竺扶大班燒味

營業中

休息中

星期日夜晚6點零去到，地方乾淨，燒味廚房企理，八卦一下原來新開幾個月。叫左燒鵝五寶飯，餐牌寫明會俾咩燒味，冇得拗，每樣最少5塊，用料吾會比單拼燒味飯差，燒鵝味道好，吾太多肥油，骨位肉位都有俾，叉燒香軟，燒肉半肥瘦，皮仲係脆既。另外叫左黯然燒魂飯，叉燒肥瘦位都有，有焦香脆邊，汁甜左d但香味十足，煎蛋即叫即煎，仲可以揀半生/熟蛋。服務熱情有禮，不會強推爛賣，見隔離枱半隻燒鵝都好靚，炒小菜個樣都新鮮大份。非常推薦，自己都會再來。