竺扶大班燒味

營業中

休息中

呢間燒味舖呢肥雞又覺得室內裝修非常之得意,玻璃窗廚嗰度掛住一隻隻燒好咗嘅燒鵝，燒鴨，燒雞同埋乳豬，真係未食都覺得吸引，咁肥雞就嗌咗個乳豬拼盤，同埋半隻燒鵝，因為係啲姐姐推介嘅，先講佢個乳豬先，佢個乳豬皮非常之香脆，肥瘦適中,咬落去滿滿嘅油脂喺口腔爆發出來，佢嘅燒鵝都燒得好出色，配埋酸甜嘅梅醬，真係送飯一啖接著一口。而且再嗌埋佢個招牌雞扒，反而呢個肥雞覺得普通，最正係佢嘅小炒王，非常之野味，大大條嘅魷魚配埋香口嘅腰果真係非常之送飯肥雞嗰晚都食咗兩碗。

同老公去灣仔道四圍行，買下生果蔬菜海鮮，順便揾下好野食，不過突如其來的三號波，即刻改變計劃，經過間新開燒味餐廳，即管改外賣會家嘆，見到 d staff著制服係門口又落力叫賣，而玻璃內掛住嘅燒味也是吸睛之處，熱辣辣新鮮出爐喎，就幫襯下吧。決定食什麼啦！ cashier落單唔使等太耐就已經可取，6mins內已包妥，共買左2盒飯同一份豬手仔，回家同媽媽分享吓！黯然銷魂叉燒鴛鴦飯 $65 價錢好似比其他店高。 回家打開就知足料份量大，男性絕對夠飽，好彩三人 share二盒咋！2隻荷包蛋+ 膿邊肥叉同雞扒，超啱我老公識食更係呢款肥叉，香口軟淋配口白飯超滿足。啖啖肉香煎雞扒配埋個泰色辣汁，掂呀！我貪心兼胃食更係一次試都幾樣囉 揀左。。。燒鵝五寶飯 $80 一開被隻脆皮鵝脾驚喜，皮脆肉香燒肉，淋滑叉燒，普通紅腸，還有靚鹹蛋半隻添，調味適中味道有水準，怪之得咁多人買外賣啦！ 燒味水準高，樣樣外賣回家還暖嘅，無需整翻熱。滷水豬腳仔 $68留待晚飯加餸，呢兩盒真係三個都食唔晒。豬腳仔滷得好入味濃，食時還有嚼頭，唔會過火，佐酒恩物！

個個都去食黯然叉燒飯等我又去加餸斬個料試下先.《六六大順》為了一次過品嚐哂呢到各類燒味一於食個大雜燴 咁就六款都有啦但係輪到我既時候叉燒就售罄了😩實在太好賣喇 下次要放早d先斬到大舊叉燒唷.Any肥 呢的6合一拼盤都仲係好正師傅話斬多d其他料抵消返無哂叉燒添- 燒腩仔🐖好脆啊個皮 正- 燒鵝🦢肉唔老 皮又薄 正- 油雞🦃個皮啡色 但唔會好感- 切雞🐓油份適中 唔會太油膩 肉保持鮮嫩- 紅腸🧲我兒時最愛 阿媽斬料 個個爭食雞脾我就要食紅腸 妹仔肚 哈哈

一般燒味店嘅裝潢都好陳舊，呢間餐廳一反傳統，裝潢比較新穎，感覺都衛生啲😝黯然銷魂鴛鴦飯 （$65）所謂鴛鴦其實就係半肥瘦叉燒和烤雞扒，再加煎蛋～ 佢嘅叉燒好好味，肉質鬆軟，外表燒得微燶，配上蜜汁非常惹味😊 烤雞扒肉量很多，雞皮烤得薄跪，不過雞扒就烤得略為乾身～ 呢個價位嚟講呢個鴛鴦飯好足料抵食啊～古井燒鵝+化皮乳豬燒味飯 （$68）燒鵝肉質柔軟，香味十足～ 乳豬皮肉分離，乳豬皮烤得偏硬，而肉質都幾軟腍可口～惹味秘製手拍黄瓜 （$25）我都幾中意呢個手拍黄瓜，黄瓜清爽可口，醬汁酸辣醒胃，係食左咁多肉之後用嚟解膩一流😊上湯浸菜芯 （$20）呢個係好正常嘅味道啊，上湯味道咸度適中，都係好適合用嚟解膩☺️整體來講，我幾推介呢間燒味店嘅叉燒和手拍青瓜😝😝

係灣仔嗰頭住，而且一直都想試一間有水準嘅燒味飯餐廳，所以今次就嚟到呢間竺扶大班燒味試下。首先喺門口已經見到佢個招牌冠冕堂皇，然後側面都放咗幾個餐牌供應比人哋睇，之後入到去發現好多人，好旺場，所以我哋決定咗嗌外賣拎走。而我今次就叫咗佢個招牌菜式”黯然然銷魂飯”同埋’‘古井燒鵝+燒腩仔”雙拼飯。打開個飯盒見到兩盒份量都好足夠，而且食材好豐富。本人對食叉燒都有一定嘅要求，而我覺得呢間叉燒好香口，燒得剛剛好，燶得來唔會有焦味。所以你哋鍾意食重口味嘅人可以試吓。燒腩仔拎到返屋企個皮仲係好脆，好似啱啱新鮮出餸。而且價錢合理，都係50幾蚊一個雙拼飯。下次會再繼續幫襯👍🏻👍🏻

今日去開灣仔做嘢，突然好想食燒味飯，見呢到嘅Staff 咁落力推介我食，咁我就試試佢啦。入到去，見到啲裝修都好精緻，有好多畫，又好有懷舊香港嘅感覺。忍唔住影左幾張內景😆入返正題先，我同朋友叫左1️⃣黯然銷魂鴛鴦飯（半肥瘦叉燒+雞扒+煎蛋）有好多年業餘食叉燒經驗嘅我，一黎就緊係即刻試試個叉燒啦，雖然係一啲都唔專業😂但我可以話係我暫時食過最好食嘅叉燒，佢唔單止可以燒到有種乾脆嘅口感，而且仲可以鎖住肉汁，勁Juice. 真係好值得一試👍🏻👍🏻👍🏻2️⃣冰燒鳳凰雞（無骨）呢個係一塊用燒叉燒嘅方法整嘅雞扒、有小小似分子料理嘅感覺😆即係你明明食緊果個味道，但其實佢係另一樣嘢黎。我食食下真係覺得自己好似食緊叉燒😂所以呢個個味係同叉燒好似架

估唔到係一間街坊燒味店會搵到超高質叉燒🤩質素同星級酒店中菜館有過之而無不及但就係極平民價超抵食❗️用上梅頭肉肉質非常鬆軟又juicy鐘意佢特別多燶邊 燒得勁焦脆蜜汁比一般的更惹味同重蜜香而唔死甜真係超高質💯咁靚的叉燒真係會食上癮🙈忍唔住買多半斤叉燒($68)同半隻豉油雞($78)外賣返屋企晚飯加餸黯然銷魂鴛鴦飯 | $65半肥瘦叉燒、雞扒、太陽蛋雞扒都非常不錯 好嫩又入味個飯吸收哂叉燒的蜜汁、豉油同蛋漿超好味真係話咁易清哂成碗飯

竺扶朋友話灣仔有間新派燒味店幾好味，個老闆當年28歲就做左酒店總廚，仲拎過法國藍帶美食會會員勳章，好似好勁咁！今日難得經過，就斬料返屋企加餸，試一試啦。外面望落同平時嘅燒味舖一樣，但一入舖頭，就見到成排獎盃，牆上仲有幾有趣又中西合璧既卡通，最cute係連店員既制服都配合埋，成間舖頭嘅風格非常突出。重口味人士如我首先當然要叫份肥叉多汁啦！個樣勁靚，見到都好想即刻食😆原來佢既叉燒係用波蘭黑毛豬脢頭肉整，所以肉味濃郁又滿口脂香，仲有醃得好入味既蜜糖香。我最鐘意佢火喉控制得非常好，肉質保持到鬆軟之餘，仲有我最鍾意嘅焦香燶邊，好惹味😍 好耐冇喺酒店或者高級中菜廳外食到咁滿意嘅叉燒，呢個價錢，呢個質素，可以上神枱....我比滿分！豉油雞店員話呢度既豉油雞係用本地雞按古法製作架，當然要試一試。首先，冇諗過半隻雞豉油雞份量都會咁多架，望住外皮油亮，顏色均勻既豉油雞，忍唔住即刻起筷！一啖咬落去，肉質有彈性，口感嫩滑。豉油底帶有少少玫瑰味，提升左層次。店員仲好細心咁俾咗薑蓉我地，雖然佢地既豉油雞已經好夠味，但拎d 薑蓉黎送飯又係一流。鹵水豬腳仔聽講呢款唔係日日有，難得撞正有買當然要試吓！一打開個蓋就聞到好

早幾日留在家吃飯，叫左老公斬料加餸。於是老公買了灣仔「竺扶大班燒味」的燒鵝同叉燒，拎到番屋企，發覺燒鵝、叉燒都仲好新鮮，而且都幾夠份量啊。聽講燒味餐廳老闆是藍帶廚師，烹調好講究，佢嘅叉燒係選用波蘭黑毛豬🐷 所以肉質相對普通豬肥瘦均勻，加入蜜糖去燒，蜜味香甜，非常之美味🤤🤤至於燒鵝都係佢地嘅招牌，入口皮脆肉鬆，不會過肥，吃多左都不會過分膩，識吃一定加多少少錢吃下莊燒鵝脾。偶爾一份燒味，炒多個菜，簡簡單單就經已足夠了。

現時買外賣當道～疫症期間，晚晚都要在家裏下煮， 實在令人吃得有點悶！ 剛剛見完朋友，經過灣仔這家新開的燒味店，看到吊架上滿滿的燒味，就決定買回家一試！燒味以自家爐製，保證原汁原味，吊架上有燒鵝 油雞 叉燒 可惜燒腩仔賣哂啦~餐廳裝修好新、燈光好光猛，乾淨企理近天花嘅位置有啲燈管，頗有特色，收銀的一旁還有一排獎杯呢一個雙拼燒味飯都系講緊50蚊左右咋，最曯目係黯然銷魂鴛鴦飯~叫左燒味雙拼>叉燒+切雞叉燒我真系超耐冇食都幾甜，帶有蜜香，肉汁豐富。完美的半肥瘦，咬落口會覺得有嚼勁，口感滿足切雞係脾位，肉質厚而鮮嫩，juicy有肉汁，雞味香濃，調味不過不失！見到有小菜就順手一次過買齊回家加料開餐。茄子魚腩煲 ($88)一打開蓋熱呼呼的魚腩香氣迎面而來，睇落樣子好似唔錯呀。魚腩好大舊，有幾塊，入口香氣撲鼻，口感好滑。啖啖肉，腩位入口充滿油脂。茄子同樣好有口感，索曬Ｄ魚腩汁！加上爆過的蔥頭同埋薑。撈飯真係好正！抵食!

同事試過這裏的小菜覺得不錯，於是去位於灣仔街市附近的《竺扶大班燒味》買了些小菜與家人分享。呢間係燒味店黎，主力賣燒味，但小菜的選擇都有好多。餐廳既裝修特別，環境明亮和衛生，不像平時燒味店，不知道味道如何。一於試吓沙薑豬手粒先，沙薑汁另上，點少少沙薑汁食，沙薑味都幾濃！！個豬手整得好林，帶點爽口，口感唔錯，啖啖都充滿油香，十個讚！！！我想試一下煲仔小菜，就叫兩個來試試。啫啫滑雞煲，即使是外賣，一開盒蓋已聞到很有穫氣香，雞件份量也不少，醬汁完完全全滲入雞肉，爽口入味，配飯就剛好😍茄子魚腩煲，個汁岩岩好，不會過鹹，食完不會口渴！魚腩好香口惹味，肉夠厚亦夠入味👍🏻👍🏻多餘的醬汁也正好配飯整體來講，呢間餐廳的煲仔小菜最得我歡心夠火喉又惹味，份量正正常常，算是合理價錢。外賣的話，四個人叫三個餸絕對能食到飽一飽！

今日黎到同係港島行街既時候見到係街市既路上有一間裝修好靚既燒臘舖 感覺上你可以話佢格格不入 但對我黎講 佢係漆黑中既螢火蟲咁 見到個名幾特別 但個陣又未肚餓 所以決定買外賣返屋企慢慢食🤣 依到既裝修同一般見到既燒味舖好唔同 但燒臘舖都有一個共通點 就係會掛左好多唔同既燒臘係門口display 見到叉燒上面既蜜汁好到滴下滴下 真係好吸引見到menu之後 發覺佢地除左有燒味之外 仲有其他dishes去cater唔同人既需要 有小菜仲有唔同既小食今次就叫左3樣野 點知係屋企食食下覺得唔夠就覺得太遲😂1️⃣全港首創 黯然銷魂鴛鴦飯 入面有半肥瘦叉燒 雞扒同埋煎蛋 係用左大將燒肉汁同埋鳳凰辣汁去整既 叉燒一咬落去好脆 再咬入去就係好淋既豬肉 有種外脆內軟既感覺 之後就係雞扒 平時係街食雞扒都會怕好鞋 但依到既雞扒真係好滑 而且咬入去d肉汁爆哂出黎 雞皮又係燒到脆脆地咁 更加值得一提既係依到既飯 買完外賣再返屋企有冇大概45分鐘既時間 但佢d飯完全冇淋到！而且仲十分粒粒分別 勁有咬口 撈埋d汁真係一流呀2️⃣鹵水豬腳仔 依到既份量真係好足 佢地入面有勁多隻豬腳 完全食唔哂 留返第日再食過😂 d汁甜甜地 之

( 已經是手機的原圖謝謝)有朋友介紹話呢間餐廳除咗燒味好食之外，啲小菜都好正，佢哋都大大力推薦雞煲，所以就叫個外賣返屋企慢慢嘆！！啫啫滑雞煲$88攞到返屋企仲熱辣辣，裏面有啲芫荽香蔥嗰啲，完全提升香味！而且裏面嘅全部雞嘅質感都依然保持多汁又嫩滑，估唔到外賣都可以咁高質！燒味雙拼叉燒，燒腩仔$98聽到話叉燒新鮮出爐，就揀咗呢個，燒得好香，肥瘦適中，正到不得了！要來送飯一流！ 燒腩仔外皮同樣香脆，而且見到肥肉同瘦肉嘅比例非常適中，最重要係佢個鹹味適中，唔會話好似有啲燒味店有種死鹹味，而且瘦肉亦都有充足水份唔會乾茶，極力推介這間燒味店的燒味及小菜！

星期日夜晚6點零去到，地方乾淨，燒味廚房企理，八卦一下原來新開幾個月。叫左燒鵝五寶飯，餐牌寫明會俾咩燒味，冇得拗，每樣最少5塊，用料吾會比單拼燒味飯差，燒鵝味道好，吾太多肥油，骨位肉位都有俾，叉燒香軟，燒肉半肥瘦，皮仲係脆既。另外叫左黯然燒魂飯，叉燒肥瘦位都有，有焦香脆邊，汁甜左d但香味十足，煎蛋即叫即煎，仲可以揀半生/熟蛋。服務熱情有禮，不會強推爛賣，見隔離枱半隻燒鵝都好靚，炒小菜個樣都新鮮大份。非常推薦，自己都會再來。

母親節又到啦，屋企人話唔想出去食飯，因為太多人喎，最後咪都係媽咪煮，咁我都唔想媽咪煮得咁辛苦，所以決定去燒味舖，買啲叉燒，燒味，返屋企加加送！同朋友行完街今晚喺灣仔見到都幾多人幫襯嘅燒味店，睇睇原來係啱啱有燒豬出爐怪唔得知咁多人啦！我都唔例外叫咗個燒豬燒鵝拼盤冇諗過份量都幾多下而且攞咗咁耐返屋企啲燒豬仲係好香脆㗎，肉唔算多但係個皮脆得真係好過分會唔會太好味😂😂😂燒鵝皮脆肉嫩！另外再叫多個暗然銷魂鴛鴦飯， 店員話呢個鴛鴦飯好特別值得一試原來除咗蜜汁叉燒之外仲有秘製燒雞扒同雙蛋喺面，而且呢個飯嘅份量都相當之豐富！