的魚腩香氣迎面而來，睇落樣子好似唔錯呀。魚腩好大舊，有幾塊，入口香氣撲鼻，口感好滑。啖啖肉，腩位入口充滿油脂。茄子同樣好有口感，索曬Ｄ魚腩汁！加上爆過的蔥頭同埋薑。撈飯真係好正！抵食!

同事試過這裏的小菜覺得不錯，於是去位於灣仔街市附近的《竺扶大班燒味》買了些小菜與家人分享。呢間係燒味店黎，主力賣燒味，但小菜的選擇都有好多。餐廳既裝修特別，環境明亮和衛生，不像平時燒味店，不知道味道如何。一於試吓沙薑豬手粒先，沙薑汁另上，點少少沙薑汁食，沙薑味都幾濃！！個豬手整得好林，帶點爽口，口感唔錯，啖啖都充滿油香，十個讚！！！我想試一下煲仔小菜，就叫兩個來試試。啫啫滑雞煲，即使是外賣，一開盒蓋已聞到很有穫氣香，雞件份量也不少，醬汁完完全全滲入雞肉，爽口入味，配飯就剛好😍茄子魚腩煲，個汁岩岩好，不會過鹹，食完不會口渴！魚腩好香口惹味，肉夠厚亦夠入味👍🏻👍🏻多餘的醬汁也正好配飯整體來講，呢間餐廳的煲仔小菜最得我歡心夠火喉又惹味，份量正正常常，算是合理價錢。外賣的話，四個人叫三個餸絕對能食到飽一飽！

今日黎到同係港島行街既時候見到係街市既路上有一間裝修好靚既燒臘舖 感覺上你可以話佢格格不入 但對我黎講 佢係漆黑中既螢火蟲咁 見到個名幾特別 但個陣又未肚餓 所以決定買外賣返屋企慢慢食🤣 依到既裝修同一般見到既燒味舖好唔同 但燒臘舖都有一個共通點 就係會掛左好多唔同既燒臘係門口display 見到叉燒上面既蜜汁好到滴下滴下 真係好吸引見到menu之後 發覺佢地除左有燒味之外 仲有其他dishes去cater唔同人既需要 有小菜仲有唔同既小食今次就叫左3樣野 點知係屋企食食下覺得唔夠就覺得太遲😂1️⃣全港首創 黯然銷魂鴛鴦飯 入面有半肥瘦叉燒 雞扒同埋煎蛋 係用左大將燒肉汁同埋鳳凰辣汁去整既 叉燒一咬落去好脆 再咬入去就係好淋既豬肉 有種外脆內軟既感覺 之後就係雞扒 平時係街食雞扒都會怕好鞋 但依到既雞扒真係好滑 而且咬入去d肉汁爆哂出黎 雞皮又係燒到脆脆地咁 更加值得一提既係依到既飯 買完外賣再返屋企有冇大概45分鐘既時間 但佢d飯完全冇淋到！而且仲十分粒粒分別 勁有咬口 撈埋d汁真係一流呀2️⃣鹵水豬腳仔 依到既份量真係好足 佢地入面有勁多隻豬腳 完全食唔哂 留返第日再食過😂 d汁甜甜地 之

( 已經是手機的原圖謝謝)有朋友介紹話呢間餐廳除咗燒味好食之外，啲小菜都好正，佢哋都大大力推薦雞煲，所以就叫個外賣返屋企慢慢嘆！！啫啫滑雞煲$88攞到返屋企仲熱辣辣，裏面有啲芫荽香蔥嗰啲，完全提升香味！而且裏面嘅全部雞嘅質感都依然保持多汁又嫩滑，估唔到外賣都可以咁高質！燒味雙拼叉燒，燒腩仔$98聽到話叉燒新鮮出爐，就揀咗呢個，燒得好香，肥瘦適中，正到不得了！要來送飯一流！ 燒腩仔外皮同樣香脆，而且見到肥肉同瘦肉嘅比例非常適中，最重要係佢個鹹味適中，唔會話好似有啲燒味店有種死鹹味，而且瘦肉亦都有充足水份唔會乾茶，極力推介這間燒味店的燒味及小菜！

星期日夜晚6點零去到，地方乾淨，燒味廚房企理，八卦一下原來新開幾個月。叫左燒鵝五寶飯，餐牌寫明會俾咩燒味，冇得拗，每樣最少5塊，用料吾會比單拼燒味飯差，燒鵝味道好，吾太多肥油，骨位肉位都有俾，叉燒香軟，燒肉半肥瘦，皮仲係脆既。另外叫左黯然燒魂飯，叉燒肥瘦位都有，有焦香脆邊，汁甜左d但香味十足，煎蛋即叫即煎，仲可以揀半生/熟蛋。服務熱情有禮，不會強推爛賣，見隔離枱半隻燒鵝都好靚，炒小菜個樣都新鮮大份。非常推薦，自己都會再來。

母親節又到啦，屋企人話唔想出去食飯，因為太多人喎，最後咪都係媽咪煮，咁我都唔想媽咪煮得咁辛苦，所以決定去燒味舖，買啲叉燒，燒味，返屋企加加送！同朋友行完街今晚喺灣仔見到都幾多人幫襯嘅燒味店，睇睇原來係啱啱有燒豬出爐怪唔得知咁多人啦！我都唔例外叫咗個燒豬燒鵝拼盤冇諗過份量都幾多下而且攞咗咁耐返屋企啲燒豬仲係好香脆㗎，肉唔算多但係個皮脆得真係好過分會唔會太好味😂😂😂燒鵝皮脆肉嫩！另外再叫多個暗然銷魂鴛鴦飯， 店員話呢個鴛鴦飯好特別值得一試原來除咗蜜汁叉燒之外仲有秘製燒雞扒同雙蛋喺面，而且呢個飯嘅份量都相當之豐富！

疫情嚴重下我同屋企人都唔多敢出去食飯，今晚阿媽想食燒味，即刻上網搵搵有咩啱食啦，見到有間燒味店喺灣仔，啱晒啦放工就去嗰頭買外賣返屋企開餐。間燒味舖係地鐵站唔遠，一出行幾步就到真係啦非常方便，我哋嗌左半斤叉燒，半斤燒腩仔，再加多個豉椒炒蜆添。諗住係一間普通燒味舖，結果返到屋企打開外賣嗰陣時真係有驚喜。燒腩仔個皮脆卜卜，佢嗰幾層肉溶埋一體，肥瘦參半，係燒腩仔嘅表表者，而且佢舊腩肉唔會好似其他燒味舖咁做得好鹹，啱晒而家又想食肥野又想健康嘅人啦。至於個叉燒，師傅好好，比半肥瘦叉我哋，舊叉燒又燒得好香甜，個叉燒蜜汁真係撈飯簡直一流呀。另外阿媽指明話要食炒蜆，真係估唔到一間燒味舖都有小菜，滿足晒大家嘅要求，呢個炒蜆唔好睇小佢，非常之咁有鑊氣而且相比起平時啲炒蜆，真係非常鮮甜，個蜆汁亦都唔會好鹹，恰到好處，總括來講，呢三個餸配白飯真係可以食得三碗啊

呢排疫症期間，買外賣當道，係灣仔放工後，穿過三角街，收到燒味店的姐姐派的傳單同埋聞到新鮮出爐的燒鵝味，好香，所以決定今晚晚餐就係呢間店買外賣。餐廳的裝修好新、燈光好光猛，在收銀的一旁有一排獎杯，真的要試下得獎師傅的燒味手勢。黯然銷魂飯（$55），以半熟煎蛋和半肥瘦叉燒，叉燒一片片都幾厚切，知道餐廳是用上西班牙黑毛豬，食落感覺特別唔同，肉質鬆化有彈性，同埋燒得好香，甜甜的香濃蜜汁味，半熟煎蛋撈飯加上甜醬油好正，一d都唔覺得dry。黯然銷魂鴛鴦飯（$65），這個鴛鴦飯是叉燒配雞扒，叉燒今次有少少烘邊脆口，這份飯配上2個汁，叉燒點上鳳凰辣汁，份外惹味，另外一個主角雞扒肉質鮮嫩，啖啖肉，而且燒得好香，可點上燒肉汁，甜甜地相當匹配。燒鵝五寶飯（$80），五寶有燒鵝、燒肉、叉燒、紅腸、鹹蛋，燒鵝是我最期待試的五寶主角，燒鵝味道甘香，有陣陣的陳皮味，肉質嫰滑，燒肉皮脆，肉和脂肪比例均勻、彈牙，鹹蛋黃的好黃白部分各一半，總體都好好食，而且份量大份又足料。以質素而言，都幾高，價錢都幾貼地。

金牌四寶飯(紅腸, 鹹蛋🥚, 叉燒, 白切雞request左要雞胸)招牌叉燒 大大件既梅頭肉 仲要係半肥瘦部分肉質好軟腍 咬落鬆化 鹹中帶點蜜汁香 同 燒至微焦燶既邊邊另叫左兩杯 餐飲-凍檸蜜, 凍檸茶(男友好口渴, 所以飲左半杯先)豉椒炒蜆食慣濃味 略嫌炒得未夠好入味但蜆肉勝在都大隻 完全無沙 份量多 又夠新鮮燒鵝🦢+乳豬🐖配上湯米粉由於乳豬賣哂 所以我轉左燒腩仔燒鵝 肉汁都幾多 juicy得黎又唔韌 鵝皮唔肥 仲燒到好脆燒腩仔 皮脆 肥瘦相間

今天放假與媽媽逛過灣仔街市，看到一間多人光顧的燒味店，店內有精美可愛的壁畫裝飾。同時，擺放多個獎盃及名人合照，看來質素相當高，決定在這裏吃午餐~黯然銷魂鴛鴦飯，用料豐富，半肥瘦叉燒，外焦肉嫩，盡收秘製大醬燒肉汁精華，甜香惹味，回味無窮。雞扒，肉質肥厚不膩，鮮香嫩滑，沾上鳳凰辣汁提味，酸辣醒胃，好不下飯。煎蛋，帶點厚度，蛋汁流心，佈滿燒汁，鹹香惹味。白飯，粒粒分明，沾滿大醬燒肉汁，吃到最後一口也濃郁味美。滑蛋叉燒飯，即叫即做，份量十足，蛋香嫩滑，叉燒肉香濃厚，加入爽口的韭黃及洋葱絲，令口感更豐富爽滑，佐以白飯吃更飽足味美。凍檸水，清新酸香，止渴消滯。整體滋味飽足，尤其黯然銷魂鴛鴦飯濃香惹味，價錢相宜，值得再來!

燒味對於香港人黎講系一樣好地道既食物，由細細個已經開始食喇，仲記得以前仲讀緊初中戈陣，一個雙拼燒味飯都系講緊十幾蚊咋，同中同一齊食既感覺真青春。時至今日，一個燒味飯既價錢竟然已經去到30幾蚊😰有啲高質素啲既甚至要40幾蚊，所有野都變得吾同。事源系見到有個同事正正買左竺扶大班燒味既食物番黎，睇落又幾吸引🤤跟住另外一個同事又話佢食過，其實我自己都幾中意食燒味咁一於試吓先。值得一提既系，餐廳既裝修真系幾特別，比起一般既燒味店有明顯既分別，近天花嘅位置有啲燈管，顯得餐廳既環境更明亮。牆側又有一啲燈牌，燈牌上嘅系各款燒味飯既名稱，又幾特別喎。餐牌既第1頁已經系幾款特色既飯類，第1款系黯然銷魂鴛鴦飯，有半肥瘦叉燒、雞扒同埋煎蛋，仲有燒肉汁同埋鳳凰辣汁，好似幾吸引🤤仲有另一款冰燒鳳凰雞，仲要系冇骨既。仲有各款雙拼飯類，一個雙拼飯賣到$50都幾進取⋯⋯吾知最大部分原因系因為地區定質素既原因。套餐加$6就飲到老火靚湯，咁緊系試吓啦，自己都好耐冇飲老火湯喇。是日靚湯系蓮藕粉葛湯(好似系)，以餐廳既湯水黎講都幾足料，好多舊蓮藕，蓮藕都幾爽口，跟住啲湯都吾會話系味精湯，即系吾會好鹹。同事叫左款燒鴨燒腩仔飯，燒

因為仲係有限聚令...要搵位真係好難🤯唯有都係take away 啦⋯⋯呢排就黎做到外賣達人等緊外賣嘅時候影一影相先燒味店比我嘅感覺就係污糟邋遢呢度企企理理真係信心倍增原來係潮店，instagram account 都有🤣點左個暗然銷魂叉燒煎蛋雞扒飯個燶邊留心雞蛋真係超級正仲有秘製鳳凰汁～～啲叉燒好腍好入味～最得意嘅係原來塊雞扒嘅醃料同叉燒嘅醃料係一樣㗎另外重點左燒鵝併白切雞睇落唔算好大盒但係因為其實師傅幫啲肉起咗骨好細心呀😍

作為一個叉燒迷，一聽到朋友話灣仔開咗呢間新燒味店，而且叉燒好好食，就急不及待黎試，同朋友一人叫咗個暗然銷魂飯同叉燒雞扒飯，仲有鼓椒炒蜆。先講個叉燒基本上如果冇特別講明，一定會係半肥瘦，佢做得好適中，唔會太肥唔會太瘦，咬落去啲肉汁即刻咇入口，夠淋仲有啲油脂香，又吾會乾，真係好出色，尤其係太陽蛋嘅蛋汁加埋落去，個叉燒即刻甜到減少，但係又會好滑，形容吾到，好行一句，好好食啊。相比來講朋友嘅雞扒比起叉燒就失色左，唔係佢唔好食係叉燒太出色，但係我朋友又話佢覺得雞扒更好食，所以口味呢啲真係人夾人，但我哋都同意個叉燒真係好味！至於個豉汁炒蜆，份量係多嘅，唔會有沙，好適合送飯，好少係燒味店食到啲熱炒，見佢仲有好多款可以選擇，我相信呢到會做左我既飯堂。